— 114 —
,,boleh djadi, kerna kau tiada sekali bisa doega, dengen bertjampoeran pada padri padri dalem klooster, sigra orang djadi ketoelaran tingka lakoe jang koerang baek. Tapi kenapa kau blon naek ?'
-Kau sadja lebi doeloe, akoe toeroet dari blakang."
Aramis lantes naek itoe tangga dengen tjepet, hingga tiada bebrapa lama lagi ia soeda masoek dari djendela; d'Artagnan toeroet blakangan, tapi dengen plahan, kerna ia blon kenal itoe djalanan sebagi Aramis
,Djangan goesar," kata Aramis koetika ia dapet liat begimana soesa d'Artagnan naek di itoe tangga,,djikalce akoe dapet tace lebi doeloe kau maoe dateng pada akoe, tentoe akoe soeda bikin sedia tangganja toekang kebon, tapi boeat akoe ini tangga tambang soeda tjcekoep."
Toean," kata Planchet, koetika ia liat d'Artagnan ampir sampe di atas, itoe tangga ada baek boeat toean Aramis dan boleh djoega digoenaken oleh toean, akoepoen boleh toeroet naek, tapi ini doea koeda soesa dibawa masoek.*
Bawa itoe koeda di bawa itoe goeboek, sobat," kata Aramis dengen oendjoek pada Planchet satoe goeboek jang pernanja di sebla dalem pekarangan klooster; di sana ada gaba dan roempoel kring."
,,Tapi boeat akoe ?" menanja Planchet.
,,Kau boleh balik kombali di sini," kata Aramis,,tepok kau poenja tangan tiga kali dan akoe nanti kirim barang makanan boeat kau. Djangan kwatir, orang tiada bisa mati kelaparan di sini."
Aramis tekoek tangennja dan koentji djendela. D'Artagnan preksa itoe kamar, di mana ia ada.
