Siauw Ngo Gie 03

by Kuang Lou Wen dan Mi Tao Jen Peng

 

SIAUW NGO GIE.

Bagian ka-doea.

atawa

Pembrontakannja Siang Yang Ong.

---

„Boekannja akoe terlaloe marendah,“ kata Pang Jan. „Sabetoelnja nona poenja ilmoe kapandean djangan kata di antara bangsa prampoewan, sekali poen bangsa lelaki di seantero doenia, soeker ditjari kadoewanja. Akoe tida brani membilang soeda perna mendapet pengadjarannja goeroe jang ternama, tapi kapandean di atas koeda, di moeka boemi, berlompat tinggi dan menggoenaken delapan belas roepa sendjata, sedikitnja akoe paham djoega, dan bebrapa banjak panglima dalem Ong-hoe, tida ada satoe jang bisa tandingin akoe ; tapi sekarang koetika berhadepan sama nona, belon berdjalan bebrapa djoeroesan, lantas sadja kaoe soeda bisa bikin akoe djadi tida bersendjata, kamoedian dengen tida taoe apa sebabnja akoe soeda djato meloso dalem keadahan pangsan. . . . .“

Lou So Tjin koetika mendenger sampe di sini, lantas sadja berkikikan tertawa geli. „Djika pada waktoe bertanding pikiran djadi gelap, tentoe sadja moesti djato,“ kata ia dengen manis.

„Masi ada soeatoe hal jang akoe ingin menanjaken pada nona,“ kata lagi Pang Jan. „Itoe sendjata resia jang nona goenaken boewat meroeboeken akoe poenja kawan ada sendjata resia apa ? Sebab akoe tida meliat satoe apa, tapi sabaliknja kawankoe itoe lantas sadja djato pangsan. Akoe soeda meliat bebrapa banjak orang jang menggoenaken sendjata resia, tapi selamanja akoe belon perna meliat jang saroepa itoe dan begitoe poenja bagoes bakerdjanja.“

Lantaran Pang Jan teroes-meneroes marendah dan oempak-oempak itoe prampoewan genit, soeda membikin itoe prampoewan poenja hati djadi loemer laksana lilin kena panas. Iapoenja pikiran jang hendak memboenoeh pada Pang Jan, sedikit poen tida ada jang katinggalan. Lagian Pang Jan poenja paras moeka boekannja djelek, tjoema kaloe dibandingken sama Louw Tien jang tjakap, soeda tentoe sadja berbeda banjak. Lou So Tjin mendenger Pang Jan menanjaken prihal sendjata resia, ia lantas berbangkit dengen paras moeka manis dan sabar.

„Apabila siangkong hendak menanjaken akoe poenja sendjata resia itoe.“ kata ia „boekannja akoe boeka moeloet besar, dalem sa'antero doenia tjoema akoe sendiri sadja jang poenja, sebab akoe poenja goeroe tjoema toeroenken itoe matjem kapandean pada akoe sendiri sadja.“

„Siapatah kaoe poenja goeroe itoe?“

„Akoe poenja goeroe poen ada saorang prampoewan,“ manerangken Lou So Tjin, „jaitoe jang mendjadi djoega akoe poenja 'ma angkat. Akoe poenja ajah-angkat bernama Hwan Thian Poo, jang tergelar Siam-tian-tjhioe. Ini hal kaloe boekannja kaoe tentoe akoe tida maoe kasi taoe. Sedang akoe poenja 'ma angkat itoe, ada bini moedanja akoe poenja ajah-angkat. Boekan sadja ia soeda mengadjar akoe itoe ilmoe sendjata resia, malah akoe poenja ilmoe silat djoega ia jang adjar. Ia sendiri pande sekali menggoenaken sendjata resia jang dinamaken lioe-seng-thoei. Ia masi ada mempoenjai satoe soedara prampoewan jang oemoernja lebih moeda dan bernama Hie Hong. Ialah jang mintaken pada akoe poenja goeroe soepaja toeroenken itoe wasiat padakoe. Tadinja akoe poenja goeroe tida maoe meloeloesken, tapi pada sasoedanja akoe meminta dengen sanget, baroelah ia kasiken itoe wasiat padakoe.“

„Wasiat apa sih? menanja Pang Jan.

„Itoe wasiat dinamaken Ngo-sek-bie-hoen-pee, jang meroepaken satoe salampe, dan ini selampe dimasoekin berbagi-bagi matjem obat-obatan. Itoe selampe ditaro dalem satoe kantong, sedang pada itoe selampe ada digantelin lima gaetan emas, jang meroepaken lima warna dan inilah djoega sebabnja maka diseboet Ngo-sek-bie-hoen-pee. Salah-satoe gaetan itoe, menondjol ka sabelah loewarnja kantong, dan apabila kita maoe goenaken, satoe djeridji moesti digaetken pada itoe gaetan, jang kamoedian ditarik kaloewar, dalem sa'at itoe djoega, kita poenja moesoeh lantas roeboeh dengen pangsan. Tjoema sadja soeatoe hal jang kita haroes perhatiken, djika kita maoe goenaken ini wasiat, selamanja kita moesti berdiri di atas angin sebab kaloe kita sendiri berada di bawah angin, kita poen kena tjioera baoenja itoe obat jang menempel di salampe dan tida ampoen lagi moesti djato pangsan djoega.“

Pang Jan beroelang-oelang memoedji, katanja itoelah ada samatjem wasiat jang djarang ada, maka ia merasa ingin sekali meliat bagimana roepanja.

„Tapi,“ kata Pang Jan achirnja, „apabila obatnja soeda abis, apa nona bisa bikin lagi sendiri jang baroe ?“

Lou So Tjin golengken kapala. „Tida, akoe tida bisa“, kata ia. „Malah koetika goeroekoe trimaken ini wasiat padakoe, dengen wanti-wanti ia memesen, djangan sekali akoe goenaken dengen sembarangan. Kaloe boekannja kita poenja djiwa sendiri ampir binasa dan terantjam bahaja besar, baroelah akoe boleh goenaken. Sebab pada saban kali akoe goenaken, akoe poenja goeroe poenja oemoer djadi koerang lima tahon. Lantaran di antara tjampoerannja itoe obat-obatan ada terdapat baji jang masi belon dilahirken, dari kandoengannja sang iboe, lagian moesti baji lelaki baroe boleh. Itoe baji jang belon dilahirken, diambil iapoenja otak dan hatinja sabagi tjampoeran obat jang paling teroetama.

„Laen-laen obat biar poen mahal masi bisa dibeli dengen oewang, tapi ini otak dan hatinja baji jang belon dilahirken dari kandoengan iboenja, boekannja barang jang gampang didapetken. Sebab moesti korbanken bebrapa banjak djiwa manoesia. Sebab kaloe kita soeda dapetken satoe korban-satoe prampoewan jang lagi hamil kamoedian peroetnja dibelek dan kaloewarken bajinja jang ia kandoeng, tapi ternjata boekannja baji lelaki, dengen begitoe, boekantah memboewang doewa djiwa manoesia dengen pertjoema sadja ? Inilah djoega sebabnja goeroekoe soeda melarang akoe goenaken dengen sembarangan. Ini hari, koetika akoe djalan-djalan ka gredja akoe denger ada toekang djoewal silat jang bikin riboet, katanja itoe toekang-toekang silat ada bebrapa di antaranja jang mempoenjai ilmoe kapandean tinggi, maka akoe lantas membekal itoe salampe dan betoel sadja, kaloe boekannja itoe wasiat, nistjaja akoe moesti djadi binasa dalem tangannja kaoe poenja kawan“.

„Aja, aja, itoelah sasoenggoenja ada soeatoe wasiat jang sanget berharga," kata Pang Jan. "Akoe harep sadja nona soeka kaloewarken dan kasi liat padakoe."

Lou So Tjin pikir, sekarang ia soeda mendjadi soewami-istri sama Pang Jan, tentoe sadja tida ada halangannja kasi ia liat itoe wasiat. Laloe ia menghamperi satoe peti dan lantas ia boeka selotnja. Di laen fihak, Pang Jan dengen poera-poera bilang gerah, lantas sadja melepasken iapoenja badjoe pandjang. la liat itoe randjang kamanten memake klamboe dari soetra idjo, jang itoe waktoe disangketin pada sapasang sangketan dari emas. Di dalem pembaringan ada teratoer bantal-bantal jang memake saroeng soelam dan sprei baroe jang bresi, sedang hawanja sangat haroem sabagi djoega dalem kajangan.

Di dekat klamboe ada tergantoeng satoe pedang, jang depan blakangnja tadjam dan memake satoe saroeng dari koelit ikan tjoetjoet, ditimpalin sama rombe-rombe jang berwarna koening. Sedang di atas satoe tembok ada tergantoeng satoe golok. Pang Jan perhatikan, itoe semoewa dengen terliti, agar kamoedian djika ia maoe ambil djadi gampang. Itoe waktoe Lou So Tjin soeda ambil kaloewar itoe salampe aneh dari peti dan berkata: "Siangkong, djangan kena tjioem baoenja..."

Pang Jan satelah meliat itoe barang, dengen tida sabaran lagi lantas sadja angsoerken sabelah tangannja boewat merampas. Lou So Tjin tarik kombali tangannja jang soeda saparo diangsoerken, sembari moendoer satoe doewa tindak ka blakang. Itoe waktoe djoega iapoenja halis dikeroetken dan kadoewa matanja mengawasi dengen tetap pada Pang Jan.

,,Ach, apa barangkali siangkong maen gila dan boekannja satoeloesnja hati menikah sama akoe?” kata ia dengen soewara koerang senang dan bertjoeriga.

Itoe waktoe Pang Jan baroe mendoesin jang ia soeda kaboeroe napsoe dan dengen lekas ia oendjoek paras moeka bersenjoem.

„Wah, nona terlaloe bertjoeriga,” kata ia. „Kaoe sama akoe soeda djadi soewami-istri dan soewami-istri poenja perhoeboengag ada sanget rapet, bagimana nona katakan akoe maen gila dan boekannja satoeloesnja hati ?”

„Itoe tida oesa perdoeli akoe terlaloe bertjoeriga atawa tida.” kata Kioe-bwee-sian-ho; „toenggoe sampe kita sasoenggoenja soeda mendjadi soewami istri tjoekoep satoe boelan, baroelah kaoe boleh liat ini salampe.”

Sahabisnja berkata ia lantas hamperi itoe peti sabagi djoega maoe taro lagi itoe barang ka dalemnja. Pang Jan lantas tebelin moeka sembari tjengar-tjengir.

„Tida bisa, nona !” kata ia. „Biar bagimana djoega akoe ingin liat sekarang djoega.” Tapi sekali poen berkata begitoe, toch ia tida brani meraba badannja si nona dan oendjoek sikep seperti orang orang jang bertjinta. Sebab Pang Jan biar poen tida bisa dibandingken sama itoe „siauw ngo gie.” toch ada saorang jang berhati back dan dioedjoer. Kaloe boekannja begitoe. nistjaja ia aken membikin tertjemar namanja iapoenja goeroe jang begitoe terindah dan termashoer.

Di laen fihak Lou So Tjin tida mengopenin omongannja Pang Jan. lebih siang ia soeda simpen lagi itoe salampe ka dalem itoe peti, kamoedian ia lantas koentjiken selotnja. Tatkala ia berbangkit lantas ia menoelak pada Pang Jan, dengen sabelah tangannja sembari berkata: "Lantaran kaoe kata 'gitoe, akoe sengadja tida maoe kasi kaoe liat sekarang!"

Tapi Pang Jan lantas berkelit, hingga tangannja itoe prampoewan genit tida bisa mengenaken iapoenja toeboe.

"Kaloe kaoe tida maoe kasi akoe liat," kata ia, "akoe poen tida maoe memaksa."

Djoestroe pada itoe waktoe, kadengaran soewaranja satoe boedjang prampoewan berkata dari sabelah loewar: "Sekarang soeda djam sapoeloeh, harep 'mba-mantoe soeka lantas masoek tidoer sadja."

"Ai, kiranja soeda malem," kata Pang Jan. "Soeda waktoenja moesti tidoer."

Lou So Tjin manggoetken kapala, kamoedian ia lantas melepasken semoewa barang perhiasannja jang ia pake. Ia ambil soetra idjo boewat menahan iapoenja ramboet jang soeda terlepas dari kondenja. Ia melepasken djoega iapoenja pakean loewar dan koen. Di itoe waktoe, ia kaliatannja djadi begitoe eilok dan menarik hati, terlebih lagi lantaran di bawahnja panerangan lampoe. Kaloe sadja boekan Pang Jan, jang berhati ketas seperti batoe, biar poen tadinja telah berniat memboenoe pada ini prampoewan, sampe pada itoe waktoe tentoe djadi loemer seperti saldjoe jang kena sinarnja matahari.

Kioe-bwee-sian-ho oendang Pang Jan naek doeloe ka atas pembaringan, tapi sabaliknja ia itoe oendang itoe prampoewan naek sadja doeloean. Tatkala baroe sadja Lou So Tjin rebahken badannja ka dalem pembaringan, Pang Jan lantas pademken semoewa lampoe jang berada di sitoe.

„E-eh! mengapa kaoe pademken semoewa panerangan?" menegor Lou So Tjin. „Akoe denger orang bilang, katanja ini malem tida baek pademken lampoe“.

„Ada lebih baek dipademken“, djawab Pang Jan. „Akoe ada mempoenjai samatjem penjakit, apabila ada sinar panerangan lampoe tentoe akoe tida bisa tidoer“.

„Akoe denger kaloe maleman pertama djadi kamanten bergelapan katanja tida baek.

„Tida, ini hari ada hari jang paling bagoes dan tida ada barang satoe roepa pantangannja“.

Sembari berkata begitoe sembari menggoeloeng tangan badjoenja dan bikin betoel iapoenja sepatoe jang ia pake, kamoedian ia menghamperi ka hadepan pembaringan. Kioe-bwee-sian-ho kiraken Pang Jan maoe naek tidoer ka atas pembaringan, tida taoenja ia mengoesoet mengambil itoe pedang, jang tadi ia soeda liat terang tergantoeng di dekat sangketan klamboe. Sabagitoe lekas ia dapet raba saroengnja itoe sendjata ia lantas angkat dari gantoengannja dan teroes tjaboet itoe pedang dari iapoenja saroeng. Lou So Tjin poen boekannja saorang goblok, koetika ia denger itoe soewara jang tida sabagimana moestinja lantas ia menanjaken:

„Kaoe lagi bikin apa?“

Itoe pertanjahan dioelangken sampe bebrapa kali, tapi Pang Jan teroes boengkem tida maoe kasi penjaoetan. Sabaliknja ia toesoekin itoe pedang ka djoeroesannja itoe prampoewan genit. Itoe waktoe kaloe sadja Lau So Tjin berlompat toeroen ka djoeroesan depan, nistjaja iapoenja djiwa lantas tiwas, tapi ia berkelit dengen goelingken badannja ka samping, maka itoe toesoekan djadi mengenaken tempat kosong. Berbareng dengen itoe Kioe-bwee-sian-ho menendang dengen sabelah kakinja ka djoeroesan poendaknja Pang Jan, orang siapa lantaran koerang awas, poendaknja terkena itoe tendangan dan toeboenja djadi kadjengkang ka blakang.

Lou So Tjin goenaken ini koetika baek, lantas berlompat toeroen ka bawah randjang dan teroes memboeroe ka itoe tembok di mana ada tergantoeng itoe golok. Kombali Pang Jan menoesoek sama iapoenja sendjata, tapi kombali itoe prampoewan beroentoeng bisa kasi liwat dengen berkelit. Ini tersebab Lou So Tjin berada dalem iapoenja kamar sendiri, biar poen tida ada panerangan lampoe, tapi ia kenal baek keadahannja dalem itoe kamar. Maka ia soeda beroentoeng bisa dapet raba itoe golok jang lantas dihoenoes.

„Toeloeng. toeloeng, ada pemboenoeh !“ berseroeh ia sakeras-kerasnja.

Itoe boedjang-boedjang prampoean jang menoenggoein di loewar kamar, semoewanja telah denger soewara riboet-riboet dan gedeboekan di dalem kamar. Blakangan soewara seroehannja Lou So Tjin, iaorang tida bisa denger terang apa jang dimaksoedken. Oleh kerna itoe, iaorang djadi merasa heran, mengapa harian pertama kawin sadja soeda maoe memaen dengen saling] poekoel.

„Soedalah, nona, djangan bikin riboet,“ kata salah-satoe antaranja. „Hari pertama soeda begitoe, nanti kaloe orang loewar dapet taoe tentoe diboewat boewah tertawahan.

„Tjilaka, toeloeng! ada pemboenoeh !“ berseroeh lagi Lou So Tjin. „Hajo, lekasan kasi kabar pada Toaya.“

Orang tentoe aken persalahken Pang Jan terlaloe kaboeroe napsoe, mengapa ia tida maoe menoenggoe doeloe sampe itoe prampoewan tidoer poeles dan sampe ia bisa dapet tjoeri itoe salampe Nge-sek-bie-hoen-pee, baroelah ia boenoeh pada Lou So Tjin. Tapi ini doegahan ada sanget kliroe, sebab Lou So Tjin manatah bisa tidoer poeles!

Pang Jan koetika meliat Lou So Tjin soeda menghoenoes golok, ia taoe bahoewa ia boekannja itoe prampoewan poenja tandingan. Ia poera-poera membatjok sama pedangnja, berbareng dengen itoe ia tarik kombali sendjatanja dan balikin badannja memboeka keree dan teroes berlompat kaloewar. Itoe waktoe satoe boedjang prampoewan mendatengin dan dari sinarnja lampoe ia kenalin itoe orang jang berlompat kaloewar ada kamanten lelaki.

„Soeda terdjadi a....."

Tapi pada sabelonnja itoe boedjang bisa melandjoetken iapoenja bitjara, lebih siang iapoenja kapala soeda terpisa sama iapoenja badan, kerna Pang Jan poenja tabasan pedang. Satoe boedjang prampoewan jang laennja tida brani mendeketi dan doewa boedak prampoewan jang djoega berada di sitoe, lantaran katakoetan dengen goegoep pada berseroeh:

,,Toeloeng! Pemboenoeh! Toeloeng!"

Dalem sasaät itoe djoega, Lou So Tjin berlompat kaloear dari iapoenja kamar.

,,Hei, lelaki binatang, bagoes sekali kaoe poenja perboewatan, soeda bikin tertjemar akoe poenja nama!" lata ia dengen geregetan.

Pang Jan berlompat kaloewar dari itoe roemah sampe ka satoe lataran. Biar poen kaädahan di sitoe sangat gelap, tapi pada sasoedanja ia meremken doeloe dan koetjek-koetjek kadoewa matanja, dengen perlahan ia djadi biasa sama kagelapan. Mendadak dari satoe pinggiran ada berlompat menerdjang satoe orang.

,,Manoesia boesoek!" berseroeh orang itoe. "Dari satadian akoe soeda mendoega, bahoewa kaoe boekannja mengandoeng maksoed baek; sekarang ternjata akoe poenja doegahan tida kliroe. Kee Toako, bantoein akoe tangkep ini manoesia boesoek.”

Pang Jan kenalin, orang jang bitjara ada Tio Poo, orang siapa seperti tadi soeda dibilang, telah adjak Kee Sian pergi ka loewar boewat bitjara resia. Kerna Tio Poo masi teroes gelain Kioe-bwee-sian-ho, kaloe ia belon bisa dapetken si eilok hatinja masi teroes penasaran sadja. Tatkala ia adjak Kee Sian ka tempat sepi, lantas sadja ia kasi taoe bahoewa Lou So Tjin menaro tjinta padanja dan maoe kawin padanja.

„Itoelah tida nanti bisa kadjadian, sebab sekarang iaorang soeda sembajang di hadepan medja samkay,” kata Kee Sian. „Kaloe sadja kape lebih siang kasi taoe padakoe, nistjaja akoe maoe toeloeng lamarken boewat kaoe; tjoema sadja belon taoe apa diloeloesken atawa tida. Lagian kita sama Lou Toako boleh dibilang sobat jang rapat, itoe lamaran sabetoelnja tida terlaloe enak boewat dimadjoeken.”

„Mengapa boleh tida enak sih, malahan Lou Toako sendiri doeloean ada mengandoeng itoe maksoed.”

„Biar bagimana djoega, ini waktoe soeda tida bisa. Ibarat beras soeda djadi boeboer.”

„Akoe ada satoe daja, kaloe sadja soedara soeka membantoe padakoe, akoe ada satoe niatan.”

„Niatan apa?”

„Kaoe bantoein akoe melanglang. Sebab akoe maoe menoenggoe sampe Pang Jan tidoer poeles, kamoedian akoe maoe masoek ka dalem kamar penganten dan boenoeh mati padanja. Dengen begitoe, itoe penganten prampoewan lantas mendjadi satoe djanda. Dan itoe waktoe, kaloe akoe madjoeken lamaran pada Lou Toako, boekankah akoe poenja lamaran itoe djadi gampang bisa ditrima ?”

„Kaloe kaoe maoe djoega berboeat begitoe, baeklah, akoe maoe membantoe.”

Begitoelah itoe doewa pendjahat berdami dengen mateng dan koetika iaorang sampe ka lataran dekat kamar penganten, djoestroe pada waktoe Pang Jan memboenoeh itoe boedjang prampoean. Itoe doewa pendjahat djadi merasa heran. Ia-orang terpentjar menghamperi itoe roemah, koenjoeng-koenjoeng kaliatan Pang Jan berlompat kaloewar, maka Tio Poo lantas sadja madjoe menerdjang sembari memaki dan mengajoen iapoenja golok jang terhoenoes. Kee Sian poen dateng membantoei kawannja. Pang Jan poenja ilmoe kepandean memangnja sanget berwates, bila ia menggoenaken sendjata golok masi mendingan, sekarang ia goenaken satoe pedang, soeda tentoe sadja terlebih lagi koerang enak bagi ianja. Bagi Kee Sian dan Tio Poo ia tida koewatirken, tapi jang ia paling koewatirken adalah Lou So Tjin.

