— 1591 —
„O! itoe baik sekali“ berkata Eugenie dengan hina, sembari mengorek-ngorek saroeng tangannja.
„Djangan kira,“ berkata Danglars, „ijang ini tiga milioen akoe nanti ambil, boekan, itoe tiga milioen nanti bisa mendjadiken sepoeloe milioen. Akoe soeda beli bebrapa banjak aandeel-aandeel dari kreta api, parit emas dan laen-laen, nanti lagi dalem delapan hari akoe misti bajar ampat millioen harga aandeel-aandeel itoe, tetapi itoe aandeel-aandeel lagi sedikit tempo harganja, tentoe lipat ampat lima kali dan kita poenja oentoeng ada bebrapa belas milioen.“
„Koetika kemaren doeloe akoe masoek di kantoor toewan;“ berkata Eugenie, „maka akoe liat toewan trima lima millioen setengah, toewan oendjoekin itoe oewang sama akoe, abis toewan sendiri bilang ijang toewan heran meliat akoe tida kemaroek maoe oewang begitoe banjak.“
„Ja ini lima milioen setengah, boekan akoe ijang poenja itoe, tjoema soewatoe tanda sebagimana orang pertjaja keras sama akoe; dari sebab orang kenal dan taoe akoe toekang toeloeng orang ketjil, maka segala roemah miskin poenja oewang dia orang simpen sama akoe. Tjoba akoe poenja oewang sendiri tentoe akoe pake, tetapi orang di loewar moelai déngar ijang akoe banjak roegi dan sebagimana akoe kataken padamoe anak, orang poenja kapertjaja-an moelai koerang pada akoe. Oiang-orang ijang simpen oewangnja pada akoe di tiap-tiap waktoe bole angkat oewangnja kombali, kaloe akoe pake itoe oewang, abis orang minta, tentoe akoe djadi bangkroet. Boekan akoe maoe bilang ijang akoe maloe bangkroet, kapan bangkroet atawa kaja akoe tida perdoeli, tetapi bangkroet ijang membikin miskin itoe akoe tida maoe. Kapan sekarang toewan
