184
PENGHIDOEPAN
tida pertjaja antara terpisahnja laoetan jang begitoe lebar, melintasin Atlantic dan Pacific, orang bisa bikin perhoeboengan. Kamoedian sasoeda berboekti, orang samboet itoe pendapetan dengen penoeh kagirangan serta anggep sebagi barang jang memang boekan moestail; idem prihal Radio, satoe barang jang lebih dangkak lagi dari pada telefoon atawa telegraaf, ini waktoe orang trima sebagi hal biasa tida diboeat heran - heran lagi.
Achirnja akoe pertjaja tentang Holbaz poenja pendapetan electriciteit batin dalem diri manoesia boekan hal jang kliwat moestail. Banjak boekti akoe terpaksa moesti pertjaja jaitoe (1), bagimana ia soedah bikin semboe penjakitkoe setjara begitoe gaib: (2) tentang itoe andjing Leo jang ia bisa prenta per concentratie pikiran sadja; (3) tentang iapoenja kapandean membatja orang poenja pikiran; (4) achirnja tentang Graaf Ivan jang setjara gaib ia bikin tersedar poela. Lagi, soenggoe aneh mengapa Zara jang lemah bisa kalahken Ivan jang bertenaga djaoe lebih koewat — begitoe ia pegang si tjantik poenja badan. Malah akoe jakin, asal sadja pendapetannja Holbaz soedah djadi sampoerna betoel tentang itoe internal electricity, boekan moestail satoe berhoeboengan gaib kita bisa lakoeken antara Doenia Rochani dan Doenia Kasar kita ini, atawa berhoeboeng sama machloek - machloek dari planeet-planeet di sekiter kita poenja Globe ini.
Sampe disini akoe djadi inget apa jang bakal
