— 1619 —
„Akoe pandang roepamoe soenggoe tjakap, orang tentoe kira di negri laen, ijang kaoe bawa lari sama akoe.“
„Na, apa tida bagoes, orang djadi tida bisa kenalin.
Djangan kira ini kadoewa nona-nona bersedihan hati, malahan kadoewa-doewanja pada tertawaken, sembari membikin beres kamar ijang teradoek-adoek itoe, sebab dia orang bersedia-sediaken aken berlari sebentar. Kamoedian, sasoedahnja marika itoe boenoeh lampoe doewa-doewa, lantas ija memboeka pintoe dengen hati-hati sembari pasang koeping betoel-betoel.
Eugenie berdjalan lebi doeloe menengteng koffer dengan sebelah tangan, sedang nona Louise tida bisa gerakin itoe koffer dengan kadoewa tangannja. Di hampir-hampir sitoe di kebon, sepi dan soenji sekali, tjoema kadengaran lontjeng poekoel doewa belas. Pendjaga pintoe masi ada di tempat tidoer. Eugeni dateng dekat dengan pelahan-pelahan, maka di liatnja. Eugenie lantas adjak sama Louise berdjalan Tebi djaoeh, ija ambil lagi itoe koffer ijang dia lepasken boewat sabentaran, abis kadoewa-doewanja berdjalan teroes sampe di pintoe loewar. Sampe di sini, Eugenie soeroeh Louise bersemboeni doeloe di podjokan pintoe, soepaja kaloe saändenja itoe pendjaga pintoe mendoesin, dia tjoema dapet liat satoe orang sadja. Soeda begitoe Eugenie bediri di terang dan sembari mengetok pintoe ija berkata: „Ajo boeka!“
Betoel sebagimana di kiranja Eugenie, maka si pendjaga pintoe bangoen dari korsinja, ija madjoe doea-tiga tindak boewat liat siapa ijang dia kasi kaloewar; tetapi dari sebab dia liat saorang anak moeda, ijang tida sabaran memoekoel-moekoel tjelananja sama toengket rotannja, maka lantas dia
