LIANG-HOEN MOENTJOEL KOMBALI.
„Dengen segala senang hati,” bagitoe Kim-djin berkata, „tapi entjim sakit apa ?”
„Ach ia terserang pilek, akoe kira,” djawab Siok-nio.
Pelahan dengen: pelahan, keadaän dalem itoe toko djadi sepi. Tjin-tek ‘belon djoega kaliatan moentjoel, dan waktoe itoe toko poenja djendela-djendela soeda ditoetoep poen ia belon dateng.
„Heran sekali, kenapa ia tida poelang,” kata Siok-nio. „Boleh djadi ia dapet hala- ngan dalem perdjalanan.”’
„Apa ia bikin perdjalanan dengen auto?” tanja Kim-djin.
„Ja, sebab ia pergidengen satoe sobatnja.”
„Apa boeat oeroesan perdagangan?”
„Boleh djadi!”
Itoe doea orang moeda dapet tempo boeat beromong-omong dengen laloeasa Penggawe-penggawe di sitoe tida ada jang brani dekatin marika.
„Siok, kaoe bakal dilamar!” bagitoe blakangan Kim-djin berbisik,
„Dilamar?” tanja Siok-nio dan parasnija berobah djadi merah.
„Ja, tapi boekan oleh akoe. Akoe moesti toenggoe sampe akoe dapetken saorang jang akoe rasa pantes boeat lamar kaoe, dan orang bagitoe akoe belon dapet. Akoe maoe lamar sendiri, akoe merasa berat boeka
62
