dalem segala perkara, sampe maoe djoega bertingka tjinta soepaja dapet menikah, sedeng sabetoelnja akoe tida ada poenja hati sama sekali. Inget sadja ini, Mathilde, soepaja hatimoe dapet hiboeran!
„Lucien, Lucien, apatah goenanja orang hiboeri hatinja ada djadi radja, kaloe orang itoe ada dalem sedar, dan taoe, dirinja tjoema satoe rahajat jang hina-dina? Djika loterij soeda diboeka, dan orang telah saksiken, pada angka brapa bakal ditrimaken kaoentoengan, bilanglah Lucien, apa goenanja lagi orang berharop, itoe nanti djadi berobah?”
„Oes, kaoe bikin kesal hatimoe sendiri, Mathilde! Bilanglah sadja sekarang, brapa banjak kaoc perloe oewang?”
„Ai, kedji amat kaoe poenja pertanjahan, Lucien! Brapa banjak kaoe perloe oewang! Akoe kapingin sekali bisa mendjawab: akoe tida perloe sama sekali! Tapi sekarang terpaksa; akoe misti pakeh oewang doewa ratoes frank, dan tida taoe dari mana akoe bisa dapet toeloengan . . . . .”
Durieux kaloeari ia poenja dompet dari sakoe.
„Ambillah ini,” kata ia, seraja mengasi ampat oewang kertas dari saratoes frank,