DJOEGA DAPET KEMADJOEAN.
„Tapi toch masi djelek sekali djikaloe dibandingken dengen orang jang poenja pakerdja’an sendiri, engko Tjin-tek.”
Tjin-tek bersenjoem.
„Sama-sama ada baeknja, engko Liang-hoen,” kata ia, „tapi djoega masing-masing mempoenjai kasoekaran.”
Bagitoelah itoe doea orang moeda beromong-omong. Itoe gadis tida toeroet tjampoer bitjara, tapi roepanja ia menaro perhatian djoega pada Liang-hoen, saperti biasanja orang jang soeda kenal.
Di waktoe ampir tengah-hari, Tjin-tek dan soedaranja brangkat poelang, dan tida lama kamoedian Liang-hoen mengikoet, tjoema ia menolak boeat berkandara’an sama-sama dengen itoe doea orang, dengen kasi alesan bahoewa ia sewa taxi poelang pergi.
„Baek sekali akoe tida adjak Kim-djin kamari,” bagitoe ia berpikir, „djikaloe ia mengikoet, tentoe akoe tida dapetken kasenangan saperti tadi.”
la tida doega sama sekali, jang itoe sa’at djoega, Kim-djin poen sedeng dapetken pengrasa’an jang sama saperti ia dan sedeng tertawaken padanja.
Di waktoe sore kabetoelan sekali itoe doea sobat bertemoe poela dalem satoe roemah makan. Kim-djin jang lebih bisa
26