Halaman ini tervalidasi
— 111 —
- kahan jang Tjeng Giok soeda lakoeken sama Nora di Batavia, sewaktoe"ia (Keng Sin) dalem sesat.
- Lantaran Nora ada anak satoe-satoenja, dan Keng Sin sendiri tida poenjaken anak lelaki, selaennja begitoe poen ia soeda masoek oesia toewa, maka moelai dari abis menikah, djedjaka kita tida balik lagi di Batavia, boeat landjoetken itoe kerdjahan jang ia masih pegang, hanja tinggal teroes dalem itoe gedong di Seteran, kerna sedari itoe waktoe Lim Tjeng Giok diangkat djadi koeasa dari antero peroesaha'annja" entjek Keng Sin.
- Selagi Tjeng Giok dan Nora hadepken itoe penghidoepan jang goemilang, adalah Henri Tjoe moesti itjipken itoe matjem penghidoepan dari orang boeangan, kerna landraad Soerabaja dengen boekti jang tjoekoep terang soeda bisa bikin terboeka sapoeloeh perkara gelap, dalem mana sebagian besar Henri ada pegang rol teroetama. Ini noda soeda tjemarken kahormatannja familie Tjoe, maka tida heran berselang brapa lama kamoedian ajahnja Hoe djedjaka pemogor brangkat ka laen doenia saking tida tahan maloe.
- Penghidoepan jang penoeh kaberoentoengan dan kasenangan dirasaken oleh itoe sepasang merpati jang saling menjinta dengen toeloes dan soetji. Satoe satengah taon kamoedian iaorang dikoerniaken satoe anak lelaki dan satoe anak prampoean jang dilahirken dengen kembar.
T A M A T.
