„BELATI ITEM”
3
djahatan-kedjahatan tersebut jang dilakuken ampir setiap waktu, tetapi djuga tentang tjaranja itu bandit-bandit maenken rolnja, jang tida menghargain djiwa manusia, telah membikin orang semingkin lama semingkin gelisah dan ketakutan . . . .
Bagi orang jang memperhatiken, tentu dapet ketahuin jang kawanan bangsat itu dapet melakuken kedjahatannja oleh kerna marika itu ada tergabung dalem satu organisatie resia jang tjara bekerdjanja ada teralur dengen baek, kerna segala apa ada teralur dengen rapi menurut rentjana jane suda dipikir mateng terlebih dulu. Semua anggota „BELATI ITEM” ada mempunjain satu piso belati jang gagangnja ditjat item dan mengkilap tadjem . . . . . Dalem anggepannja Gouw Kim Siu, bahua inilah ada satu tanda bahua „BELATI ITEM” jang diduga suda dapet dimusnaken pada bebrapa waktu berselang suda mendjelmah kombali. Piso-piso belati item tersebut selalu ada terselip dalem pinggangnja itu anggota-anggota, maka di dalem pertempuran dengen polisi, selaennja menggunaken sendjata api, pendjahat-pendjahat pun menggunaken belati itemnja buat membinasaken pada marika punja satru. Brapa banjak sendjata tadjem itu jang telah dapet dirampas, ada terkumpul dalem kantoor polisi. Perbuatan-perbuatan jang dilakuken oleh „BELATI ITEM” selalu ada disertaken dengen antjeman, djuga dengen brani marika menjulik anak-anaknja orang hartawan, dengen dibriken antjeman pada marika punja orang tua supaja menebus orang jang ditjulik dengen uwang tebusan jang berdjumblah besar, jang ditetepin sendiri oleh itu kawanan bandit, kerna kalu tida ditebus, dalem tempo jang suda ditetepin, nistjaja anak-anak itu aken dibunuh.
Kadangkali djuga anggota-anggotanja „BELATI ITEM” telah bertempur dengen laen-laen perkum-
