132
badjoe koening bilangin angkauw poenja Bapa dapat sakit paija.
Dan Hauw Tjoe mendosin amat kaget tjepat bangoen lantas berpake berangkat poelang sampe di mana moeloet moeara dengan kaget langit gelap awan itam bergoeloeng goeloeng dan toekang praoe poen takoet liwat lantas berkata angkauw djangan menjebrang doeloe
Dan Hauw Tjoe beloetoet menagis dan ada satoe toekang praoe orang toewa liat begitoe amat kasian lantas pegi toelaken praoe sampe di tenga tenga kali dapat denger ada soewara orang betereak Hei Sie Hauw Tjoe djangan takoet slamat la angkauw.
Maka di belakang kali Hauw Tjoe poenja anak dapat pangkat kie djin anak tjoe-tjoenja mendjadi orang berpangkat tingi.
Fatsal 130.
Tjerita di Peng Hoei waktoe keradjahan Tjeng Tiauw ada satoe Hak Soe She Liok pangkat (Prokurer djenlaar) anaknja nama Liok Mauw masi ketjil ada telaloe oehauw oemoer 9 taon bapanja kena kasi Panglima prang Ma Tjiang Koen tangkap sebab itoe waktoe negri riboet.
Dan Liok Mauw itoe lantas beloetoet di depan Ma Tjiang koen di tenga roempoet minta gantiin Bapanja mati.
Dan MaTjiangkoen liat boeat kagoman anak begitoe ketjil berani mati gantiin Bapanja, dengan taba hatinja itoe Liok Mauw roepanja tjakap njata itoe anak boekan sembarangan ada poenja perontongan.
Lantas Matjiang Koen berkata tjoba angkauw batja kitap kaloe angkauw bisa hamba lepas bapakauw.
Dan Liok Mauw lantas batja kitap perkara Radja Boe Gi Ong poenja perkara tempo djaman Merk Song sembari beloetoet pegang kipas batja begini boenjinja poelangin saldadoe akan menaloek Radja, adjar anak bole naek tiga tingkat pangkat di atas kebesaran, dan Merk Song poenja orang ada bikin satoe kitap meso-
