Siauw Ngo Gie 04

by Kuang Lou Wen dan Mi Tao Jen Peng

 

SIAUW NGO GIE.

Bagian ka-doea.

atawa

Pemberontakannja Siang Yang Ong.

---

Baginda keizer tida loepa naekin djoega pangkatnja Kongsoen Tjek, sedeng iapoenja lowongan, djabatan Tjoe-pouw. dikasiken pada Goei Tjiang. Pauw Kong talangin hatoerken trima kasi boewat marika itoe. Samentara Tie Hoa jang tida maoe mendjabat pakerdjahan negri dikasi persen satoe papan merk jang ditoelisken ampat hoeroef „Kay Sioe le Hong“, jang bermaksoed kabresihan dan kamoeliahannja itoe orang jang dikasi papan poedjian itoe. Salaennja itoe dikasi djoega satoe bahaderi emas jang tertoelis doewa hoeroef „Hiape-gi“ dan bebrapa banjak emas, perak dan soetra-soetra. Biar poen Tie Hoa sendiri menjingkirken diri, diprentahkan satoe ambtenaar boewat bawaken itoe semoewa ka Hongtjioe dan gantoengken di roemahnja Hek-ho-lie.

Keizer ada terangken djoega bahoewa itoe orang-orang jang dianoegrahkan pangkat dan sabagainja di Liongtouw-kok, di hari berikoetnja tida perloe dateng mengadep hanja soeda tjoekoep menghatoerken trima kasi di loewar pintoe Ngoboen. Samoewa orang jang memangkoe djabatan dikasiken verloef doewa boelan lamanja boewat poelang ka roemah sembajang pada laloehoer atawa poen menikah djika jang soeda mempoenjai toendangan.

Kim Hoei, Tihoe di Siang-yang dan Tjongpeng jang mendjaga di itoe afdeeling, samoewanja dinaekin pangkatnja satoe tingkat, Siang-yang-Onh moesti teroes ditjari boewat ditangkep. Barang siapa jang bisa dapet tangkep padanja, bakal dipersen oewang sariboe tael peral dan satoe djabatan Tjian-hou. Sedeng semoewa kambrat-kambratnja Siang-yang-Ong, djika ada jang bisa dapet tangkep, saban satoe orangnya bakal dikasi persen saratoes tael perak. Dan itoe kontjokontjonja Siang-yang-Ong jang soeda tertangkep di segala tempat boleh lantas dikasi hoekoeman mati di itoe tempat djoega tida perloe dibawa lagi ka kota radja. Sasoedanja kaloewarken itoe prentah-prentah, baginda keizer lantas balik masoek ka kraton Hong-yang-kiong dengen doedoek iapoenja djoli terboeka.

Pauw Kong berdjalan kaloewar dari sabelah depan dan naek iapoenja djoli jang menoenggoe di kamar peranti menoenggoe dekat kraton tachta karadjahan, kamoedian ia teroes balik poelang ka Khay-hong-hoe. Di laen fihak, itoe orang-orang poen meninggalken itoe taman radja dan kaloewar lagi dari Tiat-houw-boen dan teroes menoedjoe ka Khay-hong-hoe.

Sasampenja di Khay-hong-hoe, sabagimana biasanja semoewa orang pada hatoerken slamet pada itoe orang-orang jang baroe menerima koernianja keizer, Kong-soen Tjek dan Goei Tjiang poen tida dikatjoewaliken. Sasoedanja itoe baroelah iaorang pergi mengadep pada Pauw Kong.

Baginda keizer kasi verlof doewa boelan, sasoedanja itoe baroe balik kombali boewat mendjalanken masing-masing poenja djabatan,“ kata Pauw Kong. „Di hari esok, sabagimana keizer soeda prentahken, kaoe orang tida perloe mengadep sendiri boewat hatoerken trima kasi, hanja soeda tjoekoep berboewat begitoe di sabelah loewar pintoe kraton.“

Di pagi jang berikoetnja Pauw Kong toeloeng toelisken marika itoe poenja request jang menghatoerken trima kasi, sedeng itoe semoewa orang menoeroet sabagimana lebih doeloe soeda dipesen. Pada sasoedanja mengadep ka kraton sabagimana biasanja, Pauw Kong lantas balik poelang ka Khay-hong-hoe. Semoewa orang mengiringken Pak-hiap boewat berdjoempa sama itoe ambtenaar besar dan berpamitan, sebab ia hendak pergi ka gredja Tay Siang Kok doewat potong ramboet dan masoek mendjadi hweeshio.

Pauw Kong meliat pada Auw-yang Tjhoen hatinja merasa tida tega berpisahan; tapi baginda keizer sendiri tida bisa menghalangin iapoenja niatan, malah sabaliknja dengen firman keizer ditetapken ia masoek djadi orang pertapahan. Maka dengen apa-boleh-boewat Pauw Kong memesen soepaja semoewa hauw-wie pergi menganter Auw-yang Giesoe pergi ka gredja Tay Siang Kok.

Pada sasoedanja Pak-hiap membri hormat lagi pada Pauw Kong, ia lantas berdjalan kaloewar dengen dianter oleh kawan-kawannja menoedjoe ka gredja terseboet. Liauw Djian Hweeshio, kapalanja itoe gredja, lebih siang soeda mendapet kabar, maka itoe waktoe ia soeda soeroe moerid-moeridnja boenjiken tamboer dan lotjeng serta memboeka pintoe besarnja itoe gredja. Pak-hiap jang teranter oleh kawan-kawannja teroes masoek ka pertengahan medja sembajang bersoedjoet pada Hoet-tjouw kamoedian Auw-yang Tjhoen lantas berloetoet membri hormat pada goeroenja, sedeng laen-laen orang poen membri hormat pada itoe hweeshio.

Liauw Djian Tiangloo lantas merangkep kadoewa tangannja dan menjeboet:„O-mi-to-hoet.“ Itoe waktoe hweeshio terseboet soeda beroemoer saratoes taon.

„Moeridkoe,“ kata ia pada Pak-hiap, „kaoe boleh temenin doeloe pada semoewa Sietjoe boewat omong-omong di sini, akoe maoe masoek ka dalem bersamedi.“

Pak-hiap lantas adjak itoe semoewa orang ka satoe tempat trima tetamoe, tida antara lama kamoedian ada bebrapa banjak hweeshio ketjil jang membawaken thee boewat marika itoe.

„Kita orang moelai dari sekarang berpisahan sama soedara Auw-yang, bila kamoedian kita bertemoe lagi dengen ianja, tida bisa berlakoe lagi sabagimana sekarang,“ kata Tjhio Peng. „Sebab moelai dari sekarang ia soeda menjingkir dari perdjalanan doenia, boewat mejakinken ilmoe jang bisa mendapet soeatoe badan, jang tida bisa djadi roesak boewat selama-lamanja.“

„Soetee, kaoe poenja omongan itoe terlaloe berat boewat akoe trima,“ djawab Pak-hiap. „Sabetoelnja akoe ini tida mempoenjai peroentoengan bagoes sabagimana kaoe orang semoewa. Kaoe orang di hari kamoedian bisa mendapet pangkat kabesaran jang bisa mengasi perlindoengan pada kaoe orang poenja anak-istri dan anak-tjoetjoe. Akoe bagimana bisa dibandingken sama kaoe orang ?”

„Sekarang soedara satoe kali mendjadi orang pertapahan, tentoe moesti mamegang keras itoe larangan memboenoeh, mentjoeri, mendjoesta dan laen-laen lagi,” kata lagi Tjhio Peng, „boekantah benar begitoe, soedara ?”

„Benar sekali,” djawab Auw-yang Tjhoen.

„Itoe larangan memboenoeh teroetama dilarang memboenoeh djiwanja manoesia, apa soedara, bisa tida memboenoeh lagi manoesia ?”

„Eh, ada-ada lagi kaoe poenja pertanjahan, Soetee,” kata Pak-hiap. „Djika akoe masi memboenoeh djiwa manoesia, apa namanja mamegang larangan memboenoeh ?”

Tjhio Peng lantas tertawa bergelak-gelak.

„Djika kaoe tida maoe memboenoeh lagi orang,” kata ia. „Itoe golok bakal apa, boekantah tida bergoena lagi ? Doeloean koetika kaoe mendapet perkara, Ngai Houw soeda bakerdja aken goena kaoe, ampir sadja iapoenja djiwa djadi binasa. Blakangan kaoe poenja perkara mendapet kamenangan dan Ngai Houw mengangkat bapa pada kaoe, itoe waktoe kaoe telah berdjandji, apabila kamoedian kaoe mendjadi orang pertapahan, itoe Tjhit-poo-too aken dikasiken padanja dan sekarang kaoe soenggoe-soenggoe soeda mendjadi orang pertapahan, itoe golok sama-sekali tida ada goenanja bagi kaoe, maka haroes sekali ditrimaken pada Ngai Houw.”

„Soetee, kaoe ini senantiasa bisa inget pada perkara jang soeda terdjadi lama sekali,” kata Pak-hiap sembari bersenjoem.

„Akoe inget hal itoe djoestroe lantaran orang jang kaoe djandjiken mengiler satengah mati sama itoe barang jang hendak dikasiken padanja,” kata Tjhio Peng sembari tertawa, kamoedian ia berpaling pada Ngai Houw dan menambahken: „Hei, Ngai Houw, mengapa kaoe tinggal melongo dan tida maoe dateng berloetoet dan mendjoera di hadepan kaoe poenja ajah-angkat ?” Itoe anak moeda dengen girang lantas berloetoet dan menjodja pada Pak-hiap.

„Nanti doeloe,” kata Auw-yang Tjhoen, „sekarang di hadepan soedara-soedara sekalian akoe maoe menerangken soeatoe hal, boekannja akoe merasa sajang boewat kasiken ini golok pada Ngai Houw, tapi dari sebab iapoenja oemoer masi terlaloe moeda, akoe sanget koewatir ia salah goenaken ini barang wasiat. Sebab djika sampe kadjadian ia salah goenaken, nistjaja akoe sendiri poen bakal mendapet bahaja katjilakahan jang boekannja ketjil. Tjoema dari sebab Soetee soeda bilang begitoe, memang djoega akoe tida goena simpen ini golok ....”

Bitjara sampe di sini ia berpaling pada satoe hweeshio ketjil dan menjoeroe itoe orang bikin sedia satoe medja sembajang. Tida lama kamoedian itoe barang soeda disediaken dengen lengkep dan di sabelah pinggirnja ditaroken satoe korsi, sedeng itoe golok ditaro di atas itoe medja sembajang. Pada sasoedahnja lilin dipasang dan Pak-hiap pasang tiga bidji hio, kombali ia memandang pada orang banjak.

„Akoe harep toewan-toewan sekalian soeka berdoedoek doeloe sabentaran,” kata ia.

Semoewa orang lantas menoeroet dan ingin liat tjara bagimana itoe golok aken ditrimaken pada Ngai Houw. Itoe waktoe Pak-hiap lantas bersembajang dan lantas tantjepken itoe hio di iapoenja hiolouw, kamoedian ia lantas berloetoet di depan itoe medja sembajang.

„Pada malaekat-malaekat dihatoerken bahoewa akoe, Auw-yang Tjhoen, dapetken ini golok wasiat telah digoenaken memboenoeh boekan sedikit djiwa manoesia, tapi selamanja belon perna goenaken ini golok dengen kliroe. Sekarang maoe dikasiken pada akoe poenja anak-angkat, Ngai Houw, itoelah malaenken tergantoeng atas iapoenja peroentoengan bagimana achirnja,” begitoelah ia mendoa.

Sasoedanja ia lantas panggil Ngai Houw dan soeroe itoe anak moeda djalanken kahormatan besar, berloetoet dan menjodja sampe doewapoeloeh ampat kali, kamoedian Pak-hiap djoempoet itoe golok dan berdiri di satoe pinggiran.

„Anak,” kata ia, „sekarang akoe pasrahkan ini barang wasiat pada kaoe; tapi apa kaoe taoe asal-oesoelnja ini golok ?”

„Tida taoe,” djawab Ngai Houw jang masi teroes berloetoet.

„Ini golok telah dibikin atas prentahnja radja Goei Boen Tee, Tjo Pie, di djeman Sam Kok dan namanja jang betoel „Leng Poo, tapi dari sebab iapoenja oerat-oerat seperti koera-koera sakti, lantas diseboet djoega „Tjhit-poo-too”. Ia bisa bikin batoe giok dan mengiris emas, dan tida perdoeli sendjata apa sadja, satoe kali terbatjok sama ini golok lantas sadja djadi poetoes. Tjoema sadja ini barang wasiat malaenken bisa dipoenjaken oleh orang jang berboedi dan bidjaksana, bagi orang boesoek dan djahat, biar poen bisa poenjaken tapi tida bisa kekal. Maka kaloe sadja kaoe salah goenaken ini sendjata, nistjaja kaoe aken mendapet hoekoemannja Thian jang heibat. Lagian lantaran kaoe poenja oemoer masi tarlaloe moeda dan baroe sadja mengarti selak-seloeknja penghidoepan manoesia, apa kaoe taoe bahoewa semoewa kadjahatan adalah perkara mengandjoer napsoe birahi ada jang paling heibat dan segala kabaekan malaenken berbakti jang paling teroetama? Kaloe sadja kaoe kena langgar itoe perkara mengandjoer napsoe birahi, biar poen akoe djoega aken mendapat katjilakahan heibat. Maka apa jang akoe pesen baroesan, kaoe moesti inget baek-baek dan simpen dalem hati. Sekarang kaoe moesti bersoempa bahoewa kaoe tida nanti sembarangan memboenoeh orang-orang jang tida berdosa.”

„Apabilah akoe salah goenaken ini golok,” bersoempa Ngai Houw, „biarlah akoe mendapet hoekoeman disamber gledek."

Itoe waktoe baroelah Auw-yang Tjhoen trimaken itoe golok pada Ngai Houw, jang lantas berloetoet dan mendjoera pada iapoenja ajah-angkat. Semoewa orang jang berada di sitoe mendenger Pak-hiap poenja omongan. pada manggoetken kapala dengen tida berkata satoe apa. Kamoedian pada sasoedanja Ngai Houw menerima itoe golok, semoewa orang hatoerken slamet padanja dan ia berloetoet boewat menerima itoe pembrian slamet, tapi tjoema Soe In sendiri sadja jang sabaliknja berloetoet dan mendjoera pada itoe anak moeda. Sebab sabagimana orang taco, itoe orang ada djadi Ngai Houw poenja moerid.

Sasoedanja itoe oepatjara seleseh, itoe medja sembajang lantas dilaloeken dan satoe sama laen pada mengambil tempat doedoek boewat minoem thee. Ngai Houw koetika gantoengken itoe golok di pinggangnja, hatinja merasa sanget girang dan bangga. Itoe waktoe menoeroet Auw-yang Tjhoen poenja pikiran hendak oendang itoe semoewa orang dahar santapan tjiatjay dalem itoe gredja, tapi semoewa orang pada menoelak, kamoedian marika itoe pergi ka blakang boewat katemoeken Liauw Djian Hweeshio boeat berpamitan serta titipken Pak-hiap padanja. Achirnja iaorang berpisahan dengen mengoetjoerken aer mata, sedeng Pak-hiap soeda tentoe sadja menganter sampe di loewarnja itoe gredja.

---

FATSAL XVIII.

Itoe orang-orang teroes balik kombali ka Khay-hong-hoe dan rapportken pada Pauw Kong apa jang soeda terdjadi. Sasoedanja itoe iaorang bitjaraken siapa jang moesti poelang dan siapa jang moesti tinggal di Khay-hong-hoe. In-tiong-ho, Goei Tjin maoe poelang ka gredjanja dan djalan sendirian. Say-tjoe-kiat, Sim Tiong Goan, See Liong, Beng Khay, Tjianw Tjia, Han Tjiang, Han Thian dan Ngai Houw, semoewanja maoe balik poelang ka Go-houw-kauw; Han Thian Kim dan Ngai Houw boewat beresken iaorang poenja oeroesan menikah. Teng Tiauw Lan dan Teng Tiauw Hoei bersama Louw Hong dan Louw Tien dan laen-laennja pergi ka Pek-hwa-nia boewat mengoeroes Louw Tien poenja perkara menikah.

Tji Liang mengikoeti ajahnja balik poelang ka Kie-koan bilangan Sansee boewat sembajangan pada koeboeran leloehoernja. Orang jang laen-laennja djoega pada poelang ka masing-masing poenja kampoeng kalahiran boewat sembajangin marika poenja leloehoer. Tjoema Tjhio Peng dan Tian Tjiauw, lantaran marika poenja koelawarga berdiam di kota radja, maka iaorang tida pergi ka mana-mana, begitoe poen Heng Djoe Liong dan Heng Djoe Houw, kerna tida ada kaperloeannja djadi iaorang tinggal teroes dalem kota radja.

Tjhio Peng telah menjanggoepin boewat mengambil maitnja marika berdoewa poenja ajah dari gedongnja Bang Tay-soe tjari soeatoe tempat jang baek boewat mengoeboer maitnja Heng Kit itoe.

„Pang Loya, kaoe bagimana?” menanja Tjhio Peng pada Pang Jan.

„Akoe tida ada koeboeran jang boleh ditjari,” djawab orang jang ditanja.

„Hei, apa kaoe tida mempoenjai koeboeran dari kaoe poenja leloehoer?”

„Akoe tida taoe di mana letaknja,” manerangken Pang Jan. „Sebab sadari moeda sekali akoe poenja kadoewa orang

toewa soeda meninggal doenia. Pada waktoe akoe beroemoer doewabelas tahon akoe berladjar ilmoe silat dan koetika baroe beroemoer ampatbelas tahon akoe soeda masoek dalem gololongan lioklim. Kaoe tentoe mengarti orang jang berada di golongan lioklim sama-sekali tida mempoenjai kasempetan boewat memperhatiken perkara koeboeran leloehoer.”

„Sekarang kaoe soeda mendjabat pakerdjahan negri, toch haroes sekali kaoe mentjari taoe,” kata Tjhio Peng.

„Di mana akoe moesti tjari taoe ?” menanja Pang Jan. „Boewat sekarang terpaksa akoe tjoema bisa membeli hio dan gintjoa boewat bikin sembajangan dari kadjaoehan.”

„Itoe betoel djoega,” kata Tjhio Peng.

Begitoelah Pang Jan lantas soeroe orang beli hio dan kertas perak, kamoedian sembajangin iapoenja leloehoer di soeatoe tempat jang sepi. Tian Him Hoei dan Tjhio Peng pergi ka gedongnja Bang Taysoe dan katemoeken mandoornja, pada siapa iaorang minta maitnja Heng Kit. Itoe ambtenaar dorna tida bisa menoelak dan soeroe orangnja pergi ka blakang Boen Kong Lauw, jang letaknja di depan Thay-ouw-tjio. Lantaran ada memake peti mati jang kajoenja baek, itoe pakerdjahan menggali tida soesa dan lantas dikoeboer di soeatoe tempat jang lebih doeloe telah disediaken.

Sasoedanja iaorang lakoeken itoe oeroesan dengen beres, lantas dikasi rapport pada Pauw Kong. Kabetoelan itoe hari Thio Liong dan Tio Houw poen balik poelang ka Khay-hong-hoe, pada sasoedanja iaorang pergi tjoetji moeka dan ganti pakean jang bresih laloe iaorang pergi katemoeken Tian Tjiauw dan Tjhio Peng di tempat berkoempoelnja Hauw-wie, begitoe poen jang laen-laennja. Kamoedian Tjhio Peng lantas adjar kenal iaorang sama Pang Jan dan Heng Djoe Liong dan Heng Djoe Houw. Sasoedanja itoe doewa Hauw-wie pergi katemoeken Pauw Kong boewat merapportken iapoenja pakerdjahan, Pauw Kong soeroe Kong-soen Tjek bikin satoe soerat laporan pada baginda keizer, jang pada esokan paginja dihatoerken pada waktoe itoe ambtenaar mengadep sabagimana biasanja. Lagi bebrapa hari kamoedian ada hari lahirnja baginda keizer. Koetika hari itoe sampe, semoewa ambtenaar civiel dan militair memake pakean kabesaran jang indah menghatoerken slamet pada keizer Song Djin Tjong. Pada hari jang katiga, tatkala Pauw Kong baroe balik poelang dari kraton dan maoe masoek ka iapoenja kantoor, kadengeran ada soewara riboet-riboet dan Pauw Hin lantas kasi taoe bahoewa ada dateng satoe firman keizer, hal mana membikin itoe ambtenaar djadi heran dan tida bisa mengarti, sebab ia sendiri baroe sadja mengadep pada baginda keizer, mengapa ada satoe firman jang menjoesoel.

„Siapa jang bawa itoe firman ?” menanja ia.

„Tan Tjongkwan Loya,” djawab itoe boedak.

Pauw Kong lantas taoe tentoe oeroesan dalem kraton, sebab kaloe boekannja oeroesan di dalem kraton, tentoelah boekannja Tan Lim jang bawa firman itoe. Kabetoelan sekali Pauw Kong masi belon malepasken iapoenja pakean kabesaran, itoe waktoe djoega ia kasi prentah boewat memboeka pintoe tengah dan pergi menjamboet itoe firman di pertengahan. Tan Lim soeda toeroen dari iapoenja koeda toenggangan dan Pauw Kong lantas berloetoet.

„Hamba, Pauw Tjin, mengadep pada djoengdjoengankoe, Banswee Ban-ban-swee,” kata ia.

„Ini firman moesti dibatja di pertengahan kadoewa,” kata Tan Lim.

Begitoelah semoewa orang pada masoek ka pertengahan kadoewa.

„Berloetoetlah, firman keizer hendak dibatjaken,” kata itoe kapala orang kebiri.

