— 455 —
„Di ini hari, pada waktoe poekoel sebelas, ajahmoe misti membajar ampir tiga ratoes riboe frank....."
- „Ja, itoelah saja soedah taoe."
- „Tapi di dalem ija poenja kas tida ada 15000 frank.'
- „Habis, apatah nanti djadi ?"
- „Kaloe di ini hari, ajahmoe tida dapet toeloengan pada sebelonnja poekoel sebelas, maka pada poekoel doewa belas ija nanti djadi bangkroet."
„Oh, kaloe begitoe, marilah kita brangkat!" kata Julie sambil toentoen tangannja Emmanuel.
Njonja Morrel telah bri taoe segala perkara pada Maximiliaan. Anak ini soedah doega djoega, bahoewa dengen lantaran banjak katjilakaän ijang ajahnja telah dapet, tentoe sekali ada terdjadi perobahan di dalem kaädaänja roemah-tangganja; tapi tida sekali ija sangka ijang perobahan itoe soedah madjoe begitoe djaoeh. Maka berdiamlah ija dengen berdoeka; tapi dengen sekoenjoeng-koenjoeng ija berbangkit, laloe berdjalan dengen tjepat ka loewar kamar dan teroes naik di tangga: ija poen kira, ijang ajahnja ada di kamar-toelis; tapi lama djoegaija mengetok pada pintoe kamar itoe, tida djoega pintoe itoe diboekaken.
Sedeng berdiri di depan pintoe kamar-toelis, laloe ija menengok, dan dapet lihat ajahnja sedeng berdjalan. Tapi toewan Morrel soedah tida teroes ka kamar-toelis, hanja masoek ka dalem kamar-tidoer, dan kaloewar kombali dari sitoe. Sangatlah ija terkedjoet, tempo ija dapet lihat Maximiliaan; kerna ija tida taoe, ijang anaknja itoe telah dateng.
Maka dengen tertjenggang ija tinggal berdiri diam, sedeng bahoe tangannja ada mengempit apa-apa ijang tersesap didalem jas. Maximiliaan toeroen dengen tjepet dari atas
