35
kita tiada bisa adain apa goenannja kita djadi orang sotela sampe di depan roemannja dapat liat ada satoe anak mendjangan ketjil lagi djalan mendatangin, dengan djinak lantas tangkap ikat potong, dagingnja, kasi iboenja makan, kerana dari toewan Jang maha koewasa kaboelken toeroenin satoe anak mendjangan itoe, boeat tanda Jang Tjioe Peng satoe anak oehauw, maka orang kampoeng sitoe boeat heran alem Tjioe Peng poenja oehauw beratoe pada masoeken soerat kepada orang besar maka di bri sepoetjoek Soerat tempel di depan pintoe nja Tjio Peng dalem soerat alem ini ada satoe anak Hauw kia perdjalanan oehauw Tatkala tempo Maha Radja Hong Boe.
Fatsal 39
TTjerita tempo keradjahan BENG TAIJ TJAUW Maha Radja TJOE HONG BOE ada satoe anak negri SHE KHO nama TIONG LE perkerdjahan bikin kebon Sawa, bisa sekali menghormatin pada iboe nja dengan tjoekoep dia poenja tjinta oehauw kapada iboenja, itoe taon dapat ketjilakahan bahija besar, itoe negri dapat roesoe, lantas gendong iboenja bawa pegi die loewar kota sampe 7 taon poenja lama baroe balik poelang lagi keroemanja bersama iboenja.
Dan iboenja poen itoe waktoe soeda ada oemoer, dan Toiong Le di roemanja tiada kerdja laen, malengkan bikin kebon sawa, itoe waktoe tanaman padi sedeng djadi, keloewar booewa lantas TIONG LE dapat liat dari atas langit toeroen itoe binatang balang sangit toeroen Seprati oedjan maoe binasaken itoe tanaman padi.
Dan TIONG LE liat begitoe lantas menangis berkata Alla tahala toewan JAng maha koewasa Saija ini sebab maoe piara iboe tiada Saijang tenaga, kaloe sampe saija poenja tanaman padi di binasa ken oleh balang sangit apa nanti Saija boeat piara iboe.
