79
Tjioe Siap tjoe boeka badjoe koelit mendjangan dengan terang bilang taoe dari itoe hal jang iboenja soeka minoem aer soesoe mendjangan maka toekang penboeroe-mondjangan berame denger menarik napas, dengan goijang kapala, berame berkata baroe la ini hari kita orang ketamoein ini satoe anak oehauw sampe begitoe itoe la baroe bole di bilang oehauw tiada Saijang djiwa pegi masoek kedalem oetan berkawan sama mendjangan, kaloe koerang tjepat dia boeka badjoe koelit mendjagannja apa tiada binasa djiwanja di tangan kita, maka di siijarken dia poenja nama antero djagat maka itoe termasoek Tjerita DJI SI HAUW
FATSAL 90.
Tjerita HAN LENG TEK bersama inko nja bernama LENG TIN tempo keradjahan Han doewa soedara ada ochauw serinta adatnja ada baë dan ada telaloe miskin sekali, dan tiada poenja roema boeat tempat tingal, dan dia ada tanam satoe petak kebon laboe-aer, dan bikinin para-para, boeat menedos kaloe malem banjak datang koenang koenang boeat menarangin dan itoe poehoen laboe aer saban pagi potik boeat djoewal di pasar dapat oewangnja boeat beli beras bawa poelang heran itoe poehoen laboe saban pagi di petik, besok pagi soeda banjak lagi boowanja selamanja itoe poehoen laboe tiada bisa mati dengan tiada poetoesnja bouwanja, sampe dia doewa soedara djadi senang.
FATSAL 91.
Tjerita tempo keradjahan PAK GOEI.
Ada seorang bernama ONG TJONG berdoewa soedara ada oehauw sekali sama orang toewanja, itoe waktoe iboenja meningal dia berdoewa soedara sambaijangin lepas ramboet dengan bawa tangthung dengan sedi menangis di belakangan Bapanja mati poen begetoe