Tjoema beroentoeng dalem bebrapa lamanja itoe prampoewan tida kaloewar manerdjang padanja. Sebab sabagitoe lekas ia dapet denger di sabelah loewar ada Kee Sian dan Tio Poo poenja soewara, jang lagi mengepoeng pada Pang Jan, ia lantas berseroeh: „Kadoea engko, djangan lepasken itoe pendjahat lari.” Kamoedian ia lantas balik kombali dalem kamarnja dan memboeka peti boewat mengambil iapoenja Ngo-sek-bie-hoen-pee. Lantaran apa Pang Jan poenja djiwa djadi bisa katoeloengan. Kaloe boekannja itoe salampe tersimpen dalem peti, satoe kali ia keboetken itoe barang, tentoe sekali Pang Jan lantas roeboe pangsan dan djika satoe kali ini ia tertangkep lagi tentoe orang tida maoe berlakoe moera padanja.

Pang Jan soeda tentoe sadja tida ada itoe napsoe boewat bertanding lebih lama sama itoe doewa pendjahat, lantas sadja ia berlompat kaloewar dari kalangan teroes merat ka djoeroesan depan. la berlompat naek ka atas gentengnja itoe roemah blakang da uliwati woewoengannja, kamoedian ia menoedjoe ka kamar pinggir jang di sabelah Barat, jaitoe di sabelah blakangnja itoe kamar boekoe poenja lataran. Oleh kerna itoe soewara riboet di sabelah blakang ada begitoe keras, orang-orang jang lagi berada di depan semoewa dapet denger hal itoe. Pang Jan liat dari itoe kamar boekoe ada kaloewar bebrapa orang, pertama Lou Khay, kadoewa Tjoei Liong dan katiga Louw Tien, semoewa menengteng sendjata terhoenoes. „Louw Hiantee, mari ikoet padakoe," berseroeh Pang Jan, jang sahabisnja berseroeh lantas meneroesken perdjalanannja di atas genteng roemah. la lompatin itoe woewoengan dari roemah depan dan berlompat toeroen di sabelah loewarnja pintoe depan. Dari mana ia teroes lari ka djoeroesan Selatan, di mana ada terletak satoe gombolan poehoen jang itoe waktoe kaliatannja itam sabagi djoega halimoen. Baroe sadja Pang Jan masoek ka dalem itoe oetan ketjil, kira-kira bebrapa belas tindak djaoenja, sama-sekali ia tida njana di sitoe ada berdjongkok satoe orang, jang dengen tida banjak bitjara lagi, lantas sadja menendang padanja, hingga ia djadi djato meloso dan menjaboet golok maoe membatjok padanja.

——————

FATSAL XII.

Tatkala sapasang kamanten masoek ka kamar, dalem kamar boekoe ada disediaken satoe medja santapan dan minoeman. Louw Tien berdoedoek di tengah-tengah, di tempat besar berdoedoek Tjoei Liong, sedang di sabelah bawah manemenin toewan roemah, Lou Khay. laorang sembari makan dan minoem sembari pasang omong. laorang menanjaken Louw Tien poenja kampoeng kalahiran di mana dan siapa iapoenja sobat-sobat, sateroesnja bagimana ia bisa berkenaan sama Pang Jan dan sabaginja. Louw Tien ada satoe pamoeda djoedjoer, jang tida bisa mendjoesta, sekali poen ia kasi djawaban dengen menjimpang sabrapa djaoe jang ia bisa, toch lama-kalamahan iapoenja omongan djadi bertentangan sendirinja. Hal mana soeda membikin Tjoei Liong djadi terprandjat dan heran. Di laen fihak Lou Khay lebih siang soeda denger itoe anak moeda poenja omongan jang tida tjotjok satoe satoe sama laen, maka ia lantas kasi tanda dengen lirikan pada Tjoei Liong. Kamoedian iaorang lantas pada berbangkit dan kaloewar dari itoe kamar. Louw Tien denger di sabela blakang soeda terdjadi gerakan apa-apa, maka itoe waktoe ia lantas poera-poera sinting dan menepok medja.

„Omongan jang baek selamanja tida taoe dibitjaraken di blakang orang,” kata ia. „Djika kaoe orang maoe ada omongan apa-apa, mengapa tida maoe dibitjaraken sadja di hadepan kaoe poenja Louw Toaya?”

Tjoei Liong lantas balikin kombali badannja sembari mengawasi pada itoe pamoeda. „Sabetoelnja kaoe she apa ?” menanja ia.

„Kaoepoenja kongtjoe-ya she Louw dan bernama satoe hoeroef Tien dan orang kalahiran Ham-khong-too, kampoeng Louw-kee-Tjhung.”

„Tjan-thian-tjie, Lou Hong, kaoe poenja perna apa?” menanja Lou Khay.

„Itoelah akoe poenja ajah,” kata Louw Tien, jang dalem sa'at itoe djoega ia lantas menendang pada itoe medja santapan, jang lantas melajang ka djoeroesannja Lou Khay. Masi oentoeng itoe waktoe ia lagi berdiri, maka dengen tjepat ia bisa berkelit, hingga itoe medja berikoet segala piring mangkoknja djadi djato ka satoe pinggiran dengen kadebroekan dan bergombrangan. Ampir sa'at itoe djoega, Lau Khay berlompat kaloewar dari itoe kamar. Tjoei Liong poen toeroet itoe toeladan.

Lou Tien dengen tangan menengteng golok terlandjang mengedjar itoe doewa pendjahat jang itoe waktos pergi mengambil sendjata. Tapi dalem sa'at itoe djoega orang dari blakang soeda sampe boewat mengasi kabar.

„Siapa?“ menjentak Lou Khay, jang belon bisa kenalin marika itoe.

„Akoe Kee Sian dan Tio Poo,“ djawab iaorang dengen berbareng. „Wah, tjilaka, Lou Toako, itoe binatang Pang Jan soeda meloekai pada ade prampoewan.“

„Sekarang akoe baroe mendoesin,“ kata Lou Khay dengen goesar, „kita soeda kena ditipoe oleh iaorang.“

Sahabisnja berkata ia lantas soeroe orang-orangnja pasang lentera sabanjak-banjaknja dan pergi mengambil masing-masing poenja gegaman boewat pergi menangkap pada itoe orang-orang jang lakoeken penipoean. Dalem sa'at itoe djoega, kaädahan dalem itoe roemah djadi sanget rioeh dan kaloet. Tida lama kamoedian lentera-lentera soeda dipasang dan dalem itoe waktoe djoega dalem itoe roemah djadi penoeh sama panerangan seperti siang.

„Hajo, tangkep itoe kawanan pendjahat!“ berseroeh marika itoe dengen rame.

Djoestroe pada itoe waktoe Lou So Tjin poen dateng memboeroe jang tida ampoen lagi lantas oeroekin engkonja sama tjomelan dan seselan.

„Engko, bagoes sekali kaoe mengatoer perkara!“ kata ia dengen soewara mendongkol. Akoe sama-sekali tida bisa mengarti mengapa kaoe bisa berlakoe begitoe tjerobo. Di hari kamoedian apa nanti djadinja sama akoe poenja diri dan dimana akoe moesti taro moeka ?"

,,Ach, ini waktoe djangan bikin penjeselan jang sama sekali tida ada goenanja," kata Lou Khay. ,,Paling perloe kita moesti bisa tangkep itoe doea pendjahat."

Begitoelah iaorang rame-rame pada memboeroe kaloear pintoe depan. Itoe waktoe kaliatan ada doewa orang jang berlari, satoe di depan dan satoe di blakang. Jang di depan Pang Jan dan jang blakangan, boekan laen dari Louw Tien. Sebab koetika ia mengedjar kaloear dari kamar boekoe, ia lantas denger soearanja Pang Jan di atas genteng jang me-ngadjak ia maboer. Begitoelah ia poen lantas berlompat naek ka atas genteng mengikoet Pang Jan. Dan Pang Jan jang kena ditendang orang sampe meloso dalem itoe oetan ketjil, tadinja ia meramken mata boewat menerima oentoeng, tapi blakangan ia taoe orang itoe boekan laen dari Ngai Houw. Ngai Houw sabagimana doeloean soeda dibilang, lantaran maoe pergi ka Hongtjioe boewat mengoendjoengin roemahnja ia poenja goeroe; tapi di tenga djalanan ia bertemos pada Thio Liong, Tio Houw dan Pek Ngo-thay-thay, dan itoe doewa hauw-wie dari Khay-hong-hoe lantas kasi taoe bahoewa iapoenja goeroe telah brangkat ka kota radja boewat melindoengin pada Siangya. Lantaran apa Ngai Houw djadi mengarti bahoewa ia sama-sekali tida perloe pergi ka Hongtjioe. Maka ia lantas berpamitan marika itoe dan boeroe-boeroe teroesken perdjalanan-nja menoedjoe ka kota radja.

Di sapandjang djalan Ngai Houw serepin apa itoe Kimtjhe taydjin soeda sampe di sitoe atawa belon; tapi selamanja ia dapat djawaban jang itoe Kimtjhe soeda liwat disitoe pada bebrapa hari berselang. Hal mana soeda membikin iboek hati-nja Ngai Houw, kerna ia koewatir tida kaboeroe mengadep pada baginda keizer dan tida bisa beroleh djabatan negri. Terpaksa ia moesti teroesken perdjalanannja siang malem dengen zonder mengaso. Kaloe sadja ia ada mempoenjai sajap, nistjaja lebih siang ia soeda terbang ka kota radja.

Pada itoe malem, kira djam sapoeloeh lebih, djoestoe ia lagi berdjalan masoek ka dalem satoe rimba ketjil, koenjoeng-koenjoeng ia liat dari seblah Oetara ada mendatengin saorang dengen berlari-lari. Lantaran ia tida kenalin orang ada Pang Jan, lebih doeloe ia menoenggoe sembari berdjongkok, dan koetika Pang Jan liwat di hadepannja, dengen tjepat ia lantas menendang dan pada sasoedanja itoe orang jang ia tendang djato dan tjaboet goloknja boewat membatjok. la kenalin orang itoe ada Pang Jan.

„Ach, kiranja Pang Toako,” kata ia.

„Siapa?” menanja Pang Jan dengen girang.

„Akoe, Ngai Houw.”

„Ai kaoe soeda membikin akoe djadi kaget sangat terkedjoet dan soemangatkoe terbang saparo. Ini waktoe akoe tida bisa membri katerangan banjak pada kaoe, dan marilah kita pergi menangkap kawanan pendjahat....”

Djoestroe pada itoe waktoe Louw Tien poen soeda sampe.

„Louw Hiante,” kata Pang Jan, Ngai Hiante ada di sini.

„Sekarang kita bertiga ada sampe tjoekoep boeat lawan itoe kawanan pendjahat.”

„Apa itoe prampoewan poenja barang aneh kaoe soeda beroentoeng dapet ambil ?” menanja Louw Tien,

„Saoepamanja akoe soeda bisa dapet ambil, tentoelah akoe tida nanti lari,” kata Pang Jan.

„Kaoe ini sasoenggoenja tida ada goenanja sama-sekali,” kata Louw Tien. „Pada sasoedanja memboewang begitoe banjak tenaga dan pikiran, toch achirnja tida membawa hasil satoe apa.”

„Barang apa sih?” menjelak Ngai Houw, jang merasa ingin taoe.

Pang Jan lantas kasi ketrangan dengen ringkes, kamoedian ja berkata: Kaloe itoe prampoewan dateng, kita moesti berdiri di atas angin, dengen begitoe, itoe prampoewan tida bisa goenaken iapoenja wasiat. Itoe barang aneh diseboet Ngosek-bie-hoen-pee, jang perloe moesti mendapat angin boewat membawa baoenja obat jang tersimpen dalem itoe selampe. Maka kaloe ia tida berdiri di atas angin, nistjaja ia sendiri poen moesti djato pangsan."

,,Wah, begitoe poenja lihay !" kata Ngai Houw.

Begitoelah itoe tiga orang lantas kaloewar dari itoe rimba ketjil, tida lama kamoedian iaorang liat dari kadjaoehan ada sinar lentera-lentera jang sanget terang dan soewara goemoe-roehnja orang banjak jang mendatengin. Lou Khay, Tjoei Liong, Kee Sian dan Tio Poo berdjalan di depan, di sabelah blakang berdjalan Lou So Tjin dengen diiringken oleh orang-orangnja jang bersendjata lengkap dan membawa banjak lentera.

Dalem sakedjapan sadja iaorang soeda mengoeroeng pada itoe tiga orang, jang soeda tentoe sadja lantas bikin perla-wanan dengen keras dan sengit.

,,Kita orang moesti menoedjoe ka Barat-oetara," berseroeh Pang Jan, tapi djangan ka Timoer-selatan. Sebab itoe prampoewan ada mempoenjai itoe barang aneh, dengen begitoe, tentoe ia tida nanti bisa goenaken."

Ini omongan soeda membikin Lou So Tjin djadi sanget goesar. lapoenja halis djadi berdiri, matanja mendelik dan moeloetnja dirapetken sembari menggigit gigi. Sebab itoe waktoe biar poen ia bawa itoe salampe aneh, toeh tida bisa digoenaken lantaran itoe salampe adjaib, tentoe ia sendiri jang lebih doeloe moesti rebah. Apa boleh boewat ia moesti bertanding dengen mengandel sama iapoenja kapandean silat.

Djoestroe pada waktoe pertempoeran sedang sengitnja, dari sabelah Oetara kombali kadengeran soewara riboet-riboet dan kaliatan ada bebrapa banjak lentera dan obor jang menjala dengen terang. Sedang itoe kawanan orang jang mendatengin ada jang djalan kaki dan ada djoega jang menoenggang koeda. Maka itoe soeara jang bergoemoeroch ada kadengeran djoega 'soearanja koeda-koeda jang berboenji dengen rame. Saming-kin lama itoe pasoekan orang djadi samingkin dateng dekat. Ngai Houw pikir djoemblanja orang jang samingkin banjak tida terlaloe dikoewatirin, tapi selamanja orang moesti hati-hati sama itoe prampoewan poenja salampe adjaib. Tapi ternjata itoe kawanan orang jang mendatengin ada kawan sendiri, sebab doewa di antaranja jang djalan paling depan ada Liong Tho dan Yauw Beng, sedang di blakang iaorang ada mengikoet itoe bebrapa kapala oppas dari Khay-hong-hoe, Han Tjiat, Touw Soen dan kawan-kawannja, kamoedian ada kaliatan lagi sapasang teng jang ditoelisin bebrapa hoeroef: „Tjo-kio-tien Tjongpeng”.

Doeloean, koetika Liong Tho dan Yauw Beng meninggalkan roemahnja Lou Khay, iaorang mentjari satoe tempat sepi dan menanjaken pada saorang toewa, bahoewa ini tempat terbawah dalem kakoewasahannja pembesar mana.

„Pembesar civiel atawa pembesar militair?” balik menanja itoe orang toewa. Itoe doewa orang pikir, lantaran perkara menangkep pendjahat tentoe sadja ada lebih baek beroeroesan sama pembesar militair.

„Di straat jang dinamaken Siauw-tan-kee ada terletak kantoornja Tjongpeng,” manerangken lagi itoe orang toewa. „Dan itoe Tjongpeng taydjin she Yo.”

Pada sasoedanja hatoerken trima kasi, itoe doewa orang lantas menoedjoe ka itoe straat jang dioendjoekin. Tapi koetika iaorang sampe di sebelah loewar kantoornja itoe Tjongpeng, koenjoeng-koenjoeng ia denger dari kadjaoehan ada orang jang menegor: „Liong Toaya, toenggoe doeloe sabentaran.”

Koetika Liong Tho berpaling lantas dapet liat ada bebrapa poeloeh orang jang menghamperi, doewa antaranja mengangkat kadoewa tangan membri hormat.

„Akoe rasa Liong Toaya tida kenalin kita orang,” kata salah-satoe di antaranja. „Baroesan kaoe soeda mendapet perkara jang sanget mengagetken.”

Liong Tho awasi itoe doewa orang dengen terliti, tapi ia tida bisa inget siapa adanja marika itoe.

„Toewan berdoewa tjara bagimana bisa kenal pada akoe?” menanja Liong Tho. „Apa akoe bisa mendapet taoe toewan berdoewa poenja she dan nama jang moelia?”

„Akoe bernama Han Tjiat,” kata itoe orang jang tadi tjara. „Sedang ini ada akoe poenja kawan sadjabat Touw Soen. Kita orang menerima prentahnja Siangya dateng ka sini boewat menjelidikin itoe pendjahat-pendjahat jang telah lakoeken pemboenoehan toedjoe djiwa manoesia dan perampasan dalem roemah penggadean Heng Hin. Ini hari koetikta toewan berdoewa memboeka pertoendjoekan silat di gredja Thian Tjee; kaoe berdoewa kentj ditangkep oleh orang-orangnja Lou Khay.

„Boleh djadi toewan tidak bisa kenalin lagi padakoe, tapi akoe masi bisa kenali pada toewan. Doeloean boekanhto toewan soeda perna dateng ka Khay-hong-hoe boeat mendjari pada Han djiya, Han Tjiang? Blakangan kaoe mendjoewal golok dan kita poenja Pang Loya telah kasi persen oewang pada kaoe. Inilah sebanja maka akoe bisa kenalin pada toewan. Oleh kerna kita merasa koetawir toewan-toewan sekarang soeda djalankan, sekarang kita itoe ada atas perentahnja pembesar district boewat minta pindjan sampai ke negri akan goeroemboet kita orang menangkep pada itoe pendjahat-pendjahat dan sekalian menoeloengkan pada toewan-toewan. Tidak njana bisa bertemoe sama kaoe berdoewa di sini. Apatah toewan poenja oeroesan dateng ke sini?”

Liong Tho lantas toetoerken dengan ringkes apa jang soeda terdjadi.

„Itoelah kabetoelan sekali,” kata Han Tjiat. „Marilah kita sama-sama pergi mengadep pada Tjongpeng tajdjîn Yo Peng Boen.”

Begitoelah itoe ampat orang sama-sama pergi katemoeken toekang djaga pintoe di kantoernja itoe Tjongpeng, jang lantas masoek kasi kabar pada madjikanja. Tidak antara lama, itoe ampat orang diselagi masoek boewat mengadep. Han Tjiat lantas trimaken itoe soerat dienst dari Tikosan, sedang Liong Tho lantas toetoerken apa jang sa’oeda terdjadi. Itoe Tjongpeng djoendja toeloes soeroe offcieal sa’bawahnja bimbing doewa orang itoe sampe ka tempat jang soeda disiapken, djoega djari sapoeloeh isaroeng lantas brangkat menoedjoe ka roemahnja Lou Khay. Di satengah perdjalanan ada beberapa spion pasoekan jang balik mengasi kabar, bahoewa di sabelah depan, deket satoe gomboelan pohoean, orang-orang dari koeloewarga Lou lagi bertaroeng sama tiga orang. Liong Tho dan Yauw Beng setelah mendenger itoe kabar, lantas sadja berseroeh dengan keras dan madjoe ka depan dengan tjepat.

Yo Peng Boen Tjongpeng lantas kaloewarken prentah sepoeaja pasoekan, baletantarinja terpentjat menoeroeng merroepaken satoe kalangan boender dan djangan kasiken batang satoe pendjahat bisa melariken diri. Ia sendiri lantas toeroen dari iapoenja toenggangan dan membawa iapoenja satoe toembak pandjang, madjoe menerdjang pada orang-orangnja Lou Khay jang lagi mengeroeboetkan Pang Jan, Louw Tien dan Ngai Houw. Di laen fihak itoe pasoekan baletanta-ra negeri, lantas madjoe menerdjang dan tangkep-tangkepin itoe kawanan pendjahat.

Samentaran Han Tjiat dan Touw Soen pimpin iapoenja orang-orang mengikoet Liong Tho dan Yauw Beng memberi bantoean pada itoe tiga orang jang dikoepoeng, jang setelah mendapet toea marika itoe ada orang-orang sendiri, lantas sadja djaadi sangat girang dan bersemangat. Liong Tho setelah melihat pada Lo Sjin, hatinja merasa djeli dan tidak brani bertarampa padanja, sebab ia poen soeda tao bahoewa itoe prampoean ada mempoenjai ilmoe tinggi.

„Hei, kaoe orang sekalian,” berseroeh Pang Jan, „moesti berhati, di sabelah Barat-oetara dengan mengadep ka Timoer-selatan, tapi djanggan sablikan, sebab di sana, ada goeboeg-goeboeg itoe ada sama sangat berbahaja.”