Pauw Kong lantas berloetoet kombali. Itoe kapala orang kebiri lantas boeka itoe firman dan membatja:

„Hong Thian Sin Oen Hong Tee membri taoe, samalem pada sasoedanja djam sapoeloeh kami telah prentah sediaken kami poenja pakean karadjahan di Keh-ie-tian, persediahan boewat dipake pada esokan paginja. Ini pagi pada sasoedanja bersantap, koetika itoe pakean maoe dimasoekin lagi ka dalem goedang, ternjata soeda linjap, biar poen pintoe dan djendelanja itoe Keh-ie-tian tida terdapet karoesakan satoe apa atawa poen tanda-tanda bekas terganggoe. Belon taoe apa itoe barang ditjoeri oleh pendjahat atawa dari loewar atawa ditjoeri oleh orang-orang dalem kraton. Sekarang itoe kapala pendjaga dari Kei-ie-tian bersama iapoenja orang-orang sabawahan dipasrahken pada Khay-hong-hoe boewat dipreksa. Apabila itoe barang ternjata boekannja ditjoeri oleh orang-orang dalem kraton, diprentahken Khay-hong-hoe Hoe-in dengen membawa bebrapa Hauw-wie dateng ka Keh-ie-tian boewat bikin papreksahan.

Sahabisnja itoe „sengtji” dibatjaken, sabagimana biasanja Pauw Kong hatoerken trima kasi dengen menjeboet „Djoeng-djoengankoe Ban-swee Ban-ban-swee, hamba menerima prentah.” Kamoedian itoe firman ditaro di atas satoe medja sembajang dan djalanken peradatan sama Tan Lim menoeroet sapatoetnja.

„Tjongkwan Loya ada baek,” kata Pauw Kong.

Itoe kapala orang kebiri lantas mengakoe kadoewa tangan membales hormat sembari bersenjoem.

„Trima kasi, akoe harep Pauw Siangya poen ada baek,” kata ia.

Kamoedian satoe sama laen mengambil tempat doedoek dan disoegoehi aer thee, tapi pada sabelonnja Pauw Kong boeka soewara lagi, itoe orang kebiri soeda mendoeloein berkata: „Pauw Siangya, apa kaoe soeda bisa liat doedoeknja perkara ? Sadari Pek Ngo-loya sampe sekarang dalem kraton tinggal aman dan tida taoe ada orang bikin riboet lagi tapi sekarang itoe kariboetan ada terlebih heibat lagi dari doeloean. Sebab itoe Keh-ie-tian tida bisa dibandingken sama baginda keizer poenja taman boengah, kema jang doeloean letaknja ada sanget berdeketan sama baginda keizer poenja astana di mana baginda keizer tidoer. Sekarang, apa Siangya maoe preksa doeloe itoe orang-orang jang akoe bawa atawa maoe pergi preksa doeloe tempat itoe tempat katjoerian ?” „Akoe rasa lebih baek preksa doeloe ka'adahannja itoe tempat katjoerian,” kata Pauw Kong, „sebab kaloe pentjoėri dari loewar, djadi tida perloe mengompes pada marika itoe.”

„Kaloe begitoe, baeklah; sekarang djoega kita boleh sama-sama brangkat.”

„Pauw Kong lantas kasi taoe bahoewa Tian Him Hoeil dan Tjhio Tek Tjiang moesti mengikoet padanja boewat bikin papreksahan. Sedeng itoe penggawe-penggawe kraton jang tadi dibawa oleh Tan Lim, disoeroe poelang doeloe boewat menoenggoe kabar. Tida antara lama itoe bebrapa orang telah sampe di kamar peranti menoenggoe di dalem kraton, Tan Lim adjak Pauw Kong, Tian Tjiauw dan Tjhio Peng masoek ka dalem. Pada sasoedanja iaorang meliwati banjak sekali pintoe-pintoe, baroelah iaorang sampe di itoe Keh-ie-tian.”

„Inilah jang dinamaken Keh-ie-tian,” kata Tan Lim sembari menoendjoek. „Mari mengikoeti akoe boewat bikin papreksahan.”

Tian Tjiauw dan Tjhio Peng tida brani naek ka atas tangga batoenja itoe roewangan, jang mendjadi tempat menoekar pakeannja baginda keizer dan iaorang menoenggoe sadja di sabelah bawahnja tangga itoe. Sedeng Pauw Kong mengikoeti itoe kapala orang kebiri bikin papreksahan di segala podjokannja roewangan, tapi sama-sekali ia tida bisa meliat tanda satoe apa.

„Pauw Siangya,” kata Tan Lim, „kaoe liat ini pendjahat apa orang dari loewar atawa boekan?”

„Ini perkara moesti soeroe Tian Hou-wie dan Tjhio Hou-wie jang menjelidikin baroelah bisa taoe,” djawab Pauw Kong.

„Kaloe begitoe mengapa itoe doewa orang tida maoe ikoet masoek ka sini?”

„Kaloe tida ada firman keizer iaorang tida brani sembarangan masoek.”

„Ah, kaoe orang terlaloe memake banjak peradatan,” kata Tan Lim, biarlah gantiken baginda keizer mengaloearken satoe firman. Atas namanja baginda keizer diprentahken Tian dan Tjhio kadoea Hou-wie masoek ka Keh-ie-tian boeat lakoeken papreksahan !”

Itoe doewa orang jang berada di sabelah loewar lantas mendjawab: „Hamba berdoewa menerima prentah,” dan seabisnja berkata iaorang lantas naek dan masoek ka dalem itoe roewangan, kamoedian iaorang lantas pada berdongak dan mamereksa ka atas lelangit bebrapa lamanja. Itoe doewa orang lantas saling mengawasi dengen bersenjoem. Blakangan kombali iaorang meliat dan mamereksa lagi ka bebrapa tempat sakoetika lamanja.

„Tjongkwan Loya,” kata itoe doewa orang dengen berbareng. „Ini pendjahat datengnja dari loewar.”

Itoe kapala orang kebiri lantas tertawa berkakakan.

„Siangya,” kata ia, „djangan kata kaoe bisa mamereksa perkara di doenia dan di acherat, tapi baroesan kaoe bikin papreksahan bebrapa lamanja, sedikit poen kaoe tida bisa mendapet kanjatahan satoe apa; sekarang orang laen dengen satoe kali liat sadja lantas bisa mendapet taoe. Kadoewa Hou-wie, bagimana kaoe bisa taoe itoe pendjahat dateng dari loewar? Dan ia masoek dengen mengambil djalan dari mana ?”

„Itoelah gampang sadja dikatahoei; ia masoek dari palangan pintoe di sabelah atas dan kaloewarnja djoega dari sitoe,” menerangken itoe doewa orang.

„Kaloe baginda keizer tanjaken apa alesannja atawa boektinja, bagimana? ” „Tan Tjongkwan kaloe tida pertjaja,” kata Tian Tjiauw, „boleh soeroe orang pergi mengambil satoe tangga, kamoedian soeroe saorang pergi naek dan dengen satoe kali tarik sadja itoe palangan pintoe di sabelah atas tentoe bisa terlepas, Lagian oreng jang soeka berdjalan malem djika masoek dengen mengambil djalan dari palangan pintoe di sabelah atas, selamanja soeka masoek dengen tengkoeroep. Oleh kerna itoe, di laen-laen tempat ada terdapet deboe-deboe jang menempel, tapi di atas palang penahannja itoe pintoe, ada begitoe bersih. Itoelah tandanja orang soeda masoek dan kaloewar dari sitoe, hingga iapoenja pakean soeda kena sotsot bersih deboe di itoe tempat.”

Tan Lim pikir itoe omongan ada mengandoeng kabeneran dan masoek di akal.

„Kaloe Tjongkwan soeka perhatiken ini satoe hal,” kata Tjhio Peng, „lantas bisa mengarti. Di sini semoea ada ditempelin kertas dengen rapet, tapi itoe palangan di atasnja pintoe, tempelan kertas di sakiternja semoewa soedą pada malekat petjah. Tjoba Tjongkwan pikir sadja, kaloe boekannja itoe palangan di atas pintoe soeda terboeka, tjara bagimana itoe kertas bisa pada petjah?”

Tan Lim beroelang-oelang manggoetken kapala.

„Ja, ja, kaoe poenja omougan ada benar sekali,” kata ia. Itoe waktoe djoega ia lantas soeroe orang pergi mengambil satoe tangga, kamoedian dengen goenaken itoe tangga Tjhio Peng naek ka atas dan tarik itoe palangan di atas pintoe kaloe boekannja dipegang dengen kentjeng, nistjaja itoe palangan pintoe soeda djato ka bawah, sebab sabagitoe lekas ditarik, lantas sadja djadi terlepas kerna tida ada barang jang mamegang lagi sabagimana biasanja. Dan betoel sadja di atas itoe palang penahan tida ada barang sedikit deboe jang menempel, seperti djoega sengadja diseka bresih.

„Soeda tjoekoep,” kata Tan Lim, „kaoe boleh toeroen sadja, Tjhio Hou-wie.”

Pada sasoedanja itoe tangga dibawa pergi, Tan Lim berkata lagi: „Tjoba sekalian preksa di loewar dari mana itoe pendjahat telah mengambil djalan boevrat masoek ka sini.”

Tian Tjiauw dan Tjhio, Peng lantas menoendjoek dan berkata „Tjongkwan, tjoba liat, ia masoek dari sini.”

Tan Lim liai, dengen sasoenggoenja djoega di sabelah bawanja tembok sabelah Timoer ada terdapet bebrapa banjak boeboek kapoer. Mendadak Tjhio Peng menoendjoek lagi ka satoe djoeroesan laen dan berkata: „Tjongkwan Loya, tjoba kaoe liat, ini barang apa memangnja ada, atawa baroe sekarang sadja tertampak di sitoe ?” Tan Lim berdongak dan liat di atas pintoe Hong-siang-boen ada berpeta titik-titikan poetih jang meroepaken satoe boengah seroeni berikoet tiga lembar daon dan satoe tangkenja dan itoe semoewa terloekis oleh itoe titik-titikan poetih.

„Doeloean tida ada itoe tanda,” kata Tan Lim dengen heran.

Pauw Kong poen soeda dapet liat itoe loekisan boengah seroeni poetih, tapi tida mengarti apa sebabnja ada di sitoe. Tjhio Peng dan Tian Tjiauw lantas omong bisik-bisik sakoetíka lamanja, kamoedian Tían Him Hoei lantas menghamperi dan keboetken tangan badjoenja pada itoe daon pintoe jang ada terdapet itoe loekisan boengah seroeni poetih, dalem sa'at itoe djoega ada bebrapa banjak deboe poetih jang pada melajang di oedara, sedeng itoe loekisan boengah seroeni lantas djadi tida kaliatan lagi. Tian Him Hoei lantas menghamperi pada Pauw Kong.

„Itoelah ada soeatoe tanda jang telah ditinggalken oleh itoe pendjahat, jang telah tjoeri baginda keizer poenja pakean,” kata ia. „Sasoenggoenja ia itoe ada soeatoe pendjahat jang sanget brani sebab pada sasoedanja mentjoeri dengen sengadja soeda meninggalken itoe matjem tanda, sabagi djoega ia maoe kasi taoe siapa orangnja jang soeda melakoeken itoe pertjoerian.”

„Tjongkwan Loya boleh rapportken kasoedahannja kita poenja papreksahan pada baginda keizer,” kata Pauw Kong. „Akoe apa menoenggoe firman di loewar atawa pada besok pagi sadja pada waktoe akoe mengadep pada baginda keizer sabagimana biasanja ?”

„Itoe hal akoe maoe hatoerken semoewanja pada baginda keizer dengen terang,” kata Tan Lim. „Akoe harep kaoe soeka lekasan prentah orang pergi menangkep itoe pendjahat, sebab itoelah jang paling perloe.”

„Kaloe begitoe, akoe maoe poelang ka Khay-hong-hoe sadja,” kata Pauw Kong.

„Ja, baek; sekarang itoe penggawe-penggawe kraton kaoe tida perloe lagi preksa iaorang poenja katerangan,” kata Tan Lim.

„Dari sebab itoe pentjoeri ada orang loewar, soeda tentoe sadja tida ada perloenja bikin papreksahan pada orang-orang dalem.”

Tan Lim manggoetken kapala dan soeroe bebrapa orang kebiri menganter Pauw Kong dan doewa kawannja pergi kaloewar, sedeng ia sendiri lantas masoek ka dalem astana merapportken apa jang soeda terdjadi pada baginda keizer. Di laen fihak Pauw Kong satelah balik poelang ka Khay-hong-hoe, lantas kasi prentah soepaja Tian Tjiauw dan Tjhio Peng dateng ka ia poenja kamaz-batja boewat bitjara.

„Sekarang ini perkara kahilangan pakean, biar poen baginda keizer tida manetapken kapan waktoenja itoe pendjahat moesti tertangkep,” kata Pauw Kong, „tapi sabisanja moesti dengen lekas. Sebab kaloe bisa dapet tangkep itoe pendjahat dengen lekas, bila baginda keizer djadi moerka, nistjaja poenkok djoega aken mendapet gegeran jang, boekan enak.”

Itoe doe wa orang beroelang-oelang manggoetken kapala. Pauw Kong lantas gerakin tangan sabagi tanda jang itoe doewa orang boleh berlaloe. Begitoelah itoe doewa orang lantas balik kombali ka tempatnja Hauw-wie dan semoewa orang lantas pada menghamperi boewat menanjaken itoe perkara. Tjhio Peng koetika meliat di sitoe tida ada orang loewar, lantas toetoerken tjara bagimana kasoedahannja itoe penjelidikan di dalem astana. Kamoedian ia kasi prentah pada satóe penggawe dengen berkoeda pergi panggil pada semoewa kapala oppas dari ampat belas district jang berada dalem pegangannja Khay-hong-hoe boewat dateng mengadep. Itoe penggawe lantas brangkat melakoeken itoe prentah.

Soeda tentoe sadja kapala oppas dari Khay-hong-hoe jang paling doeloe dipanggil mengadep. Han Tjiat dan Touw Soen lantas masoek dan berdiri menoenggoe di satoe pinggiran dengen sikap hormat.

„Sekarang akoe panggil kaoe berdoewa dateng ka sini,” kata Tjhio Peng, „boleh djadi djoega kaoe orang masi belon taoe terang lantaran oeroesan apa, maka sekarang akoe maoe manerangken lagi satoe kali. Baginda keizer telah kahilangan iapoenja saprangkat pakean karadjahan dan itoe barang ditjoeri oleh pendjahat dari loewar dan itoe pentjoeri roepanja sanget brani; sebab pada sasoedanja melakoeken itoe pentjoerian, ia lantas bikin satoe tanda dengen satoe tjap jang berlobang dan dalemnja terisi boeboek poetih, meroepaken satangke boengah seroeni berikoet satoe batang dan tiga daonnja, di atas daon-pintoe Hong-siang-boen. Kaoe orang soeda biasa mengoeroes perkara perampokan dan pentjoerian, apa kaoe orang taoe itoe pendjahat jang soeda meninggalken tanda saroepa itoe ada pendjahat dari mana ?”

Itoe doewa kapala oppas lantas berloetoet.

„Kita orang sasoenggoenja tida taoe,” kata marika dengen berbareng kaloe kita orang taoe sedikit sadja apa-apa jang berhoeboeng sama ini hal, nistjaja kita orang lebih siang soeda hatoer bertaoeken pada taydjin.”

„Kaoe orang dengen enak sadja boleh bilang begitoe,” kata Tjhio Peng sembari bersenjoem sindir. „Baginda keizer telah kasi tempo anampoeloeh hari boewat bikin terang ini perkara dan Siangya kasi tempo satoe boelan. Maka kaloe sadja ini perkara tida bioa dibikin terang dalem tempo tiga-poeloeh hari, kaoe orang haroes hati-hati sama toengkat jang bakal merangket pada kaoe orang. Sekarang kaoe orang boleh pergi menoenggoe di loewar.”

Disini haroes diterangken prihal itoe tjap, jang itoe pentjoeri telah goenaken boewat bikin itoe tanda. Biasanja anak-anak sekola soeka bikin samatjem permaenan dari samatjem kantong kertas minjak, di moekanja itoe kantong ditoesoekin sama satoe poesoet tadjem meroepaken satoe koera-koera ; kamoedian dalem itoe kantong diisiken poepoer poetih. Itoe anak-anak goenaken itoe kantong ditepokin pada kawannja poenja bebokong dan lantas sadja di atas itoe tempat jang bekas ditepok meninggalken tanda titikan poetih jang meroepaken koera-koera. Begitoe poen itoe pekakas jang digoenaken oleh itoe pendjahat; tjoema sadja iapoenja bikinan ada lebih rapi dan bagoes, lantaran apa bisa meninggalken tanda titikan jang lebih njata dan bisa menempel lebih baek.

Itoe waktoe Tjhio Peng lantas berpaling pada Thio Liong, Tio Houw, Ong Tiauw dan Ma Han.

„Toewan-toewan,” kata ia, „sekarang di sini tida ada orang loewar dan kaoe berampat asalnja kaloewaran dari golongan lioklim, dengen begitoe, tentoelah bisa taoe pendjahat dari mana jang biasa soeka meninggalken itoe matjem tanda pada sasoedanja ia melakoeken pakerdjahannja. Djika kaoe orang taoe akoe sanget harep soepaja soeka mengasi katerangan.”

Tiga dari itoe ampat orang, jaitoe Thio Liong, Ong Tiauw dan Ma Han, satelah mendenger itoe pertanjahan, moekanja semoewa mendadak berobah seperti tjabe dan tida bisa mendjawab; tapi Tio Houw kaliatannja tida merasa maloe atas itoe oeroesan jang soeda laloe.

„Tatkala kita berampat melakoeken pakerdjahan membegal di Touw-liong-kang,” kata ia, „itoe kawanan bangsat moeda masi belon dilahirken; maka djika taydjin maoe menanjaken perkara-perkara jang terdjadi pada bebrapa tahon berselang, boleh djadi kita masi bisa taoe djoega bebrapa fatsal. Samentara ini kawanan begal jang moentjoel blakangan, lantaran kita soeda kaloewar dari itoe golongan, soeda tentoe sadja kita tida taoe satoe apa; kaloe maoe dibitjaraken, marika itoe boleh teritoeng mendjadi kita poenja boejoet !”

Tio Houw poenja omongan jang paling blakang soeda membikin Heng Djoe Liong dan Heng Djoe Houw djadi mendongkol. Marika memandang pada itoe orang jang bitjara dengen moeka merengoet dan mata mendelik.

„Tio Soe-loya, kaoe tida perloe djadi kakroepoekan,” kata lagi Tjhio Peng. Kita poenja nabi bilang: „Apa jang kita taoe boleh bilang taoe dan jang tida taoe djoega boleh bilang tida taoe.”

„Ah, kombali kaoe kaloewarken itoe pepatah dari Soesie,” kata Tio Houw, „akoe mana bisa mengarti.” „Djika memangnja kaoe tida taoe satoe apa, itoelah tida bisa dipaksa. Dan kaoe Pang Toa-loya, bagimana?”

„Aja, kaloe sadja akoe taoe, tida perloe kaoe menanjaken lagi, tentoe lebih siang akoe soeda kasi taoe,” kata Pang Jan. „Memang djoega lantaran akoe dari golongan lioklim haroes taoe ka'adahan dalem itoe golongan; tjoema sadja akoe teroes-meneroes berdiam di Teng-kee-poo, Pa-ong-tjhung dan paling blakang di Ong-hoe, dalem itoe tiga tempat sama-sekali ada belasan tahon lamanja, dengen begitoe, sekarang perkara di loewaran, akoe sama-sekali tida taoe satoe apa. Apabila akoe tape dan tida maoe kasi taoe, boleh anggep sadja akoe ini boekannja manoesia.”

„Ach, kaloe memangnja kaoe tida taoe tida perloe bersoempa,” Tjhio Peng bitjara sampe di sini lantas berpaling pada itoe kadoewa soedara Heng dan berkata lagi: „Heng Toa-loya dan Heng Dji-loya, kaoe berdoewa poen ada kaloewaran dari golongan lioklim, malah meninggalken itoe golongan poen masi belon lama, boleh djadi kaoe orang ada denger apa apa jang berhoeboeng sama ini perkara.”

Itoe doewa orang lantas oendjoek sikap goegoep dan bingoeng.

„Kita orang tida taoe dan sasoenggoenja tida taoe satoe apa tentang ini oeroesan,” kata itoe doewa saedara dengen berbareng.

„Soedara,” menambahken jang toewahan, „boekantah memangnja kita tida taoe satoe apa tentang ini oeroesan?”

„Ja,” djawab jang moedahan, „memang kita tida taoe satoe apa. Akoe harep sadja taydjin djangan menjangka kita taoe, tapi tida maoe tjeritaken. Soenggoe mati, kita orang memangnja tida taoe.”

---

FATSAL XIX.

Tjhio Peng meliat itoe doewa orang poenja sikap begitoe roepa, lantas soeda mengarti, tapi ia poera-poera berkata: „Kaoe berdoewa kaloe betoel tida taoe, tida perloe djadi iboek, kita orang boleh selidikin sadja dengen soenggoe-soenggoe, boleh djadi dengen perlahan kita aken bisa mendapet katerangan.”

Semoewa orang tentoe sadja bilang baek. Kamoedian Tjhio Peng kasi prentah Han Tjiat dan Touw Soen, apabila itoe kapala-kapala oppas dari semoewa district jang termasoek di bawah prentahnja Khay-hong hoe dateng, itoe doewa orang boleh kasi taoe itoe perkara dengen terang dan kasi tempo dalem satoe boelan itoe perkara soeda moesti diselidikin dengen terang. Sahabisnja mamerentah, Tjhio Peng lantas tarik Tian Lam-hiap dan diadjak pergi masoek ka dalem roemah tinggalnja jang terseboet blakangan. Semoewa orang jang bakerdja di Khay-hong-hoe, masing-masing ada mempoenjai roemah tinggal jang terpisa. Itoe kadoewa soedara Heng tinggal di roemah jang teridar tembok di sabelah Timoer, sedeng Thio Liong, Tio Houw, Ong Tiauw dan Ma Han memake satoe petak di sabelah Timoer djoega dan Pang Jan berdiam di satoe roemah samping. Itoe semoewa orang pada balik poelang ka masing-masing poenja tempat tinggal, sedeng Tian Tjiauw bersama Tjhio Peng satelah sampe di tempat jang ditoedjoe, orang jang terseboet blakangan lantas berkata:

„Tian Toa-tee, apa kaoe dapet liat bagimana sikapnja itoe doewa soedara Heng?”

