PEGANG RESIA.
Kim-djin sedeng mendapet perhatian loear biasa dari ia poenja sobat ? Lantaran bagitoe djoega ia sengadja bales menanja, boeat tida lantes memboeka resia.
„Akoe maksoedken kaoe poenja promotie, naek gadjih. Orang laen dapet tambahan gadjih satoe taon satoe kalih, tapi kaoe di pertengahan taon, akoe denger, dapet tambah tigapoeloeh roepia !”
„O, itoe jang kaoe maksoedken !” bagitoe Kim-djin berkata sambil tertawa.
„Ja, dan boekankah kaoe boleh dianggep beroentoeng ?”
„Benar, tapi akoe rasa kaoe ada lebih beroentoeng.”
„Apa sebab ? Sebab akoe moesti bekerdja satengah mati dan seringkali djem satengah delapan atawa djem delapan baroe bisa poelang dari tempat pakerdja’an ?”
„Boekan, tapi akoe maksoedken itoe gadis jang kita ketemoeken dalem Pasar Gambir.”
„Hm ! Akoe baroe pernah bitjara satoe doea kalih dengen ia, hinggah kaoe belon bisa bilang akoe beroentoeng.”
„Apa sedari itoe hari kaoe tida bertemoe poela dengen ia ?” tanja Kim-djin.
„Tidaaaaaa !”
„Bohong !”
Liang-hoen tertawa.
„Kaloe kaoe maoe djoega, nah biarlah akoe bilang : soeda bertemoe lagi sapoeloeh
17