Pasoekan baletantara negeri semoeanja tersentak, menoeroeti sabdanja orang-orangpang Pang Jan. Di antaranja, Yauw Beng jang paling hebat serbannja, lantas membawa gomboelan orang dengan soerat besar, dan kali bertempo dengen masgoe dan koeboer koeboer jang soeda di goedjoek sempoerna djaadi lentoran terlepas dari pemoetongan.” Orang-orangnja Lou Khay koetika melihat ada soekan baletantara negri, jang mengeroeng pada isoerang, semoewanja djaadi sangat katakoetan dan tidak bernapsoe boewat bertanding lebih djaoe dan baroe sadja isoerang berniat pandjangken kaki dan merat, mendadak isoerang katemoekan Yauw Beng jang begitoe lihaj, lantas, apa bila tiada ada barang satoe orang sadja brani madjoe mendekatin. Tapi, djika isoerang maoe merat poen tidak bisa, sebab soeda terkeroeng oleh baletantara negri dari satoe goeroetan ka satoe laen dan tidak bisa menerobos dari dikoepoengan, toch achirnja ia moesti kena tertangkap djoega oleh pasoekan baletantara jang berkoeda, jang semoewanja menegoenalkan sendjata pandjang. Taro kata tidak terkena sendjatanja itoe soldadoe koeda, toch isoerang tidak nanti bisa terlepoet dari terdjanganja itoe bintang toenggangan.

Yo Tjongpeng jang madjoe menerjang sama iapoenja sabatang toembak poen soeda membikin ripoh pada orang-orangnja Lou Khay. Tjoema sadja ia tidak bisa kenalin jang mana itoe orang-orang jang mendjadi kawannja Liong Tho dan Yauw Beng.

„Hei, sama dianja itoe orang-orang jang mendjadi kita poenja kawan!” berseroeh satoe pembesar militair.

„Iti tiga orang semoewanja ada kita poenja kawan,” sa’oet Liong Tho.

„Kita jang berada di Barat-oetara semeowa ada kita poenja kawan; tersisa poen Pang Jan. Kaoe poen harus tetap tempet di sini sama kita-orang, djanggan sekali berdiri di Timoer-selatan!”

Yo Peng Boen tidak mengarti mengapa kawan sendiri moesti pada berdiri di Barat-oetara, sedang itoe kawanan pendjahat ada di Timoer-selatan. Ia pikir itoe maksodnja boewat halang satoe orang jang mendjaga bila kawanan pendjahat hendak poeloeng dan djoempoet, djadi tidak ena dan roepanja itoe djoega ada satoe petandja baik. Maka ia lantas menoeroeti dan berseroeh pada pasoekannja jang baroesan dikasi waktu soedah soesah, soepaja segeralah mengoeroeng kebawa pendjahat. Tjoema sadja ia menoenggoe itoe Bahwaoe. Kioe-bwee-sian-ho poenja ngo-sek-bie-hoen-pee sanget lihay.

Lou So Tjin jang dari satadian masi belon bisa meloekai djoega pada lawanannja sedang, iapoenja salampe adjaib poen tida bisa mendapet koetika boewat digoenaken, sebab selamanja diperingetken oleh iapoenja „soewami” itoe. Sekarang ia meliat Yo Tjongpeng menjegat di djoeroesan Timoer-selatan dengen tida menghilangken lagi tempo, ia lantas kaloewarken iapoenja salampe aneh dan dikeboetken ka djoeroesannja itoe pembesar militair. Dalem sa'at itoe djoega, Tjongpeng mengaloewarken satoe treakan dan teroes roeboe ka moeka boemi dalem keadahan pangsan, dan iapoenja toembak djoega lantas terlepas dari tangannja. Kim-kak-lok, Kee Sian, koetika menoleh dan dapet liat Yo Tjongpeng roeboe, lantas sadja balikin badannja dan mengajoen iapoenja golok bersedia boewat membatjok. Tapi dalem sa'at itoe djoega kadengeran banjak orang pada berseroeh: „Tjongpeng taydjin soeda roeboeh !”

Pang Jan meliat itoe bahaja hatinja sanget iboek dan moeloetnja tida brentinja menjomel: „Akoe soeda bilang kaoe dateng ka sini, mengapa kaoe tida maoe denger orang poenja advies !” Tapi ia tjoema bisa menggroetoe dan tida bisa berboewat satoe apa boewat membri pertoeloengan. Berbareng dengen itoe, Yauw Beng poen soeda dapet liat itoe bahaja dan ia taoe kaloe maoe pergi menoeloengin tentoe tida kaboeroe. Ia lantas inget sama iapoenja tempoeling, dengen tjepat ia ambil satoe dan timpoekin ka djoeroesannja Kee Sian. Ampir dalem sa'at itoe djoega Kim-kak-lok mengaloewarken satoe treakan sakit dan lantas roeboe di dekatnja itoe officier, sebab iapoenja sabelah poendak soeda tertantjap oleh Yauw Beng poenja tempoeling.

Semoewa soldadoe pada memboeroe boewat membri pertoeloengan pada iapoenja officier, sekalian iaorang lantas ringkoes pada Kee Sian jang soeda tida berdaja lantaran loekanja. Kamoedian dengen lekas iaorang gotong itoe doewa orang ka djoeroesan Barat-oetara, sebab takoet sama Lou So Tjin poenja salampe aneh. „Awas, semoewa orang moesti berdiri di djoeroesan Barat-oetara !” memperingetken lagi Pang Jan.

Lou So Tjin djadi mati akal dan tida bisa goenaken lagi iapoenja ngo-sek-bie-hoen-pee. Ia memboeroe pada itoe kawanan soldadoe jang menggendong Yo Tjongpeng dan menggotong Kee Sian, tapi lebih siang ia soeda ditjegat oleh Ngai Houw. Begitoelah iaorang lantas bertempoer dengen seroeh dan sama-sama pandenja, hingga tida kataoean siapa jang lebih koewat.

Itoe waktoe, Lou Khay dan orang-orangnja, biar poen tida semoewanja kena ditangkep oleh balatentara negri, tapi katinggalan tida brapa belas orang sadja dan koetika meliat kaadahan djadi samingkin tida baek, iaorang poen tida brani bikin perlawanan lebih djaoe, hanja pada lari saraboetan menerobos kaloewar kepoengan. Lou Khay dan Tjoei Liong meliat orang-orangnja soeda tida katinggalan barang satoe soeda tentoe sadja hatinja merasa sanget takoet. Pertama Tjoei Liong jang mentjari koetika boewat merat. Ia membatjok ka djoeroesannja Liong Tho, tapi ampir dalem sa'at itoe djoega ia tarik poelang sendjatanja dan balikin badannja merat ka djoeroesan Selatan.

Sapandjang lari Tjoei Liong teroes berpikir, samingkin pikir ia djadi samingkin katakoetan. Djangan kata ia dan kawannja tida bisa menang bertanding sama Pang Jan dan kawan-kawanja, tentoe sadja Lou Khay tida nanti bisa mengampoenin padanja, sebab ia soeda terbitken kaonaran jang boekan ketjil berhoeboeng sama iapoenja perboewatan jang tjomblangin Pang Jan pada Lou So Tjin; tapi taro kata via dan kawan-kawannja bisa beroleh kamenangan, toch ia tida ada itoe moeka boewat bertemoe lagi sama Lou Khay. Menoeroet keadahan di ini waktoe, biar poen ia menggorok leher sendiri djoega, ia tida nanti bisa teboes dosanja pada familie Lou. Tida ada lagi laen djalan selaennja ia moesti maboer ka tempat djaoe.

Itoe waktoe ia katemoeken bebrapa soldadoe jang menjegat iapoenja djalanan, ia lantas ajoen goloknja dan bikin roeboeh doewa antaranja. Blakangan satoe soldadoe koeda memboeoroe padanja, kombali ia batjok dan roeboeken itoe soldadoe ka moeka boemi. Sekarang tida ada orang brani mengoeboer lagi padanja, maka ia bisa maboer dengen tida terhalang.

Itoe waktoe Lou Khay jang masi teroes bertempoer, liat iapoenja fihak, berikoet ia sendiri tjoema katinggalan tiga orang sadja, jaitoe iapoenja ade prampoewan dan Tio Poo. Hal mana membikin ia djadi sangat iboek dan mendongkol. Ia taoe ini oeroesan semoewa lantaran gara-garanja Tjoei Liong. Ia pikir, djika kamoedian bertemoe sama itoe orang, tentoe ia moesti bikin peritoengan. Boewat sekarang tida ada laen djalan salaennja adjak ade prampoeannja melolos keloear dari kepoengan.

Tapi itoe waktoe Kioe-bwee-sian-ho telah mendapet satoe pikiran. Dari badannja ia kaloewarken kertas jang digoempelken dan lantas disoempel ka dalem iapoenja lobang idoeng, Achirnja ia kaloewarken iapoenja ngo-sek-bie-hoen-pee dan dikeboetken pada orang banjak, tida perdoeli ia lagi berada di atas angin atawa boekan.

——————

FATSAL XIII.

Djoestroe pada itoe waktoe di djoeroesan Bara-selatan ada kadengeran soewara riboet-riboet dan berlompat masoek bebrapa orang gagah. Pertama Tian Him Hoei, kadoewa Louw Hang, di'ikoeti oleh Tji Kheng, See Him, Beng Khay, Tjiauw Tjia dan In-tiong-Ho, Goei Tjin. Kadatengannja itoe orang-orang soeda membikin itoe bebrapa djago moeda djadi bersoemangat.

Tian Him Hoei dan kawan-kawannja djadi pemboeka djalan bagi Gan Sin Bin jang brangkat ka kota radja boewat merapportken iapoenja pakerdjahan. Pada saban tempat jang iaorang sampeken ada dikasi prentah boewat sediaken kongkoan aken goena Gan An-ie. Pada itoe hari, kombali orang banjak moesti menoeroeti kainginannja Tji Kheng, jang pada saban kali tida bisa tidoer peoles, lantas maoe brangkat kapan ia mendapet pengrasahan moesti brangkat dan semoewa orang terpaksa moesti mengiringi iapoenja kahendakan. Orang banjak lantaran menginget Tji Kheng ada saorang kasar jang soesa diadjak beroeroesan, dengan apa boleh boewat menoeroetin sadja iapoenja segala kainginan.

Itoe malem, baroe sadja liwat tengah malem, Tji Kheng soeda riboet soeroe orang sediaken koeda-koeda boewat lantas brangkat. Orang banjak dengen apa boleh boewat teoroet sama-sama brangkat. Pada sasoedanja sampe di djalanan baroe kataoean itoe waktoe masi terlaloe pagi ; tapi lantaran soeda katelandjoeran brangkat terpaksa orang moesti landjoetken itoe perdjalanan. Tida antara lama kamoedian iaorang manampak di sabelah depan ada banjak sinar panerangan teng dan obor dan soeara goemoeroehnja orang banjak. Bebrapa pengikoet disoeroe pergi tjari taoe ada terdjadi perkara apa. Satelah iaorang mendapet taoe itoe bebrapa orang lantas toeroen dari masing-masing peonja toenggangan dan minta Tjoe-pou, Kong Soen Tjek—jang itoe waktoe poen djalan bersama-sama—menoenggo doeloe sama itoe pengikoet-pengikoet di soeatoe tempat. Tian Him Hoei dan laen-laennja dengen menghoenoes sendjata pada memboeroe ka itoe tempat pertempoeran. Sasampenja iaorang lantas dapet liat Louw Tien, Pang Jan dan laen-laen lagi mengepoeng doewa lelaki satoe prampoewan.

„Bagoes, kabetoelan sekali taydjin sekalian dateng,” berseroeh Pang Jan. „Ini bebrapa orang semoewanja ada pendjahat-pendjahat jang melakoeken kadosahan besar dan tida boleh dikasi lolos.”

Lou So Tjin mendenger orang menjeboet taydjin, taoe jang itoe orang-orang jang baroe dateng ada ponggawa-ponggawa negri ; tapi lantaran ia pikir masi ada itoe ngo-sek-bie-hoen-pee, sedeng itoe waktoe ia soeda soempel iapoenja lobang idoeng, sedikit poen ia tida merasa keder atawa djerih. Dalem sa'at itoe djoega ia lantas keboet-keboet iapoenja salampe aneh itoe dan dalem sakedjapan sadja ada bebrapa banjak soldadoe jang lagi mengepoeng pada djato roeboe dalem kaädhan pangsan.

Lou So Tjin lantas manerdjang ka djoeoroesan di mana Ngai Houw berdiri, orang siapa lantaran meliat itoe waktoe ada begitoe banjak soldadoe jang pada roeboe, sedeng Pang Jan tida brentinja berseroeh menjoeroe orang berdiri di sabelah Barat-oetara, lantaran apa Ngai Houw djadi goegoep dan tida taoe apa jang ia moestie berboewat. Beroentoeng pada sabelonnja terdjadi perkara jang tida enak, Pang Jan jang tjerdik soeda dapet satoe akal baroe.

„Toewan-toewan sekalian moestie pidjit lobang idoeng!” kata ia, „sebab ini prampoewan mengeboetken iapoenja ngo-sek-bie-hoen-pee.”

Dalem sa'at itoe djoega semoewa orang djadi mendoesin dan lantas pada memidjit masing-masing poenja lobang idoeng. Sedeng soldadoe-soldadoe poen pada berseroeh pada kawan-kawannja : „Hajo, pidjit lobang idoeng! Pidjit lobang idoeng!”

Hal mana soeda membikin Lou So Tjin djadi sanget terkedjoet. Sebab ia sekarang tjoema mengandel sadja pada itoe selampe aneh boewat lolosken diri dari kepoengan, tapi tida njana kombali itoe „soewami” jang soeda bikin petjah iapoenja resia, hingga itoe daja djadi gagal lagi. Lou Khay jang tadinja mengandel sama ade prampoewannja poenja ngo-sek bie-hoen-pee, tapi sekarang itoe salampe sama-sekali tidak bisa bekerdja sebagimanna moestinja, soeda tentoe sadja ia tidak sanggoep membelaken diri lebih lama lagi.

Ampir dalem sa’at itoe djoega Lou Khay poenja golok kena dibin poetoes oleh In-tiong-Ho poenja pedang wasiat. Ia balikkan badannja dan merat; tapi disoeroeh oleh Yauw Beng poenja tempoeling jang mengenaken iapoenja belikat kaki dan teroes roeboe ka moeka boemi. Soldadoe-soldadoe lantas memboeroe dan ringkoes padanja. Lou So Tjin jang meliat gelagat tida baek, lantas maboer dan oentoeng bagi ia, lantaran ada mempoenjai tindakan pesat djadi bisa djoega terlolos dari oeberannja orang banjak.

Tiat-thoei-ho, Tio Poo, jang sa’antero soemangatnja ditempoehkan pada Lou So Tjin, sabagitoe lekas meliat itoe prampoewan jang jang ia tjintaken maboer, ia poen lantas pandjangken kakinja mengikoeti dari blakang. Apa tjilaka ia berpapasan sama Goei Tjin. Dalem sakedjap sadja In-tiong-Ho soeda bikin poetoes goloknja itoe pendjahat sama iapoenja pedang wasiat, kamoedian itoe orang pertapahan batjokin pedangnja ka djoeroesan kapalanja iapoenja moesoeh jang soeda tida bisa bersendjata. Beroentoeng Tio Poo bisa berkelit dengen tjepet, tapi tida oeroeng iapoenja kaen boengkoesan kapala djadi poetoes saparonja. Dengen penoeh pengrasaän kaget dan takoeat Tiat-thoei-ho lari sipat-koeping.

Achirnja Tio Poo bisa soeoel djoega pada Lou So Tjin dan lantas iaorang sama-sama djalan. Kita tinggalkan doeloe pada marika itoe jang aken ditoetoerken lagi kamoedian bila soedah sampe waktoenja.

Itoe orang-orang dari Khay-hong-hoe meliat itoe kawanan pendjahat soedah djoega kena tertangkap dan sabagian lagi maboer, lantas iaorang pada berkoempoel di soeatoe tempat. Orang-orang jang perna moedahan, seperti Louw Tien, Pang Jan, Ngai Houw dan laen-laennja memberi hormat pada orang-orang jang perna teoewahan. Satoe sama laen toerken masing-masing poenja perdjalanan. Hal mana soeda membikin Tian Him Hoei mendjadi sanget girang,

„Kaloe sadja kita soeda bisa mendapet taoe di mana siang-yang-Ong berada," kata ia,,,semoewa oeroesan gampang diatoer."

Apa kaoe taoe siapa jang soeda melakoeken itoe perampokan dan pemboenoehan di dalem roemah penggadean Heng Hin?" menanja Pang Jan pada Han Tjiat.

,,Tida, sebab ini perkara masi belon bisa diselidikin dengen djelas, djawab itoe kapala oppas.

,,Salah satoe di antaranja soeda tertangkap, jaitoe Kee Sian, manerangken Pang Jan; tapi jang satoe soeda maboer sama Lou So Tjin, jaitoe Tio Poo."

Slandjoetnja Pang Jang lantas toetoerken apa jang ia soeda denger dari itoe doewa pendjahat sendiri, koetika masi berada di roemahnja Lou Khay.

Betoel koerang-adjar sekali," kata Tian Him Hoei dengen goesar,,,dalem waktoe negri begini aman itoe doewa pendjahat brani sembarangan sadja memboenoeh begitoe banjak djiwa manoesia, tjoema lantaran orang tida maoe menoeroetin iaorang poenja permintahan menggade barang dalem harga jang boekan-boekan. Haroes sekali iaorang moesti dikasi hoekoeman jang sanget berat. Baroesan akoe liat itoe Tjongpeng taydjin telah djato pangsan, sekarang bagimana, apa soeda sedar atawa belon ?"

,,Soeda moelai sedar," kata bebrapa orang.

Itoe waktoe bebrapa soldadoe dateng mengasi rapport laorang poenja kawan-kawan ada ampat jang mati dan anem mendapet loeka berat dan enteng; sedeng fihak moesoeh telah tertawan ampatpoeloeh doewa orang dan bebrapa belas jang mendapet loeka berat.

,,Ini waktoe kaoe poenja officier, Tjongpeng taydjin, lantaran baroe sedar dari pangsannja, djadi tida bisa mengasi prentah pada kaoe orang," kata Tian Him Hoei, tapi apa kape orang kenalin akoe atawa tida?"

Itoe bebrapa soldadoe lantas pada berloetoet di hadepannja Tian Tjiauw dan ampir dengen berbareng iaorang berkata : „Kita orang semoewa kenal pada Tian taydjin dan maoe menoeroet taydjin poenja segala prentah."

,,Nah, kaloe begitoe akoe maoe talangin kasi prentah atas namanja kaoe orang poenja taydjin," kata lagi Tian Tjiauw. ,,Ini kawanan pendjahat, jang masi idoep dan mendapet loeka, semoewanja moesti dibawa ka kantoor, berikoet djoega ini doewa pendjahat jang mendjadi kapala, orang siapa kamoemoedian kita orang maoe bawa ka kota radja. Sedeng marika jang soeda tiwas djiwanja, boleh soeroe kapala kampoeng panggilin koeli-koeli boewat dikoeboer."

Pada sasoedanja Tian Him Hoei mamerentah, Kong-soen Tjek dan itoe kawanan pengikoet jang menoenggoe di sabelah sana soeda pada dateng menghamperi. Tida lama kamoedian Yo Peng Boen Tjongpeng djoega soeda djadi sedar betoel dan lantas djalanken peradatan pada orang banjak. Tian Tjiauw kasi taoe, bahoewa baroesan ia soeda toeloeng atoerken apa jang perloe. Yo Tjongpeng manggoetken kapalanja menjataken setoedjoe.

,,Akoe rasa lebih baek taydjin sekalian sadja beslag gemoewa barang miliknja Lou Khay," kata lagi Tian Him Hoei. ,,Apabila masi ada orang-orangnja jang katinggalan moesti ditangkep semoewanja dan dibawa ka kantoor boewat didenger iaorang poenja katerangan."

Yo Boen Peng lantas mengepalai iapoenja pasoekan soldadoe pergi ka roemahnja Lou Khay boewat melakoeken itoe pembeslaghan. Di laen fihak Tian Tjiauw dan laen-laennja menoedjoe ka kantoornja itoe Tjongpeng dan kira langit soeda mendjadi terang. baroelah Yo Tjongpeng balik poelang. la kasiken pada Tian Tjiauw staat dari barang-barangang dibeslag, jang aken diteroesken pada Khay-honghoe; tapi semoewa orang dalem roemahnja Lou Khay soeda pada maboer djadi tida ada jang bisa tertangkep lagi.

,,Itoelah tida perloe ditjari lebih djaoe," kata Tian Him Hoei. „Akoe harep sadja taydjin soeka soeroe orang sediaken satoe kreta pendjara jang aken digoenaken boewat membawa Lou Khay dan Kee Sian ka Khay-hong-hoe."

Pada sasoedanja semoewa diatoer beres, itoe semoewa orang sama-sama brangkat ka kota radja dengen mengiringken itoe kreta-pendjara. Tatkala iaorang sampe ka kantoor Khay-hong-hoe, Ngai Houw boeroe-boeroe menoedjoe ka tempatnja hauw-wie boewat katemoeken iapoenja goeroe, kamoedian jang laen-laen djoega pada katemoeken Hek-ho-lie, saling menanjaken satoe sama laen poenja kasehatan dan menoetoerken masing-masing poenja perdjalanan. Blakangan Heng Djoe Liong dan Heng Djoe Houw djoega dateng katemoekan orang banjak.

Di laen fihak Han Tjiat dan Touw Soen lantas masoek katemoeken Pauw Kong dan toetoerken apa jang soeda kadjadian. Itoe ambtenaar manggoetken kapala dan soeroe itoe doewa kapala oppas menoenggoe di kantoor.

Tjie Kheng sabegitoe lekas bertemoe sama Tie Hoa lantas sadja bikin riboet.

,,Tie Hoa hiantee," kata ia, „kaoe ini pinter sekali, sabagitoe lekas oeroesan soeda mendjadi beres, lantas sadja kaoe maboer. Taydjin lantaran anggep kaoe tida aken dateng ka kota radja, maka soeda soeroe kita orang mentjari kaoe di sapandjang djalan. Tida taoenja kaoe soeda mendoeloein dateng ka sini.... Ai, tjoba kaloe boekannja kaoe dateng ka sini, nistjaja Siangya poenja djiwa soeda binasa."

