124
Dan Hanw Tjoe laki bini membri terima kasi pada Siauw Hong dan minta djadi boedjang boeat balas Siauw Hong poenja boedi se-oemoer idoep.
Dan Siauw Hong berkata angkauw poenja oehauw sampe di atas melekat semoea dapat taoe dari Sin Beng dan hamba masa berani temahaken Alla tala poenja kamaoe-an sebab apa itoe tana angkauw poenja oentoeng, laloe tjeritain perkara jang soeda.
Dan angkauw ada itoe oehauw hamba minta soepaija sobat idoep senang sama-sama masa berani hinaken angkauw.
Die roema hamba ada banjak kamar-kamar kaloe angkauw tiada boeat tjela mari tingal sama-sama hamba, dari perkara roema tanga beras kajoe aor itoe angkauw teroesa boeat soesa hati lagi kita soeda bersobat seprati soedara sendiri, apa bikin angkauw bilang terima kasi dan Hauw Tjoe membri terima kasi ikoet Siauw Hong poelang bersama bininja tingal sama-sama.
Dan SIAUW HONG, kasi koewasa pada HAUW TJOE apa djoega barang masoek keloewar di atas tangannja HAUW TOE poenja koewasa
Ada satoe boelan lebi SIAUW HONG bilangin bitjara pada SIAN SENG berkata SIN BENG perinta kita pegi oeroesin tanam HAUW TJOE poenja iboe Bapa, belakangan baroe maoe oendjoek-in kita satoe tempat tana jang baë betoel sekarang dia poenja bitjara ada teroes sekali dan itoe HAUW TOE jang poenja oentoeng kaloe liat roepanja di belakanghari misti djadi senang
Dan SIAN SENG berkata hamba djoega kaloe tiada itoe boeroeng gowak berkawan djoega hamba tiada dapat liat kalae bisa dapat itoe tana, tiada lama lagi tamtoe keloewar anak tjoetjoe djadi mantri besar, kaloe ingat SIN BENG bilang jang tantoe dapat lagi satoe tempat jang bae, tjaba sekarang pegi tjari lagi HONG SOEN liat kanan kere, tiada ada napsoe penoedjoe di hati dengan sabar menoengoe djikaloe ada poenja centoeng
