DITJITAK OLEH:
DRUKKERIJ HAHN & Co KAMP. DORO — SOERABAIA. |
SEDIKIT OETJAPAN :
TJINTA itoe memang ada satoe benda jang adjaib. Kita tida boleh banggaken bahoea kita poenja diri soedah tanggoeh dan tida aken mempan toesoekannja iapoenja panah, sebab banjak terdjadi iapoenja kadatengan ada sawaktoe-waktoe dan di loear kita poenja kainginan,
Banjak orang tida bisa pisahken atawa bedaken tentang antara Tjinta dan Nafsoe.
Satoe waktoe, dengen zonder tersoeroeng oleh Nafsoe boeat poenjain dirinja, kita bisa menjinta pada siapa jang poenjain pengaroe-pengaroe aloes atawa sifat-sifat jang menjotiokin kita poenja perasa’an.
Kita menjinta, kita rampas sa'antero perasa'an dan ka'agoengannja, tapi kita tida reboet dan roesaken iapoenja djasmani, kerna ka-ada'an tida mengidjinken itoe. Inilah ada Tjinta jang sedjati, Tjinta boekan kena tersoeroeng oleh nafsoe-nafsoe kasar.
