— 484 —
— „Gaëtano melinken lihat kapal itoe dari djaoehan sadja, dan belon sekali taoe berkata-kata sama orang dari kapal itoe."
— „Seändenja orang itoe boekan kepala soedagar-soedagar gelap, apatah adanja dia itoe ?"
— „Seorang hartawan ijang berlajar aken soeka-soeka."
— „Siapa namanja orang itoe ?"
— „Kaloe orang tanja namanja, ija bilang ada bernama Simbad orang pelajaran; tapi saja rasa, itoelah boekan namanja ijang bener."
— „Simbad orang pelajaran ?"
— „Ja."
— „Di manatah roemahnja toewan Simbad itoe?"
— „Di laoet."
— „Dia berasal orang mana?"
— „Itoe saja tida taoe."
— „Apa kaoe soedah taoe bertemoe padanja ?"
— „Ja, soedah bebrapa kali saja dapet melihat dia."
— „Orang begimanakah dia itoe ?"
— „Hal itoelah boleh dikira-kira oleh toewankoe sendiri kaloe toewankoe soedah bertemoe padanja."
— „Di tempat manatah ija nanti trima akoe dateng padanja ?"
— „Saja rasa, tentoe sekali di itoe astananja dalem tanah ijang telah diseboet oleh Gaëtano."
— „Kaloe kaoe dateng di ini poelo, dan kebetoelan tida orangnja, apa kaoe tida ingin tjoba masoek ka dalem astana itoe?"
— „Tentoe sekali saja merasa ingin, dan soedah lebih dari satoe kali kita-orang tjari djalan aken masoek ka astana