„Tida, akoe tida liat apa-apa,” djawab orang jang ditanja. „Tapi, Sie-ko, kaoe dapet liat itoe doewa orang poenja sikap bagimana?”

„Akoe doega keras itoe doewa soedara ada taoe apa-apa dalem ini oeroesan.”

„Ach, Sie-ko, djangan soeka sembarang toedoeh orang.”

„Tida, akoe tida sembarang toedoeh orang. Kaoe sendiri poen tentoe soeda bisa liat bagimana sikapnja itoe doewa orang koetika ditanja oleh akoe dan tjaranja iaorang mengasi katerangan. Akoe rasa kaoe poen tentoe soeda taoe apa-apa, sama akoe boewat apa kaoe berlaga pilon.”

Tian Tjiauw jang djoedjoer, sekalipoen tadinja ia merasa tida tega, itoe waktoe tida bisa berlaga bodo lebih lama, maka ia lantas berkata sadja: „Abis bagimana maoe diatoernja ?”

„Akoe maoe pergi ka blakang boewat intip itoe doewa soedara mengomong apa,” kata Tjhio Peng. „Kaoe toenggoe sadja di sini, sabentar akoe balik kasi kabar.”

Tjhio Peng lantas pergi ka itoe roemah jang terkoeroeng tembok di sabelah Timoer, di mana itoe doewa soedara Heng ada tinggal. Di sabelah blakangnja itoe roemah ada memake satoe djendela besar, di sitoelah Tjhio Peng berdiri sembari pasang koeping. Ternjata itoe doewa orang lagi mengomong saling saoetan.

„Baroesan koetika Tjhio taydjin menanja pada kaoe,” kadengeran Heng Djoe Liong berkata, „mengapa kaoe poenja moeka berobah, akoe sanget koewatir kaoe toetoerken itoe perkara.”

„Djika menoeroet akoe poenja pendapetan,” kata jang moedahan, „ada lebih baek tjeritaken dengen teroes-terang.”

„Kaoe gila Kaoe tida pikir-pikir ia itoe ada kita poenja apa kaloe sadja kita tjeritaken, lantas sadja kita aken diborgol dan didjebloesken ka dalem pendjara, malah boleh djadi djoega kamoedian kita aken mendapet hoekoeman tabas batang leher.”

„Ach, ia toch sama djoega maoe binasaken kita berdoewa poenja djiwa,” kata Heng Djoe Houw. „Sebab kaloe sadja ia kena tertangkep, pada waktoe Siangya preksa padanja dan meliat kita berdiri di soeatoe pinggiran, soeda tentoe sadja ia djadi djengkel dan lantas rembet-rembet pada kita. Boekantah itoe waktoe aken terlebih tjilaka lagi?”

„Pada waktoe Siangya preksa padanja, apa kita tida bisa menjingkir dan mengoempet? Biar bagimana djoega akoe rasa lebih baek kita djangan tjeritaken.”

Tjhio Peng mendenger sampe di sini merasa tida perloe mendengeri lebih djaoe, lantas ia balikin badannja dan balik kombali ka roemahnja Tian Him Hoei.

„Bagimana?” menanja toewan roemah.

Tjhio Peng lantas toetoerken apa jang ia soeda denger itoe doewa soedara bitjaraken.

„Besok dengen perlahan kita pantjing iaorang poenja omongan,” kata Tian Tjiauw.

„Akoe masa ada itoe kasabaran boewat menoenggoe sampe besok !” kamoedian Tjhio Peng lantas berseroeh memanggil boedjang.

Dalem sa'at itoe djoega ada satoe boedjangnja Tian Him Hoei jang manjaoet sembari menghamperi.

„Kaoe pergi oendang Heng Toa-loya dan Heng Dji-loya dateng ka sini,” kata Hwan-kang-tji pada itoe boedjang.

Itoe boedjang lantas pergi melakoeken itoe prentah dan tida antara lama kamoedian, Heng Djoe Liong bersama soedara moedanja soeda dateng.

„Akoe harep toewan berdoewa soeka berdoedoek,” kata Tihio Peng.

„Oleh kerna ada berdoewa taydjin di sini,” kata jang toewahan, „kita tida brani berdoedoek.”

„Ini djabatan negri tida berbeda sabagi djoega pertoendjoekan wajang di atas panggoeng,” kata Tjhio Peng, „siapa jang diseboet taydjin dan siapa jang diseboet siauwdjin, itoelah tida lebih dari perhiasan sadja. Lagian kaoe berdoea djika kamoedian naek lagi bebrapa tingkatan, boekantah ada sama sadja dengen kita orang? Itoe waktoe kita boekannja beroeroesan satjara officieel, hanja bikin pembitjarahan di antara soedara-soedara sendiri. Maka doedoeklah, djangan berlakoe soengkan, agar kita bisa bitjara dengen senang.”

Itoe doewa soedara lantas menoeroet.

„Akoe oendang kaoe berdoewa dateng ka sini,” kita lagi Tihio Peng, „perloenja maoe menanjaken apa kaoe orang mengarti atawa tida atoerannja orang melakoeken pakerdjahan negri? Dan kaoe orang poenja kawadjiban haroes mengoeroes pakerdjahan apa?”

„Lantaran kita berdoewa masi baroe, banjak hal jang tida begitoe mengarti," kata itoe doewa orang dengen berbareng. Maka kita mengharep soepaja taydjin soeka membri adjaran.”

„Kaoe orang, begitoe poen kita, poenja kawadjiban haroes menangkep pendjahat dan pentjoeri,” kata Tjhio Peng. Samentara itoe pentjoeri jang lakoeken pentjoerian di dalem kraton, boleh dibilang soeatoe perkara penting. Djika sampe temponja doewa boelan itoe pendjahat masi djoega belon bisa tertangkep, baginda keizer djadi goesar, nistjaja Siangya bisa bisa dipetjat dari djabatannja. Dengen begimana apa Siangya bisa kasi ampoen pada kita orang? Terang sekali jang kita semoea poen tida bisa tinggal senang dalem kita poenja kadoedoekan jang sekarang. Akoe koewatir kaoe berdoewa koerang mengarti, terpaksa akoe manerangken dengen melit. Maka kaloe sadja kaoe berdoewa ada mengetahoei apa-apa tentang itoe pentjoeri, terlebih baek kaoe orang lantas tjeritaken sekarang; sabaliknja djika kaoe orang bilang tida taoe satoe apa, bila kamoedian ternjata kaoe orang soeda sengadja menoetoep resia, nistjaja kaoe orang poenja dosa aken djadi samingkin berat.

„Tida perdoeli siapa djoega adanja orang itoe, maoe poen sobat baek, soedara dari satoe kandoengan, atawa poen ajah dan paman, soeatoe kadosahan tjoema haroes ditanggoeng sadja oleh itoe orang jang melakoeken. Maka lebih baek ditjeritaken terlebih doeloe, agar diri kita bisa terloepoet dari bahaja. Akoe lantaran koewatir kaoe orang koerang mengarti dan sekarang lantaran takoet lantas menoetoep resia, nanti pada waktoe itoe pendjahat soeda tertangkep dan kaoe orang kena dirembet oleh itoe pendjahat, biar poen kita orang maoe menoeloeng, djoega soeda kasep. Apa sekarang kaoe orang soeda mengarti?”

Heng Djoe Houw mengawasi pada soedara toewanja.

„Engko, apa kaoe soeda denger itoe omongan?” kata ia. „Ja, tapi bagimana baeknja?” balik menanja itoe soedara jang toewahan.

„Akoe rasa lebih baek kita tjeritaken sadja teroes-terang,” kata lagi jang moedahan. „Itoe waktoe kita haroes mendapet kasalahan apa djoega, bagimana oentoeng sadja.”

„Sekarang ternjata akoe poenja doegahan ada benar sekali,” menjelak Tjhio Peng. „Tjoema sadja kaoe berdoewa djangan selempang biar bagimana sedikit sekali poen. Kaloe sadja kaoe berdoewa mendapet kadosahan apa-apa, akoe bersama Tian taydjin aken mendapet kabinasahan jang heibat. Apa itoe soempa tida tjoekoep berat dan kaoe orang masi belon brani bitjara teroes-terang?”

„Apabila kita tjeritaken ini hal,” kata itoe doewa soedara dengen berbareng „kita poenja kadosahan sasoenggoenja boekan ketjil.”

„Akoe menanggoeng jang kaoe orang tida aken mendapet dosa satoe apa,” menghiboer lagi Tjhio Peng.

„Sekarang akoe maoe tjeritaken teroes terang pada kadoewa taydjin,” kata Heng Djoe Liong. „Itoe orang she Jan bernama satoe hoeroef Hoei. Iapoenja gelaran diseboet Tiok-eng-djie dan diseboet djoega Pek Kiok Hoa.”

„Apa boekan poetranja Jan Tjoe Tok, itoe orang di Tintjioe?" menjelak Tian Hoei Hoei.”

„Betoel,” djawab Heng Djoe Liong.

„Kaoe boleh toetoerken dengen perlahan dan terang,” kata Tjhio Peng.

„Itoe orang ada mendjadi kita poenja soeheng,” kata lagi Heng Djoe Liong jang melandjoetken bitjaranja. „Kita sama-sekali ada berampat dan ia jang paling besar dan akoe poenja Dji-soeheng bernama The Thian Hoey, jang tergelar Sin-tan-tjoe Oa-Thio-sian, orang berasal dari Siamsay, bersama kita berdoewa djadi ampat orang. Tjoema sadja biar poen kita perna soeheng sama Jan Hoei, tapi ampir tida berbeda sabagi moesoeh....”

„Tida perloe kaoe bikin bersih diri begitoe roepa,” menjelak Hwan-kang-tji; „sabagimana tadi akoe soeda bilang, kaoe orang boleh tida oesa koewatir karembet-rembet. Bitjara sadja jang sabenarnja.”

„Boekannja kita maoe membersihken diri,” kata Heng Djoe Houw: „tapi kaloe maoe bitjaraken ini hal, itoelah ada soeatoe riwajat pandjang sekali. Akoe poenja goeroe Go-hong-poo, she Kie bernama Kiang. lapoenja gelaran diseboet Gin-sie-tiat-pwee-tjong-liong. Ia ada mempoenjai satoe prampoewan jang bernama Kie Say Hoa, djadi bersama akoe poenja Soebo, goeroekoe poenja anggota familie sama-sekali ada tiga orang. Paling pertama goeroekoe trima Jan Hoei mendjadi moeridnja dan soeda toeroenken iapoenja sa antero ilmoe kapandean, sedikit poen tida ada jang katinggalan, oleh kerna itoe ia toendjang penghidoepannja akoe poenja goeroe saroemah tangga.

„Blakangan akoe poenja goeroe baroe menerima lagi kita bertiga mendjadi moeridnja, tapi Jan Hoei larang akoe poenja goeroe menoeroenken ilmoe kapandean pada kita orang, kerna koewatir djika kita soeda bisa pahamken ilmoe silat, aken mengalahken padanja. Akoe poenja goeroe koepingnja terlaloe enteng gampang sekali kena digosok, lagian iapoenja penghidoepan boleh dibilang bergantoeng pada Jan Hoei, maka ia tida brani kasi ilmoe perladjaran apa djoega pada kita bertiga. Kaloe sadja akoe poenja goeroe matanja masi awas, boleh djadi ia tida terlaloe mengandel penghidoepan pada Jan Hoei; tapi soenggoe tida beroentoeng iapoenja kadoewa mata soeda boeta.

„Goeroekoe ada mempoenjai satoe soedara moeda jang bernama Kie Tjay, orang dari Yangtjioe dan tergelar Hoa-to. Tahon pertama koetika ia dateng mengoendjoengin roemahnja akoe poenja goeroe boewat hatoerken slamet goeroekoe poenja hari-taon, roepanja ia memperhatiken pada kita bertiga dan menanjaken kita orang soeda bisa ilmoe kapandean apa. Kita orang kasi taoe bahoewa kita tida dapet peladjarken ilmoe kapandean apa djoega, kerna belon lama dateng bergoeroe. Soesiok lantas pesen soepaja kita orang berladjar dengen radjin. Tahon kadoewa kombali Soesiok dateng membri slamet hari-lahirnja akoe poenja goeroe dan itoe waktoepoen, kombali ia menanjaken pada kita orang; tapi kita masi belon dapet peladjarken soeatoe apa. Blakangan lantaran pengaroehnja aer kata-kata, akoe poenja Soesiok djadi riboet sama goeroekoe, kamoedian ia lantas adjak kita bertiga ka roemahnja di Yangtjioe.

„Kita bertiga poenja ilmoe kapandean, semoea ditoeroenken oleh Soesiok. Ia adjari akoe poenja Dji-soeheng samatjem sendjata resia jang berlaenan sama Pek Kiok Hoa, jaitoe samatjem peloeroe jang dilepasken oleh satoe gondewa; tjoema sajang kita berdoewa terlaloe bodo, koetika Soesiok adjari kita menggoenaken samatjem sendjata resia jang dinamaken Pat-po-tian-kong-toei, tida djoega kita bisa goenaken, biar poen soeda diadjari beroelang-oelang. Inilah djoega sebabnja tadi kita soeda bilang bahoewa biar poen namanja Soeheng dan soetee, tapi tida berbeda sebagi djoega moesoeh. Itoe semoea ada itoe riwajat jang telah laloe, kita berdoea bakal mendapet kadosahan apa, terserah padah tay-djin poenja timbangan jang adil.”

„Kaoe orang djangan seboet prihal kadosahan,” kata Tjhio Peng. „Biar poen perhoeboengan familie antara bapa dan anak, siapa jang lakoeken itoe perboewatan, itoe oranglah jang haroes menanggoeng kadosahannja; apapoela kaoe orang tjoema perhoeboengan soedara dari satoe goeroe, soeda tentoe sadja sama-sekali tida ada sangkoetannja sama kaoe berdoewa. Tapi itoe Pek Kiok Hoa sabetoelnja ada mempoenjai ilmoe kapandean apa ?”

„Apabila maoe dibitjaraken ilmoe kapandean,” kata Heng Djoe Liong, „boleh dibilang djarang ada bandingannja. Pertama ia ada mempoenjai satoe pedang wasiat, jang diseboet Tji-tian-kiam, bisa mengiris emas dan memotong batoe giok dan tida perdoeli sendjata apa sadja, satoe kali beradoe sama itoe pedang wasiat lantas sadja djadi terpoetoes doewa; kadoewa iapoenja tangan doewa-doewanja pande sekali malepasken sendjata resia „pio” dengen sanget djitoe; katiga ia ada mempoenjai kapandean di dalem aer dengen bisa melekin matanja boewat meliat apa-apa."”

„Sekarang ia tinggal di mana ?” menanja Tjhio Peng.

„Di soeatoe tempat dalem bilangan afdeeling Tjitjioe, jang dinamaken Louw-an-san, Pa-pi-kok, sedeng di blakang itoe boekit (Pi-pa-san) ada satoe telaga jang diseboet Piauw-jan-ouw.”

„Kaloe soeda dikatahoei di mana iapoenja sarang, perkara menangkep padanja boekan perkara soeker.”

„Masi ada lagi soeatoe hal,” manerangken lagi Heng Djoe Liong, „djika maoe menangkep padanja di Louw-an-san, Pi-pa-kok, tida nanti bisa berhasil djika mentjari pada saorang jang bernama Jan Hoei.

„Apa ia soeda memake nama laen?”

„Sadari bermoela ia dateng ka itoe tempat, ia tida memake namanja jang sedjati dan memake shenja iapoenja nene loewar.”

„She apatah itoe?” manegasken Tjhio Peng.

„She Oet-tie dan nama jang ia pake satoe hoeroef Liang. Tegasnja Pek Kiok Hoa di tempat kadiamannja terkenal dengen itoe nama palsoe Oet-tie Liang. Di Pi-pa-kok ia mendiriken satoe goendoekan roemah-roemah dengen pekarangan jang loewas, semoewa boedjang-boedjang ia jang panggil sendiri. Pendoedoek di sitoe lantaran tida taoe iapoenja asal-oesoel jang sasoenggoenja, semoewa bahasaken ia Oet-tie Tay-khoa-djin. Sebab iaorang mendapet katerangan bahoewa itoe Oet-tie Tay-khoa-djin ada toeroenan orang berpangkat. Djika ia pergi kaloewar „beroesaha” dan poelang dengen menggondol banjak harta dan barang berharga, ia bilang di banjak tempat ia ada mempoenjai peroesahan besar, itoe waktoe ia baroe habis pergi bikin peritoengan dan orang banjak jang tida taoe satoe apa lantas sadja pertjaja iapoenja obrolan itoe. Lagian dalem perkara oewang iapoenja tangan sanget terlepas dan orang-orang kampoengan jang miskin, soeda tentoe sadja djadi merasa sanget soeka padanja, sedeng iapoenja orang-orang tida ada satoe jang tida mengindahken padanja. Maka kaloe maoe menangkep nja, perloe sekali moesti hati-hati, djangan sampe ia menjioem baoe dan lantas maboer.”

„Akoe soeda pikir soeatoe daja-oepaja jang baek, asal sadjakaoe berdoewa tida memboeka resia, kaoe orang bakal mendapet gandjaran jang teroetama. Sekarang mari mengikoet padakoe boewat mengadep pada Siang-ya.”

Itoe doewa soedara lantas manggoetken kapala. Begitoelah iaorang berikoet djoega Tian Tjiauw sama-sama masoek ka dalem boewat mengadep pada Pauw Kong. Tatkala iaorang sampe di moekanja itoe kamar batja, lebih doeloe minta Pauw Hin masoek kasi taoe dan itoe ambtenaar lantas oendang marika itoe masoek ka dalem. Pada sasoedanja djalanken kahormatan sabagimana biasa, Tjhio Peng lantas toetoerken dengen terang apa jang itoe doewa soedara Heng soeda bitjaraken, sedeng itoe doewa orang lantas madjoe menghamperi boewat menerima salah; tapi Pauw Kong lantas gerakin tangannja.

„Kaoe berdoewa sama-sakali tida berdosa satoe apa,” kata ia. „Sekarang kaoe orang soeda petjahken itoe resia hingga bisa dikatahoei di mana sarangnja itoe pendjahat, poenkok sabaliknja maoe tjatet kaoe berdoewa poenja gandjaran.”

Kamoedian itoe ambtenaar kasi prentah Tian Tjiauw dan Tjhio Peng pergi ka Louw-an-san menangkep itoe pendjahat, sedeng orang-orang jang maoe dibawa boleh menoeroet sasoekanja sendiri boewat mamilih

„Orang-orang jang aken dibawa adalah kadoewa Heng Hauw-wie, Pang Hauw-wie dan bebrapa poeloeh oppas-oppas politie dari ini kantoor,” kata Tjhio Peng. „Salaennja itoe aken memoehoen Siangya soeka kasiken satoe soerat dienst boewat pembesar di itoe tempat, kamoedian sasampenja di sana kita aken berboewat dengen meliat gelagat.”

„Kadoewa Hou-wie boleh menoenggoe doeloe di loewar dan sekalian mamilih itoe oppas-oppas jang bakal dibawa,” kata Pauw Kong.

Itoe ampat orang lantas pergi ka loewar dan memanggil itoe doewa kapala oppas, Han Tjiat dan Touw Soen, soeroe iaorang mamilih doewabelas oppas jang beroemoer moeda dan bertoeboe koewat, kamoedian ia menanja: „Apa itoe kapala-kapala oppas dari semoewa district bawahannja Khay-hong-hoe soeda dateng ?“

„Pada sasoedanja taydjin kasi prentah boewat memanggil saorang, itoe kapala-kapala oppas dari semoewa district telah dateng ka sini boewat menoenggoe prentah, kamoedian ia-orang soeroe orang-orang sabawahannja poelang mengasi kabar pada kawan sadjabatnja jang berdeketan sama masing-masing poenja bilangan.“

„Baek,“ kata Tjhio Peng, jang bersama tiga kawannja balik kombali ka Hauw-wie-see atawa tempat berkoempoelnja semoewa ponggawa dari Khay-hong-hoe, Mendadak kerepintoe terboeka dan bertindak masoek doewa orang. Tjhio Peng liat marika itoe boekan laen dari Thio Liong dan Tio Houw.

„Kaoe berdoewa dateng ka sini ada oeroesan apa ?“ Ini hal baek diterangkan lebih doeloe. Tio Houw taoe bahoewa Tjhio Peng menerima prentahnja Pauw Kong pergi ka Low-an-san boewat menangkep Jan Hoei alias Pek Kiok Hoa, maka ia lantas berkata pada Thio Samko, apa kaoe liat keadaan sekarang soeda berobah ? Sebab sekarang orang dapet pangkat dengen tjara jang gampang sekali. Doeloean Louw Hong, Tji Kheng dan Tjhio Peng, iaorang moesti pandjat tiang bendera, porot lobang-lobang boekit dan menangkep kodok di dalem empang: tapi sekarang enak sekali, orang jang dateng boewat melakoekan pemboenoehan djoega bisa mendapat djabatan negri. Kaoe dan akoe memegang itoe kewadjiban mandjaga „Gie-heng“ soeda sakean lamanja, tapi kita poenja pangkat masi tetap Hauw-wie djoega. Belon lama kita melakoekan soeatoe pekerdjahan jang tida membawa hasil satoe apa, jaitoe menganterin Pak Ngo-thay-thay, sabaliknja orang-orang baore sekarang mendapet pekerdjahan baek. Ini satoe kali iaorang pergi, ampir bisa dipastiken Pak Kiok Hoa aken dapet tertangkep, dengen begitoe orang-orang jang toeroet pergi, tentoe sekali bakal mendapet gandjaran dan ada pengharepan boeat naek pangkat.”

„Itoelah djangan diboewat ngiri,” kata Thio Liong, „Sebab laen orang ada mempoenjai ilmoe kepandean jang lebih tinggi dari kita.”

