Kakawin Śiwarātrikalpa
Om! Awighnam astu.
Pupuh 1.
1. sang hyang ning hyang amürti niskala sirati-kinenyep in akabwatan langö
sthüläkära sira pratisthita haneng hrdayakamalamadhya nityasa
dhyäna mwang stuti kütamantra japa mudra linekasaken ing samangkana
nghing pinrih-prih i citta ni nhulun anugrahana tulusa digjayen langö
2. wruh nwang nisphala ning mangö jenek alangang i kalangen ikang pasir wukir
mangke ngwang kumawih makirtya kakawin kumawasa mamarantyaken wuwus
manggeh donya rahaywa sang panikelan tanah anulusa katwang ing prajä
tan lyan sry Adi-Suraprabhäwa sira bhüpati saphala Girindrawangsaja
3. ndän düra-n ngwang ateki yan katekanängracana wuwus arüm praläpita
äpan de ny atipingging i ngwang ing apan katekana sakinäptyan ing mangö
nänten pweki kedö taman wurung anemwakena paramahäsya ning para
nghing tunggal pinalar malar wenanga sädhana ning umusira-ng niräsraya
...
Pupuh 38.
1. nähan hingan iking kathäkhya siwarätrikalpa subhaga
ngkä-n makweh katunan kalangwan amurang-murang gurulaghu
antuk ning kawi tan tameng kalengengan macihna Tanakung
bhräntamet pananunya ringrang i manahnya lot kasih-arep
2. hetunyämrih ameh manah kede mawetwa bhasa kakawin
tan sangkeng wruh apet raras rumacana-ng wuwus kumawasa
byaktasambhawa yan kasanmataha de nirang parajana
mukta-ng klesa silunlunganya muliheng niräsraya juga
Pupuh 39.
1. kady agrin ri lawasku kary apisah in kalenenan alternah wurat:~c,luiten
yan ketun raras in manö mahas-ahas yatika-n awetu rinrail in hic,lep
nora-n panlipura-n prapa.nyca peteil in hati susah amarantyaken lara
yan tan munsira rämya panhilana sunkawa ri ga.ti ning anregep lanö