-38-
-39-
anting-anting dan gelang tangan tertaboer berliant tida katinggalan.
Itoe gadis ada poetrinja toean roemah jang diseboet Nelly, dan ini hari djoestroe ada dibikin sedikit theehwee di antara kaoem familie dan kawan sekolanja, boeat merajahken atas pertoendangannja dengen satoe djedjaka poetranja satoe hartawan di itoe kota.
Nelly dengen separo berdjingkrak lantes papak dan djabat tangan sobatnja, tetapi ia djadi sedikit melengek koetika liat Tjeng Giok, toch sebagi gadis modern ia tida djadi goegoep hanja manggoetin kepalanja, jang disamboet oleh djedjaka kita dengen sopan dan sabar.
Marika berdoea laloe disilahken masoek ka roeangan dalem, dimana ada doedoek berkoempoel sarombongan anak-anak moeda lelaki dan prampoean dan antara mana ada terdapet brapa couple (pasangan) orang-orang satengah toewa jang boleh djadi ada kaoem koelawarga dari toean roemah.
Nora laloe adjakin Tjeng Giok katemoein toean roemah doeloe boeat perkenalken padanja, kamoedian baroe pada sekalian tetamoe jang hadlir. Koetika soeda doedoek mengobrol sakean lamanja, dan dirasa bakal tida ada jang dateng lagi, toean dan njonja roemah, demikian poen kadoea bakal besannja, samentara Nelly dengen bergandengan tangan sama toendangannja, mengoendang semoea tetamoenja boeat moelai dengen itoe perdjamoean thee.
Marika menjamperin satoe medja pandjang jang dirias dengen brapa vaas tertantjep boenga-boenga, dan di sakiternja penoeh dengen tjangkir-tjangkir serta piring-piring koewee.
Satelah semoea tetamoe doedoek berkoempoel, Heng Kiat satoe anak moeda, jang djadi kaponakannja toean roemah, lantes bangoen berdiri dan kasiken satoe speech, jang ringkesnja ada menoetoerken, bahoea itoe perdjamoean thee ada boeat keslametan atas pertoendangannja Nelly Kwee dengen Fredie Tan, poetra dari toean dan njonja Tan K m Beng.
Pridatonja itoe djedjaka disambɔet dengen applaus jang goembira oleh sekalian tetamoe jang hadir di sitoe, katjoeali satoe pemoeda jang berpakean palm-beach warna aboe-aboe, jang keliatannja alim sekali. Tetapi kaloe orang tjoba perhatiken ianja, nanti dapet kenjatahan, bahoea itoe djedjaka sabentar-bentar mengelah napas, seraja matanja saban-saban melirik ka djoeroesan Nora dan kamoedian pada Tjeng Giok.
Roepanja dalem hatinja itoe djedjaka menanja: Siapatah adanja itoe nona moeda dengen rok biroe toewa, maski ia tjoema berpakean begitoe saderhana dengen satoe kaloeng moetiara jang mel bet lehernja jang montok dan poetih, sedeng pada gelang-gelangan tangannja ada terdapet satoe horloge tangan dari mas, toch ketjantikannja tida berbeda dengen poetri dari kajangan Apatah marika ada bersoeami-istri, atawa baroe sadja bertoendangan?
Djika betoel marika ada soeami-istri, atawa masi dalem pertoendangan, kenapatah iaorang tida lakoeken hal-hal jang bersifat romantic sebagimana oemoemnja diperboeat oleh pasangan-pasangan jang modern? Atawa iaorang tida lebih tjoema bersobatan sadja ? Begitoelah achirnja itoe djedjaka samboeng pertanja'annja dalem iapoenja hati jang teroes bergontjang.
Sakean waktoe lagi ia teroes berpikir keras, maski semoea tetamoe laennja pada asik mengobrol dengen goembira; mendadak iapoenja paras moeka djadi berobah merah, sebagi djoega ia koeatir kaloe iapoenja
