-109-
Tida antara lama kamoedian iaorang soeda berada di dekat itoe lio roesak, di mana iaorang merandek dan Biauw Seng Liong moelai menanja;
„Kaoe maoe bitjara apa? Di sini kita boleh bitjara dengen laloewasa."
„Dari akoe poenja lagoe bitjara tentoe soeheng soeda bisa taoe kaloe akoe ada orang kalahiran Lamkhia." saoet Bang Tay Loei; makanja akoe bahasaken kaoe soeheng, dari sebab akoe poen ada moeridnja soehoe Tjio " Lodjin dari Kanglam, Tapi sabegitoe lama akoe tida kasi taoe hal ini, pada soeheng, lantaran soeheng poen tida bitjara apa-apa tentang itoe oerotsan. Samalem, koetika akoe bersama Tjhio Tjoe Boen, Ban Boe Tek dan laen-laennja berlaloe dari kantoornja liat-tay. Ban Boe Tek atas asoetannja iapoenja istri, mengandjoerin soepaja bebrapa di antara kita mentjari pada kaoe, hal mana disatoedjoei djoega oleh Tjhio Tjoe Boen, begitoelah akoe. Ban Boe Tek dan Thio Kioe Nio lantas mentjari pada kaoe dengen terpentjar, sedang Tjhio Tjoe Boen bersama Ong Hoei Houw balik poelang ka Sip lie-toen boewat angkoet familie dan harta bandanja jang bisa tergerak, mengoempat ka Hong-tho-tjoen. Dehgen satjara kabetoelan sekali akoe dateng ka sini, dan di loewar kaoe orang poenja taoe akoe telah denger kaoe orang poenja pembitjarahan dari bermoela sampe di achirnja, hingga akoe bisa mendapat taoe soeheng ada moeridnja Ong Tjeng Hong soepek dan baroesan akoe disoeroe oleh Tjhio Tjoe Boen boeat dateng katemoeken Phoa Boe Liang, maka akoe maoe katemoeken djoega pada soeheng boeat tjeritaken akoe poenja hal ichwal, kamoedian bermoepakatan boeat menindes pada itoe kawanan orang boesoek,