„Kita poenja kepandean djoega tida bisa dikata djelek,” kata lagi Tio Houw. „Maka lebih baek kita mengadep pada Siangya boewat maminta pakerdjahan. Biarlah iaorang soeka mengala sedikit dan djangan maminta terlaloe banjak dari kita, dengen begitoe kita bisa toeroet mendapet gandjaran dari marika poenja tenaga. Memang djoega kaloe maoe dibitjaraken perkara menangkep Pek Kiok Hoa, soeda tentoe sadja kaoe dan akoe tida ada itoe kemampoean ; tapi biar bagimana djoega, itoe pendjahat tentoe bakal tertangkep, kaloe kita toeroet dalem itoe pakerdjahan, pada waktoe Siangnya masoekin laporan pada baginda keizer, tida bisa tida kita berdoewa poenja nama aken toeroet diseboet. Kaloe begitoe, boekantah kita poenn teritoeng berdjasa djoega ?”

Thio Liong terpaksa moesti menoeroeti pikirannja iapoenja soedara angkat, jang dengen tidak banjak bitjara lagi lantas seret sadja jang terseboet doeloean pergi mengadep pada Pauw Kong di dalam kamar boekanja. Pada sasoeda ia orang djalanken kahormatan sagaimana biasanja, Tio Houw lantas menjataken kainginannja. Pauw Kong taoe bahoewa ini doewa orang tida ada mempoenjai kemampoean apa-apa, tapi ia mengarti djoega Tio Houw poenja maksoed jang ingin mendapet kanaekan dalam kadoedoekannja. Oleh kerna mamikir kanaekan dalam kadoedoekannja. Oleh kerna mamikir ada Tian Him Hoei dan Tjhio TIang Tek jang soeda tentoe sadja tida nanti membikin ini doewa orang mendapet soesa, lantas sadja ia meloeloeskan itoe permintahan. Itoe doewa orang lantas moendoer. Pauw Kong soeroe Kong-soen Tjek menoelis satoe soerat dienst dan kamoedian ditrimaken pada Tjhio Peng.

Itoe waktoe koetika Tjhio Peng meliat Thio Liong dan Tio Houw masoek, masi belon bisa tebak apa marika poenja maksoed, maka lantas bikin itoe pertanjahan.

„Baroesan Siangnya telah panggil kita berdoewa mengadep di iapoenja kamar-boekoe," kata Tio Houw dengen mendjoesta, ,,dan Siangya bilang lantaran orang-orang jang maoe pergi menangkep Pek Kiok Hoa, djoemblanja terlaloe sedikit, maka prentahken djoega kita berdoewa boewat toeroet membantoe dan menoenggoe kaoe berdoewa poenja prentah.

Hei, Lauw-Tio, kaoe ini omongan soenggoe-soenggoe?" menanja Tjhio Peng jang sama-sekali tida maoe pertjaja itoe obrolan.

Siapatah jang maoe membohong dalem perkara begini !" kata Tio Houw.

,,Kita poenja orang-orang soeda sampe tjoekoep," kata Tjhio Peng;,,tapi kaloe benar Siangya ada kasi itoe prentah, akoe maoe pergi masoek boewat tanjaken."

Sahabisnja berkata Tjhio Peng berbangkit dari tempat doedoeknja dan oendjoek sikep sabagi orang jang maoe pergi ka loewar. Hal mana soeda membikin kaget paaa Tio Houw, jang dengen goegoep lantas menjekal lengannja Tjhio Peng.

Tjhio-ya, sabetoelnja boekannja begitoe," kata ia,,,dan akoe sendirilah jang telah pergi minta ini pakerdjahan pada Siangya."

,,Boekantah kaoe bitjara dengen teroes-terang ada lebih baek? Akoe poenja tabeat paling tida soeka sama orang jang mendjoesta."

Beroentoeng Tio Houw poenja koelit moeka ada sampe tebel, kaloe sadja ini hal terdjadi pada laen orang, sedikitnja tentoe paras moeka berobah djadi merah. Tatkala itoe doewa orang lagi bitjara, Tian Him Hoei di satoe pinggiran tinggal mengawasi dengen bersenjoem ewa. Mendadak kere pintoe terboeka lagi dan sekarang Kong-soen Tjek jang masoek dengen membawa satoe soerat dienst sembari oendjoek moeka tertawa. Semoewa orang pada berbangkit dan oendang ia berdoedoek.

,,Tjhio-ya, ini soerat dienst boleh dibawa pada Tihoe dari Tjitjioe." kata Kong-soen Tjek. Itoe ambtenaar bernama Tji Koan dan moeridnja kita poenja Siangya. Segala perkara boleh minta iapoenja bantoean.

18

Tjhio Peng trima itoe soerat dienst dan ditrimaken lagi pada Tian Him Hoei, di laen fihak ia kasi prentah soepaja orang bikin sedia koeda-koeda toenggang jang perloe, kamoedian masing-masing lantas bawa sasoeatoe orang poenja barang bekelan dengen di'iketken di blakang sela koeda. Tjhio Peng soeroe itoe doewabelas kapala oppas pergi manerima masing-masing poenja ongkos djalan dan minta disediaken koeda toenggang pada kapala-district dari Siang-hoe-koan. Ong Tiauw dan Ma Han poen toeroet kaloewar menganter sampe di pintoe depan.

„Akoe harep sadja toewan-toewan sekalian poenja pakerdjahan bisa lekas berhasil,” kata itoe doewa orang; kita di sini menoenggoe kabar baek.”

„Mengandel sama kaoe berdoewa poenja redjeki, harep sadja bisa berhasil,” kata bebrapa orang.

——————

FATSAL XX.

Tatkala itoe rombongan orang dari Khay-hong-hoe sampe di pintoe-kota Tjeng-hong-boen boewat mengasi liat soerat katerangan pada pendjaga pintoe kota, mendadak itoe doewa belas kapala oppas dengen berkoeda dateng menjoesoel. Begitoelah iaorang lantas brangkat sama-sama. Tida ditjeritaken dalem iaorang poenja perdjalanan. Pada soeatoe hari iaorang soeda sampe di pintoe kota Timoer dari itoe afdeeling Tjitjioe. Tjhio Peng soeroe pengikoetnja pergi mentjari soeatoe roemah makan jang baek dan bresih dan achirnja iaorang menginep di satoe roemah makan jang memake merk Hok Hin, sedeng Tjhio Peng bersama Tian Him Hoei dengen membawa satoe pengikoet pergi katemoeken Tihoe di ia-poenja kantoor.

Itoe pembesar afdeeling soeroe orangnja memboeka pintoe tengah dan ia sendiri kaloewar menjamboet kadatengannja itoe doewa ponggawa dari Khay-hong-hoe. Tian Tjiauw dan Tjhio Peng lebih siang soeda mengeboet masing-masing poenja pakean jang penoeh deboe. Tatkala soeda dateng deket, iaorang liat itoe Tihoe memake iapoenja pakean kabesaran, jang memake leher boender dari soetra merah, lapoenja koelit moeka poetih dan tjakep ditimpalin sama tiga baris koemis pandjang. Koetika meliat pada itoe doewa orang, lantas sadja ia membri hormat sampe kadoewa tangannja ampir mengenaken boemi. Tian Tjiauw dan Tjhio Peng membales sabagimana pantesnja. Itoe Tihoe oendang tetamoenja masoek ka satoe kamar-boekoe, di mana iaorang berdoedoek dan disoegoehi thee.

„Oleh kerna akoe tida mendapet taoe lebih siang atas kadoewa toewan poenja kadatengan,” kata itoe ambtenaar, „djadi akoe tida bisa menjamboet dari djaoe. Harep sadja kadoewa toewan soeka membri ma'af.”

„Oh, itoelah kita tida sanggoep trima,” djawab itoe doewa orang.

„Lo-Soe Siangya, di kota radja apa selamanja ini ada baek ?” „Baek, tida koerang satoe apa.”

„Toewan berdoewa poenja kadatengan ka sini maoe kasi prentahan apa ?” menanja lagi Tji Koan, itoe Tihoe.

„Akoe harep soepaja taydjin singkirken doeloe orang-orang jang berada di sini,” kata Tjhio Peng.

Tji Koan lantas kasi prentah semoewa orang-orangnja menjingkir kaloewar.

„Toewan-toewan tentoe ada perkara resia jang penting,” kata itoe ambtenaar, „dan sekarang soeda tida ada laen orang, akoe rasa boleh lantas toetoerken hal itoe padakoe.”

„Louw-an-san apa tempat jang berada di bawah taydjin poenja pegangan ?” moelai Tjhio Peng.

Tji Koan lantas manggoetken kapala dan berkata: „Ja.”

„Di sini ada satoe soerat dienst dan harep taydjin soeka preksa,” kata Tjhio Peng sembari minta Tian Him Hoei kasiken soerat itoe. Tian Tjiauw lantas kaloearken itoe soerat dienst dan trimaken pada itoe ambtenaar, jang lantas boeka serta batja boenjinja. Pada waktoe ia soeda membatja sampe di achirnja, iapoenja boeloe perhiasan topi kabesarannja djadi menggetar-getar. Kamoedian ia poelangken lagi itoe soeratdienst pada Tian Him Hoei.

„Pendjahat jang saroepa ini,” kata ia, roepanja tida terlaloe gampang ditangkepnja. Akoe minta tanja kadoewa taydjin apa maoe memake tenaga pasoekan balatentara atawa memake bantoeannja orang-orang politie, pada waktoe melakoeken itoe penangkepan?”

„Apabila menggeraken pasoekan balatentara,” kata Tjhio Peng, akoe koewatir tida bisa dipegang resia dan satoe kali ada tersiar kabar angin, nistjaja itoe pendjahat boeroeboeroe menjingkirken diri ka laen tempat. Itoelah tida baeki Sabaliknja djika memake tenaga bantoeannja orang-orang politie, djoega tida ada banjak goenanja. Sebab iaorang poenja kapandean tida sabrapa, taro kata bertemoe sama itoe pendjahat, toch iaorang tida ada kemampoean boewat menangkep. Maka ini djalan djoega tida bisa dipake.”

„Kaloe begitoe akoe minta taydjin sadja oendjoek bagimana baeknja,” kata itoe ambtenaar.

„Itoelah kita nanti bitjaraken dengen perlahan,” kata Tjhio Peng. Akoe ingin menanja apa taydjin soeda perna pergi ka Pi-pa-kok di Louw-an-an ?”

„Louw-an-san akoe soeda taoe pergi; tjoema sarangnja itoe pendjahat akoe belon taoe datengin.”

„Apa di sini ada saorang jang taoe selak-seloeknja djalaman di Louw-an-san atawa tida tida ?”

Itoe Tihoe lantas manggoetken kapala.

„Dalem akoe poenja kantoor ada soeatoe penggawe jang mendjadi kapala toekang preksa padjek bernama Yauw Tjeng," kata ia.,,la itoe sering sekali melakoeken pakerdjahannja ka itoe goenoeng dan taoe terang selak-seloeknja djalanan di itoe tempat,”

„Kaloe begitoe, akoe harep taydjin soeka panggil itoe orang dateng ka sini,” kata Hwan-kang-tji.

Tji Koan lantas berseroeh dengen keras: Hei, kaoe orang pergi panggil Yauw Tjeng dateng ka sini, taydjin ada omongan jang hendak ditanjaken.”

Tida antara lama kamoedian pintoe lantas terbocka dan berdjalan masoek satoe orang toewa jang soeda berkoemis poetih dan bermoeka merah, sedeng dandanannja sabagimana biasanja orang gagah di itoe djaman; tapi biar poen oemoernja soeda toewa, toch sikepnja masi tinggal gagah dan gesit. Lebih doeloe ia membri hormat pada Tji Koan, kamoedian pada Tian Tjiauw dan Tjhio Peng, koetika chefnja adjar ia kenal pada itoe doewa orang.

„Apa kaoe kenal back selak-seloeknja djalan di Louw-an-san ?” menanja Tjhio Peng.

„Ja, akoe taoe baek ka'adahannja itoe tempat,” djawab Yauw Tjeng.

„Itoe goenoeng terpisa brapa djaoenja dari kota, sama-sekali ada brapa djalanan boewat masoek, di dalem itoe goenoeng ada brapa loewasnja dan di sabelah blakangnja itoe boekit ada mempoenjai bebrapa djalanan boewat kaloewar? Tjobalah kaoe tjeritaken satoe per satoe dengen terang.” „Pada sasoedanja kaloewar pintoe kota ini jang sabelah Barat, terpisa lima li djaoenja ada soeatoe tempat rame jang dinamaken Dji-tjan-tin, kaloewar dari itoe kampoeng jang rame poenja bagian sabelah Barat, lantas berhadep-hadepan sama Louw-an-san poenja moeloet boewat djalan masoek jang sabelah Timoer. Dari sini ada soeatoe djalanan jang meneroes ka Pi-pa-kok. Di sabelah Oetara ada ampat boekit ketjil, begitoe poen di sabelah Selatan; kaloe orang ambil djalan dari itoe goenoeng-goenoeng ketjil, toch achirnja moesti kaloewar djoega dari moeloetnja itoe goenoeng jang di sabelah Timoer. Inilah djoega sebabnja maka dinamaken Pi-pa-kok, jang meroepaken sabagi satoe kaladjengking. Itoe delapan boekit ketjil bisa dioepamaken sabagi kakinja itoe kaladjengking, sedeng moeloetnja itoe goenoeng bisa dioepamaken boentoetnja. Di sabelah blakang tida ada djalanan, katjoewali satoe telaga jang dinamaken Piauw-jan-ouw.“

„Itoe orang jang bernama Oet-tie Liang tinggal di mana?“ menanja Tjhio Peng.

„Ia mendiriken soeatoe goendoekan roemah, jang berdeketan sama itoe Pi-pa-kok jang sabelah Barat, sedeng iapoenja pekarangan roemah jang sabelah blakang tida betdjaoehan sama itoe Piauw-jang-ouw.“

„Itoe Oet-tie Liang ada orang bangsa apa?“ menanja Tjhio Peng,

„Menoeroet apa jang akoe taoe, katanja ia ada toeroenan orang berpangkat, maka semoewa orang bahasaken ianja Tay-khoa-djin, kaloe boekannja toeroenan orang berpangkat tentoe tida bisa memake itoe gelaran. Ia ada mempoenjai banjak harta dan boleh dibilang paling hartawan dalem ini bilangan.“

„Apa kaoe taoe pasti bahoewa ia itoe ada anaknja orang berpangkat?“

„Tida, sebab ia ada pendoedoek jang baroe pindah ka sitoe. Apabila ia terlahir dan besar di sini, tentoe akoe bisa taoe dengen pasti iapoenja asal-oesoel bagimana.“

„Apa kaoe taoe ia berasal orang dari mana?“ „Itoelah akoe tida taoe dengen terang. Ada orang bilang dari Lamyang-hoe, ada djoega jang bilang dari Tintjioe, tapi tida taoe jang mana lebih betoel.“

„Itoe tida mengapa,“ kata Tjhio Peng. „Tapi sasoenggoenja akoe maoe kasi taoe pada kaoe, itoe orang ada pendjahat jang telah tjoeri baginda keizer poenja pakean karadjahan. Sekarang atas prentahnja Siangya kita dateng ka sini boeat menangkep padanja. Akoe harep sadja kaoe moesti pegang keras ini resia, kerna sanget dikoewatir itoe pendjahat mendapet kabar dan lantas maboer. Sekarang akoe maoe minta kaoe poenja bantoean, boeat pergi tjari taoe, apa itoe pendjahat ada di roemah atawa tida; tapi moesti hati-hati sekali, djangan sampe ia bisa menjioem baoe dan teroes merat.“

„Apa ini waktoe ia ada di roemah atawa tida, itoelah akoe tida taoe pasti; sekarang akoe maoe pergi tjari taoe, kamoedian akoe balik kasi kabar pada taydjin.“

„Kaloe begitoe, baeklah; tapi kaoe moesti pergi doeloe ka itoe roemah makan merk Hak Hin di pintoe kota Timoer, di mana kaoe mentjari pada Thio Liong, Tio Houw, Pang Jan, Heng Djoe Liong dan Heng Djoe Houw, itoe bebrapa loya, pada siapa kaoe soeroe iaorang dengen diam-diam brangkat ka Dji-tjan-tin dan mentjari satoe tempat boewat mondok; tapi djangan sekali kasi taoe apa-apa pada orang-orang di itoe roemah makan. Kaoe pikir roemah makan apa jang baek, soepaja kamoedian dengen gampang akoe bersama kaoe poenja taydjin menjoesoel ka sana?“

Yauw Tjeng berpikir sabentaran, kamoedian ia lantas berkata: „Di sana ada satoe Sam-gie-tiam, jang poenja tempat loewas dan rawatannja baek; sedeng eigenaarnja poen ada orang jang bakerdja dalem kita poenja kantoor sabagi oppas. Maka akoe rasa ini hotel ada sampe baek.“

„Baeklah dan kaoe boleh lantas brangkat,“ kata Tjhio Peng.

Tji Koan maoe soeroe orangnja sediaken satoe medja santapan dan minoeman sabagi kahormatannja Tjhio Peng dan Tian Tjiauw: tapi Hwan-kang-tji lantas gerakin tangannja menjega.

„Itoe sama-sekali tida perloe dan akoe hatoerken banjak trima kasi lebih doeloe taydjin poenja boedi kabaekan itoe,” kata ia. „Di sini apa ada ambtenaar militair jang pande ?”

„Kita di sini ada mempoenjai soeatoe Tjongpeng,” djawab Tji Koan, „dan akoe denger kabar ini Tjongpeng taydjin ada kaloewaran soldadoe biasa, lantaran kapandeaanja ia soeda bisa naek ka tingkatan jang begitoe tinggi. lapoenja ilmoe kapandean tida perdoeli di atas koeda atawa di bawah, semoewanja ada sanget bagoes. Lagian djika perloe memake pasoekan balatentara negri, moesti mengandel sama bantoeannja ini orang baroelah bisa beres.”

„Siapa namanja itoe Tjongpeng taydjin ?” menanja Hwan-kang-tji.

„Pang Tjin Kang dan tergelar Tan-pian-Tjiang,” kata itoe Tihoe

„Kaloe begitoe, akoe harep taydjin soeka pergi mengoendang itoe ambtenaar militair dateng ka sini.”

Tji Koan lantas panggil lagi orangnja jang menoenggoe di loewar dan soeroe ia membawa satoe kaartjis nama boewat pergi mengoendang pada Pang Tjin Kang Tjongpeng dateng ka sini boewat berdamiken soeatoe oeroesan jang sanget penting. Itoe orang lantas berlaloe boewat melakoeken itoe prentah. Tji Koan menanjaken bebrapa perkara jang terdjadi di kota radja pada Tjhio Peng, kamoedian ia bitjaraken djoega perkara di Siang-yang-hoe. la menjataken menjesel atas meninggalnja Kim-mo-tji, Pek Giok Tong almarhoem. Sebab doeloe koetida Tji Koan mendjabat pangkat Tikoan di district Siang-hoe, ialah jang mengoeroes perkaranja Gan Sin Bin dan Hwan Tiong Gie dan lantaran ia berdjasa dalem mengoeroes ini doewa perkara, Pauw Kong lantas poedjiken boewat ia mendjabat pangkat Tihoe di Tjitjioe. Pada waktoe iaorang lagi bitjara, soeatoe, penggawe kasi taoe bahoewa Pang Tjongpeng taydjin soeda dateng dan bakal dikatemoeken di mana. „Oendang sadja ia dateng masoek ka sini,” kata Tji Koan.

Tida antara lama, di sabelah loewar ada kadengeran orang mendehem dan bertindak masoek itoe Tjongpeng, jang dalem hatinja merasa sedikit mendongkol Tihoe tida menjamboet iapoenja kadatengan; tapi ia tida taoe bahoewa itoe Tihoe lagi menemenin Tian Him Hoei dan Tjhio Peng, jang soeda tentoe sadja tida bisa pergi menjamboet padanja. Sabagitoe lekas itoe Tjongpeng masoek, Tji Koan lantas mengangkat kadoewa tangan membri hormat sampe kadoewa tangannja ampir mengenaken djoebin.

„Akoe tida bisa menjamboet toewan dari kadjaoehan.” kata ia, „harep sadja kaoe soeka membri ma'af. Sekarang akoe maoe adjar kenal pada ini doewa taydjin jang dateng dari kota radja. Ini ada Tian Him Hoei taydjin dan ini ada Tjhio Tiang Tek taydjin; dan inilah Pang Tjin Kang tay-djin, Tjongpeng di ini kota.”

Itoe tiga orang lantas membri hormat satoe sama laen. Tian Him Hoei pandang itoe Tjongpeng toeboenja tinggi besar dan moekanja seperti pantat koewali. Romannja garang dan badannja pasek. Sedeng itoe Tjongpeng meliat Tian Him Hoei jang romannja tjakep dan gagah, sanget bertentangan sama roepanja Tjhio Peng jang seperti saorang sakit.

„Akoe tida mengatahoei kadoewa taydjin dateng ka ini tempat, hingga akoe tida bisa dateng menjamboet, harep sadja soeka ma'afken akoe poenja kadosahan itoe,” kata Pang Tjin Kang. „Djika kadoewa taydjin tida menampik, akoe maoe mengoendang kadoewa taydjin bersantap dan minoem sedikit arak di akoe poenja kantoor."

„Nanti doeloe,” kata Tjhio Peng, „perkara makan minoem ada gampang; tapi kita poenja kadatengan ka sini ada membawa prentahnja Pauw Siangya boewat mengoeroes soeatoe pakerdjahan jang sanget penting.”

„Pakerdjahan penting apa taydjin, apa akoe toeroet mendapet taoe?”

„Inilah djoega sebabnja maka kita telah mengoendang taydjin dateng ka sini,” kata Tjhio Peng. „Itoe Louw-an-san ada mendjadi tempat jang di bawa pegangannja taydjin dan di sitoe ada berdiam satoe pendjahat. Lantaran kita maoe menangkep pada pendjahat itoe, maka sekarang kita maoe berempoek sama taydjin."

„Itoe pendjahat telah melakoeken kadjahatan apa ?” menanja Pang Tjin Kang.

