LIANG-HOEN MOENTJOEL KOMBALI.
soeara pada entjim. Tapi ada lagi laen orang jang bakal lamar kaoe.”
„Siapa?”
„Apa perloe kaoe taoe itoe? Kaoe toch aken tolak itoe lamaran boekan?”
Siok-nio memandang pada Kim-djin dengen bengong. Ia heran sekali mendengar perobahan pada soearanja itoe kekasih, Mendadak ia mengarti apa jang djadi sebabnja dari perobahan itoe.
Dengen pelahan ia pegang tangannja Kim-djin dan berbisik :
„Kaoe masi bersangsi, engko Kim-djin? Tapi akoe toch boleh dapet taoe siapa jang bakal. lamar padakoe. Itoe tida ada halangannja; toch akoe poenja hati tida berobah.”
„Kaloe betoel bagitoe, akoe merasa bersoekoer sekali. Jang bakal lamar kaoe adalah akoe poenja satoe sobat. Kaoe tentoe masi ingat itoe orang dengen siapa kaoe bertemoe waktoe koendjoengin Pasar Gambir tanggal 31 Augustus di waktoe pagi.
Siok-nio mesem.
„O, dia! Ja akoe taoe, tapi toch sobatnja jang bakal dapet maksoednija, bagitoe djoega djikaloe ia lamar Siok-nio,” berbisik itoe gadis sambil bersenjoem.
Tida oesa dibilang lagi, itoe waktoe Kim-djin merasa sanget beroentoeng dan pegang keras tangannja Siok-nio.
63
