Dimana adanja Allah
249
„Toean, kenapa kaoe tida siarken ilmoe jang bergoena itoe pada doenia hingga sasoeatoe orang bisa dapet berkahnja?"
„Menjesel, toean jang terhormat, sebab tida saorang aken pertjaja apa jang akoe maoe berboeat. Sang tempo belon mateng boeat itoe, Doenia moesti toenggoe sampe iapoenja pendoedoek djadi lebih sampoerna peladjarannja."
„Peladjarannja! menimbroeng njonja Daddy. „Kenapa, sedeng ini waktoe toch orang rame bitjaraken prihal kamadjoean peladjaran, pengatahoean enz !. Anak-anak sekalipoen kaliatan lebih pande dari marika poenja orang-orang toea !"
„Anak-anak!" saoet Holbaz dengen paras soenggoe. Sebaliknja madjoe dengen kekel marika banjak moendoer, satoe boekti marika poenja sifat anak-anak jang soetji moerni lekas sekali linjap dalem ini djeman jang terseboet modern; marika begitoe lekas dewasa soeda oendjoek roepa-roepa karoesakan di lahir dan batin, jang lekas membikin marika djadi bobrok. Sadjoemblah besar anak-anak sekarang mendjadi dewasa zonder mempoenjai kabatinan jang rapih, pertjaja pada Allah atawa kafaedahan Agama, dan resultaat dari itoe kamoendoeran batin kita saksiken dalem doenia berbagi kadjahatan dan kakedjeman bertambah dengen pesat, tida berwates. Anak-anak, jang sabetoelnja masih mempoenjai batin jang soetji-moeloes, poetih-bersih, berpikiran terang-djerni,