Itoe omongan soeda membikin Heng Djoe Liong dan soedara moedanja djadi sanget kamaloean hingga moekanja berobah djadi merah. Tapi iaorang tida brani banjak omong, hanja toendoekin sadja marika poenja kapala dengen boengkem. Koenjoeng-koenjoeng keree pintoe terboeka dan Pauw Hin bertindak masoek. Semoewa orang pada saling membri hormat sama itoe boedaknja Pauw Kong jang dipertjaja.

,,Siangya telah mendapet kabar bahoewa toewan-toewan sekalian telah sampe di sini," kata itoe boedak. ,,Sekarang Siangya menoenggoe di dalem kamar-boekoé boeat bertemoe sama toewan-toewan sekalian."

Tian Tjiauw adjak itoe bebrapa pamoeda pergi ka kamar batja boewat bertemoe sama Pauw Kong. Itoe pembesar tanjaken satoe per satoe apa jang soeda kadjadian di Siang-yang-hoe dan djoega itoe perkara di Thian Tjee Bio. Achirnja itoe ambtenaar bitjaraken prihal Heng Djoe Liong dan soedara moedanja jang maoe lakoeken pemboenoehan dan bagimana Kok In Hoei soeda bantoein menangken pada itoe doea orang, tapi ia itoe soeda brangkat poelang, lantaran tida mage mendjabat pakerdjahan negri. Pada sasoedanja tida ada apa-apa lagi jang diomongin, Pauw Kong minta itoe orang-orang menoengoe di dalem iapoenja kantoran sebab ia hendak preksa itoe doewa pendjahat jang baroe dibawa dateng.

Koetika Pauw Kong berdoedoek di depan iapoenja medja pengadilan, lantas kasi prenta oppasnja boewat bawa mengadep doeloe Lou Khay dan koetika ia ditanja atas iapoenja segala perboewatan jang tida patoet, itoe pendjahat toemplek semoewa kadosahan atas dirinja Tjoei Liong, Kee Sian dan Tio Poo. Blakangan dibawa mengadep Kee Sian jang lantas berloetoet dan mendjoera di hadepan itoe medja pengadilan. Bermoela ini pendjahat poen tida mace mengakoe, tapi pada sasoedanja Pauw Kong djadi goesar, baroelah ia akoch semoewa kadosalannja dan bagimana asal-oesoelnja itoe pertjektjokan, tapi ia poen timpaken semoewa kasalahan atas dirinja Tio Poo sebab katanja iapoenja kawan jang lakoeken itoe semoewa pemboenoehan, sedeng ia sendiri tjoema soenhong atawa membantoein liat-liat kaloe ada orang dateng pergokin kawannja poenja perboewatan.

Pauw Kong poen tida maoe goenaken perkakas kompes, hanja soeroe oppas-oppasnja masoekin sadja itoe doewa pendjahat ka dalem pendjara, menoenggoe sampe laen-laen kawannja tertangkep baroelah perkaranja dikasi poetoesan. Di laen fihak ia kasi persen pada itoe bebrapa oppas jang melakoeken itoe pakerdjahan, sabagimana doeloean soeda didjandiiken. la soeroe djoega djoeroetoelisnja menoelis soerat-soerat dienst boewat menangkep pada Tjoei Liong dan Tio Poo dan dikasi prentah djoega pada pembesar di Tjo-kio-tien, bahoewa semoea harta-bandanja Lou Khay jang soeda diselags moesti teroes dijdjaken miliknja negri; sedeng gredja Thian Tjee moesti ditjariken lagi lan pengoroesan jang baek dan sekarang itoe tanah-tanah di sakitenja itoe gredja tidak lagi djadi miliknja Lou Khay, hanya djadi miliknja itoe gredja sendir dan segala hasilnja boleh dipake onkost merawat itoe roemah berhala. Orang-orangnja Lou Khay jang telah toeroet bikin kariboeatan, semoeanja dikasi hoekoeman xangket dan dilepas dari djabat, kamoedian seorang berniat boewat djahat lagi tentoe akan dikasi hoekoeman lebih berat.

Sekarang kita tengok pada Gan Sin Bin jang sadari lama kita tinggalkan. Satrimanja firman keizer, segala oeroesan ia oeroes dengen menoeroeti kainginannja itoe firman. Kim Tihoe diwadjibken mengeroes oeroesannja bangsa Biauw, dan pendjahat-pendjahat jang dapet ditangkap pada keestaanja Siangyang-Ong, seperti Seng-thioe-tay-sen, Teng Kie, Tjan-in-gan, Sin Hou, jang doeloean telah tjoba lakoe-koeken pemboenoehan dan jang blakang mentjoerit top kebesaran, maka semoeanja telah dikasi hoekoeman tabas batang leher, sedeng naroesa poenja kapala dipajet di atas pintoet kota Siangyang jang sabelah Barat. Dan itoe soldadoe-soldadoe Ong-hoe jang tertangkep semoea dikasi kebebasan.

Pada satoe hari Liok Pin dan Louw Eng dari Tan-khi-boeng dateng ka kantoornja An-tie min oeroes dengen Gan Sin Bin. Tatkala orang bawa ia mengadep pada itoe ambtenaar, lantaran itoe doewa orang berletoet dengen tidak maoe bangon sembari trima dosa.

„Toewan berdoewa ada bersoeda apatah?” menanja Gan Sin Bin dengen heran.

„Doeloean kita ada mendengar Tjio Soe-loya poenja prentah boewat menjaeng pek Khi jang djaparahkan pada kita ber-berat,” kata itoe doewa orang dengen berbareng, „dan di atas itoe, pek Khié ada ditaroh satoe tjarita, dan tjarita itoe bisa membikin orang djadi pangsan, jaitoe Bie-hoen-yo-pieh, ditulis oléh dan malam kita orang moesti tjoekoin doewa sendok aer tadjin. Tjoema sadja lantaran soeda terlalu lama roepanja Peh Khi tida bisa telan lagi itoe aer tadjin, tapi kita orang tida brani angkat itoe obat dari kapal­anja. Ini hari kita dapet kanjataan toeboenja itoe orang soeda dingin seperti ijis dan kakoe sakali, djogea sa­toe mait. Oleh kerna itoe, kita lantas brani­ken hati boewat mengangkat itoe bie-hoen-yo-phia jang ditaro di atas emboen-emboen­an­nja, tapi ternjata soeda kasep, sebab lebih siang ia soeda poetoes djiwa. Kita orang tida brani melantjang mengoeboer, maka sekarang dateng mengadep minta tajdjin poenja prentah.”

Gan Sin Bin lantas mengelah napas pandjang dan berkata: „Sajang, sajang sekali, sebab dengan begitoe ia djadi bisa terlepas dari hoekoeman­nja negri. Kaoe bedoewa djan­gan ka mana-mana, nanti ikoet akoe masoek ka kota radja boewat menoenggoe firman keizer dan menerima djabatan negri.”

Kamoedian Gan Sin Bin prentah bebrapa orang sa­bawahan­nja pergi ka Tan-khie-bong boewat mengambil mait­nja Peh Khi dan disoeroe diboewang di antara djoerang goenoeng-goenoeng soepaja dimakanin boewat boeroe­n-boeroeng dan oeloeng-oeloeng. Koetika itoe doewa orang maoe brangkat sama itoe orang-orang soeroehan­nja Gan Sin Bin, Tjhio Peng lantas menjegat dan minta kombali itoe obat Bie-hoen-yo-piah, jang lantas dikasiken oleh Louw Eng.

Kamoedian ada dateng ma­soek satoe penggawe mengasi taoe pada Kong-soen Tjek, oleh siapa dirapportkee pada Gan Sin Bin, bahoewa Pek Ngo-thay-thay menerima firman keizer boewat mengambli djinazat­nja Pek Gioek Tong, jang tersimpan di dalem itoe goetji porcelein koena, tida lama lagi tentoe bakal sampe ka sini. Gan Sin Bin lantas prentah pada tikoan boeat diriken satoe tetarep di sabelah loewarnja kantoor An-ie, dimana ditaro itoe goetji jang berisi djinazat dengan disembajangin dan mengandoeng bebrapa banjak hweeshio dan saykong boewat batjaken kitab soeji.

Kamoedian Gan Sin Bin menge­palai semoewa ambtenaar civiel dan militair bikin semba­jangan pada djinazat­nja itoe orang gagah. Tida berselang beberapa hari, Pek Ngo-thay-thay bersama iapoenja poetra toenggal jang masih moedja, Pek Hoen Soei soeda dateng dan lantas bikin sembajang di itoe tetarep. Gan Sin Bin katemoekan Pek hoedjin dan memboedjoek dengan perkataan manis, serta peringetken soepaja pimpin Pek kongtjoe sekola dengan betoel, soepaja kamoedian bisa mendjadi orang jang ternama. Blakang­an ia soeroe antjerken sadjoembila oewang boewat onkost sembajang. Bergitoelah Pek hoedjin lantas brangkat membawa djinazat­nja iapoenja soewami, jang aker dikoe­boer di iapoenja kampoeng kalahiran.

Gan Sin Bin poen lantas brangkat poelang ka kota radja. Semoea ambtenaar civiel dan militair di itoe kota pada menganter dan sediakan segala kandjaraan jang perloe. Sedeng orang-orang jang toeroet menbantoe bikin petjah Tong-bong-tien, semoewa mengiring pada itoe ambtenaar. Tjiong Hiong dari Koensan bersama Ie Gie dan Ie Sia bawa iaorang poenja balatentara poelang ka goenoenganja. Itoe semoewa ambtenaar dari kota Sia­ngyang kom­bali. Di hari jang berikoet­nja, Tjhio Peng atoer orang-orang mendjadi tiga rombongan. Rom­bongan per­tama, Tian Tjiauw, Goei Tjin, Tji Kheng, Louw Hong, See Liong, Beng Khay, Tjiauw Tjia bersama Kong-soen-tjek djalan doeloan ; sedeng Gan Sin Bin dalem iapoenja djoli kabesaran dianter oleh djago-djago moeda, seperti Tji Liang, Pek In Seng, Him Wie, Han Liang, Pek Giok dan Han Thian Kim, koetika iaroeng lagi berdjalan sampe di satoe rawah jang banjak alang-alang­nja, mendadak ada berlom­pat kaloewar satoe ora­ng ka djoeroesan djolinja Gan Sin Bin, jang lantas menoesoek sama iapoenja satoe golok terhoenoes.

---

FATSAL XIV.

Di sapoeternja itoe rawah ada toemboe banjak sekali pepoehoenan dan itoe tempat diseboet Hek-tjhioe-kong dan itoe orang jang berlompat kaloewar sembari menoesoek di moeloetnja berseroeh: „Wan-ong !” sabagian djoega orang jang hendak meminta kaädilan. la memake pakean rombeng, tapi itoe pakean ada sanget ringkes. Tatkala ia menoebroek ka djoeroesan itoe djoli sembari menjeboet „wan-ong”, baroe sadja Giok Bek maoe toeroen dari koeda toenggangannja dan itoe djoli belon kaboeroe ditoeroenken ka moeka boemi, tapi lebi siang itoe orang soeda mengaloewarken satoe golok jang tida terlaloe pandjang, sedeng sabelah tangan jang laennja memboeka kerenja itoe djoli, berbareng dengen itoe, tangannja jang memegang golok ditoesoekin ka dalem itoe djoli. „Aja!” kadengeran soewara orang berseroeh jang diboentoetin sama tjipratannja darah. Kabetoelan sekali itoe waktoe orang-orang jang melindoengin pada Gan Sin Bin ada Him Wie, Han Liang, Peh Giok dan Han Thian Kim, ampat orang mana ilmoe kapandean silatnja tida terlaloe bagoes, terlebih lagi Han Thian Kim jang tida mempoenjai laen kapandean salaennja iapoenja tenaga besar.

Itoe pemboenoeh boekan laen dari Siam-tian-tjhioe, Hwan Thian Poo, jang doeloean dioeber-oeber oleh Tjhio Peng dan maboer dengen mengambil djalan dari aer. Blakangan di waktoe siang Hwan Thian Poo tida brani poelang ka roemahnja. Doewa hari kamoedian, di waktoe malem, baroelah ia brani poelang. Tapi ia dapet kanjatahan roemahnja ditoetoep dan didjaga oleh orang-orang politie. Soeda tentoe sadja ia tida brani masoek, malah ia tida brani pergi ka Louw kee-tjoen. Terpaksa ia mengoempet doeloe di dalem roemahnja iapoenja familie.

Dengen perlahan ia serepin dan dapet taoe bahoewa Louw Sie Kiat poenja ajah-angkat ada Tjhio Peng. Dengen sanget sakit hati dan gergetan ia berniat hendak bikin pembalesan pada Hoan-kang-tjie. Semoewa orang taoe bahoewa Tjhio Peng bakerdja sabagi pelindoeng dari Gan Sin Bin. Maka ia lantas brangkat ka Siangyang dan kabetoelan sekali di tengah perdjalanan ia bertemoe sama Hong-bian-long, Tjoe Eng. Iaorang lantas pergi ka satoe waroeng arak boewat pasang omong dengen laloewasa. Tjoe Eng lantas kasi taoe bahoewa Siang-yang-Ong ini waktoe ada di negri Lenghee dan lagi panggil koempoel semoewa orang gagah dan pande di saloeroe negri boewat terbitken pembrontakan dan mereboet karadjahan Song.

Hwan Thian Poo poen lantas toetoerken ia sendiri poenja oeroesan.

„Och, itoelah kabetoelan sekali, djika kaoe maoe mentjari pada Tjhio Peng,” kata Tjoe Eng. „Kaoe boleh djalan sama-sama akoe, kaoe pergi boenoeh Tjhio Peng dan akoe jang membantoein pasang mata di satoe pinggiran. Kamoedian akoe jang pergi memboenoeh Gan Sin Bin dan kaoe bantoein liat-liat boewat akoe.”

„Kaloe begitoe bagoes sekali, akoe mendapet satoe tenaga bantoean,” kata Hwan Thian Poo. „Tjoema apa sebabnja kaoe maoe memboenoeh pada Gar Sin Bin?”

„Kaoe ini sasoenggoenja bodo sekali,” kata Tjoe Eng. „Gan Sin Bin ada Ong-ya poenja moesoeh besar dan barang siapa jang bisa memboenoeh padanja, Ong-ya maoe kasi ia kadoedoekan tinggi dan mendapet bagian saparo karadjahan Song.”

„Kaloe begitoe,” kata Hwan Thian Poo jang goblok, „akoe sendiri djoega bisa boenoeh mati itoe doewa orang, maka kaoe tjoema perloe toeloeng bantoein liat-liat sadja di satoe pinggiran.”

Pada sasoedanja itoe doewa pendjahat berdami dengen beres lantas bajar harga makanan dan minoeman, kamoedian iaorang menoedjoe ka Hek-tjhioe-kong. Iaorang denger pendoedoek di sitoe lagi rame bitjaraken prihal itoe tida lama kamoedian Gan Tay-djan aken sampe di itoe tempat, maka ada bebrapa banjak orang lagi bikin bresih djalanan. Hal mana soeda membikin girang pada itoe doewa . pendjahat. laorang lantas preksa kaädahannja itoe tempat, di mana jang baek boewat iaorang melakoeken marika poenja pakerdjahan boesoek.

Lantaran ia taoe bahoewa Gan Sin Bin selamanja ada membawa banjak pengikoet dan orang-orang jang melindoengin padanja, laloe iaorang membeli saprangkat pakean toewa boewat dipake oleh Hwan Thian Poo agar bisa menjingkirken orang poenja katjoerigahan dan ia bisa lakoeken perboewatannja dengen tida terhalang. Sebab menoeroet anggepannja Tjoe Eng, satoe kali Gan Sin Bin dapet di boenoeh, biar poen pengikoetnja banjak, tapi djika soeda tida ada kapalanja tentoe marika djadi pada riboet dalem kaädahan kaloet. Sedeng Tjoe Eng jang tjerdik bilang, ia maoe menoenggoein dan kamoedian membantoein dari antara itoe gombolan alang alang jang lebat dan tinggi.

Begitoelah iaorang mencenggoe di antara itoe alang-alang, sebab kabetoelan sekali itoe rawah aernja kering, djadi iaorang bisa mendekam di sitoe dengen tida oesa koewatir kabasahan. Iaorang dari tempat jang tersemboeni bisa meliat ka tempat djaoe dengen terang dan tida oesa koewatir katahoean orang. Tida antara lama iaorang liat dari kadjaoehan ada mendatengin satoe djoli kabesaran jang di'iringin oleh bebrapa banjak orang jang djalan kaki maoe poen berkoeda. Koetika itoe rombongan ampir sampe, lantas sadja Hwan Thian Poo berlompat kaloewar sembari mamegang golok terlandjang dan moeloetnja menjeboet „wang-ong”. Itoe toekang-toekang menggotong djoli sama-sekali tida mendoega bahoewa ini orang ada satoe candidaat pemboenoeh, maka iaorang lagi maoe toeroenken itoe gotongan djoli ka moeka boemi, tapi lebih siang itoe orang soeda memboeka kerenja itoe djoli dibarengin sama satoe toesoekan golok ka dalem djoli itoe. Maka itoe toekang-toekang djoli lantaran kaget lantas sadja lepasken marika poenja gotongan dan pada lari dengen katakoetan.

„Tjilaka ada orang memboenoeh pada taydjin!” berseroeh Han Thian Kim, tapi tjoema moeloetnja sadja riboet, biar poen di pinggangnja ada tergantoeng satoe golok, toeh ia soeda loepa tjaboet.

Him Wie, Peh Giok dan Han Liang satelah mendenger Han Thian Kim berseroeh baroe inget menghoenoes golok, tapi itoe pemboenoeh lebih siang soeda pandjangken kakinja maboer sakeras-kerasnja. Itoe tiga orang mengoeber dari blakang. Hwan Thian Poo tadinja berniat tida maoe bikin perlawanan, tapi sama-sekali ia tida sangka di sabelah depan lebih siang soeda ada saorang. jang menjegat, Itoe orang memake pakean dari soetra idjo, paras moekanja berwarna itam, jang ditimpalin sama sapasang halis poetih dan mata jang bersorot tadjam dan moeloet jang sedikit lebar. Ditangannja ada memegang satoe golok jang di gagangnja ada memake satoe tjintjin. Itoe waktoe ia gerakin goloknja dan mengandang di orang poenja perdjalanan.

„Hei, manoesia jang hina-dina, djangan lari!” kata orang itoe, „kaoe poenja aki sadari lama soeda menoenggoe di sini.”

Orang itoe boekan laen dari San-see-gan, Tji Liang, jang tadinja lagi doedoek dalem satoe kreta sama Say-koan-lok, Goei Tjiang, sembari pasang omong dan koetika meliat kaädahannja itoe tempat, di sapoeternja ada gombolan poehoen dan tida djaoe dari sitoe ada satoe rawa jang penoeh sama alang-alang tinggi dan lebat.

„Ini tempat akoe rasa tida baek, Goei sianseng,” kata ia pada kawannja.

„Mengapa tida baek?” menanja sang kawan.

„Sekarang pada waktoe siang masi tida mengapa, tapi kaloe di waktoe malem ada bagoes sekali digoenaken sebagi tempat mengoempetnja pendjahat jang maoe berlakoe hianat.”

„Kita orang sekolahan tida mengarti hal itoe.” Itoe waktoe Tji Liang toedjoeken pemandangannja ka djoeroesan itoe rawa alang-alang, lantas sadja ia dapet liat ada doewa bajangan orang jang bergerak-gerak. Dengen tida memboewang lagi tempo ia berlompat toeroen dari kandarannja dan tjepetken tindakannja ka itoe djoeroesan. Djoestroe pada itoe wak toe ia kasomplokan sama Hwan Thian Poo jang maoe merat. Tji Liang lantas berlompat dan mengandang di djalanannja itoe pemboenoeh.

Hwan Thian Poo belon kenal ini orang Sansee poenja kalihayan, dalem saät itoe djoega ia lantas menjerang sama goloknja jang lantas ditangkis oleh si halis poetih. „Trang !” itoe pendjahat poenja sendjata djadi terpoetoes doewa. Dalem saoemoer hidoepnja Hwan Thian Poo belon perna katemoeken sendjata jang saroepa itoe. Soeda tentoe sadja ia tida brani bikin perlawanan lebih djaoe, hanja balikin badannja dan oeloer kakinja ka djoeroesan itoe rawah alang-alang.

Tji Liang lantas kaloewarken iapoenja piauw, tapi koetika ia lagi pasang itoe sendjata resia di tangannja dan bersedia boewat ditimpoeken, itoe pendjahat soeda menjelesap diantara itoe alang-alang jang lebat dan tinggi. Djika menoeroet Peh Giok, Him Wie dan Han Liang, maoe mengoeber teroes ka dalem itoe gombolan alang-alang, sebab Gan tay djin soeda diboenoeh mati oleh itoe pemboenoeh, dengen begitoe iaorang poenja kadosahan-lantaran terledor-boekannja ketjil. Tapi dalem saät itoe djoega, Pak-hiap dateng memboeroe dan beroelang-oelang gerakin tangannja boewat menjega.

„Soeda, djangan dikedjar teroes,” kata ia. „Kita orang lebih perloe pergi tengok taydjin poenja kaädahan.”

