55
Dan BOK DJIN lantas bertjoetjoer aer mata, dan berapa banjak orang di sitoe sama poelisi pada dapat liat begitoe roepa, boeat kagoeman tolaloe heran, semoea orang alem betoel TENG LAN oehauw Khia, maka orang-orang bri taoe pada Assisten Residen di kota itoe minta di bri ampoen, dari dosanja TENG LAN serinta di bediriken satoe roema seperti Toapekong, teken dari gambarnja bikinin satoe geredja boeat roema Toapekong Bok djin.
FATSAL 59.
Tjerita TJOA SOEN, alias KOEN TIONG di LOE LAM DJIN poenja orang waktoe itoe keradjahan Merk HAN TIAUW, dari masi ketjil, ada telaloe bisa kira pada iboenja, oehauw saijang orang toewa, kebetoelam itoe waktoe moesin riboet, ada satoe kapala belandar (rampok,) bikin hoeroe hara, dan sampe TJOA SOEN tiada bisa dapat beras boeat piara iboenja, lantas pegi di kebon-kebon boeat tjari beboewahan jang bole boeat tahan lapar taro di satoe kisa.
Lantas ketamoein saloe kapala belandar TJA BIE TJAT (begal alis mera) liat begitoe laloe menanja ini boewa boeat bikin apa.
TJOA SOEN menjaoet boeat piara kasi iboe hamba makan TJIA BIE TJAT menanja lagi kenapa bole ada 2 roepa itam sama mera apa maksoednja, TJOA SOEN menjaoet lagi ijang itam ini rasanja ada manis, boeat kasi iboe makan, ijang masi mera rasanja ada asam boeat hamba sindiri makan.
Maka kapala belaudar, denger begitoe, djadi senang hati alem TJOA SOEN ada OE HAUW KHIA, lantas kasi praeen beras poeti, 3 gantang, sama sepaha daging kerbouw.
Dan TJOA SOEN tolak tiada berani terima bilang banjak terima kasi, sebab apa barang orang kasi TJOA SOEN tiada mane terima.
