MOEHOEN DIPERHATIKEN
Perminta'an adres baroe, atau kirim postwissel dari mana djoega, haroes tida di loepaken toelis:
ADRES LAMA
dari sesoeatoe abonne poenja tempat tinggal.
Agar kita bisa oeroes dengen lekas!
Boeat perhatian mana dengen ini di hatoerken banjak trima kasi.
ADM.
YIN LAN
Oleh: CHEN WEN ZWAN.
JIN LAN!
Als dan uw oog welligt op deze bladen staart
En gij aan vroeger tijd met weemoed zult gedenken,
Wijd dan een oogenblik aan hem wien ge alles waart,
En wil zijn naam een deel van uw herin'ring schenken
MULTATULI.
I
SANATORIUM TJIBEULEUM.
15 November 1933
Akoe masih inget betoel itoe tanggal, di mana akoe telah berdjoempah pertama kali pada Yin Lan, dari siapa akoe telah dapetken bahan-bahan boeat karang ini tjerita.
Pada sasoeatoe orang satoe koetika ada terbit itoe pengrasa'an telah dalem lahir dan batin, tida mempoenjai soemanget boeat bekerdja, dengen ringkes satoe pengrasa'an jang membikin kita bentji pada kita-poenja pakerdja'an, merasa ewa pada segala apa jang berada di sakiter kita dan segala apa jang kita lakoeken ada serba terpaksa. Tapi toch pakerdja'an jang kita lakoeken ada mengasih tjoekoep hasil boeat kita hidoep sederhana, dan lebih dari itoe lagi, pa-