Itoe tiga orang lantas balik kombali. Tapi Tji Liang kedipin matanja dan menoendjoek iapoenja idoeng sembari kasi tanda sama tangan, kamoedian ia lantas mengedjar dengen menoeroeti sapandjang sabelah loewarnja itoe rawah alang-alang. Di laen fihak Auw-yang Tjhoen bersama Pek In Seng pergi panggil itoe toekang-toekang djoli jang tadi pada lari seraboetan boewat beresken lagi itoe djali jang iaorang soeda lemparken. Koetika kerenja itoe djoli diboeka dan liat pada orang jang berdoedoek dalem itoe djoli, ternjata itoe toesoer kan mengenaken di poendaknja itoe penoempang djoli dan darahnja berlepotan sakoedjoer badannja. Pak-hiap kaloewarken saboengkoes obat boeboek jang dipakein di loekanja itoe orang, kamoedian mamesen bebrapa perkatahan serta angkat sedikit itoe orang poenja pakean kabesaran jang dipake. Achirnja Pak-hiap kasi prentah pada itoe toekang-toekang djoli boewat menggotong teroes. Orang jang berdoedoek di dalem itoe djoli masi teroes kasi denger iapoenja soewara rintihan tida brentinja. Jang paling loetjoe adalah itoe kawanan soldadoe pengiring, biar poen iaorang semoewa bersendjata golok dan toembak pandjang dalem iaorang poenja costuum militair, tapi koetika meliat ada pemboenoch jang menjerang pada iaorang poenja taydjin, semoewanja pada lari saraboetan dengen katakoetan, sama-sekali tida ada itoe hati boewat pergi menangkep pada itoe pendjahat. Tapi blakangan pada sasoedanja meliat itoe pemboenoeh merat, baroelah iaorang pada dateng berkoempoel kombali dan iaorang masi ada itoe katebelan moeka boewat menanjaken katerangan pada Pak-hiap apa taydjin poenja loeka berat atawa enteng. Masi ada doewa officier tingkatan rendah bersama doewa pengikoetnja jang berdjalan doeloean, itoe waktoe poen dateng memboeroe dan menanjaken katerangan pada Auw-yang Tjhoen.

Pak-hiap lantas gertak marika itoe sama bebrapa patah perkatahan keras, sahingga itoe officier-officier bersama soldadoe-soldadoenja pada moendoer dengen tida brani memboeka soewara. laorang teroes disoeroe menganter pada taydjin dau dipesen sekarang moesti lebih hati-hati. Giok Bek, Gan Sin Bin poenja boedak jang setia, kaliatannja tinggal senang di atas iapoenja koeda toenggangan, sama-sekali tida perloeken toeroen tengok pada iapoenja madjikan, hal mana soeda membikin Him Wie dan kawan-kawannja djadi sanget heran dan tida bisa mengarti.

Boewat djangan bikin pembatja djadi bingoeng, baeklah diterangken apa sebabnja orang tida mendjadi iboek atas terdjadinja itoe perkara boenoeh. Orang jang, berdoedoek dalem itoe djoli kabesaran, sama-sekali boekannja Kimtjhe jang sedjati. Hal mana ada dari boewah akalnja Tjhio Peng jang tjerdik. Tatkala maoe menoedjoe ka post jang kadoewa, seperti di atas soeda diterangken itoe orang-orang dibagi mendjadi tiga rombongan. Lebih doeloe dengen resia ada diminta pada Kim Tihoe, soepaja pasrahken satoe orang hoekoeman jang aken digoenaken boewat menjamar sebagi Gan Sin Bin tetiron. Apabila di sapandjang djalan tida terdjadi bahaja apa-apa, iapoenja kadosahan-jang soeda dipaetoesken hoekoeman mati-aken dikasi kabebasan. Sabaliknja djika ia mendapet tjilaka sampe mati, itoelah dasaran iapoenja peroentoengan jang takdirnja moesti mati. Apa maoe dikata.

Ini akal ada jang taoe, tapi ada djoega jang tida dikasi taoe. Orang-orang kasar jang sabangsanja Him Wie dan laen-laennja, dianggep tida perloe dikasi taoe itoe resia. Dari sebab itoe djoegalah iaorang djadi sanget kaget dan iboek, sedeng Giok Bek jang taoe terang hal itoe, soeda tentoe sadja sama sekali ia tida mendjadi kaget atawa koewatir. Sampe di satoe post pembrentian itoe Kimtjhe tetiron diganti lagi sama saorang hoekoeman laen, tapi sateroesnja tida ada terdjadi apa-apa jang tida di ingin. Tatkala iaorang sampe di kota radja, tida lama kamoedian Gan Sin Bin jang sedjati poen sampe ka itoe iboe kota. Tjoema Tji Liang jang sampe blakangan. Sebab koetika ia mengoeber pada itoe pemboenoeh, ternjata tida bisa katjandak, entah ka mana ia soeda maboer.

Dari sebab Gan Sin Bin sasampenja di kota radja bertempat di gredja Tay Siang Kok, semoewa orang pada dateng mengadep ka itoe gredja. D hari jang berikoetnja itoe ambtenaar aken masoek ka kraton mengadep pada baginda keizer. Tjhio Peng dan laen-laennja pergi mengadep pada Pauw Kong di Khay-hong-hoe, tapi pada sablonnja katemoeken itoe ambtenaar ia katemoeken doeloe pada Tie Hoa, jang teroes masi berada di itoe kantoor.

,,Ha ha ha! Bagoes sekali kaoe poenja perboewatan, Tie hianteee," kata Hoan-kang-tjie. ,,Kaoe ini bisa dioepamaken sabagi satoe naga sakti jang kaliatan kapalanja tapi tida bisa kaliatan boentoetnja.”

„Ach, Tjhio sieko, djangan terlaloe memoedji padakoe," kata Hek-ho-lie.

„Akoe ingin taoe apa sekarang kaoe maoe katemoekenpada taydjin apa tida dan apa kaoe maoe trima atawa tida kaloe kaoe dikasi koernia djabatan negri.”

„Kaloe sampe begitoe, akoe poen tida ada daja boewat menoelak teroes. Sekarang lebih baek kaoe pergi mengadep pada Siangya.”

Itoe waktoe Tie Hoa adjar kenal Tjhio Peng pada Heng Djoe Liong dan Heng Djoe Houw. Kamoedian Tjhio Peng tarik Hek-ho-lie ka satoe pinggiran dan bitjara bisik-bisik di koepingnja.

„Kaoe ini sasoenggoenja brani sekali,” kata ia. Ini doewa candidaat pemboenoeh kaoe soeda brani poedjiken boewat bakerdja di Khay-hong-hoe, kaloe sadja kamoedian iaorang poenja pikiran berbalik lagi, apa kaoe tida taoe kaoe bakal mendapet kadosahan apa?”

„Kaoe poenja omongan ada benar sekali,” kata Tie Hoa dengen perlahan. „Moelanja akoe tida dapet pikir sampe disitoe, tapi blakangan poen akoe djadi menjesel dan merasa koewatir. Inilah djoega sebabnja maka akoe tinggal teroes disini perloenja boeat menilik pada iaorang. Tjoema sadja dalem ini bebrapa hari akoe soeda bisa dapet oesoet djoega ia berdoewa poenja tabeat dan perangi. Sieko, kaoe boleh legaken pikiran, pasti sekali tida nanti terdjadi perkara jang tida terdoega.”

„Kaloe begitoe memang paling baek,” kata Tjhio Peng. „Sekarang kita orang maoe pergi katemoeken Siangya.”

Begitoelah iaorang masoek mengadep pada itoe ambtenaar.

„Sekarang baek diseboet djoega namanja itoe doewa soedara Heng dalem soerat rapportan pada baginda keizer,” kata Pauw Kong, „bahoewa iaorang poen ada toeroet membantoe bikin petjah Tong-bong-tin dan kasi voorstel soepaja iaorang dikasi djabatan negri.”

„Akoe mengiringken sadja Siangya poenja kahendakan,” kata Tjhio Peng jang manggoet-manggoetken kapala oendjoek satoedjoenja.

„Tjiong Hiong di Koensan telah membawa brapa banjak orang?” menanja lagi Pauw Kong.

„Tjiong Hiong dari Koensan tjoema membawa doewa orang, manerangken Tjhio Peng sedeng jang laen-laennja ada iaorang poenja pengikoet.”

Pauw Kong pesen soeroe Tjhio Peng bawa itoe tiga orang dari Koensan dateng mengadep padanja dan bawa Heng Djoe Liong dan soedara moedanja pergi mengadep pada Gan Sin Bin di Tay Siang Kok Sie. Sasampenja Hoan-kang-tjie kasi taoe apa jang baroesan Pauw Kong soeda bitjaraken. Itoe doewa soedara Heng lantas berloetoet di hadepan Gan Sin Bin memoehoen itoe ambtenaar poenja kamoerahan hati. Gan Sin Bin manggoetken kapalanja dan soeroe itoe doewa orang berbangkit. Tjhio Peng kasi taoe djoega bahoewa Pauw Kong soeroe ia bawa Tjiong Hiong dan doewa kawannja mengadep ka Khay-hong-hoe, soeda tentoe sadja diloeloesken.

Tjhio Peng adjak Tjiong Hiong, le Sia dan le Gie sampe di sabelah loewar kamar boekoenja Pauw Kong dan pada sasoedanja ia kasi taoe bahoewa itoe tiga orang sekarang soeda menoenggoe di loewar, baroelah ia adjak marika itoe masoek teroes ka dalem itoe kamar batja. Itoe tiga orang lantas berloetoet dan mendjoera di hadepannja itoe minister, jang soeroe itoe tiga orang mengangkat masing-masing poenja kapala.

Menoeroet Pauw Kong poenja doegahan, Tjiong Hiong jang mandjadi kapala dari Koensan dan mempoenjai doewapoe- loeh ampat benteng-benteng darat dan aer, tentoelah ada saorang jang moekanja garang dan bengis. Sebab orang jang beroman begitoe sadja baroe bisa mempoenjai tjoekoep pengaroeh boewat mendjadi kapala dari satoe goenoeng jang loewasnja delapan ratoes lie pasegi. Tapi sekarang satelah ia meliat sendiri romannja itoe Tjee-tjoe, dengen tida merasa lagi hatinja djadi merasa heran. Sebab iapoenja paras moeka bresih dan menjenangken, di bibir dan djanggoetnja ada memake koemis dan djenggot pendek. Pakeannja poen ada banjak mirip sama orang sekolahan jang lemah-lemboet.

Koetika Pauw Kong mengawasi pada Kim-tong-boe-tek-tay-tjiang-koen, le Sia hatinja djadi sanget kagoem. Toeboenja ada lebih dari satoe toembak tingginja, warna koelit moekanja seperti emas moeda, sedeng iapoenja dandanan sabagimana biasanja orang gagah di itoe djeman. Kapalanja besar dan poendaknja lebar. Blakangan koetika ia mengawasi pada le Gie, mendadak iapoenja hati mendjadi sedih. lapoenja roman jang tjakep, boleh dibilang ampir seperti romannja satoe gadis, dalem iapoenja dandanan Boe-seng siang-kong. berdjaoehan sama romannja Pek Houw-wie, Giok Tong. Kamoedian itoe ambtenaar tanjaken iaorang poenja nama satoe per satoe dan Tjhio Peng di satoe pinggiran gantiken iaorang mengasi djawaban.

„Poen-kok denger kaoe dalem examen ilmoe soerat soeda perna mendapet gelaran tjinsoe,” kata Pauw Kong, „dan dalem ilmoe militair dapet gelaran thamhwa, tapi kliroe sekali kaoe soeda bikin persakoetoean di Koensan. Itoelah dinamaken pinter kabelinger.”

„Akoe tida bisa poengkir atas akoe poenja kadosahan,” kata Tjiong Hiong, „dan itoe kadosahan ada besar sekali.”

„Apabila orang berboeat kasalahan bisa lantas merobah, toelah masi boleh dibilang saorang jang berboedi. Sekarang kaoe orang boleh balik poelang ka Tay Siang Kok Sie boeat menoenggoe baginda keizer poenja firman.”

Itoe tiga orang lantas mendjoera, kamoedian berbangkit mengikoet Tjhio Peng kaloear dari itoe kamar. Tjhio Peng tjari Tie Hoa boeat diadjak sama-sama pergi ka gredja terseboet. Tapi ia katemoeken satoe penggawe jang dengen bersenjoem hatoerken satoe soerat padanja.

„Soe Loya,” kata itoe penggawe, „Tie Toaya telah pergi kaloear dan lantaran ia koeatir kaoe mentjari padanja, ia soeda soeroe akoe menoenggoe di sini, djika akoe bertemoe sama kaoe, ia soeroe akoe trimaken ini soerat.” Tjhio Peng samboeti itoe soerat dan sa’at itoe djoega ia djadi melengak, sebab dalem pikirannja ada berklebat apa-apa.

„Tjlaka!” berseroeh ia, „banjakan tentoe ia maboe lagi.”

Sembari berkata begitoe sembari batja boeninja itoe soerat, ternjata Hoan-kang-tie poenja doegahan tidak kilroe, sebab begini boeninja:

„Soerat dihatoerken ka hadapan Tjhio Sieko,

Makanja akoe tinggal lamahan di Khay-hong-hoe, perloe-nja boeat menilik pada itoe doewa soedara Heng; sekarang kaoe orang semoea soeda pada dateng, dengan begitoe akoe poenja kawadjiban soeda boleh dilepaskan. Sampe lian hari kita orang bertemoe kembali.

Hormatkoe.

(terteekend) Tie Hoa.”

Tjhio Peng sahabisnja membatja lantas membanting kaki sembari mengelah napas.

„Tie hiantee poenja perboewatan sasoengoenja aneh sekali,” kata ia.

Apa boleh boewat ia bersama Tjong Hiong, Ie Sia dan Ie Gie menoedjoe ka gredja Tay Siang Kók, sasampainja ia mengadep lagi pada Gan Sin Bin dan toetoerken apa jang baroesan telah terdjadi, kemoedian ia hatoerken itoe soeratnja Tie Hoa. Gan Sin Bin setelah membatja poen lantas mengelah napas. Semoea orang jang berada di sitoe djoega pada toeroet mengelah napas.

Gan Sin Bin prentah Coei Tjiang menoelis satoe rapport persediahan boewat besok mengadep pada baginda kaisar. Namanja semoea orang ada diseboet dalem itoe rapport, di antaranja, Loew Hong, Tji Kheng dan Tjhio Peng itoe di-brenti dari dari djabatanja, hal mana ada ditoelis terang djoega dalem itoe rapport. Gan Sin Bin preksa kembali itoe rapport jang ditoelis oleh ia poenja secretaris, ternjata ada betoel dan beres.

Esokan pagiña djam tiga Gan Sin Bin memakai ia poenja pakaian kebesaran dan menoedjoe ka kraton dan ia toeroen dari djoelinja menoedjoe di kamar tempat menengoeloe. antara lama Pauw Kong poen soeda sampe. Gan Sin Bin menghampiri dan memberi hormat dalem tjaranja satoe moerid bertemoe pada goeroenja. Begitoelah iaorang pasang omong dalem itoe kamar peranti menoenggoe. Berselang beberapa sa’at kemoedian, baginda keizer doedoek dalam ia poenja tachta karadjahan dan semoea antbenaar madjoe memberi selamet dengan menoeroeti masing-masing poenja tingkatan pangkat, kemoedian iaorang berdiri berbaris di kadoewa pinggiran. Gan Sin Bin poenja rapport dihatoerken oleh Hong-boenkhoa pada Thaykam Tan Lim, oleh dia ditaro ka atas medañja baginda keizer, dengan diboeka dan ditindihin oleh tindihan jang terbikin dari singa-singahan emas.

Baginda keizer preksa itoe rapport beberapa lamana, kamoedian ia lantas mengaloewatkan satoe firman, bahoewa semoea orang jang telah berdjasal dalem pekara bikin pertjah Tong-bong-tin diperntahken mengadep di satoe paseban jang dinamaken Liong-tou-kok, pada ini hari sasoedanja djari sora. Gan Sin Bin poenja pakerdjahann djipoeti, katana ia soeda bakerdja dengan bagoes, dan itpoenja djabatan dikasih naek mendjadi Lee-pou-siang-se.

Gan Sin Bin menoedjoe sarpe kapanja mengenaken djoebin, bahoewa ia ingin oendjoek soerat pengamoenan djabatan. Tapi baginda keizer tidak meloloesken. Gan Sin Bin kasi keterangan bahoewa lantoeran di Sinyang menoegoeroes itoe pakerdjaann jang berhoeboeng sama Siang-yang-Ong, ia telah mendapat penjakit moentah darah. Maka ia memoehon de keizer soepoaja diberi idjin pengamoenan dari djabatannja. Tapi baginda keizer tidak meloloesken, katana: „Itpoe tjoema dikasih waktoe satoeroe hari dan disoeroe berobat semoea koewat dan kemoedian hari djoega soedah mesti soedah poela ia moesti dateng kemari lagi dan mendjadikan itoe djabatan jang baroe dengan baik.”

Gan Sin Bin tidak brani membantah lebih djaoe. Sebab apabila ia berkeras menoeloek itoe djabatan negeri, ia bisa dipersalahken melawan kehendakñja keizer, hal mana, dalem djeman pemerentahan sawenang-wenang, itoelah ada soetatoe kadoasahan jang boekannja ketjil. Maka dengan apa boleh boewat Gan Sin Bin menoedjoe boewat hatoerken trima kasi.

---

FATSAL XV.

Laen dari itoe baginda keizer kasi persen djoega barang emas, perak dan soetra-soetra jang indah. Gan Sin Bin kembail menoedjoe menghatoerken trima kasi.

Gie-tjian-Soe-pin-toa-too-Hou-wie. Tian Tjiauw, dianoegraken pangkat Sam-pin-Hou-wie. Tjiang-koen berikoet djoega barang-barang emas, perak dan soetra-soetra. Louw Hong dan Tji Kheng diperkenken meletakkan djabatannja, sedeng itpoenja lowngan boleh diteroesken oleh marika itoe poenja anak-anak dan ini doewa orang poen dikasi persen sebagai mana persamaannja Tian Tjiauw.

Han Tjiang dan Tjhio Peng tidak diidjinken meletakkan djabatannja; Han Tjiang di kasi pangkat Soe-pin-Hou-wie, sedang Tjhio Peng dinaekin satoe tingkatan djadi Soei-han-Sam-pin-Hou-wie-Tjiang-koen, djoega dikasi persen barang-barang jang seperti terseboet di atas tadi.

Gan Sin Bin gantiken hatoerken trima kasi boewat itoe orang-orang jang baroe diseboetken.

Baginda keizer lantas kasi tahu bahoewa itoe orang-orang jang larang dan betani malaem sahabisnja hari akan dateng berkempoel di Liong-touw-kok dengan tidak soeda memakai pakaian kebesaran dan Liong-touw-kok Tay-hak-soe, Khay-hong-hoe Hoe-in, Pauw Tjin, boleh kapala iaorang dateng mendampingi. Pada sasoedanja baginda keizer selesai djoempoe dengan semoea pembesar itoe, kemoedian dari tachta karadjahannja ia semoea antbenar poen madjoe boebar.

Pauw Kong ketika toea di kamar peranti menoenggoe, soeroean Lam-hiap dan Tjhio Peng, soepaja mengadjar pada, semoea orang jang bakal mengadep pada baginda keizer. tentang adat istiadat dan oepatjara jang perloe, djanggan sampe seperti doeloean ada jang telah bikin perlanggaran. Di laen fihak ia prentahken Kong-soen Tjek boewat membikin staat nama-namanja itoe orang-orang berikoet djoega marika poenja gelaran dan kampoeng kalahiran, jang mana kamoedian moesti ditrimaken pada Hong-boenkhoa.

Tian Tjiauw dan Tjhio Peng setalah menerima prentahnja Pauw Kong lantas brangkat ka Taysiang-kok-sie, boewat melakoeken prentah itoe. Orang-orang jang ada setengah tjerdik, satoe kali diadjari lantas sadja bisa mengerti, tapi jang otaknja poentoel dan golok sekalik poen berkali-kali diadjari, toch masih salah dan loepa sadja. Tapi, jang paling penting iaorang diperingetken soepoaja bitjara paling sedikit sabisanja, tapi moesti mendjoera banjakan. Sebab pada-waktoe mengadep pada baginda keizer orang selamanja moesti berdiri merangkang seperti bintang. Blakangan ada dibitjaraken djoega prihal Siauw-ngo-gie dan panggil marika itoe dateng berkempoel.

„Apabila baginda keizer taoek kaoe orang ada toeroenannja panglima perang,” kata Tjhio Peng pada itoe lima soedara angkat, „mistinja akan merasa girang, sebab baginda keizer poenja pengalaman sadja menjaksiken ilmoe silat dan lantoeran itoe kaoe orang ada mempoenjai berbagai-bagai macam vermo ilmoe, slirat moel boleh djadi baginda akan beroet kaoe orang dan memperteloeken kaoe orang poenja kapandekan. Maka, menoeroet akoe poenja pikiran, kaoe orang poenja pikiran, kaoe orang poenja kapandekan apa, haroes diseboet bersih djoega dalem itoe staat. Apabila kamoedian dengan sa’oenggoenja baginda minta menjaksiken djadi gampang diteloeken.”

„Tjhio siekoe kaoe poenja pikiran ada benar sekali,” kata Tian Tjiauw.

Koetika ditanjaken Louw Tien maoe kasi toendjoek ilmoe silat apa, anak moedja bilang ia paling pahan goenoekan sendjata golok pendek. Ngai Houw bilang ia poenja silat kas toendjoek silat golok pendek, begitoe poen Pek In Seng dan Tji Liang, semoeanja maoe pertoendjoekin silat golok pendek djoega.

