TIDA DJADI LEBI TERANG
dan anak poelang. Ia sendiri poen teroes poelang, tapi baroe sadja ia toeroen di depan roemahnja, ia kasomplokan dengen Liang-hoen, jang roepanja sengadja tjari padanja.
„Kaoe dari mana ?” tanja ia.
„Abis menonton bioscoop.”
„Di mana?”
„Di Thalia, dan .... akoe bertemoe poela dengen „dia”!”
„Hm ! Apa betoel ?”
„Soenggoeh mati !”
„Kaoe selamanja beroentoeng, Hoen.” kata Kim-djin dengen tjara menjindir, tapi tentoe sadja tida dapet diketahoei oleh sobatnja itoe.
„Apa ia djoega dianter oleh ia poenja soedara lelaki ?”
„Betoel,” djawab Liang-hoen, „dan akoe beroentoeng boeat doedoek di dampingnja. Ia ada saorang prampoean jang terpladjar baek dan roepanja tida maloe-maloe lagi, tida saperti gadis-gadis jang disekap dalem roemah.”
„Ja, itoe akoe taoe !” kata Kim-djin.
„Kaoe taoe ? Taoe dari mana ?”
„Dari kita poenja pertemoean dalem Pasar Gambir.”
Kim-djin maksoedken itoe pertemoean di waktoe malem, tapi Liang-hoen doega, sobatnja maksoedken pertemoean di sitoe di waktoe paginja.
34