„Kita ada membawa satoe soerat dienst, harep kaoe soeka preksa,” sahabisnja berkata ia minta Tian Him Hoei kasiken soerat itoe.

„Kadoewa taydjin perloe memake brapa banjak soldadoe boewat menangkep itoe pendjahat?” menanja itoe Tjong-peng pada sasoedanja ia membatja itoe soerat. „Dengen lekas akoe maoe bikin persediahan."

„Lebih doeloe taydjin moesti siapken doewa ratoes pasoekan kaki,” kata Tjhio Peng, tapi semoewanja moesti dengen pakean menjamar dengen membekal sendjata. Itoe pasoekan moesti dateng mengoempat di tempat jang berdeketan sama itoe roemah makan Sam-gie-tiam di Dji-tjan-tin, kamoedian moesti mengikoet mengepoeng pada itoe pendjahat dengen bikin pendjagahan di sasoeatoe djalanan kaloewarnja itoe goenoeng. Kita orang aken masoek ka dalem dan menangkep itoe pendjahat, kaloe itoe pendjahat lari kaloewar dan tay-djin poenja asoekan tida bisa dapet taegkep padanja itoe kasalahan taydjin jang moesti tanggoeng.”

Pang Tjongpeng berselang-oelang manggoetken kapala dan bilang: „Baek.”

„Sekarang akoe harep taydjin boleh bikin itoe persiapan,” kata lagi Tjhio Peng dan menoenggoe di itoe roemah makan Sam-gie-tiam.”

Pang Tjin Kang taoe bahoewa ini oeroesan sanget besar, maka ia lantas berpamitan boewat bikin persediahan apa jang parloe. Tjhio Peng bersama Tji Koan dan iapoenja oppas-oppas dengen berkoeda dan bersendjata lengkap menoedjoe ka Dji-tjan-tin. Tatkala sampe di depannja itoe roemah makan Sam-gie-tiam, eigenaar itoe roemah makan dateng memboeroe dan membahasaken taydjin serta maoe djalanken kahormatan besar, tapi Tjhio Peng menjega sembari kedipin matanja. Itoe eigenaar lantas mengarti dan oeroengken itoe niatan dan sama-sama masoek ka dalem itoe roemah makan, di mana itoe eigenaar mendjalanken kahormatan pada itoe tiga orang sabagimana biasanja.

„Apa kita poenja oeroesan ini kaoe soeda taoe?” menanja Tjhio Peng.

„Akoe telah denger kabar dari Yauw Tjeng, tapi ia minta akoe pegang resia,” manerangken itoe eigenaar roemah makan.

„Ja, itoe memang betoel. Malah kaoe moesti pesen wanti-wanti pada kaoe poenja penggawe-penggawe tida boleh bikin riboet di loewaran. Sebab satoe kali ini resia tersiar, nistjaja itoe pendjahat bisa melolosken diri dan kaoe aken mendapet hoekoeman jang boekan enteng.”

Soeda tentoe sadja itoe eigenaar menjanggoepin boewat mamegang resia. Itoe waktoe Thio Liong, Tio Houw, Pang Jan dan kadoewa soedara Heng kaloewar menjamboet. Tjhio Peng lantas adjar kenal lima Hanw-wie pada Tji Tihoe, pada sasoedanja mendjalanken kahormatan satoe dengen laen, marika berdoedoek di soeatoe roewangan besar sembari minoem thee. Sedeng djongos itoe hotel dengen repot menjediaken aer boewat tjoetji moeka. Tio Houw tjeritaken bahoewa iapoenja kadatengan ka sini ada atas pengoendjoekannja Yauw Tjeng.

„Sekarang Yauw TJeng pergi ka mana?” menanja TJhio Peng.

„Ia pergi mentjari katerangan tentang Pek Kiok Hoa.” djawab Tio Houw.

Pada sasoedanja orang pada habis dahar dan lagi pada minoem thee, mendadak ada dateng masoek saorang, jang di atas poendaknja memanggoel satoe orang. Hal mana soeda membikin semoewa orang djadi heran. Ternjata orang itoe boekan laen dari Yauw Tjeng, jang itoe waktoe lantas lepasken barang panggoelannja ka atas djoebin, kamoedian ia tekoek sabelah loetoetnja di hadepan Tjhio Peng. „Akoe menghatoerken akoe poenja hasil pakerdjahan, tay-djin,” kata ia.

„Ternjata kaoe ini biar poen soeda toewa tapi masi tinggal gagah, memoedji Tjhio Peng. Dan ini orang siapa?”

Koetika Yauw Tjeng soeda pernahken Thio Liong dan kawan-kawannja di itoe roemah makan Sam-gie-tiam, lantas ia berpamitan dan menoedjoe ka Louw-an-san. Pada sasoedanja ia masoek di moeloetnja itoe goenoeng sakoetika lamanja, ia liat di bawah soeatoe gombolan poehoen ada soeatoe batoe besar, di atas mana ada berdoedoek satoe orang dan di pinggirnja itoe orang ada terletak satoe boto! arak dan bebrapa bidji boewah-boewah. Kamoedian ia gelogok itoe arak dari moeloet-botolnja dan sembari minoem sembari makan boewah, sembari makan sembari mengomong sendirinja.

„Tida heran djika orang bilang segala apa soeda dipastiken lebih doeloe,” begitoelah ia berkata sendirian. Ini pagi dalem akoe poenja kantong tida mempoenjai oewang barang sapeser boeta: tapi kabetoelan akoe bertemoe sama Oet-tie Tay siok, jang baroe poelang dari Lam-yang-hoe. Lantaran akoe taoe bahoewa ia itoe ada soeatoe malaekat oewang jang hidoep, laloe akoe membri hormat dengen berloetoet dan mendjoera. Ia lantas kasi persen akoe tiga tael perak, malah ia tambahin lagi tiga ratoes oewang tembaga bolong, katanja boewat akoe membeli sedikit makanan dan minoeman. Saoepamanja akoe ini hari tida katemoeken ianja, wah, tentoelah moesti ikat peroet kentjeng-kentjeng ! Sahabisnja berkata begitoe ia lantas tertawa besar. Yauw Tjeng lantas madjoe menghamperi dan menepok iapoenja sabelah poendak.

„Hei Lo-sam, kaoe plesir betoel, enak-enakan minoem arak sendirian sadja,” kata ia.

Ini orang jang diseboei Lo-Sam, ada kapala-kampoeng dari Pi-pa-kok, namanja Ong Tit dan di waktoe ketjil diseboet Sam-dji. Itoe waktoe ia berpaling dan kenalin pada Yauw Tjeng. „Ach, Yauw Thauw-nia,” kata ia, „marilah kita sama-sama minoem ini arak jang akoe dapetken dengen zonder kaloewarken oewang. Hajolah, kaoe boleh moelai menioep trompet.”

„Di sini mana ada trompet ?” menanja Yauw Tjeng.

„Och, kaoe tida mengarti! Kaloe minoem arak diglogok dari moeloet-botolnja, itoelah jang dinamaken menioep trompet.”

Dalem hatinja Yauw Tjeng berpikir, kaloe ia tanjaken oeroesanuja Oet-tie Liang di sini, belon tentoe apa ia maoe tjeritaken atawa tida; taro kata ia maoe tjeritaken, djoega belon tentoe apa soenggoe-soenggoe atawa tida. Sebab kaloe ia bitjara tida betoel, akoe tida sanggoep pikoel itoe kasalahan. Maka ada lebih baek akoe adjak sadja ia pergi ka sana boewat kasi katerangan sendiri. Tapi kaloe ia tida maoe dan bikin riboet, habis bagimana? Akoe moesti pantjing ia sampe di soeatoe tempat jang sedikit djaoe, kamoedian dengen zonder banjak bitjara lagi akoe panggoel ia dan bawa pergi.

Sasoedanja ia berpikir tetap lantas berkata: „Lo-sam, mari sini, akoe maoe bitjaraken soeatoe oeroesan penting.”

Ong Tit lantas berbangkit dan menghamperi bebrapa tindak. „Tjeritakenlah, apa jang kaoe maoe bilang.”

„Kaoe madjoe lagi brapa tindakan,” kata Yauw Tjeng.

Ong Tit menoeroeti sabagimana telah diminta; tapi Yauw Beng berdjalan teroes dan berkata lagi: „Mari kita djalan lagi bebrapa tindak, akoe maoe bitjara bisik-bisik sama kaoe.”

Begitoelah sampe bebrapa kali dioelangken, sahingga sampe di sabelah loewarnja itoe moeloet djalanan Louw-an-san. Hal mana soeda membikin Ong Sam djadi koerang senang dan berkata: „Sabetoelnja kaoe maoe bitjaraken oeroesan apa sih ?"

Dengen katjepatan seperti kilat, Yauw Tjeng menjengkilit sama kakinja, ampir dalem sa at itoe djoega Ong Tit lantas djato meloso ka tanah. Kamoedian Yauw Tjeng lantas memboeka itoe kapala-kampoeng poenja tali pinggang, jang digoenaken boewat meringkoes kadoewa tangannja itoe orang.

„Hei, kaoe ikat akoe perloean boewat bitjara? Bisik-bisik di koeping akoe?” menanja itoe kapala-kampoeng.

Yauw Tjeng tida mendjawab, hanja lantas panggoel sama itoe orang jang soeda teringkoes dan dibawa pergi ka djoeroesan Dji-tian-tin dan teroes masuk ka dalem roemah makan Sam-gie-tiam.

„Ito beberapa tajdjin sekarang ada di mana?” menanja ia pada salah-satoe penggawe itoe roemah makan.

„Ada di dalem roewangan besar,” djawab itoe penggawe jang merasa heran meliat Yauw Tjeng memanggoel satoerang teringkoes.

Yauw Tjeng berdjalan teroes ka dalem dan lepasken itoe kapala-kampoeng ka atas djoebin koetika ia soeda sampe di itoe roewangan. Koetika Tjhio Peng menanjaken siapa ada ini orang jang ia bawa, Yauw Tjeng lantas berkata: „Ini orang bernama Ong Tit dan mendjadi kapala kampoeng dari Pi-pa-kok. Semoewa hal dalem itoe goenoeng ia ada taoen terang.”

Tjhio Peng lantas soeroe orang bangonen Ong Tit dan boekain roepanja tali ringkoesan.

„Siapa kaoe poenja nama?” menanja Tjhio Peng.

Ong Tit itoe waktoe djoedi sangat ketakoten dan njalinja petjah. Ia tida tao soedah terdjadi perkara apa, makañnja ia dibebereng roepa keras oleh Yauw Tjeng. Itoe pertanjan dia djawab dengan beberapa kali, baroelah itoe kapala-kampoeng bisa menoeloeskan tjerita kaoroen djoentoenja.

„A... akoe... tida... didisi... boesoet Ong Tit... Yauw Yauw” Thauw-nia maoed bitjara bisik-bisik di akoe poenja koeping; tapi tida taoenja diringkoes dan teroes dipanggoel ka sini.”

Semoewa orang jang berada di sitoe djadi geli mendenger itoe keterangan.

„Dan akoe kapala-kampoeng di Pi-pa-kok,” Ong Tit melandjoetken bitjaranja. „Belom taoet toewan ini siapa?”

„Kaoe tida perloe menanjaken akoe,” kata Tjhio Peng; tjobat kaoe liat sadja di sana ada berdoedoek kaoe poenja Tjioe Taydjin dan akoe menggantiken kaoe poenja tajdjin bitkin pertan̂djan pada kaoe. Apa kaoe kenal pada Oet-tie Liang, itoe pendoedoek di Pi-pa-kok?”

„Kenal. Ia ada akoe poenja Taysioek dan berlaku manis sekali padakoe. Ini hari ia baroe balik poelang dari Lam-yang-hoe dan telah kasi akoe prēsen tiga toeāl perak dan ratoes ētāngtjhe. Memang ia selamanja soeka mengasi prēsen oewang padakoe. Baroesan kita poenja Thauw-nia liat sendiri akoee lagi minoem arak jang enak beli sama itoe oewang, jang akoe dapet prēsen dari itoe Oet-tie Taysioek. Apa toento kezal padanja?”

„Tida, akoe tida kenal padanja. Kita orang maoe menangker padanja, kerna ia soeda menōrjeti bindjing keizer poenja barang. Bagoes sekali djika ia mengasi oewang padakoe.”

Ong Tit setalah mendenger itoe omongan, kapalanja sabagti djoega djoegoer sama ija dan soemangatnja terbang tiga perampatnja.

„Tida, akoe tida kenal padanja!” berseroeh ia. „Itoe arak djoega akoe beli dari akoe poenja oewang sendiri.”

„Baroesan kaoe sendiri jang toelah bilang ia kasi presen oewang pada kaoe,” kata Tjhio Peng, sekalian menondjoekkan kaoe maoe poetor omong, itoelah tida bisa, boeng!”

„Baroesan kaoe poenja omongan semoeanja ada saksi; maka tida boleh djangker betoel,” kata lagi itoe kapala kampoeng jang semoet katakotoetan.

„Sekarang kita boleh tindak dan bitjaraken itoe oeroesan,” kata Tjhio Peng. „Akoe maoe taoet apa ini wakttoe itoe pendjahat ada di roemah.”

„Boleh djadi djoega ada di roemahnja, tapi boleh djadi djoega soedah lari djoega,” djawab kapala kampoeng. „Jikaloe kaoe sama akoee maoe pergi liat djoega, kita poelan adja naik kereta, dan kaloesoen ketoe soedah kembali kasi kabar.”

Sahabisnja berkata ia lantas balikkan badannja maoe berlaloe. „Hei, brenti!” menjentak Tjhio Peng. „Kaoe tentoe maoe pergi kasi kabar padanja, boewat membales iapoenja kabaekan jang soeda kasi kaoe presen tiga tael perak. Hajo, oppas, pegang padanja dan djangan kasi ia pergi ka mana-mana.

„Di sini ada iapoenja tali pinggang, boleh kasiken ia pake lagi.”

Kamoedian Tjhio Peng lantas panggil itoe doewa soedara Heng.

„Kaoe berdoewa pergi ka dalem itoe goenoeng boewat meliat gelagat doeloe,” kata ia pada itoe doewa orang.

Heng Djoe Liong dan Heng Djoe Houw djadi melongo sebab kaget.

„Doeloean djoega akoe soeda bilang.” kata jang toewahan, „bahoewa kita berdoewa poenja ilmoe kapandaan ada terpoeat djaoe sekali dari manis. Lagian ia ada mempoenjai itoe pedang wasiat jang sangat lihay. Laen dari itoe ia ada banjak belih pinter dari kita berdoewa. Kaloe sadja ia bisa tjoekit kita poenja maksoed, pasti sekali kita berdoewa akan binasa dalem iapoenja tangann. Kita berdoewa mati tida terlako penting; tapi sabaliknja akan membikin gegal tajdjin poenja oeroesan.”

„Itoe tida djadi apa,” kata Tjhio Peng, jang kamoedian lantas menghamperi pada itoe doewa soedara dan bitjara bisik-bisik di deket iaorang poenja koeping. „Akoe rasa dengen begitoe, pasti sekali kaoe orang tida mendapet soesa apa-apa,” kata lagi Tjhio Peng achirnja.

——————

FATSAL XXI.

Tapi itoe doewa orang lantas keroetken halisnja dan berkata: „Akoe masi koewatir koerang sampoerna; kaloe sadja ini tida maoe dengeri kita poenja omongan itoe, habis bagimana?”

„Kaloe ia tida maoe dengerin kaoe poenja omongan tadi itoe, akoe adjarin lagi soeatoe omongan,” berkata sampe di sini, kombali Tjhio Peng bisik-bisik di koepingnja itoe doewa orang.

Sekarang itoe doewa soedara Heng baroe oendjoek moeka girang.

„Ja, ja, betoel, bagoes!” kata iaorang dengen berbareng.

Begitoelah iaorang lantas membekal masing-masing poenja sendjata dan berpamitan pada orang-orang di sitoe, teroes kaloewar dari itoe roemah makan. Pada sasoedanja itoe doewa soedara brangkat, Tian Him Hoei jang djoedjoer merasa tida tahan boewat tida memboeka soewara.

„Tjhio Sieko,” kata ia, „itoe doewa orang poenja kapandean sangat berwates dan satoe kali ini kaoe soeroe iaorang pergi ka sana, djangan-djangan iaorang akan mendapet tjilaka.”

„Tida apa, akoe soeda mempoenjai satoe daja bagoes,” djawab Tjhio Peng.

Djoestroe pada waktoe orang lagi bitjara, mendadak kaliatan Pang Tjongpeng mendatengin dari loewar bersama doewa orang laen. Dan itoe doewa orang poenja dandanan lantas bisa dikenalin sabagi officier dari balatentara negri, sebab ada ampir bersamahan sama itoe Tjongpeng.

Semoewa orang pada berbangkit dari tempat doedoeknja boewat menjamboet pada itoe tiga tetamoe. Tjhio Pang lantas adjar kenal Thio Liong. Tio Houw dan Pang Jan sama Pang Tjin Kang Tjongpeng. Di laen fihak itoe Tjongpeng adjar kenal pada Tjhio Peng dan Tian Tjiauw itoe doewa orang jang ia bawa, jang satoe bernama Thio Kan berpangkat Touwsie dan jang laennja bernama Hoo Hoei berpangkat Sioepie. Tjhio Peng menanjaken iaorang ada membawa bebrapa banjak orang.

„Doewa ratoes soldadoe kaki dan semoewanja soeda menoenggoe di tempat berdekatan dari sini,” manerangken Pang Tjin Kang. „Iaorang bersedia boewat menerima prentah dan bisa brangkat dalam segala waktoe.”

„Masi ada soeatoe hal,” kata Tjhio Peng. „Nanti pada sa­soedanja waktoe maoe bertempoer, iaorang semoewanja moesti memakai satoe pertandahan kaen poetih atawa biroe di ia­orang poenja kapala, sebab koewatir tida kakenalan, djadi kena memboenoeh erang sendiri.”

„Kaloe soeda sedia kita moesti lantas bergerak,” kata Tian Him Hoei. „Sebab kita perloe moesti membantoein pada itoe doewa soedara Heng, jang soeda brangkat doeloean, djangan sampe iaorang mendapet tjilaka.”

„Kaloe begitoe,” menjelak Pang Jan, „akoe maoe brangkat ­sekarang, jang boleh dianggep sabagi barisan jang kadoewa.”

„Kita sabagi barisan jang katiga,” kata Thio Liong dan Tio Houw.

„Kita sabagi barisan jang ka’ampat,” kata Tjhio Peng pada Lam-hiap. „Sedeng Pang taydjin bersama Thio Touwsie dan Hoo Sioepie berikoet itoe doewa ratoes pasoekan balatentara sabagi barisan jang kalima. Nanti pada waktoe bertempoer, semoewa soldadoe moesti berseroeh dengen keras, bahoewa satoe pasoekan besar dateng menangkep pada itoe pendjahat jang soeda brani melakoeken pentjoerian dalem kraton baginda keizer. Dengen begitoe, sedikitnja bisa membikin itoe kawanan pendjahat djadi kaget dan katakoetan, hingga menggampangken kita poenja pakerdjahan.”

Pang Tjongpeng dan iapoenja doewa officier sabawahan manggoetken kapala serta menjanggoepin. Kamoedian Tjhio Peng minta Tji Tihoe mengepalai iapoenja oppas-oppas dan itoe doewabelas kapala oppas jang dibawa dari Khay-hong-hoe boewat membantoe dari sabelah blakang. Pada sasoedanja semoewa diatoer beres, marika itoe lantas pada brangkat.

Tjoba sekarang kita tengok pada Heng Djoe Liong dan Heng Djoe Houw jang brangkat paling doeloe ka Louw-an-san. Sasoedanja ia masoek ka dalem moeloetnja itoe goenoeng dan teroes ka Pi-pa-kok, marika sampe di hadapan roemahnja Jan Hoei alias Pek Kiok Hoa. Di kadoewa pinggiran pintoe depannja itoe roemah ada doewa bangkoe pandjang dan itoe waktoe ada berdoedoek beberapa orang di sitoe sembari pasang omong ka Timoer. Heng Djoe Liong dan soedara moedanja lantas menghampiri pada marika itoe.

Ma’af, akoe menoempoeng tanja,” kata jang toewahan.

Itoe orang-orang melijat pada itoe doewa soedara jang roepa­nja djelek dari atas sampe kabawah, bebrapa ant lamannja.

„Maoe tjari siapa?” menanja salah-satoe di antara marika itoe.

„Akoe maoe bertemoe sama kaoe orang poenja Tay-ya,” djawab Heng Djoe Houw.

„Akoe baroe poelang verlof dan belom masoek ka dalem, djadi akoe tida tao apa Tay-ya ada di roemah atawa tida,” kata itoe orang. „Akoe maoe pergi lihat ka dalem doeloe, tida akoe lantas nanti kasi kabar.”

„Sobat, kaoe boleh kasi tao pada kaoe poenja Tay-ya, bahoewa kita berdoewa bernama Heng Djoe Liong dan Heng Djoe Houw, sedang kaoe poenja Tay-ya ada mendjadi akoe poenja soeheng. Kaloe kaoe bilang begitoe, tentoe ia mesti maoe katemoeken akoe.”

Itoe orang lantas masoek ka dalem, tida antara lama ka­moedian lantas ada kaloewar seorang isteri, lantas mengelok ka loewat, tapi lantas balik masoek lagi ka dalem. Pada sa­toe saat itoe, kaloewar lagi beberapa lanang, sabagitoe lebar lagi seorang laen dan oedang itoe doewa soedara Heng menoeloes sama. Kamoedian menengok ka Selatan di mana ada terletak attoe keboen besar. Di sebelah Oetara ada lagi satoe keboen, koetika marika misoekoet ke loe pintoe, kalitan Pek Kiok Hoa toeroeni dari tangga batoe boewat menjamboet itoe kawan-kawan jang ka datengan.

