127
hari sampe sekarang masih ditahan teroes.”
„Kaloe barang jang kaga betoel bagimana ini anak moesti disoeroe mengakoe,” saoet Gouw Soewing dengen djengkel.
— “Goea sendiri pertjaja loe poenja katerangan, tapi kaloe commissaris tinggal tetep dalem sangkaännja, tida satoe orang bisa tjega loe berdoea ditahan selama dilakoeken onderzoek. Sabaliknja kaloe si Ke Eng akoein sadja dan bilang betoel naek spede berdoea zonder lentera, dan ia kasih nama palsoe lantaran takoet ditangkep dari sebab bodonja, ini perkara goea tanggoeng tida djadi apa-apa, paling banjak tjoemah didenda. Sekarang loe pikir sendiri, mana lebih baek, didenda sedikit atawa dimasoekin dalem boewi bebrapa minggoe, dan boleh djadi kenjang digeboekin djoega.”
— “Kaloe didenda berat owe toch kaga bisa bajarin, pengabisannja moesti masoek diboewi djoega,“ kata Gouw Soewing sambil gojang kepala.
— „Itoe perkara loe djangan takoet, kaloe didenda nanti goea jang bajar. Laen dari itoe, kapan soedah beres, goea nanti kasih loe doeit, sebab goea kasian pada sienshe Pauw Sian, jang bakal toeroet masoek boewi lantaran anaknja kaga maoe
