— 1066 —
,Apatah itoe boekan mendjadiken pembalesan djahat dari dia, ijang kita tida mendjadi mati dari pada panikamannja? Maka itoe kita timbang perloe sekali, aken hilangken segala pertandahan, ijang masi boleh kalihatan dari hal itoe. Dengen begitoe kita tida sajang, aken kaloewarken oewang boewat matiken perdjandjian sewah, tjoema aken hal itoe. Kita dateng dan bernanti sampe soedah mendjadi gelap. Kita tinggal dalem kamar dengen tida pake lampoe, dan klamboenja pintoe bergojang kras dari pada angin menioep, maka sabentar-bentar kita seperti liat ada orang ijang mengintip dari belakangnja. Tempo-tempo kita berlontjat dari pada kaget; kita denger seperti kaoe sesambatan di dalem tempat tidoer, maka kita tida brani menoleh. Kita poenja hati berdebar-debar di dalem itoe kamar ijang soenji, maka kita merasa amat takoetnja dan koewatir djoega, ijang kita poenja rasia nanti terboeka, dari itoe kita lihat hati-hati ijang tida ada orang ijang mengintip pada kita, maka kita hendak berdjalan ka kebon.
„Dengerlah, Hermine, kita bersangka ijang kita poenja hati gagah perkasa djoega seperti lain-lain orang laki; tetapi waktoe kita kaloewarken itoe koentji ketjil dari pintoe tangga, ijang kita dapet kombali dalem kita poenja pakean, ija itoe koentji ijang kita orang berdoea tjinta dan ijang kaoe hendak pake dengen tjintjinmoe; ialah waktoe kita boeka pintoe dengen: itoe koentji dan dapet liat sinar-nja boelan dari djendela djatoh di tangga.
„Kita merasa amat koewatir lagi dan moesti pegangan tembok, ampirlah kita bertriak minta toeloeng, ialah kita berasa seperti kita mendjadi gila. Komoedian baroe kita berasa lebi baik dan dapet hati kebranian lagi. Kita berdjalan de