„Wah, kaoe orang betoel-betoel gelo sekali,” kata Tjhio Peng, „jang satoe maen silat golok pendek, jang laeninja poen silat golok pendek, taro kata baginda keizer soeka melihat djoega, lama-lama ien-toe akan mendjadi bosen dan djemoe, maka kaoe orang moesti kasi pertoendjoekan jang masing-masing berlainan. Biarlah In Seng sadja jang bersilat golok pendek dan kaoe, Louw Tien, bagikan kaoe bisa bersilat sama pedang, kaen doeloean soeka peladjoeken itoe matjem limoe pada kaoe poenja Teng Djie-siok!”

„Bisa sih bisa, tapi tapi akoe tidak mempoenjai pedangnja,” sa’oet Louw Tien.

„Kaoe poenja Teng Djie-siok ada mempoenjai satoe pedang,” kata Tjhio Peng, „sedeng kaoe poenja Tian Tay-siok djoega ada mempoenjai sae. Salah satoe di antaranja toch kaoe boleh pinjam pake?”

„Nah, kalau gittoe baeklah,” sa’oet Louw Tien.

„Ngai Houw toea bagaimana?” menanja lagi Tjhio Peng.

„Sakrang akoe pikir maoe bersilat dengan tembak,” sa’oet ia.

„Tjis, anak golblk!” kata Tjhio Peng. „Masatah di hadepan baginda keizer maoe maen tembak, sedang maeken sendjata sadja sadja satoetelnja tidak boleh!”

„Abis, akoe moesti kasi pertoendjoekan apa?”

„Kaoe paling baek kasi pertoendjoekan selatan kosong kaosadoe.”

„Boleh,” kata Ngai Houw sembari manggoekken kapala.

„Kaoe, Tji Liang, bagaimana?” menanja lagi Tjhio Peng.

„Bersilat maen goenoekan sendjata sabel,” kata Tji Liang, „delaeplabers majem sendjata, sietjet boleh seboet sadja jang moeat goenoekan.”

„Dan sasoetoe matjemnja kaoe bisa goenoekan dengan pasti dan sendjata kaoe rasa.”

„Bagoes si kadanann, boleh djoegalah dan tidak sampe dikatawai orang.” „Saja-nja itoe kaoe ada poenja ilmoe kapandaen apa lagi?”

„Ada djoega sedikit,” sa’oet Tji Liang.

„Ilmoe kapandaen apa?” menegaskan Hwan-kang-tji.

„Tjobahlah kaoe seboetken, sepoepa bisa ditoeliskan, tjoema sadja moesti jang bagoes dan mengheranken.”

„Sietjek boleh soeroe toelis sadja,” sa’oet tangan bisa melepaskan itoe matjem sendjata teroes kata Tji Liang.

Tjio Peng jang tjerdik lantas mengarti Tji Liang poenja maksod dan tao djoega bahoewa itoe anak moeda ada mempoenjai itoe tiga matjem ilmoe kapandaen.

„Hei, Thian Kim, mari sini; kaoe bisa apa?” menanja Tjio Peng.

Ito orang goblok dateng menghampiri sembari tangal-tongol.

„Akoe? Akoe bisa makan,” djawab ia.

„Kaoe ada mempoenjai ilmoe kapandaen apa,” menegaskan lagi Tjio Peng.

„Akoe bisa berboeat apa?” balik menanja si goblok.

„Ja, benar.”

„Akoe bisa membeegal,” kata Han Thian Kim.

„Kaoe mace perigi membeegal pada baginda keizer? Ha-ha! sampe kapan kaoe bisa djadi menoesia jang lengkap.”

„Djikoe kaoe ditanjaken bisa ilmoe kapandaen apa, sepoeja gampang ditoelis di mana staat nama-nama jang bakal diha-toerkan pada baginda keizer,” menjelaki Tji Liang.

„Tapi akoenja soeda bilang: akoenja *dan* membeegal,” kata Han Thian Kim, „dan ada oewang pendapatkan membeegal djoega boewat makan.”

„Soedahlah, kaoed menjingkr dari sini, djangan bikin akoe djadi mendengkol,” kata mentjio Tjio Peng.

Si goblok boekannja menerina ajoean kagoblokan, sa-baliknja dengan digompar dan menjambei berlaloe ke sebelah Barat.

Tatkala Tjhio Peng kasi taoe pada Kong-soen Tjek boewat menoelis itoe staat nama-nama, pertama Pek In Seng, bersilat dengen menggoenakan golok pendek; kadoea Louw Tien bersilat sama pedang; katiga Ngai Houw bersilat tangan kosong; kampat Tji Liang sebelah tangan bisa melepaskan itoe matjem sendjata resia dan kalima Han Thian Kim ada mempoenjai tenaga besar.

„Tjio siekoe, bagimana artinja tenaga besar?” menanja Tian Tjiau.

„Akoe rasa baginda keizer tentoe mengarti bahoewa kaloe ditoelis begitoe,” kata Tjio Peng, „tentoe-lah in ini ada sa-oerang kaar jang goblok. Lagian akoenja toea betanja banding keizer soeka sama orang jang tjakep, maka dengan sendjaia akoet oeroet jang roepanja djelek di sebelah blakang, soepaia kaloe saoesedanja melihat jang doeloean dan liat jang romannja djelek, taro, kata baginda tida soeka liat djoega tida djadi apa.”

„Bagimana kaoe bisa taoet?” menanja Tian Tjiau sembari tertawa.

„Doeloean, koetika akoet bertiga soedara mengadep pada baginda keizer, melihat pada akoet poenja Twa-ko, baginda merasa soekoet, begitoe poen koetika melihat pada akoet poenja Sam-ko; tetapi koetika melihat padakoet, baginda lantas koertekan halisnja, kamoedian ia menanja pada Siang-y, mengapa diseboet Hwan-kang-tji. Akoe lantaran maoet endjoek akoet poenja ilmoe kapandaen, akoet lantas bilang bahoewa soemelantas bilang boehawa akoet poenja ilmoe di dalem ar santeg tinggi dan bagoes, lantas ini matjem sadja djoega ditoeloetken topik kepala. Blakangnan baginda keizer pentjah akoet menenggoe-nja (sama-tjarek kodok besar, jari manisnja dihela berlamat), jang dilepaskan ke dalem satoe empangan. Itoe sendjata, kena dinding, boekan hantoer, kata baginda-soeka pada orang jang romannja tjakep ataw setarang.”

Tian Him Hoet didjati tentara besar.

„Siekoe poenja pendapat, biear poen bisa dikatakan terlaloe berkowatjir, tapi bisa dibilang ada mengandoeng djoega kebenaran,” kata ia. Itoe waktoe lantas soeroean Kong-soen Tjek bikinken marika itoe poenja daftar nama dengen terang, jang dikirimken doeloe ka kraton, kamoedian bawa iaorang menoedjoe ka Hou-liat-boen boewat menoenggoe keizer poenja panggilan. Di sapandjang djalan banjak sekali orang jang mengikoeti, samingkin lama itoe orang-orang jang mengikoeti djadi saminngkin banjak djoemblanja. Di dalem kota radja kaloe ada terdjadi perkara apa sadja, dalem sakedjepan djadi tersiar di antara orang banjak. Begitoelah pendoedoek itoe kota lantaran mendenger kabar orang-orang jang telah mametjahken Tong-bong-tien maoe pergi mengadep pada baginda keizer, lantas sadja pada dateng berkroemoen dan mengikoeti boeat menjaksiken bagimana marika itoe poenja roman. Itoe orang banjak poen mengikoeti sampe di loewarnja Hou-tiat-boen.

Bebrapa orang kebiri jang mendjaga di Hou-tiat-boen, lantaran mendenger soewara orang banjak jang bergoemoeroe lantas pada kaloewar meliat. Koetika meliat pada Tian Tjiauw, Louw Hong, Han Tjiang, Tji Kheng dan Tjhio Peng lantas menghamperi boewat bitjara. Begitoelah satoe sama laen pada djalanken kahormatan sabagimana lajiknja. Tatkala itoe orang-orang masoek, itoe orang-orang kebiri lantaran merasa ingin taoe, menanjaken iaorang poenja nama satoe per satoe.

„Wah, sabentar bila iaorang mengadep pada baginda keizer,” kata salah-satoe antaranja, „akoe tanggoeng iaorang bakal dikoerniaken djabatan negri. Nanti kaoe orang kaloewar lagi, kita maoe hatoerken slamet pada kaoe orang semoewa.”

Djoestroe pada waktoe orang lagi omong-omong, dari sabelah dalem ada berdjalan kaloewar doewa taykam ketjil, semoewanja beroemoer antara toedjoebelas sampe sembilan belas tahon, dalem iaorang poenja costuum jang telah ditetapken sedeng iaorang poenja roman semoewanja tjakep dan ampir tida berbeda sebagi anak prawan. Di iaorang poenja, tangan mamegang keboetan dari boeloe boentoet koeda, jang dikeboetken sana kamari, di laen fihak moeloetnja berseroeh. „Mana itoe sekalian Loya dari Khay-hong-hoe?” kata iaorang dengen berbareng.

Tian Lam-hiap dan Tjhio Peng kenalin marika itoe ada orang kebiri jang djadi soeroehannja baginda keizer, maka iaorang lantas menghamperi dan membri hormat sembari bersenjoem.

„Akoe harep toewan berdoewa ada slamat dan beroentoeng,” kata Tian Tjiauw dan Hwan-kang-tji dengen berbareng.

„Slamat dan beroentoeng sama-sama,” djawab itoe orang kebiri. „Kita berdoewa menerima prentah kita poenja chef dateng ka sini boewat meliat apa toean-toean sekalian soeda dateng berkoempoel semoewanja atawa belon. Apa kadoewa Loya barangkali taoe siapa adanja kita poenja chef itoe?”

„Soeda tentoe sadja taoe,” djawab Lam-hiap, „jaitoe Tan Tjongkwan Loya.”

„Baroesan baginda keizer soeda seleseh bersantap, maka akoe harep kadoewa Loya soeka bawa itoe orang-orang jang moesti mengadep.”

„Itoe orang-orang semoewanja soeda berkoempoel di sini,” kata Tjhio Peng. „Kita djoestroe berdiam di sini boewat menoenggoe prentah.”

Itoe doewa orang kebiri lantas memandang pada semoewa orang jang beradadi sitoe. „Apa ini semoewa adai toe orang-orang jang moesti mengadep pada baginda keizeer?” menanja marika itoe.

Tjhio Peng soeroe itoe semoewa orang madjoe ka depan.

„Kaoe orang bertemoe pada ini doewa Loya,” kata ia.

Semoewa orang lantas membri hormat pada itoe doewa taykam, jang lantas membales sabagimana biasanja.

„Kaoe orang menoenggoe sadja doeloe di sini,” kata iaorang.

Kamoedian itoe doewa orang kebiri lantas balik masoek lagi ka dalem. Tida antara lama ada dateng Ong Tiauw dan Ma Han. „Tian taydjin dan Tjhio taydjin,“ kata itoe doewa orang. „Siangya soeroe menanjaken apa itoe adat-istiadat boewat mengadep pada baginda keizer soeda diadjarken dan dipahamken sampe mateng ?“

„Soeda,“ djawab Tjhio Peng sembari menggoetken kapala.

Dari dalem ada dibawa kabar, bahoewa baginda keizer soeda menoedjoe ka Liong-tou-kok, diprentahken semoewa orang boleh masoek. Begitoelah Tian Tjiauw dan Tjhio Peng kapalaken itoe semoewa orang masoek ka dalem Hou-tiat-boen, meliwati Tjiauw-tek-boen, Kim-so-boen dan Giok-sek-boen, teroes menoedjoe ka pintoe taman-boenganja keizer. Di sini laen-laennja tida bisa masoek teroes, katjoewali Lam-hiap dan Hwan-kang-tji. Sebab ia berdoewa ada memangkoe djabatan Gie-tjian Sam-pin Hok-wie. Tapi Tian Tjiauw sendiri sadja jang menoenggoe prentah di sabelah bawahnja itoe paseban Liong-tou-kok, sebab Tjhio Peng moesti mengoeroes dan pimpin pada itoe orang-orang.

Pauw Kong lebih siang soeda masoek ka dalem itoe taman boengah dan itoe waktoe djoestroe lagi berdiri di bawah tangga batoenja itoe paseban boewat menoenggoe pada baginda keizer. Tida antara lama kamoedian ada bebrapa banjak orang kebiri jang berdjalan keloewar dari sabelah dalem sembari moeloetnja berseroeh: „Baginda keizer dateng !“ Blakangan ada berdjalan kaloewar dari satoe rombongan dan seperti djoega jang doeloean berseroeh sabagimana tadi. Dan koetika rombongan orang kebiri jang katiga berdjalan kaloewar, iaorang tida brani berseroeh lagi seperti jang doeloean, sebab marika terpisa terlaloe deket pada baginda keizer. Tida antara lama satoe djoli terboeka jang didoedoekin oleh keizer Song Djin Tjong digotong kaloewar. Pauw Kong lantas berloetoet dan medjoera di pinggiran djalanan itoe taman.

„Hamba, Pauw Tjin, mengadep pada djoendjoengan, harep sadja toewan'koe Ban-swee, ban-ban-swee.“

Baginda keizer Song Djin Tjong dalem iapoenja djoli berkata : „Kheng. boleh bangoen berdiri.“

Itoe djoli karadjahan digotong teroes sampe di bawahnja. itoe paseban Liong-tou-kok, kamoedian keizer Song Djin Tjong lantas toeroen dari djolinja dan berdoedoek di hadepan soeatoe medja. Pauw Kong kombali membri hormat. Tan Lim Tjong-kwan madjoe menghatoerken itoe daftar nama-nama jang lantas dipreksa oleh baginda keizer di mana ada ditoelis dengen terang orang banjak poenja djasa, asal-oesoel dan gelaran, sedeng marika jang tida maoe mendjabat pakerdjahan negri djoega, ada ditoelis dengen terang di sitoe.

Keizer Song Djin Tjong satelah preksa itoe daftar nama dengan terang : pertama Tie Hoa, jang dengen melanggar bahaja pergi mengambil itoe soerat-perdjandjiannja Siang-yang-Ong dan kontjo-kontjonja, doeloean ia soeda poera-poera bertaloek ka Koensan boeat menoeloengin Tian Hok-wie, maka ia poenja djasa boleh dibilang paling besar , tapi ini orang tida maoe mendjabat pakerdjahan negri, malah orangnja poen soeda menjingkirken diri. Hal mana membikin keizer Song Djin Tjong djadi mengelah napas.

Sateroesnja baginda liat ada tertoelis namanja Pak-hiap, Aug-yang Tjhoen, ini orang djoega tida maoe mendjabat pakerdjahan negri, sabaliknja ia hendak masoek mendjadi hweeshio. Kamoedian In-tiong-ho, Goei Tjin, ada satoe say-kong ; Song-hiap, Teng Tiauw Lan dan Teng Tiauw Hoei, doewa-doewa tida maoe mendjabat pakerdjahan negri ; See Liong, beng Khay, Tjiauw Tjia, Pek-bian-poan-poan—Lioe Tjeng. Siauw-Tjoe-kat—Sim Tiong Goan. Itoe semoewa diprentahken boewat lantas mengadep. Orang-orang kebiri jang berdeketan di sitoe lantas sampeken itoe prentah. Di sabelah bawah, Tian Him Hoei bersama satoe taykam pergi ka pintoenja itoe taman-boengah boewat adjak itoe bebrapa orang jang dipanggil mengadep. Koetika marika itoe sampe di atas tangga batoe, Tan Lim lantas tarik badjoenja Auw-yang Tjhoen disoeroe berloetoet. Itoe semoewa orang dengen berdjedjer lantar pada berloetoet, mendjalanken adat-istiadat sabagimana mestinja.

Keizer Song Djin Tjong lantas kasi prentah soepaja marika itoe mengangkat badan dan memandang ka atas. Itoe semoewa orang lantas mengangkat badan, tapi tida brani memandang pada keizer dan iaorang poenja mata pada meliatin marika poenja hidoeng sendiri sembari menahan napas. Keizer lantas memandang pada iaorang, itoe waktoe Tan Lim lantas menghamperi boewat menjeboetken iaorang poenja nama satoe per satoe. Sebab lebih doeloe ini kapala orang kabiri soeda tanjaken dengen terang sasoeatoe orang poenja nama.

Keizer Song Djin Tjong moelai liat Pak-hiap jang memake pakean dari soetra oengoe, matanja berwarna blao dan moekanja jang merah memake brewok dan tjambang, hingga iapoenja roman ada banjak mirip sama Tjiong Lie Koan, salah-satoe dewa di antara Patsian. Kamoedian baginda mengawasi pada Goei Tjin, jang memake pakean pertapahan berwarna aboe-aboe, begitoe poen warnanja iapoenja boengkoesan kapala. Koelit moekanja poetih seperti batoe giok, halisnja lemas dan matanja pandjang, di antara bibirnja ada toemboe tiga baris koemis dan djenggot pendek. Sedeng itoe doewa soedara Teng, semoewanja memake pakean jang serba idjo dan memake boengkoesan kapala Boeseng. Iaorang poenja roman poen tjakep dan toeboenja ada bersamahan satoe dengen laen, malah roepanja djoega ada begitoe mirip.

Kamoedian baginda memandang pada See Liong, jang memake pakean soetra berwarna tanah dan boengkoesan kapala jang meroepaken boentoet bebek. Iapoenja moeka sabagi warnanja batoe giok oengoe, sedeng moekanja ada memake koemis dan brewok jang soeda berwarna poetih. Beng Khay memake pakean warna merah dan Tjauw Tjia itam, sedeng Sim Tiong Goan dan Lioe Tjeng doewa-doewanja memake pakean warna biroe, tjoema jang satoe toeboenja koeroes dan jang laen gemoek.

Pada sasoeda baginda keizer meliat marika itoe semoewa dengen terang, kerna taoe iaorang tida maoe mendjabat pakerdjahan negri, maka ia poen tida maoe memaksa. Dikasi prentah pada Pak-hiap, Auw-yang Tjhoen, boewat masoek djadi hweeshio di Tay Siang Kok Sie dan mengangkat goeroe pada Liauw Djian Hweeshio, serta dikasi satoe gelaran PooSiong Hweeshio. Sebab menoeroet pikirannja baginda keizer, biar poen Pak-hiap soeda masoek mendjadi orang pertapahan, tetap ingin ia membantoe melindoengin karadjahan Song. Diprentahken djoega kamoedian aken didirikan satoe gredja di district Siang-soei, jang aken dinamaken Sam Kauw Sie, bila kamoedian soeda menerima pengadjaran soetji, ia moesti mengepalai itoe gredja Sam-Kauw.

Goei Tjin dipersen pakean pertapahan jang tersaloe aermas jang lengkap sama kaos dan sepatoenja. Bagi iapoenja gredja ada dikasi present beras dan kajoe bakar, tapi tida dipresent soetra atawa emas perak, kerna orang pertapahan tida perloe sama barang-barang jang saroepa itoe.

Song-hiap, Teng Tiauw Lan dan Teng Tiauw Hoei, dikoerniaken doewa bintang perak jang dioekir doewa hoeroef „Hiap-gie“, jang dalem itoe waktoe djoega diprentah pada Tan Lim boewat tjantoemken di dadanja itoe doewa orang. Laen dari itoe ada dikasi presnet lagi emas, perak, dan soetra-soetra. Sim Tiong Goan, Lioe Tjeng, See Liong, Beng Khay dan Tjauw Tjia, semoewanja dikasi present emas, Lioe dikasi present emas perak dan soetra-soetra.

Itoe semoewa orang lantas pada mendjoera sembari hatoerken trima kasi dan teroes pada moendoer.

Baginda Song Djin Tjong kasi prentah lagi pada Liong Tho, Yauw Beng, Soe In, Liok Pin, Louw Eng, Him Wie, Han Liang, Peh Giok, Ma Liong, Thio, Pa, Pang Jan, Teng Pioe, Ouw Liat, Heng Djoe Liong dan Heng Djoe Houw, semoewanja dateng mengadep ka bawah Liong-tou-kok. Koetika itoe semoewa orang soeda mengadep dengen berloetoe berdjedjer hatinja baginda keizer merasa sanget girang, meliat itoe sekawanan orang jang begitoe gagah dan garang, sekalipoen romannja ada jang tjakep ada djoega jang djelek. Marika semoewanja dikasi pangkat Liok-pin Hauw-wie. Pada sasoedanja marika hatoerken trima kasi laloe pada moendoer.

Baginda keizer kombali kasi prentah Pek In Seng dan ampat soedara angkatnja dateng mengadep. Tida antara lama kamoedian itoe lima orang soeda dibawa dateng mengadep. Tan Lim kasi tanda soepaja Pek In Seng berloetoet dan djalanken peradatan sabagimana moestinja. Tapi ini lima orang boekannja berloetoet dengen berdjedjer seperti jang doeloean hanja satoe per satoe berentet satoe dengen dari depan teroes lempeng ka blakang.

Itoe semoewa ada atas maoenja Tjhio Peng. Ia sengadja taro orang jang romannja djelek di sabelah blakang. Baginda keizer lantas kasi prentah soepaja Pek In Seng mengangkat badannja. Itoe anak moeda lantas menoeroet dengen mata meliat ka bawah.