„Kadoewa soedara, apa selama ini ada banjak baik?” menegor toewan roemah. „Trima kasi banjak,” djawab Heng Djoe Liong, „kita mengandel pada Toako poenja redjeki ada baek djoega. Dan akoe harap sadja Toako sendiri poen selamanja itoe ada slamat tida koerang satoe apa. Beberapa lama ini, lantaran kita sangat repot sama kita poenja peroesahan, djadi tida ada tempo boewat memberi hormat pada Toako di sini; sekarang di bilangan Liauwtong ada soetoe pekerjaan jang bisa mengasi kasoentoengan, kabetoelan kita liwat di sini, dengan memoeter akoe sengadja dateng boewat memberi hormat."

Koetika itoe doewa soedara Heng masoek berletoet, Pek Kiok Hoa lantas menjejak itoe doewa orang poenja lengan dan diangkat ka atas dan teroes dipimpin naik ke atas itoe tangga batoe masoek ka dalem satoe kamar-tetamo, di mana iaorang mengambil tempat doedoek. Soeda djadi biasanja, bila Jan Hoei katemoekan ini doea orang, ia sendiri berdoedoek di tengah-tengah dan itoe doewa soedara Heng mengapit dari doewa pinggiran.

Itoe doewa soedara Heng awasi Pek Kiok Hoa, jang itoe waktoe kelaitannja terlebih keren dan garang. Ia memake boengkoesan kapala boeseng jang terbikin dari soetra poetih dengen wiroe-wiroean meroepaken kembang, sedeng iapoenja badjoe terbikin dari soetra poetih jang tersoelam dan memake pinggiran emas, sedeng ia poenja badjoe dalem terbikin dari soetra idjo daon memake soelaman kembang besar. Iapoenja moeka jang boender tida berbeda sabagi dipoepoerin, kadoewa halisnja bagoes dan lemas, sedeng iapoenja kadoewa mata galak dan bertjahaja ; idoengja bangir, bibir merah dan giginja sebagi doewa baris moetiara. Tapi, biar poen romannja tjakep, toch iapoenja koelit moeka poetihnja poetjat dan ada bebrapa banjak teroetoean dan moeloetnja ada sedikit mentjong. Di iapoenja pinggang ada tergantoeng satoe pokiam jang tadjemnja di kadoewa fihak, terboengkoes dalem satoe saroeeng koelit ikan tjoetjoet jang berwarna idjo dan memake rombe-rombe dari benang soetra koening. Sadari moelai bertemoe Jan Hoei oendjoek iapoenja moeka jang berse bersenjoem dan sampe pada waktoe berdoedoek; djoega ia masi teroes haha hihi tertawa sembari menanjaken perdjalanannja itoe doewa orang.

„Berdoewa Hiantee poenja kadatengan dari tempat jang begitoe djaoe,” kata ia, „apa tjoema perloe dateng menegoekin pada akoe sadja atawa ada lagi laen oeroesan?”

„Pertama kita hendak menengokin pada Toako,” kata Heng Djoe Liong, „kadoewa masi ada lagi soetoe perkara ketjil jang tida terlaloe penting, hal mana kita ingin mendengar taoe…”

Koetika Heng Djoe Liong baroe bitjara sampe di sini, lantas kalitan Pek Kiok Hoa tertawa berkakakan.

„Akoe soeda mendoega bahoewa kadoewa Hiantee poenja kadatengan,” kata ia, „tentoe boekannja meloeloet boewat dateng menengokin padakoe dan ada oeroesan laen lagi jang lebih penting. Sekarang tjoba kadoewa soedara soeka toetoerken dengen teroes-terang sadja.”

„Kita denger kabar angin soetoe hal, jang mana kaloe kita menanjaken pada Toako, tentoe lantas bisa katahoean benar atawa tidanja,” kata lagi Heng Djoe Liong.

„Sabetoelnja oeroesan apa sih?” menegasken Pek Kiok Hoa.

„Kita denger orang-orang dari goeloengan lioklim rame bitjaraken bahoewa kaoe soeda tjoeri baginda keizer poenja saprangkat pakean karadjahan, belon taoe apa ini perkara betoel atawa tida ?”

Kembali Jan Hoei djadi tertawa bergelak-gelak.

„Benar, itoe hal memang sasoenggoenja telah terdjadi.“ kata ia achirnja. „Ini perkara lantaran di medan perdjamoean makan dipandang enteng oleh saorang laen, soeda membikin akoe djadi sanget mendongkol dan brangkat ka kota radja boewat mentjoeri baginda keizer poenja saprangkat pakean karadjahan itoe. Tapi ini semoewa lantaran oemoer moeda dan darah panas, dalem satoe waktoe koerang pikir lantas sadja lakoeken itoe perkara terlarang dan ini waktoe sekalipoen akoe merasa menjesal djoega tida ada goenanja. Berdoewa soedara bagimana bisa taoe ini hal ? „Kita denger kabar angin dari orang-orang jang mendjadi kita poenja golongan,” kata Heng Djoe Liong, „tjoema sadja tadinja akoe tida brani pastiken apa itoe perkara memang betoel atawa tjoema kabar angin jang tida berdasar sadja dan ini hari, setelah mendenger Toako poenja katerangan, baroelah akoe taoe bahoewa itoe hal memang sasoenggoenja terdjadi. Tjoema sadja kaoe bisa melakoeken itoe perkara besar dan bikin djato perboewatannja orang-orang jang ternama, apa sebabnja kaoe djadi menjesel? Akoe boekannja memoedji Toako di depan moeka, kaoem lioklim di saloeroe negri boekan sedikit djoemblanja, tapi djangan kata ada jang bisa mentjoeri seprangkat pakean karadjahan dari baginda keizer, biar poen di dalem kraton poenja satoe poehoen atawa roempoet, djoega tida ada jang mampoe tjoeri. Tapi sekarang kaoe soeda bisa mentjoeri baginda keizer poenja pakean karadjahan, itoelah haroes sekali kita berdoewa menghatoerken slamet pada kaoe, sebab kaoe boleh dibilang mendjadi djago dari semoewa djago !”

„Apa ini boekannja soetoe perboewatan jang salah ?” menanja Jan Hoei.

„Masa perkara jang saroepa ini bisa dibilang salah !” kata Heng Djoe Liong.

„Akoe senantiasa berkoewatir bahoewa akoe soeda melakoeken satoe perboewatan jang salah dan salahnja besar sekali,” kata lagi Jan Hoei.

„Kaoe poenja perboewatan jang begitoe mengedjoetken dan menggemparken,” kata Heng Djoe Houw jang dari satadian tinggal boengkem sadja, „tjara bagimana bisa dibilang salah ? Orang jang seperti kita berdoesa, djangan kata mampoe tjoeri, liat sadja belon taoe liat. Toako, lantaran kaoe poenja kapandean tinggi dan kabranian lebar, akoe maoe memindjem kaoe poenja hawa boewat toeroet meloewasken akoe poenja pemandangan mata. Maka akoe sanget harep soepaja Toako soeka bawa kaloewar kasi kita orang menjaksiken bagimana roepanja pakean karadjahan dari soeatoe keizer.“

Kombali Pek Kiok Hoa tertawa. „Sajang kaoe dateng terlaloe laat,“ kata ia, „tjoba kaloe kaoe dateng lebih siang, nistjaja kaoe orang masi bisa meliat. Dengen sabetoelnja akoe maoe kasi taoe pada kaoe koetika akoe lagi makan-minoem dalem pesta perdjamoeannja Hok-tee-koen-ong, Tong-hong Liang, di kota Thwan-shia-tjoe, bilangan Lam-yang-hoe, itoe waktoe orang banjak bitjaraken bahoewa dalem ini djeman djarang ada djaga jang bisa membikin orang banjak djadi taloek dan kagoemin. Salah-satoe orang dengen maen-maen bilang bahoewa Tong-hong Toeako tergelar Hok-tee-koen-ong, kaloe ada orang jang brani pergi masoek ka dalem kraton keizer dan tjoeri saprangkat pakean karadjahan, kasiken Tong-hong Toako pake boewat mendapet taoe apa ia soeroep atawa tida sabagi satoe radja ; dan itoe orang jang bisa mentjoeri itoe pakean dengen sasoenggoenja bisa teritoeng sabagi soeatoe djago jang djempolan.

„Itoe waktoe tida ada orang jang brani mendjawab, tambahan akoe soeda terkena pengaroenja aer kata-kata, dengan tida berpikir pandjang lagi akoe lantas menjanggoepin bahoewa akoe maoe tjoba pergi ambil itoe pakean karadjahan. Itoe hal kaloe boekannja kabetoelan hari tahonnja baginda keizer, belon tentoe akoe bisa dapetken dengen begitoe gampang. Sebab itoe pakean lebih doeloe telah dikaloewarken dari goedang dan ditaro dalem itoe roewangan Keh-ie-tian, soepaja di hari berikoetnja gampang dipake. Begitoelah dengan tida banja soesa akoe soeda bisa tjoeri itoe barang dan zonder ada soeatoe manoesia jang mendapet liat. Boewat memenoehken djandji, akoe pergi anterken itoe pakean pada Tong-hong Toako dan ini hari akoe baroe sadja balik poelang dari Lam-yang-hoe. Kaloe sadja kaoe berdoewa dateng kamaren, tentoe tida aken bisa bertemoe sama akoe.“

„Ach, masa begitoe kabetoelan dan paa betoel soeda tida ada di sini ?“ menanja Heng Djoe Houw.

„Masa akoe maoe djoestaken kaoe orang.“ djawab Pek Kiok Hoa, „djika memangnja masi ada di sini, masa kanapa sih kaloe akoe kasi liat pada kaoe berdoewa ?" Itoe doewa soedara Heng jang tida bisa oempatken pengrasahan hatinja, lantas oendjoek ia poenja roepa dengen tida bisa berkata satoe apa. Pek Kiok Hoa jang tjerdik dan bermata tadjem, lantas sadja mengerti marika poenja maksoed. Tapi ia tinggal teroes oendjoek moeka manis dan bersenjoem-senjoem.

„Kaoe berdoewa hatoerken slamat pada akoe,“ kata ia, „sabaliknja akoe poen haroes hatoerken slamet pada kaoe berdoewa, baroelah patoet, sebab kaoe berdoewa poenja hal sasoenggoenja haroes sekali diboat girang dan dihatoerken slamet.“

„Kita berdoewa ada mempoenja oeroesan apatah, jang boleh diboewat girang dan dibri slamet ?“ menanja itoe doewa soedara Heng.

„Kaoe berdoewa boekantah sekarang soeda mendjabat pakerdjahan negri, pangkat Liok-pin Hauw-Wie, di bawah prentahnja Khaij-hong-hoe ? Dengen begitoe, di blakang hari boekantah aken mendapet djoeba merah brikoet tali pinggang mas, jang bisa membikin terang namanja leloehoer ? Inilah baroe bisa dianggap sebagi perkara jang menggirangken dan haroes sekali dihatoerken slamat.“

Itoe doea soedara Heng mendenger itoe omongan lantas bersenjoem.

„Kiranja kaoe soeda mendapet taoe bahoewa kita orang telah mendapat pangkat ?“ kata iaorang dengen berbareng.

„Boekan sadja akoe taoe,“ kata Jan Hoei, „malah semoea orang poen taoe hal itoe. Sekarang tentoe kaoe mendjalanken kaoe poenja kawajdjiban dateng ka sini boeat minta kombali baginda keizer poenja pakean kabesaran, sekalian menangkep akoe boeat dibawa ka kota radja, boekantah betoel begitoe ?“

„Masatah akoe brani berboeat begitoe !“ Kata Heng Djoe Liong. „Tjoema sadja lantaran sekarang kaoe soeda mendapat taoe kita poenja kaädahan, kaloe sadja kaoe maoe kasiken itoe barang jang kaoe telah tjoeri, boekan sadja kaoe tida aken mendapet hoekoeman, malah ktia berdoewa dengen keras aken kasi voorstel dan menanggoeng soepaja kaoe bisa mendjabat pakerdjahan negri baroelah kita poenja hati mendjadi senang. Inilah jang dinamaken sama-sama senang dan sama-sama djaja."

,,Toetoep kaoe poenja moeloet! Apabila akoe kasiken itoe pakean karadjahan jang akoe tjoeri, masatah masi ada harepan mendapet pangkat? Paling enteng djoega akoe aken dikasi hoekoeman tabas batang leher! Apa kaoe kira akoe anak ketjil maoe didongengin begitoe roepa ?"

Och, kaloe begitoe kaoe tida taoe, bahoewa baginda keizer jang sekarang paling soeka sama orang jang mempoenjai ilmoe kapandean silat. Doeloean Pek Giok Tong telah tinggalin soerat sama golok di Khaij-hong-hoe, menoelis sairan di temboknja Tiong-Gie-Soe, bikin riboet dalem gedongnja Bang Tayhoe, masoekin sapotong toelisan dalem soerat rekestnja itoe ambtenaar dorna, dan paling blakang ia tjoeri djoega Siangya poenja Sam-po; tapi toch ia boekannja dikasi hoekoeman dan sebaliknja ia dianoegrahken pangkat Gie-tjian Hou-Wie. Apabila kaoe kasi kombali itoe barang jang kaoe tjoeri, tentee Siangya aken voorstel dan tanggoeng kaoe mendjabat pakerdjahan negri, masatah bisa salah lagi?"

,,Lekasan toetoep kaoe poenja moeloet, anak gila," kata Jan Hoei. Tatkala baginda keizer mengasi pangkat pada Pek Giok Tong, tida perna diseboet dengen terang bahoewa apabila kamoedian ada terdjadi lagi perkara jang saroepa itoe, aken mendapet lagi itoe kalonggaran sebagimana djoega Pek Giok Tong, malah sebaliknja bakal dihoekoem dengen bengis."

Itoe semoea omongan jang dioetjapken oleh kadoea soedara Heng, sama-sekali ada adjarannja Tjhio Peng. Soeda tentoe sadja iaorang tida bisa bitjara lebih banjak dari apa jang telah diadjarin, maka itoe waktoe lantas sadja iaorang berpamitan boeat brangkat poelang.

,,Och, itoelah tida bisa, sobat-sobat I" menjega Pek Kiok Hoa. „Kaoe orang tjoema bisa masoek ka sini, tapi djangan harep boeat bisa kaloewar lagi, salaennja orang tinggalken kaoe orang poenja kapala disini."

Itoe doea soedara Heng djadi bingoeng dan djengkel.

,,Jan Hoei kaoe ini sasoenggoenja brani mati sekali; djika dengen satjara baek kaoe tida maoe menoeroet, terpaksa kita orang maoe menangkep pada kaoe !" Seabisnja berkata begitoe, itoe doea soedara lantas malepasken iaorang poenja djoeba pandjang dan menghoenoes golok, kamoedian berlompat kaloewar lataran sembari memaki kalang-kaboetan. Sebab di lataran jang lega, iaorang bisa bertaroeng dengen

laloewasa.

FATSAL XXII.

Pek Kiok Hoa dengen adem malepasken iapoenja djoeba dan menjaboet iapoenja pedang, kamoedian ia poen berlompat ka loewar lataran, memboeroe pada itoe doea soedara Heng. Pertama Heng Djoe Liong membatjok sama iapoenja golok ka djoeroesan moekanja Jan Hoei, jang lantas berka­lit dan berbareng dengen itoe menosoek sama pedang­nja dengen satoe tipoe jang dinamaken „Pek-Tjoa-toew-Sin.” Heng Djoe Liong lantas kelitken kapalanja ka kanan, tapi tida oeroeng mata kirinja kena tertoesoek oleh oedjoeng pedangnja Pek Kiok Hoa hingga iapoenja bidji mata terkelit kaloe­war, dan dengen berloemoeran darah ia djatoe roeboeh ka moeka boemi.

Pek Kiok Hoa lantas memboeroe pada Heng Djoe Houw, jang setelah meliat soedara toeanja roeboeh dengen berloe­moeran darah, lantas menerdjang dengen satoe toesoekan golok. Jan Hoei dengen sabar menangkis sama iapoenja pedang, Trang! Soewaranja Heng Djoe Houw poenja golok jang patah djadi doea dan dengen tida mengasi tempo lagi Pek Kiok Hoa batjokin iapoenja pedang ka djoeroesanja iapoenja tandingan Heng Djoe Houw lantaran tida mempoenjai lagi sen­djata jang bisa digoenaken boeat menangkis, lantas sadja ia timpoekin itoe goloknja jang tinggal sapotong pada Pek Kiok Hoa. Itoe penjahat terpaksa oeroeng membantjok, sebab ia moesti berkelit boeat kasi liwat itoe timpoekan.

Heng Djoe Houw mendapet ini koetika, maoe balikin ba­dannja oeloer iapoenja tindakan boeat maboer, tapi Jan Hoei dengen tjepet soeda goenaken lagi itoe tipoe „Pek-tjio-toew-Sin” menoesoek ka djoeroesan dadanja Heng Djoe Houw. Oleh kerna Pek Kiok Hoa poenja gerakan begitoe sebat, Heng Djoe Houw tida kaboeroe berkelit dan terpaksa goenaken iapoenja tangan kiri menjampok pada itoe pedang. Tjoema kadengeran satoe soewara ,,Srat!" lantas sadja ampat djeridjinja Heng Djoe Houw djadi koetoeng saparonja. Jan Hoei barengin menendang jang mengenaken badannja iapoen­nja soetee dan troes djatoe meloso. Jan Hoei kasi prentah orang-orangnja boeat meringkoea pada itoe doea orang, kamoedian ditaro di bawan emper. Itow waktoe Pek Kiok Hoa merasa sanget menjesel, mengapa ia soeda berlakoe begitoe kaboeroe napsoe pada sablonnja menanjaken dengen terang itoe doea orang dateng sama brapa banjak kawan, lantas sadja goenaken kakerasan. Sebetoelnja koetika orangnja kasi taoe atas kadatangennja itoe doea orang, lantas sadja ia mengarti dengen maksoed apa doea orang itoe mentjari padanja. Sebab koetika ia pergi ka kota radja boeat mentjari itoe pakean karadjahan, ia soeda taoe di Khay-hong-hoe ada brapa orang jang bakerdja dan siapa satoe-satoenja orang-orang itoe. Maka baroesan ia soeda soeroe orangnja pergi kaloewar dan tengok itoe doea soedara heng ada membawa brapa banjak orang, dan inilah ada itoe jang melongok kaloewar dan lantas masoek kombali mengasi kabar pada Jan Hoei bahoewa itoe tetamoe tjoema berdoewahan sadja.

Sekarang pada sasoedanja itoe doea orang dibikin loeka begitoe roepa, biarpoen ditanja djoega, tentoe tida maoe tjerita dengen sateroesnja. Tapi Pek Kiok Hoa maoe tjoba djoega, biar poen moesti goenaken lagi kakerasan. Maka ia lantas balikin badannja dan berkata pada itoe doea orang : „Kaoe berdoea mendapet itoe loeka-loeka berat, semoeanja lantaran kaoe orang jang tjari tjilaka sendiri. Dengen baek akoe kasiken kaoe orang masoek ka dalem roemahkoe, tapi kaoe orang sebaliknja soeda mengoetjapken omongan jang koerang-adjar dan menjaboet golok boeat bertanding padakoe. Kaloe boekannja akoe menginget itoe persoedarahan dari satoe goeroe, nistjaja lebih siang akoe soeda anterken kaoe orang poenja djiwa ka acherat. Sekarang kaloe sadja kaoe maoe bitjara jang pantes dan menoeroet atoeran, akoe maoe lepasken kaoe orang berlaloe dari sini. Djawablah akoe poeja pertanjahan dengen sadjoedjoernja, kaloe sajda kaoe orang masi sajang djiwa.“

„Kaoe maoe tanjakan apa pada kita orang ? "menanja Heng Djoe Houw. „Kaoe orang dateng ka sini sama brapa banjak kawan ?” kata Jan Hoei. „Dan kaoe orang poenja kawan-kawan itoe sekarang tinggal di mana? Kaloe sadja kaoe orang bilang dengen teroes - terang, lantas akoe maoe kasiken kaoe ber­doea pergi dari sini.”

„Kaoe maoe tanjaken kita orang dateng dengen berkawan brapa banjak orang?” kata Heng Djoe Liong. Tapi pada sa­blonnja ia bisa landjoetken bitjaranja, sang ade soeda me­njelak dengen menahan sakit: „Engko, biar bagaimana djoega, djangan kasi taoe padanja,” kata sang ade itoe. „Sebab kaloe satoe kali kita kasi taoe, tentoelah ia akan pergi me­lakoeken pemboenoehan ka sana; kita berdoea mati boekannja perkara jang terlaloe penting, tapi djangan bikin laen orang mendapet katjilakahan........”

Tatkala Heng Djoe Houw bitjara sampe di sini, menda­dak di sebelah loewar kedengeran soewara riboet-riboet, tapi Pek Kiok Hoa tida ambil perdoeli dan mengantjem pada itoe doea orang sama pedanganja ...... „Koenjoeng-koenjoeng dari atas tembok ada berlompat toeroen saote orang, jang memake badjoe merah, sedeng di moeloetnja tida brentinja menjeboet: ,,Aja ! aja !" soeara dialect Selatan: ,,Bangsat koerang-adjar, djahanam jan terkoetoek! Kaoe orang pernah soedara dalem satoe ilmoe pladjaran, tapi bisa memake hati jang bagetoe kedjem; Korek orang poenja bidji mata dan koetoengin orang poenja djerid̄ji tangan. Marilah dateng ka sini trima binasa, pend̄jahat jang terkoetoek!”

Pek Kiok Hoa jang toe waktoe lagi berdiri di atas tangga batoe, lantas berlompat toeroen ka lataran dan menanja: „Kaoe ini apa?”

„Kaloe kaoe maoe menanjaken akoe poenja nama,” djawab itoe orang, „akoe orang dari Liawtong, she Auw-Jang dan bernama anak hoeroef Tjhoen, dan orang seboet akoe ini Pak-hiap.”

Pek Kiok Hoa djadi sangat terkoet̄oek. Sebab Pak-hiap biarpoen ia tjoema denger namanja sadja, ia taoe jang itoe orang ada mempoenjai satoe golok-wasiat dan bisa dianggep sebagi orang gagah nomor satoe di saloeroe negri. Djangan-djangan boekan iapoenja tandingan, maka ia moesti berlakoe sanget hati-hati sekali.

