Halaman ini tervalidasi
— 10 —
No. 46
Manoesia inget dan kira.
Djangan soeka oenggoolken kaja.
Maskie anak radja en loera.
Bitjara renda mistie sedia
No. 47
Djika orang memboeka tookoo.
Djangan pakee atinja angkoo.
Liat orang djangan bakteeboo.
itoe inget sobat dan engkoo.
No. 48
Djoega orang memboeka waroong.
Djangan pakee datjinja palsoe.
Itoe deraka tidalah woeroong.
Inget inget djangan kesikoe.
No. 49
Djangan maling bongkar koeboeran.
Itoe deraka tida karoewan.
Inget inget djangan kapiran.
Sapa langgar kena oekoeman.
No. 50
Djangan toeroot apa penggooda.
Seetan iblis njang soeroe mara.
Djika. kena dosalah soeda.
Iblis larie bersoera soera.