Keizer Song Djin Tjong satelah meliat pada In Seng, lantas djadi terkenang pada kaädahan doeloe hari. Ia djadi dapet inget pada Pek Giok Tong jang dateng menoelis sairan di Liong-tou-kok. Sebab itoe anak moeda poenja roman sedikit banjak ada mirip sama iapoenja paman. Dengen tida merasa lagi baginda keizer mendjadi sedih dan ampir sadja ia menoempahken aer mata. Koetika baginda keizer membatja itoe daftar nama, ia liat gelarannja Pek In Seng ada Giok-bian-siauw-Tjoan-tjoe (Tjoan Tjoe ada namanja saorang gaga di djeman Tjangkok jang berbakti pada orang toewanja). Lantas baginda ksizer taoe bahoewa In Seng ada satoe anak jang berbakti pada iboenja, hal mana soeda membikin baginda keizer mendjadi senang dan soeka. Sebab pribahasa ada bilang : mantri jang setia moesti kaloewar dari koelawarga jang berbakti. Dalem itoe daftar ada diseboetken ia pande menggoenaken golok. Itoe waktoe baginda keizer lantas kasi prentah Pek In Seng tjoba pertoendjoekin iapoenja ilmoe golok.

Tan Lim lantas menghamperi pada itoe anak moeda dan berkata : „Baginda keizer kasi prentah soepaja kaoe pertoendjoekin kaoe poenja ilmoe silat golok.“

Pek IN Seng lantas memandang pada Tan Tjongkwan dan berkata : „Ini waktoe akoe tida membawa sendjata.“

„Kaoe poenja sendjata ada di mana ?“ menanja Tan Lim.

„Ada di sabelah loewar pintoenja ini taman.“ Tan Lim lantas soeroe salah-satoe orang kebiri pergi ambil itoe golok. Tida antara lama itoe taykam soeda balik kombali dengen membawa itoe sedjata, jang lantas dipasrahken pada Tan Tjongkwan, orang siapa lantas semboeti dan berloetoet di soeatoe tempat jang sedikit djaoeh dari medjanja keizer, kamoedian ia angkat itoe golok ka atas dengen kadoewa tangannja boewat dtpreksa. Sasoedanja itoe, Tan Lim lantas trimaken itoe golok pada Pek In Seng.

„Akoe terpaksa moesti berlakoe koerang hormat dihadepannja baginda keizer,” kata ia pada itoe kapala orang kebiri.

„Berlakoe koerang hormat bagimana ?” menegesken itoe kapala taykam.

„Akoe moesti goeloengken akoe poenja tangan badjoe dan selitken ka atas akoe poenja badjoe. baroelah akoe bisa bersilat dengen laloewasa.”

„Itoelah tida ada halangannja, sebab kaloe boekannja begitoe kaoe poen tida bisa pertoendjoeken kaoe poenja ilmoe kapandean. Sekarang kaoe boleh lantas moelai.”

Pek In Seng lantas goeloeng kadoewa tangan badjoenja dan selitken badjoenja ka iapoenja tali pinggang. Itoe golok ia soeroeng ka blakang dan lantas mendjoera, berbareng dengen itoe, kadoewa tangannja ditaro ka blakangnja, jang kiri mamegang saroengnja itoe sendjata, sedeng jang kanan mamegang gagangnja itoe golok, kamoedian ia goenaken satoe tipoe jang dinamaken „Yauw-tjoe-hwan-sin,” meniroe perboeatannja satoe alap-alap balikin badannja naik terbang ka atas. Baginda keizer tjoema meliat sadja itoe anak moeda berloetoet di sitoe, koenjoeng-koenjoeng ia berlompat ka atas dan dalem tangannja soeda mamegang satoe golok jang terhoenoes, tapi tida kataoean tjara bagimana menjaboet golok itoe kaloewar dari saroengnja.

Pek In Seng lantas moelai bersilat sama iapoenja golok dengen soenggoe-soenggoe. Ternjata iapoenja ilmoe silat golok ada sanget bagoes. Itoe sendjata sabentar ka depan sabentar ka blakang, kiri, kanan, atas, dan bawah, dengen bergantian dibatjokin, ditoesoekin, diserampangin dan disabetken. Dari sebab di latarannja itoe Liong-tou-kok ada digelari permadani, pada waktoe itoe anak moeda berlompat pergi-dateng, kakinja sama-sekali tida bersoewara koetika mengindjak boemi. Pada sasoedanja ia bersilat sampe di achirnja, iapoenja napas tida memboeroe dan iapoenja moeka tida djadi berobah, kamoedian dengen sabar ia lantas berloetoet lagi di tempat tadi.

„Sasoenggoenja djoega tida katjiwa sebagi toeroenannja satoe panglima perang,” kata keizer Song Djin Tjong.

Kamoedian ia liat namanja Louw Tien jang terseboet bisa bersilat sama sendjata pedang. Itoe anak moeda poen disoeroe lempangken toeboenja, ternjata ia ada satoe pamoeda tjakep dalem pakean jang berwarna kembang trate, biarpoen langsing tapi ada sampe pasek dan gagah. Baginda keizer poen lantas kasi prentah soepaja itoe anak moeda mempertoendjoekin iapoenja ilmoe kapandean.

„Baginda keizer prentah kaoe pertoendjoekin kaoe poenja ilmoe silat pedang.” kata Tan Lim jang menghamperi pada Louw Tien.

Itoe anak moeda kasi taoe bahoewa iapoenja pedang ada di loewar taman, jang lantas disoeroe pergi ambil. Pada sasoedanja dikasi toendjoek doeloe pada baginda keizer sabagimana doeloean, baroelah ditrimaken pada itoe anak moeda.

---

FATSAL XIV.

Baginda Song Djin Tjong kasi prentah bahoewa Louw Tien boleh lantas moelai bersilat. Itoe anak moeda poen menoeroet toeladannja iapoenja twako, manjaboet pedangnja dari sabelah blakang. Louw Tien poenja ilmoe silat pedang ia dapet perladjarken dari Teng Tiauw Hoei. Dasaran iapoenja otak sanget tadjem, dengen sasoenggoenja djoega ia soeda bisa dapet peladjarken ilmoe kapandeannja iapoenja goeroe, jang sekarang ia boleh pertoendjoekin dengen bangga di hadepannja baginda keizer. Bermoela iapoenja pedang dimaenken sadjoeroes, tapi blakang samingkin lama djadi samingkin tjepat, hingga kaliatannja sabagi djoega soeatoe toempoekan pedang, sabagi satoe rante besi jang mengiterin sakoedjoer badannja itoe orang jang bersilat.

Baginda keizer bersama semoewa orang jang tida menjaksiken tida ada satoe jang tida memoedji. Pada sasoedanja Louw Tien bersilat sampe di achirnja, ia poen berloetoet kombali di tempatnja tadi. Moekanja poen tida berobah dan napasnja tida memboeroe.

Kamoedian baginda keizer prentahken Ngai Houw pertoendjoekin iapoenja ilmoe kapandean silat tangan kosong. Itoe waktoe ia ada memake pakean serba idjo gelap, toeboenja biar poen tida tinggi, tapi potongannja sanget keren dan garang. Halisnja gomplok, idoeng mantjoeng, moeloet lebar dan toeboenja tegap dan pasek.

Baginda keizer sasoedanja meliat ia itoe poenja roman lantas kasi prentah boewat moelai. Kombali Tan Lim jang kasi taoe pada itoe anak moeda.

Lantaran ia tida perloe memake sendjata apa-apa, dalem saät itoe djoega ia moelai goeloeng tangan badjoenja dan selitken badjoenja pasa iapoenja tali pinggang. Dengen sakoenjoeng-koenjoeng ia berlompat sampe sapoeloeh kaki tingginja, kamoedian ia berdiri dengen tegar, tida berbeda sebagi sikep soeatoe koetjing, sedikit poen tida kadengeran soewara kakinja. Pada sasoedanja ia bersilat, ia poen berloetoet kombali sabagimana kawan-kawannja jang laen. Baginda keizer tida brentinja memoedji kamoedian dikasi prentah soepaja Tji Liang lempengken toeboenja. Sabagitoe lekas ia meliat romannja San-see-gan, baginda keizer merasa heran.

Itoe waktoe ia memake pakean jang berwarna itam, tapi dandanannja ada seperti biasanja saorang gagah, moekanja itam ditimpalin sama sapasang halis poetih jang toeroen ka bawah, dengan begitoe iapoenja roman ampir tida berbeda sama setan jang gantoeng diri. Dalem daftar ada terseboet ia itoe ada anaknja Tji Kheng dan iapoenja gelaran diseboet Too-pek-him, djoega tergelar San-see-gan. Lantaran meliat romannja jang begitoe djelek, hatinja baginda keizer ada sedikit koerang senang. Dalem itoe daftar ada diseboet djoega bahoewa ia ada mempoenjai kapandean, satoe tangan bisa malepaskan tiga matjem sendjata resia.

Baginda Song Djin Tjong pikir, tjara bagimana satoe tangan bisa malepasken tiga matjhem sendjata resia, boewat mendapet kanjatahan, laloe diprentahken soepaja Tji Liang mempertoendjoekin iapoenja ilmoe kapandean. Koetika Tan Lim dateng kasi taoe pada itoe anak moeda, ia itoe lantas berkata :

„Tjongkwan, tjara bagimana akoe moesti pertoendjoekin akoe poenja kapandean ?“.

„Hei, itoelah akoe tida taoe,“ djawab Tan Lim, „tjara bagimana kaoe berbalik menanjakan hal itoe padakoe ?“

„Djika akoe malepasken akoe poenja tiga sendjata resia dengan berbareng,“ kata San-see-gan, „di sabelah depan moesti ada barang jang menghalangin, sebab kaloe boekannja begitoe, djadi tida bisa diliat kadjitoeannja. Di sini apa ada boelan-boelan jang biasa digoenakan boewat orang memanah ?“

„Ada,“ kata Tan Lim.

„Akoe harep kaoe soeka soeroe ambil satoe dan di blakangnja ditoelak sama sapoetong papan soepaja bisa berdidi dengen tetap. Itoe waktoe akoe nanti pertoendjoekin akoe poenja ilmoe kapandean.“ Tan Lim lantas soeroean orang pergi ambil itoe barang jang perloe. Tida antara lama kamoedian itoe boelan-boelan soeda dibawa dateng. Tji Liang liat, tingginja ada toedjoe kaki dan lebarnja satoe kaki, sedeng di pinggirnja memake lijst dari kajoe dan di tengah-tengahnja ada satoe papan lebar, jang ditempelin sama satoe lapis kaen poetih ; tapi lantaran masi dianggep koerang poeti, kombali diatasnja dikapoerin sama aer kapoer. Itoe boelan-boelan soeda ditoelak berdiri oleh salembar papan dari blakangnja, kamoedian Tan Lim lantas dateng menghamperi pada Tjie Liang.

„Akoe soeda soeroe atoer sabagimana kaoe poenja kahendakan,” kata ia. „Sekarang tjoba kaoe liat dengen betoel apa kaoe bisa tembak kena itoe papan atawa tida ? Djika kaoe rasa tida bisa kena, akoe maoe soeroe orang pergi ambil lagi jang besaran.”

„Apabila akoe tida bisa tembak kena itoe papan boelan-boelan, akoe tida bisa diseboet lagi Too-pek-him, hanja moesti diseboet sadja Kaaw-him alias biroewang-andjing. Akoe harep kaoe soeka hatoerken pada baginda keizer soepaja soeka bikin tiga tanda merah, jang berentet dengen lempang dari atas ka bawah. Akoe poenja tiga sendjata resia semoewanja moesti menantjep di tengah-tengahnja itoe tiga tanda merah, baroelah ternjata akoe poenja ilmoe kapandean.”

„Hei, anak, kaoe djangan maen gila,” kata Tan Lim. „Djika menoeroet akoe poenja pikiran, bila kaoe soeda bisa menembak kena pada itoe papan boelan-boelan, soeda boleh dianggep samatjem kapandean bagoes.”

„Tida, biar bagimana djoega, akoe tida maoe menembak pada itoe papan boelan-boelan sadja,” kata Tji Liang dengen membeler.

Tan Lim dengen apa boleh boewat hatoerken kainginannja Tji Liang pada baginda keizer. Keizer Song DJin Tjong hatinja merasa koerang senang. Sebab ia anggep Tji Liang poenja omongan terlaloe tekeboer. Kaloe ia lantas menoeroeti itoe kainginan bikin tiga titik merah sama pit ginjoe, di atas itoe papan boelan-boelan, jang besarnja tida lebih dari oedjoengnja satoe djaroem, djangan kata bisa kena ditembak, biar poen diliat tida bisa kaliatan tegas. Dengen begitoe, apabila Tji Liang tida bisa kena tembak itoe titikan merah, boekan sadja ia sendiri aken mendapet maloe, malah ajahja poenja nama jang soeda termashoer djoega aken toeroet tertjemar. Maka baginda lantas kasi prentah soepaja Tan Lim sadja jang membikin itoe tiga tanda merah di atas itoe papan boelan-boelan.

Tan Lim menerima prentah dan bawa itoe papan boelan-boelan, kamoedian ia ambil itoe pit gintjoe jang ditjelapken pada tempat gintjoenja. Ia poen berpikiran sabagimana baginda keizer. Ia anggep Tji Liang poenja omongan terlalu terkeboer. Kaloe sadja ia bikin itoe tiga tanda terlaloe ketjil dan Tji Liang tida bisa kena tembak sama iapoenja sendjata resia, nistjaja ia aken disesalken; djika itoe tanda-tanda ini dibikin terlaloe besar, sebaliknja tida bisa mengoendjoek Tji Liang poenja ilmoe kapandean dan djoega ia koewatir baginda keizer koerang senang. Tapi achirnja ia ambil poetoesan boewat bikin tanda-tanda jang besar sadja. Sebab ia menginget persobatan sama ajahnja itoe pamoeda.

Pada sasoedahnja ia berpikir tetap, lantas ia moelai menotol sama oedjoeng itoe pit gintjoe ka moekanja itoe boelan-boelan; tapi ia gojang pergi dateng itoe pit, sabagi djoega orang jang maoe bikin totolan mendjadi boender betoel. Pada itoe waktoe totolan dibikin boender, besarnja soeda sama dengan bidjinja satoe boewah Thoo. Begitoelah ia landjoetken pakerdjahannja itoe sampe tiga tanda merah djadi terloekis dengen rata dari atas moedjoer ka bawah. Baginda keizer poen mengarti maksoednja iapoenja orang kebiri jang dipertjaja dan disajang. Pada sasoedahnja seleseh Tan Lim taro kombali itoe pit kamoedian berpaling pada Tji Liang.

„Tjoba kaoe liat, anak moeda,” kata ia, „apa ini tiga tanda soedah tjoekoep besar?”

„Djika itoe masi dikatakan terlaloe ketjil, dengen sasoenggoenja akoe ini ada Kauw-him,” kata San-see-gan.

Tan Lim lantas soeroe orang pasang itoe papan boelan-boelan di sabelah Selatan. Tji Liang liat di tengah-tengahnja itoe papan boelan-boelan ada terloekis dengen njata itoe tiga tanda merah, di laen fihak ia bikin persediahan ia­poenja sendjata-sendjata resia jang moesti dilepasken. Orang tentoe ingin mendapat taoe apa jang dimaksoedken sama itoe perkatahan itoe tiga matjem sendjata resia. Ternjata itoe dimaksoedken doewa sioetjhi dan satoe notjhi. Maka itoe waktoe ia sediaken doewa batang sioetjhi dan satoe batang „Kin-pwee-tee-thauw-hwa-tjhung-no-tjhi”. Tatkala Tan Lim datang mengasi taoe bahoewa, baginda keizer mengasi prentah soepaja ia moelai oendjoek ilmoe kapandeannja, ia tjoema brani manggoetken sedikit kapala tapi tida brani berloetoet dan mendjoera, sebab djika ia berboewat begitoe, itoe notjhie lantas sadja menembak kaloewar. Inilah djoega sebabnja dinamaken Kin-pwee-tee-thauw, sebab djika badan dibongkokin dan kapala mendjoera ka depan, itoe anak panah lantas menembak kaloewar dari pekakas­nja jang tersimpen dalem badan.

Sabagitoe lekas Tan Lim habis bitjara, Tji Liang lantas bongkokin badannja ka djoeroesan Selatan berbareng dengen itoe ka­doewa tangannja digerakin sedikit, tjoema kadengeran sadja sedikit soewara tengtengan tiga kali. Tapi tida ada barang saorang jang meliat ka djoeroesannja itoe papan boelan-boelan, hanja semoewa pada mengawasi sadja pada Tji Liang, jang itoe waktoe lantas pergi berloetoet kombali di tempat tadi dengen tida bergerak.

Baginda keizer kasi prentah lagi soepaja Tji Liang mempertoendjoekin iapoenja ilmoe kapandean, prentah mana disampeken kombali oleh Tan Lim jang dateng menghamperi. Tapi Tji Liang tinggal diam dengen tida bersoewara. Itoe kapala orang kebiri kombali oelangken itoe prentah.

„Hei, anak moeda, baginda keizer prentah kaoe mempertoendjoekin kaoe poenja ilmoe kapandean,” kata ia, „mengapa kaoe tinggal diam di sini?” Tji Liang lantas mendjoera pada itoe kapala orang kebiri.

„Akoe poenja tiga sendjata resia soeda menantjap di atas itoe papan boelan-boelan,” kata ia. „Harep sadja Tjongkwan soeka pergi njataken sendiri.”

Itoe kapala orang kebiri lantas pergi menghampiri dan tengok itoe papan boelan-boelan, betoel sadja itoe doewa sioetjhie dan satoe notjhie manantjep di tengah-tengah itoe tiga tanda merah. Hal mana soeda membikin Tan Lim mendjadi sangat heran, sebab menoeroet iapoenja pengliatan, Tji Liang sama-sekali tida menembak ka djoeroesan itoe papan boelan-boelan. Maka itoe waktoe ia lantas hatoerken pada baginda keizer atas apa jang soeda terdjadi. Tatkala baginda keizer njataken sendiri betoel sadja kelihatan ada doewa barang pandjang dan satoe pendek, jang menantjap di tengah-tengahnja itoe tiga tanda merah. Soeda tentoe sadja baginda keizer mendjadi sanget girang dan tida abis­nja memoedji.

„Itoelah ada sendjata-sendjata resia jang bagoes dan aneh,” kata Song Djin Tjong. „Sendjata resia jang samatjem itoe, boleh dibilang dari doeloe hingga sekarang djarang ada terdapat.”

Sahabisnja berkata kombali baginda keizer melihat itoe daftar nama. Koetika ia melihat namanja Han Thian Kim maka ia menengok nama gelaran Pek-kek-koei (jang berarti setan gledek), lantas memandang ka djoeroesannja itoe orang. Si goblok itoe tidak menoenggoe lagi prentah, lantas sadja berbangkit mengoesoet-ngoesoet peroet dan dada, sedeng iapoenya kadoewa mata di'intjarken pada baginda keizer. Hal mana soeda membikin Tan Lim djadi sangat terkedjeot dan toeboenja djadi bergoemeteran. Dengen tjepet ia menghampiri dan pegang badannja Han Thian Kim serta soeroe ia mendjoera lagi sabagimana tadi.

„Akoe mesti poenja pegel moesti mendjoera teroes-meneroes bagitoe roepa,” kata Han Thian Kim.

„Tida perdoeli, kaoe moesti mendjoera teroes,” menjentak itoe kapala orang kebiri. Terpaksa Han Thian Kim moesti mendekam lagi sebagimana doeloean; tapi sabagitoe lekas Tan Lim berlalo, kombali ia mengangkat badan sambi mengoesoet-ngoesoet peroet dan memandang pada baginda keizer. Tapi sabaliknja keizer Song Djin Tjong tida djadi goesar, sebab mengetahoei bahoewa ia itoe ada saorang kasar dan goblok. Dari sebab dalam daftar ada diseboet ia mempoenjai ilmu kapandean apa-apa, salaennja diseboet bertenaga besar, djadi tida taoe moesti menjoeroe ia pertoendjoekin kapandean bagaimana. Maka lantas kasi prentah Han Thian Kim boleh mempertendjoekin iapoenja kapandean dengan merdika, jaitoe menoeroet apa jang ia rasa baek. Tan Lim lantas menghampiri pada Han Thian Kim dan berkata: „Baginda keizer soeroe kaoe pertendjoekin ilmu kapandean.”

„Pertendjoekin ilmu kapandean apa?” balik menanja si Goblok.

„Akoe mana tao kaoe ada mempoenjai ilmu kapandean apa,” kata Tan Lim. „Tapi sabetoelnja kaoe ada mempoenjai ilmoe kapandean apa?”

„Akoe bisa makan nasi,” kata si Goblok.

„Djangang omong sembarangan,” menjentak itoe kapala orang kebiri. „Akoe tanja kaoe ada mempoenjai ilmu kapandean apa?”

„Akoe bisa membegal orang di tengah djalanan,” kata Han Thian Kim.

„Ach, apa kaoe bilang? Beroentoeng terpisa sama baginda keizer djaoe djoega, kaloe sampe kadengeran apa jang kaoe kataken, nistjaja kaoe bakal mendapat marah besar dari ba­ginda keizer.” Pada sasoedanja merandek sebentaran kombali ia menambahken: „Tida perdoeli kaoe ada mempoenjai kapandean apa djoga, kaoe boleh tjoba kasi oendjoek, soepaja kaoe poen bisa mendapet pangkat; kaloe tida, laen-laen orang mendapet pangkat, tentoe tjoema kaoe sendiri jang tida.”