„Hei, Auw-Jang Tjhoen !“ kata Jan Hoei, „Akoe sama-sekali tida bermoesoehan satoe apa sama kaoe, apa perloenja kaoe tjari stori sama akoe ? Menoeroet akoe poenja pikiran, lebi baek berlaloe sadja dari sini.“

„Djangan banjak batjot, trima akoe poenja golok ini !“ berseroe Pang Jan, sebab orang itoe poen boekan laen dari ianja.

Tatkala Pang Jan sampe, dari djaoehan ia liat itoe doea soedara Heng masoek ka pintoe depan ; tapi pada sasoedanja ia menoenggoe lama djoega, blon kaliatan itoe doea soedara kaloewar lagi, lantas ia paksa masoek ka dalem. Koetika ditanja oleh penjaga pintoe, ia maoe tjari siapa. „Maoe tjari Pek Kiok Hoa,“ djawab Heng Jan.

„Di sini tida ada Pek Kiok Hoa (kembang seroeni poeti), tapi kaloe Oeij Kiok Hoa (kembang seroeni Koening) biar poen ada, ini waktoe masi blon megar.“

Pang Jan lantas memaki kalang-kaboet dan tjekal batang lehernja itoe orang kamoedian lantas dikasi persent satoe gaplokan dan ditambah sama satoe tendangan, hingga orang itoe djato berdjoempalitan. Laen-laen boedjang madjoe mengoeroeng padanja, tapi Pang Jan lantas maboer ka djoeroesan Selatan dengen menoeroeti sapandjang pager-tembok. Pang Jan biloek ka Barat, tapi koetika itoe kawanan boedjang mengoeber sampe di sitoe, ternjata itoe orang jang dioeber telah linjap tida kaliatan bajang-bajangnja. Sebab Pang Jan lebih siang soeda berlompat naek dan liwatin itoe pagar tembok.

Sasampenja di sabelah dalem lantas ia berlari menoedjoe ka satoe pintoe taman jang sabelah Salatan dan berlompat naek ka atas satoe pager-tembok pendek, dari mana ia dapet liat itoe doea soedara Heng berlepotan darah dan itoe waktoe djoestroe Pek Kiok Hoa mengantjem sama pedangnja pada itoe doea soedara. Maka ia lantas berlompat toeroen dengen mengakoe Pak-hiap, hingga membikin itoe pendjahat djadi kaget.

Jan Hoei tida brani goenaken iapoenja Tjie-tian-kiam boewat menangkis Pang Jan poenja golok, hanja ia djaga sampe pedangnja beradoe sama moesoehnja poenja sendjata. Begitoelah iaorang bertaroeng sampe lima atawa anam djoeroesan ; tapi Pang Jan mendesak teroes : sasoeatoe batjokan atawa toesoekannja tida maoe mengasi hati pada Pek Kiok Hwa jang kena dibikin keder sama iapoenja gertakan, sedang moeloetnja tida brenti memaki kalang-kaboetan. Di laen fihak Jan Hoei sembari bertanding dalem hatinja berpikir : ini orang djangan-djangan boekannja Pak-hiap ; sebab Pak-hiap orang kalahiran Lauwtong, jang termasoek Tiongkok poenja bilangan Oetara, tapi ini manoesia poenja lagoe bitjara ada lagoe Selatan. Lagian orang seboet Auw'-yang Tjhoen dengen nama gelaran Tji-djiam-pek, lantaran berdjenggot dan berbidji mata blao. Sedeng ini orang sama-sekali tida memake koemis atawa poen djenggot. Akoe moesti djaga djangan sampe kena diakalin menta-menta.

Sahabisnja berkata ia poera-poera membatjok kamoedian teroes berlompat kaloewar dari kalangan dan berseroeh : „Hei, orang asing, toenggoe doeloe sabentaran ! Baroesan kaoe bilang bahoewa kaoe ini Pak-hiap, Auw-yang Tjhoen ; tapi kaoe poenja lagoe bitjara lagoenja orang Selatan. Lagian Pak-hiap diseboet Tjie-djiam-pek, sedeng kaoe tida memake koemis atawa poen djenggot. Dengen begitoe, tjara bagimana bisa soeroep diseboet Pak-hiap ?“

„Maoe menangkap pada kaoe ini, satoe djahanam,“ kata Pang Jan. „masatah perloe ia moesti toeroen tangan sendiri. Ia itoe ada mendjadi akoe poenja goeroe dan kasiken iapoenja Tjhit-poo-too padakoe boewat menangkep kaoe. Pendek, asal sadja akoe ada mempoenjai ini golok wasiat, memboenoeh pada kaoe tida berbeda sabagi djoega memboenoeh satoe ajam gampangnja.“

„Och, manoesia pengetjoet, mengapa baroesan kaoe begitoe tida taoe maloe memindjem laen orang poenja nama ?“ berseroeh Jan Hoei. „Siapa kaoe poenja nama jang sabetoelnja ?”

„Akoe ini ada kaoe poenja Pang Toaloya,” saoet Pang Jan sembari menoesoek sama iapoenja golok.

Pada sasoedanja iaorang bertaroeng lagi tiga atawa ampat djoeroesan, Pek Kiok Hwa, pikir ini orang Selatan poenja omongan banjak djoestanja, sedeng itoe golok jang ia goenaken tida soeroep sama satoe golok djimat. Maka dengen braniken hati ia maoe tjoba-tjoba sabetken pedangnja pada Pang Jan poenja blakang golok perlahan-perlahan, boeat mendapat taoe apa benar itoe golok ada soeatoe golok wasiat. Sebab kaloe benar itoe sendjata ada soeatoe barang wasiat, tentoelah tida bisa mempan terkena pedangnja, sebaliknja iapoenja pedang djoega tida sampe mendapet karoesakan, bila dengen sasoenggoenja itoe golok ada soeatoe sendjata wasiat jang lebih koewat dari iapoenja. Pada sasoedanja ia berpikir tetap dan sabagitoe lekas ia mendapet koetika, lantas sadja ia laloeken niatannja itoe. Trang! soewara oedjoeng goloknja Pang Jan jang djadi terpoetoes doewa. Hal mana soeda membikin Pek Kiok Hwa djadi sanget goesar dengen gigit-gigit iapoenja gigi sendiri.

Pang Jan lantas berlompat naek ka atas genteng roemah dan Pek Kiok Hwa soeda tentoe sadja dengen pengrasahan sangat gemas mengoeber dari sabelah blakang. Dalem sa'at itoe djoega itoe pendjahat dapet liat Pang Jan balikin badannja sembari mengajoen sabelah tangannja; tapi Pek Kiok Hwa jang tjeli dan gesit, dengen tjepat lantas berkelit. Sebab sabagitoe lekas sampe di atas genteng, Pang Jan lantas mengangkat doewa lembar genteng dan koetika meliat Pek Kiok Hwa djoega berlompat naek boewat mengoeber padanja, ia lantas timpoekin itoe genteng ka djoeroesan moekanja itoe pendjahat. Tapi lantaran Jan Hoei poenja gerakan badan ada sampe sebat, itoe timpoekan tida bisa mengenaken padanja dan djato ka moeka boemi.

„Aja, aja,” berseroeh Pang Jan, „inilah dengen sasoenggoenja akoe poenja goeroe jang dateng!” Pek Kiok Hwa itoe waktoe soeda toeroen lagi ka moeka boemi, lantas sadja balikin badannja boewat meliat pada itoe orang jang baroe dateng. Ternjata ia itoe ada saorang jang bertoeboeh lima kaki tingginja, moekanja itam dan tangannja menengteng satoe golok; tapi ini orang ada memake djenggot dan koemis pendek. Orang ini boekan laen dari Tio Houw, jang itoe waktoe madjoe menerdjang pada Jan Hoei.

„Apa kaoe ini Pak Hiap?” menanja itoe pendjahat.

Tio Houw jang berdjalan sama Thio Liong, koetika sampe di depan pintoe roemahnja Pek Kiok Hwa, iaorang tida dapet liat pada itoe kadoewa soedara Heng, malah Pang Jan poen tida kaliatan mata-idoengnja. Samentara itoe orang-orang jang mendjaga pintoe depan, lantaran tadi pergi mengoeber Pang Jan tida katemoe, itoe waktoe soeda pada balik kombali dengen tida brentinja mengoetoek dan menggroetoe. Tatkala Thio Liong dan Tio Houw sampe di depan pintoe, marika lagi pada berdoedoek di bangkoe sembari bitjaraken itoe oeroesan.

„Itoe manoesia tjetjongornja seperti satoe bangsat dan boekannja orang baek-baek,” kata saorang.

„Ja, betoel; tjoema heran sekali ka mana ia soeda mengi lang begitoe poenja tjepat,” kata laen kawannja.

Itoe waktoe marika dapet liat Thio Liong dan Tio Houw berdiri di sitoe sembari melongok ka dalem pintoe. Doewa-doewa dandanannja seperti orang gagah dengen di pinggangnja masing-masing ada tergantoeng satoe golok.

„Kaoe berdoewa mentjari siapa ?” menanja itoe toekang djaga pintoe.

Tio Houw jang kasar selamanja tida bisa bitjara haloes dan manis.

„Apa kaoe maoe perdoeli akoe maoe tjari siapa?” kata ia dengen ketoes.

„Ini hari banjak sekali terdjadi perkara-perkara aneh,” kata itoe pendjaga pintoe sembari golengken kapala.

„Hei, apa kaoe tida maoe adjak kita berdoedoek di atas itoe bangkoe?” menanja lagi Tio Houw.

„Och, kaloe kaoe maoe doedoek di sini, sama-sekali tida ada halangannja.”

Mendadak dari sabelah dalem kadengeran soewaranja Pang Jan jang memaki kalang-kaboetan.

„Lo-sie,” kata Thio Liong, „di dalem orang soeda bertempoer.”

Tio Houw dengen tida berkata satoe apa, lantas sadja berlompat masoek ka dalem pintoe. Itoe pendjaga pintoe maoe menjekal padanja tapi loepoet Tio Houw lantas menjaboet goloknja. Soeda tentoe sadja tida ada satoe orang jang brani mendekati padanja. Sebaliknja iaorang maoe menjega pada Thio Liong, jang djoega lantas menghoenoes goloknja, hingga itoe kawanan boedjang pada moendoer lantaran katakoetan.

Koetika Thio Liong berpaling ia dapet liat Tjhio Peng dan Tian Tjiauw mendatengin. „Tjhio soe-lo-ya,” kata ia, „lekasan, di dalem soeda bertempoer.”

„Baek, kita-orang lantas dateng,” saoet Tjhio Peng. „Kaoe boleh djalan doeloean.”

Begitoelah Thio Liong lantas masoek ka dalem. Koetika ia masoek ka dalem pintoe tembok boender, Tio Houw poenja golok sosda kena dibikin poetoes oleh pedangnja Jan Hoei. Sebab pada waktoe Pang Jan bilang goeroenja dateng, itoe pendjahat liat romaanja Tio Houw tida mirip sama Pak-hiap dan koetika ditanja, Tio Houw dengen pendek bilang „Betoel,” sembari menjerang sama iapoenja golok. Pek Kiok Hwa tida maoe ambil perdoeli betoel atawa boekan Pak-hiap, ia lantas tjoba adoeken sedikit moeloet pedangnja pada blakangnja Tio Houw poenja golok. Tapi dalem saat itoe djoega, Tio Houw poenja golok djadi terpoetoes doewa. Itoe pendjahat dengen satoe kali balikin telapakan tangannja membatjok ka djoeroesan kapalanja Tio Houw dan kaloe boekannja ia kaboeroe kelip, tentoelah boekannja iapoenja topi jang djadi terpoetoes doewa, hanja iapoenja kapala jang terbela mendjadi doewa keping. Tio Houw lantas merat dengen kaget dan takoet dan Jan Hoei mengoeber dari sabelah blakang.

„Nah, inilah dianja baroe betoel-betoel akoe poenja goeroe !“ berseroeh Pang Jan.

Pek Kiok Hwa kombali djadi kaget. la liat Thio Liong moekanja koening dan memake pakean dari soetra blao, sedeng di moekanja ada memake koemis dan djenggot jang tida terlaloe pandjang dan tangannja ada menengteng satoe golok.

„Apa betoel kaoe ini Pak-hiap ?“ menanja Pek Kiok Hwa.

„Akoe Thio Liong,“ djawabnja itoe orang jang ditanja.

„Semoewanja tida lebih dari manoesia-manoesia jang tida ada goenanja,“ kata Pek Kiok Hwa dengen bersenjoem ewa.

Thio Liong lantas membatjok sama goloknja dan Jan Hoei lantas menjamboet sama iapoenja pedang.

„Eh, itoe pendjahat poenja sendjata ada barang wasiat, berseroeh Pang Jan, moesti djaga djangan sampe kena beradoe sama kaoe poenja golok.”

Thio Liong boeroe-boeroe tarik poelang iapoenja sendjata. Mendadak dari sabelah loewar ada soewara orang berseroeh : „Hei, pendjahat boesoek, djangan oendjoek tingka koerang-adjar ! Hajolah lekasan menjerah boewat diringkoes !”

Ampir dalem sa'at itoe djoega ada berlompat masoek doewa orang, jang satoe tinggi dan jang satoe lagi kate. Pek Kiok Hwa liat jang tinggi romannja tjakap, halisnja kerang, idoengnja mantjoeng, djidatnja lebar dan kadoewa matanja mengaloewarken sorot tadjam, sedeng di tangannja ada mamegang satoe pedang bermoeloet doewa (tadjamnja di depan dan blakang) jang mengaloewarken tjahaja gilang-goemilang dan hawanja membikin orang djadi mengkirik. Samentara orang jang toeboenja kate, badannja belon tjoekoep lima kaki tingginja, moekanja koeroes seperti orang sakit, tapi kadoewa matanja mengaloewarken sorot jang berkoewasa. Sedang di tangannja ada mamegang satoe sendjata tadjem tjagak tiga dari koeningan.

Pek Kiok Hwa lantaran kena diakalin bebrapa kali dan sekarang meliat romannja Tjhio Peng jang begitoe koeroes kering, dalem hatinja sangat memandang enteng. Tapi ampir dalem sa'at itoe djoega Pang Jan berseroeh lagi sembari berlompat-lompat seperti satoe anak ketjil.

„Aja, aja, bagoes, bagoes sekali !” kata ia. Pek Kiok Hwa sekarang kaoe katemoeken kaoe poenja goeroe. Pak-hiap tida dateng, tapi Lam-hiap soeda sampe. Tian Hou-wie taydjin, Tjhio Hou-wie taydjin, ini dianja Pek Kiok Hwa dan akoe harep sadja djangan kasiken ini djahanam jang berhati kedjam dan boeas sampe bisa melolosken dirinja. Tadi ia soeda loekain iapoenja doewa soetee, jang satoe dikorek bidji matanja dan jang satoe lagi dikoetoengin ampat djeridjinja.

Pek Kiok Hwa mendenger itoe omongan, dalem hatinja merasa sanget mendongkol pada Pang Jan dan berkata pada diri sendiri: „Kaloe sadja akoe bisa beroleh kamenangan, tentoelah akoe aken tjingtjang ini manoesia sampe antjoer leboer, baroelah akoe merasa poewas di hati. Tadi ia bilang Pak-hiap, sekarang ia bilang lagi Lam-hiap, sabentar lagi tentoelah Song-hiap jang dateng. Boewat sekarang akoe tida maoe ambil perdoeli siapa djoega jang dateng, akoe maoe labrak dengen tida berlakoe soengkan lagi.”

Tjoema sajang satoe kali ini dengen sasoenggoenja ia kena pegang bara. Koetika Tiam Him Hoei membatjok ka djoeroesan batok kapalanja, Jan Hoei lantas sadja goenaken iapoenja pedang wasiat boeat menangkis sakeras-kerasnja, „Trang !” begitoelah kadengeran dan berbareng dengen itoe di atas oedara ada banjak berlompat jang seperti bintang-bintang terpentar sana-sini. Dalem bebrapa lamanja masi kadengeran soewara mengaoengnja itoe doewa pedang jang beradoe. Hal mana soeda membikin itoe dnewa orang djadi sanget terprandjat. Doewa-doewanja berlompat kaloewar dari kalangan boewat mamereksa masing-masing poenja pedang. Tian Him Hoei mendapet kanjatahan jang iapoenja pedang tida koerang satoe apa, tapi koetika Jan Hoei preksa iapoenja sendjata, iapoenja soemangat boleh dibilang soeda terbang tigaperampatnja. Sebab iapoenja moeloet pedang telah djadi somplak sabesarnja beras!

Hatinja Pek Kiok Hwa sanget djengkel dan merentak. Sebab itoe Tji-tian-kiam ada satoe barang wasiat jang djarang ada dan biarpoen ada oewang djoega tida ada tempat beli. Sedari iapoenja ajah, Jan Tjoe Tok, koetika maoe menoetoep mata pasrahken itoe sendjata padanja dengen wanti-wanti mamesen padanja begini: „Ini pedang kaloe bisa tetap dalem kade poenja tangan, tentoelah kaoe poenja diri bisa tinggal slamat, tapi kaloe ini pedang mendapet karoesaken apa-apa, kaoe poenja djiwa bakal terantjem bahaja besar.“ Tidalah heran djika itoe waktoe hatinja merasa sangat djengkel dan katakoetan.

Itoe doewa pedang jang sama-sama ada mendjadi barang wasiat, mengapa koetika beradoe tjoema Tji-tian-kiam sadja jang mendapet karoesakan. Sebab itoe Tji-tian-kiam terbikin di djeman ahala Tjin (sasoedanja Sam Kok), sedang Tian Tjiauw poenja Kie-koat-kiam terbikin di djeman Tjiangkok dan dari sebab jang terseboet blakangan oemoernja lebi toewa, maka Pek Kiok Hwa poenja pedang tida tahan beradoe sama Tian Tjiauw poenja hingga mendapet itoe sedikit karoesakan.

——————

FATSAL XXIII

Sekarang Tian Tjiauw lantaran mendapet taoe bahoewa iapoenja pedang ada lebi koewat dari pedangnja iapoenja tandingan, dengen hati lega ia lantas kaloewarken iapoenja sa'antero ilmoe kapandean silat. Sedang Tihio Peng di sabelah pinggiran membantoe menjerang sama iapoenja sendjata Toesoekan, jang djoega digeraken dengen tjepat dan bagoes. Tapi Tjhio Peng jang tjerdik tida madjoe bertanding hadep-hadepan sama Pek Kiok Hwa, hanja ia meliatin Tian Him Hoei jang lagi bertaroeng sama Pek Kiok Hwa. Pada saban kali Jan Hoei mengasi koetika kosong, lantas sadja ia kasi kerdja iapoenja Toesoekan. Sedang iapoenja serangan tida ditoedjoeken pada bagian sabelah atas, hanja meloeloe ditoedjoeken ka tiga djoeroesan di sabelah bawah.

Tapi ternjata Pek Kiok Hwa poenja ilmoe silat, ada tjoekoep tinggi. Itoe waktoe biar poen ia bertanding sama doewa orang jang ilmoenja tida lebih rendah dari ianja, toch ia melajanin dengen adem dan sekikit poen tida mengoendjoek roepa jang keder. Pada Tian Him Hoei poenja serangan, ia tida maoe kasiken sendjatanja beradoe, Ia bersilat dengen sanget hati-hati sekali; tapi ia mentjari koetika baek boewat membikin poetoes Tjhio Peng poenja Toesoekan. Tjoema sadja Tjhio Peng sendiri terlebih lagi berhati-hatinja. Ia bibin penjerangan dengen maksoed bikin ripoeh pada moesoeh, tapi paling teroetama ia djaga djangan sampe sendjatanja kena dibikin roesak oleh pedangnja iapoenja moesoeh. Dengen begitoe, Pek Kiok Hwa poenja niatan djadi sia-sia sadja.

Jan Hoei pikir lama - kalamahan, tentoe sekali ia bakal terdesek dan kena dikalahken. Maka dalem sa'at itoe djoega ia lantas seroehin boedjang-boedjangnja boewat dateng membantoe padanja. Itoe kawanan boedjang lantas pada pergi mengambil golok dapoer, patjoel, toengket, tapalan pintoe dan apa sadja jang bisa digoenaken sabagi sendjata. Tapi Pang Jan lebih siang soeda berlompat toeroen dari atas genteng dan minta itoe golok jang dipegang oleh Thio Liong, jang lantas goenaken boewat memotong tali-tali jang mengikat pada Heng Djoe Liong dan Heng Djoe Houw. Kamoedian ia minta Thio Liong dan Tio Houw menggendong pada itoe doewa soedara Heng.

„Shako,“ kata Tio Houw, „kaoe menggendong Liong dan akoe menggendong Houw, djadinja Liong sama Liong dan Houw sama Houw.“

„Ach, pada waktoe begini kaoe maoe membanjol !“ kata Pang Jan.

Koetika Pang Jan maoe anter itoe ampat orang kaloewar, ditjegat oleh itoe kawanan boedjang jang soeda balik kombali dengen membawa sendjata. Marika memoekoel kalang-kaboetan sama tapalan pintoe, pikoelan dan sebaginja. Kaloe maoe dibitjaraken Pang Jan poenja ilmoe silat, apabila berhadepan sama saorang jang mempoenjai ilmoe kapandean tinggi, soeda tentoe sadja tida ada goenanja, tapi kaloe ia moesti bertanding sama itoe kawanan boedjang, tida berbeda sabagi satoe harimau mengamoek di antara kawanan domba. Maka dalem sedikit sa'at sadja ia soeda amoek itoe kawanan boedjang sampe toempang-sioer; ada djoega jang lantas djiwanja melajang ka acherat; ada djoega jang mendapet loeka berat atawa poen enteng. Achirnja tida ada lagi barang satoe jang brani menjegat padanja.

