— 128 —
ken. Kau poenja pikiran dalem ini oeroesan memang betoel. jaitoe djikaloe orang maoe tjampoer lagi dalem perkara politiek, ini waktoe ada tempo jang baek boeat moelai pada itoe perkara.” —„Begimana kau bisa dapet taoe itoe oeroesan, sedeng kau tiada tjampoer perkara politiek?”
—„Ach, maski akoe sendiri tiada tjampoer dalem itoe oeroesan, akoe ada kenal toean Sa razin jang tjampoer pada prins de Conti; akoe kenal toean Voiture jang ada berfihak pada condjuctor dan akoe kenal djoega toean de Bois Robert jang seabisnja Kardinaal de Richelieu meninggal tiada ada toeroet lagi pada sala satoe fihak politiek.”
—„Akoe doega begitoe adanja.” —„Sobat, apa jang akoe maoe tjerita, akoe djoega tjoema denger lagi dari laen orang. Akoe dapet kabar, Kardinaal Mazarin sanget koeatirken keada'annja di ini waktos. Roepa roepanja ia poenja prenta orang tiada begitoe perdoeliken, boekan sebagimana pada masa Kardinaal de Richelieu.
—„Akoe tiada maoe banta itos perkara, Aramis, ia jang soeda angkat akoe djadi luitenant.”
—„Bermoela akoe doega ini Kardinaal ka moedian tentoe nanti bisa berboeat sala satoe perkara besar; akoe pikir, satoe ferdana mantri memang tiada disoeka oleh rahajat negri, tapi djikaloe dengan kepandeannja ia bisa bikin orang djadi takoet padanja, tentoe kamoedian ia boleh djalanken pakerdja'annja menoeroet apa jang ia kira baek ”
D'Artagnan manggoet.
„Begitoe bermoela akoe pikir keada'annja Kardidaal Mazarin,” kata poela Aramis, „tapi