Han Thian Kim setelah mendengarkan itoe omongän, hatinja merasa sanget iboek. Itoe waktu kadengeran soewara jang berkerekan dan Tan Lim toendoekin kapalanja, meliat, ka bawah, ternjata itoe permadani jang digelar di atas djoebin telah berlobang di sapoeloeh tempat. Lantaran apa ia, djadi taoe bahoewa ini orang poenja tenaga sasoenggoenja tida ketjil,

„Hei, masatah kaoe sama-sekali tida mempoenjai kapandean satoe apa ?” mendesak lagi Tan Lim.

„Ah, ah, siapa bilang akoe sama-sekali tida mempoenjai ilmoe kapandean satoe apa,” kata Han Thian Kim dengen djengkel. „Na, na, tjoba kaoe liat marika itoe boekannja ada mempoenjai ilmoe kapandean? Tapi akoe bisa tjekel iaorang satoe per satoe dan teroes dilemparken ka atas genteng roemah.”

„Ach, mana boleh oendjoek kapandean dengen tjara begitoe!” menjentak itoe kapala orang kebiri dengen pengrasahan djengkel.

„Habis bagimana baeknja ?” kata Han Thian Kim dengen bingoeng. „Iaorang semoewa aken mendapet pangkat, tjoema akoe sadja jang tida kabagian.”

Bitjara sampe di sini ia liat itoe lankan jang terbikin dari batoe poetih dan menambahken lagi: „Akoe bisa bikin antjoer itoe lankan batoe.”

„Ai, itoelah tida boleh, anak gelo,” kata Tan Lim. „Meroesakin barang dalem tempat terlarang, apa kaoe taoe bakal mendapet hoekoeman apa ?”

Djoestroe pada waktoe iaorang bitjara dengen belon mendapet kaberesan, sabaliknja baginda keizer jang telah dapetken satoe pikiran. Baginda poen merasa sanget soesa sama oeroesannja Han Thian Kim, dengen tida sengadja baginda tjendorongken toeboenja meliat ka sabelah kiri dan kanannja itoe paseban. Ini Liong-tou-kok terletak di sabelah Barat dan menghadep ka Timoer, sedeng itoe roewangan jang didiamin oleh baginda keizer di itoe waktoe lebarnja ada lima petakan dan pandjangnja limabelas petakan. Di sabelah Selatan Oetaranja itoe paseban ada doewa bangkoe batoe, di atas mana ada ditaro doewa „Teng” (samatjem koewali jang memake tiga kaki) besi. „Han Thian Kim lantar­an ada mempoenjai tenaga besar,” kata keizer Song Djin Tjong, „di sini ada doewa Teng besi, belon taoe apa ia koewat angkat atawa tida. Di djaman doe­loeka karadja­han Tjin ada seorang gagah jang bernama Beng Poen, telah berlomba mengangkat Teng sama Tjin Boe Ong, tapi ia terseboet belakangan lantaran kahabis­an tenaga djadi binasa. Pauw-kheng, apa inget ini hikajat?”

„Hamba inget betoel hikajat itoe,” djoeoengdjoeangan jang maha moelia, djawab itoe ambtenaar jang di­tanja.

Tan Lim lantas meng­em­pari lagi pada Han Thian Kim dan berkata: „Baginda keizer soeroe kaoe mengangkat itoe kwali-besi, apa kaoe bisa ?”

„Apa jang dikatakan mengangkat koewali-besi ?” balik menanja si Goblok.

„Tida­lah benar djika ia bilang jang ia tjoema bisa makan nasi,” berkata Tan Lim dalam hati, „sebab sekarang ternjata iapoenja otak begitoe poenja poentoel.” Kamoedian ia menoendoek pada itoe „Teng” dan berkata dengan soewara terang: „Itoelah jang dinamaken Teng!”

„Och, kiranja itoe barang permaeanan ketjil,” kata Han Thian Kim. „Apa diangkat sama sebelah tangan atawa doewa tangan?”

„Sama doewa tangan akoe rasa belon tentoe kaow koewat angkat,” kata Tan Lim. „Tjoba kaoe pergi doeloe ke sana boewat tjoba-tjoba.”

Orang tentoe merasa heran bagimana di hadapannja baginda keizer, itoe kapala orang kebiri berani djoeroeskan menoeroet sabagimana ia sendiri poenja maoe. Sebab pada djeman pamarentahan sewenang-wenang, keizer, itoe tida bereda sebagi Allah, jang orang mesti tak­oeti dan hormatken. Tapi pertama lantaran Tan Lim ada sediki orang berani dan rasa besar dalam hal menoeloengkan baginda keizer koetika ditindis oleh orang jang lalim, lagian memandjang keizer Song Djin Tjong ada soed keizer jang bersifat adil dan moer­ah.

Itoe waktoe Tan Lim lantas adjak Han Thian Kim menoedjoek ke sabelah Oetara, tatkala ia berbangkit berdiri, saming— kim ternjata itoe­poenja toeboes jang tinggi dan besar. Hal mana membikin baginda keizer merasa sangat girang. Dalam saat itoe djoega baginda keizer mendapat pikiran boewat meng­angkat Han Thian Kim mendjadi Tjam-tian Tjiang-koen. Kamoedian apabila ada oetoesan dari loewar negeri jang dating menghadap atoew koektik dibilang soerat di kraton bagi kahormatannja oetoesan negeri-negeri asing, boleh sekali djo­et­ken Han Thian Kim boewat oendojek kekerenan pada orang-orang asing; bihari iaorang lihat baginda keren (diluar­rang­nja itoe orang dari Negri Allah (Tiongkok)). Saja­ng se­kali tjoema ada satoe, kalo ada lagi satoe djadi sapa­sang, tentoe akan mendjadi terlebih baek lagi.

Sapangdjang keizer Song Djin Tjong lagi berpikir, Han Thian Kim soeda pondong itoe Teng mendatangkan in depan Liong-touw-koei. Menoeroet adjarannja Tan Lim, di kadoewa koeping­inja itoe kwali-besi d’ikiten tambang jang koewat, kamoedian Han Thian Kim masoekin sabelah tangan dalam itoe tambang dan dengan kadoewa tangan ia pondong itoe Teng dengan memegang pade kadoewa koeping­inja itoe Teng. Sasanjarinja di depan itoe paseban, dengan memandang pada baginda keizer ia menoeroet tiga kali, kamoedian baroe ia taro itoe Teng besi di lantai.

Baginda keizer djoadi tertawa dan berkata: „Han Thian Kim bisa dibandingkan sama Beng Poen di djeman doeloe­ka­la.

Tida lama kamoedian kedoengaran satoe soewara keras berkata: „Dihatoerken trima kasi pada baginda keizer poenja koernia.”

Baginda keizer lantas memberi pangkat pada itoe lima orang, Pek In Seng djadi Soe-pin Tjo-hok-we, Tji Liang Soe-pin Yo-hok-we, Louw T’ien dan Ngai Howi mendjadi Cie-tjan Soe-pin-hok-we, sedang Han Thian Kim mendjadi Tjam-tian Tjiangkoen. Kamoedian djahtoeh boewat hamba itoe orang-orang besarberdahan kitjap dan djad­oe anak-anaknja ponggawa peran, baginda keizer lantas kasiken iaorang gelaran Siauw Ngo Gie. Pauw Kong bersama laen-laennja semoea hatoerken trima kasi atas baginda keizer poenja koernia itoe. Tan Lim lantas soeroe orang pergi bawa itoe sendjata golok, pedang dan sioetjie berikoet notjie, kamoedian soeroe Han Thian Kim bawa kombali itoe Teng besi di tempatnja. Tapi sekarang si Goblok lantas golengken kapala dan menjatakan tida maoe ambil taoe lagi itoe oeroesan.

„Hei, kaloe boekannja kaoe jang bawah balik lagi ini Teng besi,” kata Tan Lim dengan iboek, „abis siapa jang koewat angkat ini barang berat?”

---

FATSAL XVII.

Djoestroe pada waktoe orang lagi bitjara begitoe, koenjoeng-koenjoeng di deket pintoe taman ada kadengeran soewara orang jang berseroeh: „Wang-ong!“ Itoe soewara ada begitoe keras laksana goentoer, maka dengen njata bisa kadengeran oleh baginda keizer, jang mendjadi sanget goesar dan kasi prentah boewat tangkep dan ikat itoe orang jang brani bertreak Wang-ong, kamoedian dibawa ka depan Liong-touw-kok boewat dipreksa.

Tida antara lama kamoedian ampat penggawe kraton telah bawa saorang jang kaki dan tangannja teringkoes. Baginda keizer liat itoe orang toeboenja tinggi, kira lebih dari sapoeloe kaki. Moekanja seperti emas moeda, di kapalannja memake ramboet jang terkepang, sedeng pakeannja serba idjo. Sabagitoe lekas dateng deket di depannja Liong-touw-kok, itoe orang lantas berloetoet dan mendjoera.

„Hamba ada perkara jang sanget penasaran,“ kata ia.

„Ini orang siapa, soeda brani brseroeh Wan-ong di moeloet pintoe taman karadjahan ?“ menanja baginda Song Djin Tjong pada Pauw Kong.

„Hamba oendjoek bertaoe pada djoengdjoengan,“ berkata Pauw Kong sembari berloetoet, „bahoewa ini orang ada orang sabawahannja Tjiong Hiong dari Koensan, she Ie bernama Sia, orang kasi ia satoe gelaran Kim-tong-boe-tek Tjiangkoen.“

Maka Ie Sia berseroehwan-ong di moeloet pintoe taman, tersebab ia bersama Tjiong Hiong dan Ie Gie berkoempoel di soeatoe tempat, di mana ia menjaksiken sarombongan orang pada mengadep pada baginda keizer, biar poen tida dikoerniaken djabatan negri, toch semoewanja pada mendapet persenan emas, perak dan soetra-soetra, koetika iaorang balik kaloewar, semoewa orang hatoerken slamat pada marika itoe.

Tatkala itoe lima pamoeda jang mendjadi rombongan katiga masoek ka dalem, satoe per satoe disoeroe pertoendjoekin masing-masing poenja ilmoe kapandean, itoe semoewa dari sabelah dalem tida brentinja dikabarken ka loewar, malah pada sasoedanja mempertoendjoekin ilmoe kapandean dan dikoerniaken pangkat, dengen lekas orang di sabelah loewar mendapet taoe hal itoe. Biar poen Han Tjiang jang tadinja begitoe berkoewatir atas dirinja iapoenja anak-angkat, Han Thian Kim, satelah mendenger kabar dikoerniaken djabatan Tjan-tian Tjiangkoen, hatinja djadi merasa sanget girang dan semoewa orang pada hatoerken slamat padanja.

„Orang goblok toch ada mempoenjai redjeki njasar,“ kata Tjhio Peng. „Memang djoega orang poenja redjeki soeda takdirnja Thian dan tida bisa salah lagi.“

Itoe waktoe Ie Sia lantas berkata pada Tjiong Hiong : „Apa kaoe bisa tebak apa maksoednja ini oeroesan ?“

„Maksoed oeroesan apa ?“ menanja Tjiong Hiong.

„Djangan kira kaoe orang sekolahan dikataken perkiran loewas,“ kata lagi Ie Sia : „tapi akoe bisa tebak maksoednja kita poenja oeroesan.“

„Maksoed oeroesan apa sih ?“ menegasken Tjiong Hiong.

„Boekantah kita orang telah ditrima menaloek ?“

„Ja, batoel begitoe.“

„Tapi menoeroet akoe poenja pengrasahan itoe penerimahan menaloek boekannja dengen sasoenggoe hati, hanja iaorang pantjing kita orang masoek ka kota radja kamoedian iaorang maoe binasaken kita poenja djiwa.“

„Omong kosong !“ menjentak Tjiong Hiong. „Apa kaoe mengarti maksoednja itoe perkatahan jang kaoe oetjapken ?“

„Apabila kaoe orang tida maoe pertjaja, akoe koewatir pada waktoe kaoe maoe menjesal soeda djadi kasep. Sebab kaloe kenar kita ditrima menaloek, mengapa kita orang tida dikasi koenia djabatan negri seperti jang laen-laennja ?“

„Nanti apabila laen-laennja soeda mendapet gilirannja, baroelah sampe pada kita poenja giliran.“

„Akoe rasa itoe waktoe kita orang aken mendapet giliran boewat ditabas batang leher. Itoelah sasoenggoenja boekan perkara jang enak. Melak-melak kita kena diakalin orang.“ Maka apabila kita tida lebih siang bikin persediahan, sampe pada waktoenja maoe brangkat mati, baroelah kita aken mendjadi njesal.“

„Ach, kaoe djangan omong segala gila-gila,“ menjentak Tjiong Hiong. „Djika menoeroet discipline kaoe poenja perboewatan sekarang, ada satoe kadosahan jang hendak membikin kaloet hatinja pasoekan. Hati-hati, djangan sampe terpaksa akoe djalanken atoeran militair.“

„Apabila kaoe tida maoe pertjaja akoe poenja omongan.“ kata lagi Ie Sia jang membatoe teroes, „akoe sanget koewatir biar poen bertemoe moeka pada baginda keizer djoega tida bisa. Maka menoeroet akoe poenja pikiran lebih baek kita terbitken satoe kaonaran, soepaja kita di-ikat boewat dibawa mengadep pada baginda keizer. Itoe waktoe biar poen kita moesti dipanggal batang leher djoega, kita bisa brangkat mati dengen mata meram, sebab soeda mengalamken berhadep-hadepan sama baginda keizer.“

„Kaloe kaoe teroesken kaoe poenja omongan gila,“ kata Tjiong Hiong, „sekarang djoega akoe lantas ringkoes pada kaoe.“

Ie Sia tida brani bitjara lagi ; tapi dalem hatinja lebih siang ia soeda menjimpen satoe niatan. Dengen perlahan ia mendekati ka pintoenja itoe taman boengah. Sabagitoe lekas ia sampe di sitoe dengen keras ta berseroeh wan ong. Ie Gie djadi sanget terpandjat dan dengen tjepat memboeroe padanja. Ia tendang soedaranja sampe kadjoengkel, kamoedian ia minta tambang pada iapoenja pengikoet dan lantas ikat Ie Sia sabagi djoega mengikat satoe samseng. Blakangan Tjiong Hiong dan Ie Gie poen pasrahken diri sembari taro marika poenja kadoewa tangan di blakangnja bersedia boewat diringkoes.

„Tjhio taydjin,“ kata Tjiong Hiong. „akoe harep kaoe soeka meringkoes pada kita berdoewa, kamoedian menoenggoe prentahnja baginda keizer.“

„Saorang jang berboewat saoerang jang moesti tanggoeng,“ kata Tjhio Peng, „kaoe berdoewa sama-sekali tida tersangkoet sama ini oeroesan.“

Tida antara lama prentahnja keizer soeda dateng, jang menjoeroe bawa itoe orang jang baroesan bertreak, Ie Sia lantas dibawa ka atas tangga batoenja itoe paseban, di mana ia berloetoet dan mendjoera.

Pada sasoedanja baginda Song Djin Tjong menanjaken katerangan pada Puaw Kong, lantas menanja pada Ie Sia : „Kaoe ada perkara penasaran apa ? Sekarang kaoe boleh toetoerken di hadepan kami dengen teroes-terang.“

„Idamba jang berdosa berdiam di Koensan,“ kata Ie Sia, „soeda menerima baginda keizer poenja boedi boewat menaloek dan ganti perboewatan jang tida baek. Baroesan Han Thian Kim mengangkat Teng besi telah dikoerniaken pangkat, tapi itoe orang poenja ilmoe kapandean ada sanget terpaoet sama hamba poenja. Oleh kerna hamba merasa koewatir tida bisa berdjoempa pada djoli baginda, djoengdjoengankoe dan sabaliknja merasa sanget koewatir sabentar aken dikaloewarken satoe firman, jang mamerentah memboenoeh pada hamba semoewa, itoelah sebabnja baroesan hamba soeda ambil kabranian berseroeh wan-ong. Dengen berboewat begitoe, tentoe sekali hamba aken diringkoes dan dibawa mengadep di hadepan doeli toewankoe. Djika hamba soeda bisa bertemoe sama baginda, biar moesti mati poen hamba bisa brangkat dengen kadoewa mata meram.“

„Pada sasoedanja kami menerima kaoe orang menaloek,“ kata baginda keizer, „masatah kami tega memboenoeh pada kaoe-orang ? Kami tida nanti berboewat perkara tida adil jang saroepa itoe. Baroesan kaoe tjela Han Thian Kim poenja kapandean. Baek, sekarang itoe Teng besi masi ada di sitoe, bila kaoe bisa taro kombali di tempatnja jang asal, kami maoe bebasken kaoe poenja saäntero kadosahan.“

Ia Sia lantas menjioem boemi dan berkata : „Hamba jang berdosa menerima doeli toewankoe poenja prentah.“

Baginda keizer prentahken sopaja Ie Sia poenja tali ikatan dilepasken. Itoe bebrapa soldadoe pengawal lantas malakoeken prentah. Ie Sia pada sasoedahnja menghatoerken trima kasi lantas berbangkit. Ia poen lantas sangketken itoe tambang di poendaknja, kamoedian dengan kadoewa tangan ia pegang koepingnJa itoe kwali-besi dan angkat ka atas dengen goenaaken sa’ntero tenaga kakoewatannja. Ternjata iapoenja kakoewatan ada djatoe lebih besar dari Han Thian Kim dan djika dilihat dari iapoenja sikap, ia mengangkat itoe dengan tidak terlalu menojoeskan padanja. Pada sasoedanja ia bertindak tiga kali ke depan dan menoeder tiga kali ka belakang, ia lantas djalan mengiringi itoe arah sampai pada poetoeran, baroelah ia balik kombali ka hadepannja baginda keizer, manggoetken kapala tiga kali.

Kamoedian dengan tindakan pesat dan tetap ia menoedjoe ka Oetara dan dengan sabar ia taro kombali itoe Teng besi di atas pilar batoenja. Sasoedanja beres baroelah ia balik kombali dan berletoetoet di hadepan baginda keizer, jang meliat itoe semoea perboewatan dengan mendjadi sanget girang. Baginda pikir Han Thian Kim poenja toeboe jang tinggi besar, tadinja ia merasa ingin sekali boewat dapetken lagi satoe pangkat sasoedanja ia menang dengan satoe tandjoek. Lantas dikaloewarken satoe perboewatan bahwa Ie Sia poenja semoewa kadoasahan jang tadi dibebasken, salaennja itoe dianoegraken djoega pangkat Tjam-tian Tjiangkoen.

Ia Sia kemoedian bangkit menghatoerken trima kasi.

Baginda keizer kaloewarken lagi satoe prentah boewat memanggil Tjong Hiong dan Ie Gie mengadep. Tida antara lama kamoedian itoe doea orang soeda dateng mengadep dengan berloetoet dan mendjoera. Baginda keizer soeroe ia orang itoe goeloeng baju badan dan kapala.

Baginda Song Djin Tjong liat Tjong Hiong memake kaen boengkoesan warna abang kapala jang berwarna idjo dan di tengah-tengahnja, maka ia ada memake perhiasan toelang poetih, sedeng ia poenja semoewa pakean berwarna biroe terang. Parass moekanja tjakep seperti satoe potong batoe giok, di antara bibirnja ada memake koemis dan djenggot pendek. Tapi koetika meliat roepanja. Ie Gie dan iapoenja sa'antreo dandanan jang mirip sekali sama pak Giok Tong, kombali baginda keizer men mendjadi sedih, tapi sabrapa bisn singkirken kasedihannja itoe.

Tapi baginda keizer merasa sanget soesa dalem perkara mengasi djabatan pada Tjiong Hiong, jang mendjadi Tjee-tjoe dari satoe boekit seperti Koensan, jang ada delapan ratoes lie loewasnja. Djika hendak dikasi djabatan jang ketjil, tentoe sekali ia tida soeka, tapi djika maoe dikasi djabatan besar ia tida mempoenjai djasa satoe apa. Apapoela ia soeda perna mendapet gelaran Tjinsoe dalem ilmoe soerat dan perang. Tjoema sadja dasaran satoe keizer jang pinter, dalem sedikit sa'at kamoedian soeda bisa pikir satoe djalan baek. Ia anoegrahken Tjiong Hiong satoe titel Sam-pin Kek-kheng. Ini gelaran ada sanget tinggi, tapi tida mempoenjai kakoeasahan jang sasoenggoenja, jang sedikit banjak ada mirip dengen satoe djabatan advisieur radja. Pada semoewa radja moeda dan laen-laen orang jang bergelaran bangsawan begitoe poen pada gouverneur dan oetoesan radja, iapoenja deradjat ada sama. Laen dari itoe ia di idzinken poelang ka Koensan boewat menoenggoe prentah, tapi tida perloe moesti dateng mengadep. Ie Gie lantaran ia poenja roman ada mirip sama Pek Giok Tong, lantas dikoerniaken pangkat Soe-pin Hok-wie.

Laen-laen Tjee-tjoe dari Koensan semoewanja dikasi titel dari djabatan Liok-pin Hauw-wie, kamoedian apabila iaorang soeda berboewat djasa apa-apa pada negri aken dikasi kanaekan lagi. Sedeng sasoeatoe liauwlouw dari itoe boekit dikasi persen satoe bagian rantsoem, sabagimana djoega pasoekan balatentara negri. Pada sasoedanja baginda keizer mengasi gandjaran dengen beres, Tjiong Hiong, Ie Sia dan Ie Gie semoewanja menghatoerken trima kasi dan teroes moendoer. Sedeng itoe „Siauw Ngoe Gie“ lebih siang soeda ada orang jang bawaken iaorang poenja barang-barang dan itoe waktoe djoega sama-sama berdjalan kaloewar. Semoewa orang saling menghatoerken slamat dengen riboet.

(Ada samboengannja).