Pang Jan anter itoe ampat orang kaloewar dari itoe pintoe tembok boender teroes kaloewar sampe di pintoe depan. Itoe orang-orang jang tadi mendjaga, lebih siang soeda pada maboer entah kamana. Sasampenja di loewar pintoe Pang Jan liat itoe pasoekan negri soeda mendatengin. Maka ia lantas balik masoek lagi ka dalem boewat membantoein pada Tian Him Hoei dan Tjhio Peng. Pek Kiok Hwa meliat ini orang bawel dateng kombali, hatinja merasa sanget mendongkol; tapi itoe waktoe ia denger di sabelah loewar ada soewara riboet-riboet dibarengin oleh orang banjak poenja soewara soerakan jang tida berbeda sabagi goenoeng roeboeh kerasnja. Jan Hoei lantas taoe bahoewa ini satoe kali ia bakal tjilaka, kaloe sadja ia tida boeroe-boeroe oeloer kakinja boewat maboer.

,,Koetika mendapet koetika kosong ia poera-poera menoe-soek ka djoeroesannja Tjhio Peng, jang lantas berkelit moen-doer. Pek Kiok Hwa lantas goenaken ini koetika baek boe-wat pandjangken tindakannja kaloewar dari kalangan dan teroes maboer dengen keras.

,,Hei, djahanam, kaoe lari !" berseroeh Pang Jan. ,,Kedjar padanja !"

Semoewa orang mengedjar pada itoe pendjahat jang merat. Tian Tjiauw mengoeber paling doeloe dan Tjhio Peng di blakangnja; tapi Pang Jan jang baroesan berseroeh menge-djar, tjoema moeloetnja sadja bikin riboet, tapi kakinja tida bergerak. Jan Hoei koetika lari sampe di pintoe tembok boender, lantas berpaling meliat ka blakang. la lantas dapet liat Tjhio Peng dan Tian Tjiauw jang mengedjar padanja Pek Kiok Hwa lantas pindahken itoe pedang jang ia pegang ka tangan kirinja, sedang iapoenja tangan merogo ka dalem iapoenja kantong pio sembari teroes berlari. Dengen men-dadak ia balikin badannja dan ajoen tangan kanannja male-pasken iapoenja sendjata resia itoe.

Tian Tjiauw jang mengoeber di sabelah depan, boekan-nja anak kemaren doeloe, dengen tjepat ia berkelit ka sam-ping. Sedang Tjhio Peng jang mengedjar di sabelah blakang tida bisa meliat terang ka depan, sabagitoe lekas ia meliat Tian Him Hoei berkelit ka samping, ia poen toeroet berkelit njamping........ Tjoema sadja itoe pio jang ditoedjoeken ka tenggorokannja Tian Him Hoei, lebih siang soeda sampe dan lantaran jang didjoedjoe lebih siang soeda menjingkir, itoe pio lantas sadja mengenaken boengkoesan kapalanja Tjhio Peng, jang lantas djadi menggrowak satoe lobang be-kas djalan liwatnja itoe sendjata resia. Beroentoeng tida me- loekaken iapoenia koelit kapala.

,,Ach, soenggoe berbahaja sekali, Tian Toatee." kata Tjhio Peng, ,,ampir sadja akoe terkena orang poenja sendja-ta resia. Sekarang lebih baek kita mengedjar dengen djalan berendeng. Sebab, kaoe jang djalani doeloean bisa meliat moesoèh poenja gerakan dengen terang, sebaliknja akoe jang berada di sebelah blakang tida bisa meliat satoe apa. Ba­roesan kaloe boekannja akoe poenja toeloeh lebih kate, nistjaja akoe soeda mendapet tjilaka.”

Tapi iaorang sembari bitjara kakinja bekerdja teroes. Tian Him Hoei lantaran Pek Kiok Hwa goenaken iapoenja sen­djata resia, ia djadi inget sama sen­diri poenja. Sembari menoeboer, ia bikin betoel pekakaaanjn iapoenja sisoetjie. Koetika ia gerakin sebelah tangan­nja, kadengaran satoe soewara teng! dan itoe sisoetjie soeda menantjap di tapalan pintoe. Sebab Pek Kiok Hwa jang itoe waktu soeda lari sampe dekat pintoe depan, poen senantiasa berlakoe hati-hati, biar poen ia merat tapi saban-saban menoeleh ka blakang. Koeti­ka ia meliat Tian Lam-hīp kendoew tangan­nja dirangkatkan, ia soeda mendengo orang mao melemparkan satoe resia. Dengen menoenggoe djoeroe satoe kali Lam-hīp moeleh ka tangan­nja, ia dengen sigap djoeroes lari keloewar, dan tida tengkorok­kan, dengen keperd̄jaan berkelit, maka itoe sisoetjie tida menoengken itoe tapalan pintoe.

Pada soedarnja ia kasi waktu itoe sisoetjie, teroes ia berlompat ka loewarnja pintoe depan. Ternjata di soetoe satoe berkoempoel banjak sekali orang dengen toendjoek-toendjoek roemah, jang mengadapanja roemah. Semoewa lantas pada berlarian, sebab Pek Kiok Hwa soeda melonjat dan perloe djampat keloewarnja. „Nah, ini dianja soeda keloewar! Ini pen­djampat soeda maboēr keloewarnja!”

Itoe waktœ Thio Kan dan Ho Hoei menoengoek di ka­langan jang sampean pintoe, sedang Pang Tjongpeng ia menoengoek di tempat blakang; Jan Hoei liat itoe orang-orang soemoeanja, maka ia djalan bias̄a-dengan tida mendengarkan doea sama kana birōe, djān semoeanja bersēndjata pendek. Koetika ia sampe, ia lantas menoenggoek di tapal pintoe. Ia remas pakeān boengkoesan kapala warmā, sabentar gelap djān ia melangkah roemah̄, jang di tangan kiri mengang­goes dan di tangan̄nja ada memegang satoe Tjok-tjiat-pian dari wadja, jang kira-kira sabesarnja telor bebek. Ia berdiri di sitoe tida berbeda sabagi satoe harimau jang lagi menoenggoe koebannja. Jan Hoei doega tentoelah ini ada itoe ponggawa jang mengepalai itoe pasoekan negri jang menjamar.

Perkara jang Pek Kiok Hwa paling takoetin, di kadoewa pinggirannja itoe Tjongpeng ada berdiri doewa poeloh orang jang mamegang gaetan bergagang pandjang ; tapi tida bisa tida ia moesti madjoe djoega, bila ia maoe melolosken diri. Pada sabelonnja ia sempet bergerak, Thio Kan dan Ho Hoei soeda madjoe menjerang, jang satoe goenaken sapasang „gan“ dari koeningan dan jang laennja memake satoe toja. Pek Kiok Hwa pikir kaloe moesti melajanin ini doewa orang doewa atawa tiga djoeroesan, orang jang mengedjar padanja tentoe kaboeroe sampe, maka ia berniat bikin pendek ini pertandingan. Sabagitoe lekas sendjatanja itoe doewa orang sampe, lantas sadja ia tangkis sama pedangnja dan bikin poetoes itoe doewa orang poenja sendjata. Berbareng dengan itoe ia goenaken satoe tipoe „Soen-tjhioe-toei-tjioe.“ Srat I Thio Kan poenja lengan telah djadi poetoes dan koetika ia tarik poelang pedangnja ia sabet bikin koetoeng Ho Hoei poenja boengkoesan kapala.

Pang Tjin Kang melihat iapoenja doewa panglima telah diloekain begitoe roepa, soeda tentoe sadja mendjadi sangat goesar: dengen tjepat ia ajoen iapoenja pian wadja, menjerang pada Jan Hoei, orang siapa meliat itoe Tjongpeng poenja sendjata begitoe besar dan berat, djadi tida brani menangkis sama iapoenja pedang, hanja ia lantas goenaken satoe tipoe „Ouw-liong-djip-tong“ boewat singkirken itoe serangan. Tapi baroe sadja ia maoe bales menjerang sama pedangnja, itoe doewapoeloeh soldadoe jang mamegang gaetan bergagang pandjang, dengen berbareng soeda madjoe menggaet padanja. Pek Kiok Hwa lantas sabetin iapoenja pedang pada sasaoeatoe gaetan jang dateng dekat padanja, dalem sakedjapan mata sadja itoe besi gaetan pada poetoes dan pamegangnja ampir sadja pada djato kasoempat. Jan Hoei lantas poeter iapoenja pedang dan sasoeatoe orang jang terkena iapoenja sendjata, kaloe boekannja binasa tentoe mendapet loeka berat. Dengen gampang sadja ia bisa menerobos kaloewar dari kepoengan. Tatkala ia berlari sampe di moeloet djalan kaloewarnja itoe boekit, kombali ia bertemoe sama itoe kawanan kapala-oppas dan orang-orangnja, tapi soeda tentoe sadja iaorang tida bisa menjega Jan Hoei poenja perdjalanan. Boekan sedikit di antaranja jang kena dibikin loeka dan djato terbanting.

Sabagitoe lekas itoe pendjahat sampe di sabelah loewarnja itoe An-louw-san, dalem hatinja berpikir, ka mana ia moesti pergi apa ka Tjioe-kee-hang atawa ka Lioe-kee-eng; tapi pada sabelonnja ia bisa mendapet pikiran teiap, mendadak dari sabelah blakang ada kadengeran soewara tindakan orang-orang jang memboeroe. Apaboleh-boewat ia lantas pandjangken lagi tindakannja merat dengen menoeroeti sapandjangnja pinggir goenoeng djoeroesan Oetara. Koetika ia biloek lagi ka Barat, ia liat di atas goenoeng ada sinar api jang mengkobar-kobar dan asap jang bergoeloeng-goeloeng ka atas.

„Wah, tjilaka !” mengeloe ia. „Tentoelah akoe poenja sarang soeda djadi moesna dibakar. Ini semoewa dasaran itoe doewa binatang Heng Djoe Liong dan Heng Djoe Houw poenja gara-gara. Nanti kaloe akoe bisa dapet tangkap itoe doewa binatang, tentoe akoe maoe iris-iris iapoenja badan sampe mampoes, baroe akoe poenja hati merasa poewas.”

Satelah ia berdjalan doewa lie djaoenja, ia soeda sampe di depan pintoenja Lioe-kee-eng. Di sabelah depannja itoe tempat ada banjak toemboe poehoen „lioe” dan jang poenja bernama Lioe Ong, tergelar Tjeng biauw-sin. Sebab iapoenja kebon-kebon jang ditanemin sajoeran dan laen-laen, sama sekali tida perloe memake pendjaga, tapi bila ada orang jang dateng mentjoeri iapoenja sajoeran atawa tetaneman laen, dengen lantas sadja Lioe Ong bisa tangkap pentjoerinja, maka semoewa pentjoeri tida ada satoe jang brani dateng mentjoeri ka dalem iapoenja kebon dan ini djoega sebabnja maka ia mendapet itoe gelaran Tjeng-biauw-sin. Doeloenja Lioe Ong poen ada satoe perampok dan blakangan lantaran soeda mempoenjai djoega banjak harta, ia lantas tjoetji-tangan dan tida djadi brandal lagi. Tapi sajang biar poen mempoenjai banjak harta, ia tida mempoenjai anak, sedang oemoernja soeda ampatpoeloeh tahon, koetika ia brenti mendjadi begal. Blakangan iapoenja istri melahirken satoe anak prampoewan, tapi koetika beroemoer delapanbelas tahon dikasi nikah sama saorang she Song, tapi tida lama itoe anak poen meninggal doenia.

Belon lama koetika Lioe Ong tjoekoep beroemoer anempoeloeh tahon, ia bikin satoe pesta sehdjit. Pek Kiok Hwa memangnja tida kenal padanja tjoema satoe sama laen sering denger nama. Itoe waktoe Pek Kiok Hwa bersama Tjioe Liong dari Tjioe-kee-hang, dateng ka roemahnja Lioe Ong boewat memberi selamat dengen membawa barang bingkisan jang berharga. Moelai dari itoe waktoe iaorang djadi berkenalan satoe sama laen, malah sadari Pek Kiok Hwa dateng memberi selamat hari tahonnja Lioe Ong, toewan roemah menahan padanja boewat tinggal menginep sampe bebrapa belas hari lamanja dan saban hari toewan roemah soegoehi tetamoenja barang santapan dan minoeman jang lezat dan wangi. Achirnja itoe doewa orang lantas mengangkat soedara. Tadi Jan Hoei pikir maoe pergi ka roemahnja Tjioe Liong di Tjioe-kee-hang, tapi lantaran di sana tempatnja terlaloe ketjil, lagian sekarang ia lagi dioeber-oeber orang, ia sanget koewatir pada sabelonnja sampe, sebaliknja ia soeda kena tertangkep. Maka ia rasa paling baek maboer ka Lioe-kee-eng jang lebi deket, barangkali sadja bisa lolos. Inilah sebabnja ia dateng ka roemahnja Lioe Ong.

Kabetoelan itoe waktoe Lioe Ong djoestroe lagi berdiri di depan pintoe roemahnja memandang ka djoeroesan Louw-an-san, sebab koetika ia lagi doedoek-menganggoer dalem iapoenja kamar-batja, iapoenja boedjang masoek kasi taoe, bahoea entah sebab apa di dalem Louw-an-san kadengeran soewara riboet seperti orang lagi berperang, hal mana soeda membikin ia djadi sanget terkedjoet dan boeroe-boeroe kaloewar dari pintoe depan boewat meliat ka djoeroesan itoe boekit. Tapi itoe waktoe boekan sadja kadengeran soewara bergoeroeh sabagi orang lagi berperang, malah ada kaliatan sinar api jang mengkobar-kobar dan asep bergoeloeng-goeloeng naek ka atas langit. Dan itoe waktoe angin menioep dari djoeroesan Timoer-selatan, sedang letaknja Lioe-kee-eng djoestroe berada di Barat-oetara, kira doewa lie dari sabelah blakangnja itoe Louw-an-san jang tinggi, maka soewara dari itoe boekit bisa kadengeran dengen njata, apalagi itoe sinar api jang mengkobar-kobar begitoe besar.

Djoestroe pada waktoe Lioe Ong maoe soeroe orangnja pergi tengok dan tjari taoe ka Louw-an-san, koenjoeng-koenjoeng dari sabelah depan ada mendatengin Pek Kiok Hwa dengen mengoendjoek sikap goegoep dan bingoeng, beroelang-oelang ia menoleh ka djoeroesan blakang. Sedang di sabelah blakang Lioe Ong liat beroentoen-roentoen ada bebrapa banjak orang jang mengedjar. Tjeng-biauw-sin ada saorang tjerdik dan bisa berpikir dengen tjepȧt, dalem sa'at itoe djoega ia soeroe orangnja pergi menoetoep pintoe depan. Iapoenja roemah jang besar dan loewas, di dalem pintoe depan ada ditaro doewa bangkoe, sedang di sabelah loewarnja itoe pintoe depan ada terletak doewa bangkoe batoe model tahang. Lebih doeloe ia soeroe orangnja pindahken itoe doewa bangkoe-batoe dan koetika Pek Kiok Hwa sampe di depan pintoe, Lioe Ong lantas sadja toentoen itoe pendjahat masoek ka dalem roemah dan soeroe orang lantas tapal itoe pintoe depan. Koetika Pek Kiok Hwa maoe djalanken kahormatan, Lioe Ong lantas menjegah.

„Ini waktoe tida ada tempo boewat mendjalanken peradatan,” kata ia. „Harep sadja kaoe soeka lekasan tjeritaken soeda terdjadi perkara apa.”

Pek Kiok Hwa dengen ringkes lantas toetoerken iapoenja oeroesan. Lioe Ong berpikir sakoetika lamanja, kamoedian ia lantas berkata: „Ini oeroesan moesti diatoer begini dan begitoe, baroelah bisa mendjadi beres.”

Pek Kiok Hwa beroelang-oelang manggoetken kapala dan berkata: „Itoe akal bagoes sekali. Tjoema sadja djadi membikin soesa pada Twako.” Sahabisnja berkata ia lantas berloetoet dan maoe mendjoera.

Lioe Ong lantas menjekal lengannja Jan Hoei dan berkata: „Kita jang satoe sama laen mendjadi soedara-angkat, tida perloe moesti mendjalanken itoe peradatan.”

Kamoedian ia lantas panggil boedjangnja boewat menganter Pek Kiok Hwa pergi ka dalem. Di laen fihak ia panggil lagi satoe boedjang laen, pada siapa ia bitjara bisik-bisik. Itoe boedjang lantas bilang baek dan pergi melakoeken pesenannja iapoenja madjikan. Tida antara lama kamoedian dari sabelah depan ada kadengeran soewara riboet-riboet dan satoe boedjang masoek mengasi taoe: „Wan-gwee, iaorang semoewanja soeda dateng dan sekarang lagi mengetok pintoe depan.”

„Kaoe orang djangan goegoep,” kata Lioe Ong.

Sahabisnja berkata ia sendiri pergi kaloewar boewat memboekain pintoe, dalem sa'at itoe djoega ia berhadep-hadepan dengen Tian Lam-hiap dan Hwan-kang-tjie.

„Apa kaoe ini ada toewan roemah ?” menanja itoe doewa orang dengen berbareng.

„Betoel, tida salah,” djawab Lioe Ong sembari manggoetken kapala. „Akoe poenja nama Lioe Ong. Tjoema sadja akoe belon mendapet taoe toewan berdoewa poenja she dan nama jang moelia dan dateng ka sini dengen membawa begitoe banjak orang, maoe ada oeroesan apa ?”

„Kita berdoewa ada Gie-tjian Sam-pin Hou-wie Tjiang-koen,” djawab Tjhio Peng. „Di sabelah blakang masi ada kaoe poenja Tihoe dan Tjongpeng jang berkoewasa di ini tempat. Dan kita semoewa menerima prentah firmannja keizer boeat menangkep satoe pendjahat, sedeng itoe pendjahat telah masoek ka dalem kaoe poenja roemah. Hajo lekasan menjingkir kasiken kita-orang liwat boewat menangkap itoe pendjahat.”

Lioe Ong lantas menjega sama kadoewa tangannja.

„Nanti doeloe," kata ia. Dalem kita poenja roemah samasekali tida ada pendjahat.”

„Och, kaoe djangan menjangkal, sobat,” kata Tjhio Peng. „Baroesan dari kadjaoehan dengen njata akoe liat itoe pendjahat masoek ka pintoe depannja ini roemah, tjoema lantaran ka'alingan sama itoe gombolan poehoen lioe, djadi kita tida bisa meliat dengen njata, apa ia teroes masoek ka sini atawa tida.”

Lioe Ong makanja poengkir Jan Hoei masoek ka roemanja, perloe boewat melambatken tempo, agar Pek Kiok Hwa bisa maboer ka blakang. Tapi Tjhio Peng jang tjerdik tida maoe kena diakalin begitoe roepa. Dalem sa'at itoe djoega ia soeroe semoewa soldadoe mengoeroeng sakitarnja itoe roemah dan tida maoe meladenin mengadoe lida sama Lioe Ong. Dalem sakedjapan sadja itoe roemah sakiternja soeda dikoeroeng oleh itoe doewa ratoes pasoekan negri jang menjamar.

„Tida perdoeli apa itoe pendjahat ada atawa tida dalem kaoe poenja roemah,” kata lagi Tjhio Peng, „tapi kita moesti bikin penggledahan djoega dan nanti apabila kadapatan itoe bangsat berada dalem kaoe poenja roemah, tentoelah kaoe sendiri aken tida terbebas dari kadosahan.”

„Itoelah memang dengen sapantasnja,” djawab Lioe Ong: „tjoema sadja kaloe kadoewa loya maoe bikin penggledahan dalem akoe poenja roemah, akoe memoehoen soepaja diloeloesken akoe poenja satoe permintahan: berdoewa loya sadja jang masoek menggledah ka dalem, sedeng itoe orang jang laen-laeanja djangan di'idjinken masoek, sebab akoe koewatir barang-barangkoe aken mendjadi banjak jang hilang.”

„Itoelah tida ada halangannja,” djawab Tjhio Peng, jang lantas kasi prentah itoe kawanan soldadoe boleh mendjaga sadja dengen awas di sabelah loewar.

---

FATSAL XXIV

Tian Tjiauw dan Tjhio Peng lantas masoek ka dalem dan koetika iaorang ampir sampe pada satoe pedengan angin, mendadak marika dapet liat pada Pek Kiok Hwa, jang lari ka dalem. Itoe doewa Hou-wie lantaran pikirannja ditoedjoeken sa anteronja pada Pek Kiok Hwa, djadi tida tjoeriga di sabelah dalem orang sediaken djebakan. laorang tjoema inget mengoeber sadja pada itoe pendjahat, mendadak dari kadoewa pinggiran ada terangkat satoe tambang jang mendjiret pada itoe doewa orang poenja kaki.

Ach, tjilaka akoe !" berseroeh Tjhio Peng, jang toeboenja djadi sempojongan ka depan, tapi ampir dalem sa'at itoe djoega ia lantas berlompat dan teroes lari lagi ka kamar tetamoe.

Sebab dari satadian Tian Him Hoei poenja pedang masi teroes dipegang dalem tangannja, maka pada waktoe itoe tambang mendjirat pada iaorang poenja kaki, dengen tjepat ia bikin poetoes itoe tambang. Berbareng dengen itoe, kadengeran soewara gedeboekannja itoe orang-orang jang memegang itoe tambang di kadoewa pinggiran lantaran pada djato kasoempet. Inilah sebabnja itoe doewa orang tjoema sempojongan sadja, tapi tida teroes djato kasoempat.

,,Bangsat, koerang adjar !" mengoetoek Tjhio Peng. .Ampir sadja kita terkena dalem kaoe orang poenja djebakan."

Pek Kiok Hwa merasa sanget gemas iapoenja tipoe tida bisa berhasil. Boeroe-boeroe ia berlari ka loear dari itoe kamar tetamoe sembari mengaloewarken iapoenja pio dari kantongnja. la sambitken itoe sendjata resia ka djoeroesannja Tian Tjiauw, tapi soeda tentoe sadja tida bisa dapetken maksoednja, sebab lebih siang Tian Him Hoei soeda berkelit. Ini satoe kali Tjhio Peng tida maoe berdiam lagi di saber lah blakangnja Tian Him Hoei, maka itoe waktoe ia poen bisa berkelit boewat kasi liwat sendjata resianja Pek Kiok Hwa.

(Ada samboengannja).