242
PENGHIDOEPAN
aken terpaksa moesti bikin perdjalanan jang mendadak, dan berdjandjilah kaoe kapan akoe soeda pergi roesakin sadja itoe patoeng jang belon klaar bikin antjoer djadi berkeping-keping.“
Boeat bebrapa meniet akoe djadi boengkem, merasa heran dengen iapoenja perkata'an terseboet.
„Kaoe maoe bikin perdjalanan, Zara?“ akoe mengoelang. „Well, sehande kadjadian, toch akoe kira kaoe moesti lekas balik kombali berkoempoel sama soedaramoe, maka kenapa itoe patoeng moesti diroesak kapan kaoe pergi? Kaoe toch nanti boleh rampoengken dengen sampoerna.“
Zara golengken iapoenja kepala seraja bersenjoem dengen paras rada-rada sedih.
„Akoe soeda bilang akoe tjoema moehoenkaoe poenja pertoeloengan,“ ia berkata lagi, „dan sekarang kaoe roepanja tida soedi meloeloesken.”
„Boekan akoe tida soedi- pertjajalah akoe, dearest, akoe soeka sekali lakoeken apa-apa aken goena kaoe. Tapi kaoe poenja permintaan ada kliwat aneh bahoea kaoe minta akoe roesakin kaoe poenja pakerdja'an jang berharga dengen alesan tjoema kaoe hendak bikin perdjalanan mendadak.“
„Aneh atawa tida, akoe dengen sanget minta kaoe toeloeng lakoeken itoe,“ ia berkata, „sebaliknja-kapan kaoe tetep tida maoe akoe terpaksa roesakin sendiri, maski dengen tjara.
