„DIA . . .”
Marika berdoea tertawa berkakakan, tapi itoe gadis brenti djadi poko dari marika poenja pembitjara’an.
Itoe gadis tida berdiam terlaloe lama dalem Pasar Gambir; sesoedanja mengaso sabentaran dalem itoe restaurant dan minoem sagelas limonade, sedeng ia poenja doea pengiring masing-masing minoem satjangkir koffie jang membikin marika djadi menjomel lantaran mahalnja, ia brangkat poelang.
„Boleh djadi itoe engko masi kenalin padakoe,” bagitoe ia berpikir sapandjang djalan, „saperti djoega akoe kenalin padanja dengen lantes.”
Mendadak ia rasaken moekanja djadi merah; boleh djadi ia merasa maloe, kenapa dengen bagitoe sakoenjoeng-koenjoeng ia djadi ingat pada Liang-hoen maskipoen ia merasa maloe, toch sapandjang djalan hingga sampe di roemah, ia masi teroes ingat pada itoe orang moeda.
Kandara’an marika dibrentiken di depan
satoe roemah, jang ternjata didjadiken toko sabagian. ltoe gadis dan doea penganternja masoek, tapi kira-kira doea minuut kamoedian satoe gadis jang parasnja tida berbeda Saoedjoeng ramboet dengen jang baroesan masoek soeda kaloear lagi, tapi dengen pake pakean jang berbeda laen sekali, Soenggoeh tjepat sekali itoe gadis toekar pakean !
7
