81
besar lantas bole pake itoe pakean, masa tiap-tiap hari , pagi ketamoein sama orang toewa berpake begitoe, taoesa berpake-pakean kebesaran djoega bole, perkara iboe bapa misti dengan radjin merawatin Jang betoel, kaloe boekan ada perkara negri Jang besar , tiada ada perloe.
Dan Tiong Kih belon taoe berdjaoean , dari di samping iboenja, apa iboenja poenja maoe, selamanja dia toeroet pegi tjariin sampe dapat, tjari koelilingan pasar dan kampoeng, maka orang dalem pasar itoe alem, kasi nama Soen Hauw soeda ada oemoer poen masi gaga, tapi belon poenjain bini, orang menanja kenapa Soen Hauw belon kawin.?
Dan Tiong Kih menjaoet ija perkara kawin itoe boekan kita poenja diri sendiri poenja maoe „misti ada iboe Bapa poenja koewasa. hamba djadi anak masa berani loepaken bikin poetoes toeroenan, malengkan toengoe sampe waktoe sadja, begimana orang toewa poenja maoe, baroe kita bole terima, dan Jang menanja itoe sampe goijang kapala.
Dan kaloe Tay Hoe Djin (iboenja) makan minoem saban waktoe dia bawa raijat-Raijatnja taro kere kanan main waijang. anak-anak menjanji tjokek, Tay Hoe Djin soengoe miskin, tapi dia di rawatin lebi-lebi seorang Jang kaija besar. Sebab ampoenja laki ada djadi mantri. dari itoe orang angkat panggil Tay Hoe Djin
Dan Tay Hoe Djin, ada sewaktoe dapat sakit , lantas teroes meninggal doenia, dan Tiong Kih lantas menangis sampe moenta-moeta dara, kelenger idoep lagi, sampe tiada poenja soewara aer dan tadjin tiada bisa toeroen sampe 7 hari poenja lama.
Dengan bikin goeboek di samping koeboeran iboenja sampe 3 taon djaga toengoe iboenja poenja koeboeran, dengen tahan seksahan 3 taon tidoer di bawa
6
