29
sampe di masoekin di dalem ini kitap PEK HAUW THOUW.
FATSAL 32
Tjerita ada satoe orang aloes ada oendjockin satoe tana Hong Soei jang bae, kapada satoe anak ketjil.
Tempo keradjahan Tjioe Tiauw, soeda lima toeroenan itoe waktoe ada satoe anak bernama PEH SIONG HO, baroe oemoer 13 taon, dan ampoenja roema tanga, ada miskin sakali ketjil-ketjil soeda Bapanja tingal mati dengen sedi hati menangis dengan soedjoet hati niat pada Alla tala, kaloe sampe besar bisa djadi orang hamba maoe tjari tana jang bagoes bueat koeboerken Bapa hamba poenja mait.
Lagi djalan dapat denger di atas ada orang pangil He TONG TJOE (anak tjilik) apa bikin sedi hati menangis, angkauw poenja Papa poenja mait bole koeboer di sebala oedik ini poehoen Siong Lim dan nanti angkauw bole dapat naek pangkat Kong Hou (Radja moeda).
Dan SIONG HO denger begitoe ketakoetan lari poelang bilang taoe pada iboe nja dari dia poenja iboe seorang jang moelia hati boedi, denger anak nja poelang bilang begitoe lantas berkata ia goewa djoega ada denger orang doeloe-doeloe poenja kata kaloe sampe orang aloes oedjoeken satoe tempat tantoe ada satoe tempat Jang bar dari kita poenja oentoeng peroentoengan Jang bagoes sebab apa angkanw poenja orang toewa belon taoe bikin kedjahatan apa-apa, dari itoe tantoe toewan Jang koewasa kaboelken kebaean bilang ken angkauw.
Dan SIONG HO poenja roema di mana kebon nja sebla oedik, betoel ada satoe poehoen Siong Lim, dan tanam mait Papanja di sitoe, di belakang hari SIONG Ho, besar, djadi mantri besar, pegang peker-
