MENAMBAHIN PADA JANG KETJIL.
alirannja ; itoe angin jang wateknja tida menghalangi sasoeatoe pergerakan tapi melipoeti dan memenoehi tempat terboeka di moeka boemi ;itoe api jang tjoemah menjalah kapan dibri oempan dan lantes padem sendirinja kapan itoe oempan soedah abis ; itoe kilap (hawa elektris) jang menjalah di oedara dengen tjepet dan bergerak boelat-belot aken memilih djalanan jang paling gampang, — ini semoea element atawa anasir dari natuur ada djadi boekti dan tjonto-tjonto bagimana tenaga jang paling koeat dan berkwasa selaloe berwatek lemah, mengalah dan tida membantras, maski djoega kapan perloe marika bisa kasih liat kaheibatan jang bikin orang djadi mengeri dan poetoes harepan.
Djadinja itoe haloean mengetjilin diri sabetoelnja tida bikin itoe orang djadi ketjil, hanja menjotjoki pada sifat alam atawa Tao jang maha besar. Dengen mengetjilin diri orang djadi bersatoe pada Jang Besar, dan saorang pinter dan pande jang bisa kosongin dan ketjilin dirinja dengen soeka sendiri aken trima balesan dari itoe Wet Karma jang selaloe membri imbangan pantes dan adil, hingga zonder diminta lagi iapoenja kakoerangan aken ditambah, lantaran mana jang tjari tempat rendah mendapet kadoedoekan agoeng, jang soeka trima segala kahina'an dapet kadoedoekan moelja, jang bongkokin diri aken dibikin tegak, dan sabaginja lagi.
99