Dimana adanja Allah
295
dalem segala barang tjiptaan Toehan jang penoeh kagoemilangan serta kagaiban djaga baek-baek itoe soeara dari tempat soenji jang selaloe berkoemandang dipodjokan sanoe barimoe. Djangan kaoe pertjaja dan dibikin tersesat sama segala Alesan Manoesia jang atjapkali beroba-roba kerna itoe kaloearnja banjakan dari soember pikiran jang nganglong, jang banjak membikia orang tersasar, menjesel dan poetoes harepan. Toeroetin itoe djalanan jang djerni dari kaoe poenja Pengrasahan Rochani — jang selaloe Terang, Loewas dan Kekel adanja. Tapi inget, djangan kaoe maoe tjoba paksa soepaja doenia toeroet atawa ikoetin kaoe poenja haloean —bilah kaoe tida maoe djadi menjesel dan memboewang tempo pertjoema."
„Apa akoe tida boleh sekali oetaraken ini kabeneran jang akoe dapet pada siapa djoega?" akoe tanja.
„Boleh sekali, kaoe boleh tjoba itoe. Tapi oemoemnja manoesia belon mateng boeat trima itoe serta marika sebaliknja menghargaken laloe madjoeken segala perdebatan jang siasia. Tapi kenapa kita moesti sodorken djoega ini resia-resia besar pada orang-orang jang sama sekali tida merasa perloe atawa ingin liat itoe? Poewaslah, anak, bahoea kaoe soedah beroleh itoe moestika jang sanget bergoena dalem ini penghidoepan atawa sesoedahnja dan kaloe laen orang tida taoe harganja itoe boekan mendjadi oeroesanmoe."
