Halaman ini telah diuji baca
Pulang dahulu Sari Alam, tigo bulan lamo di kampuang, babaliak pulang ka Banjarmasin, bak itu mupakat kaduonyo, bapasan pulo Malin Saidi, bakirim pulang ka kampuang, untuak anaknyo nan baduo, bininyo urang Silaiang, banamo si Katijah anak amai Anun, bajaga bika di Padang Panjang.
Kalau bininyo alah balaki, balaki jo urang lain, baok anak den ka Banjarmasin, kato pasannyo Malin Saidi, lah sudah basalaman, bajalan Sutan Sari Alam.
- Urang Padang mamunta banang
- Dipunta dilipek-lipek
- Dilipek lalu dipaduo;
- Kalau dirantang inyo panjang
- Elok dikumpa naknyo singkek
- Diambiak sajo nan paguno.