— 492 —
saja nanti pergi ka kota Parijs aken bersoeka-soeka."
— „Apa kaoe nanti bikin perdjalanan itoe aken pertama kali ?"
— „Ja; hal itoe djadi soewatoe tanda, ijang saja ini tida soeka taoe banjak perkara."
— „Apa sigra kaoe nanti pergi ka Parijs?"
— „Itoelah saja belon bisa bilang; hal itoe ada bergantoeng pada lain perkara, ijang djoega belon ada katentoeännja."
— „Saja ingin ada di Parijs, pada waktoe kaoe dateng di sana soepaja dengen sebrapa ijang saja bisa, saja boleh membalas kaoe poenja boedi ijang kaoe briken padakoe disini."
— „Saja tentoe merasa soeka aken djadi tetamoemoe di sana; aken tetapi tida bisa, kerna kaloe saja dateng di sana, saja dateng dengen menjaroe."
Sedeng begitoe, marika itoe berdoewa soedah berenti makan, dan Ali lantas taro boewah-boewah di atas medja hadepan marika itoe. Di antara tempat-tempatnja boewah-boewah itoe, si Ali taro-satoe tjawan perak ijang bertoetoep.
Oleh kerna si Ali soedah taro tjawan itoe dengen amat berhati-hati, Franz djadi kapingin taoe apa isinja itoe. Ija angkatken toetoepnja itoe tjawan, laloe melihat seroepa boeboer haloes berwarna hidjo, ijang ija tida taoe apa adanja. Ija toetoep kombali tjawan itoe, laloe memandang pada toewan roemah.
„Kao tida taoe tjawan ini berisi barang makanan apa?" kata toewan roemah.
„Tida," sahoet Franz.
