-278-
FATSAL 607.
Di waktoe membikin pertanggoengan atas pemindjeman, maka djjoemblah dari oeang jang dipindjemken dan premie dari pemindjeman moesti diseboetken masing-masing di dalem polis. Kaloe ini tida diseboetken di dalem polis maka dianggep jang boeat premie-pindjeman tida ada dikasi masoek assurantie. (preksa K. fatsal 608, 631, 659).
FATSAL 608.
Pertanggoengan atas pemindjeman tida bisa dianggep kaioe daiem polis tida disebotken tentang:
namanja itoe fihak jang pindjem oeang, maskipoen ia ini ada mendjabat kaptein;
namanja kapal dengen mana perdjalanan aken dibikin, dan namanja kaptein;
tempat jang vakal disampeken oleh kapal;
penjeboetan apa oeang boeat pembetoelan atawa laen-laen ongkos jang perloe dibriken di tempat jang bakal disampeken atawa di satoe pelaboean perlindoengan. (preksa K. fatsal 256, 600).
FATSAL 609.
Kaloe dalem perdjalanan kaptein merasa perloe boeat bikin pemindjeman oeang, maka jang memberiken pindjeman itoe boleh soeroe pertanggoengken pemindjeman begitoe roepa maski pada sabelonnja. barang jang didjadiken tanggoengan boeat pindjeman telah diassurantieken. (preksa K. fatsal 252, 599 ajat 3, fatsal 611).
