-36-
-37-
IV.
DATENGNJA SATOE SAINGAN.
Kaloe itoe boenga oleh koepoe-koe-
poe jang djadi harepannja,
Soeda bisa dimentjlokin di antara sa-
kean lembarannja,
Soeda tentoe sekali sang Koembang
poen djadi tetoeroetan,
Hingga itoe tempat achirnja djadi itoe
barang reboetan.
Lontjeng mengoetaraken poekoel toedjoe sore, itoe waktoe di antero straat di kota Semarang soeda djadi terang benderang dengen panerangannja lampoe-lampoe electric, hingga membikin itoe kota djadi semingkin indah.
Di depan satoe gedong besar jang letaknja di Seteran ada menoenggoe satoe auto Packard tjet coffie jang diboeka antero kapnja. Tida lama kamoedian dari dalem itoe gedong keliatan kaloear satoe gadis jang parasnja tjantik sekali dengen pakean rok warna biroe toewa, dan berbareng di blakangnja ada djalan satoe pemoeda jang maski berpakean amat saderhana, jaitoe open-jas dari flanel poetih dan dasi warna oengoe, toch ada amat sembabat dan tida koerang kerennja dengen itoe nona
Kaloe orang tjoba bandingken itoe doea pemoeda, ia tentoe aken mengakoe, bahoea marika sasoenggoenja ada amat setimpal satoe sama laen.
Itoe doea pemoeda boekan laen pembatja dari kita poenja kenalan lama Tjeng Giok dan Nora. Marika samperin itoe auto, dan Nora pegang stuur, samentara Tjeng Giok doedoek di sabelahnja. Rodanja auto sigra djoega moelai mengglinding, dan teroes di lariken menoedjoe ka djoeroesan prapatan, dari mana kamoedian dibiloekin ka djoeroesan Plampitan dengen meliwatin Kranggan, kamoedian dibrentiken di depannja satoe gedong besar jang terkoeroeng oleh pager djeroedji besi.
Tjeng Giok lantes toeroen doeloean dengen memboeka pintoenja auto. Marika laloe menoedjoe ka pekarangan itoe gedong, tapi baroe sadja berdjalan brapa tindak, Tjeng Giok lantes merandek, hingga bikin Nora djadi heran dan menanja :
„Engko kenapatah kaoe brentiken tindakanmoe, marilah kita masoek.”
„Saja merasa sedikit tida enak, kerna saja tida kenal pada toean roemah, dan apatah kedatengan saja tida djadi halangan bagi marika?”
„Ach tida bisa djadi, engko Tjeng Giok, kerna saja soeda kenal baek pada entjek dan entjim Tjoan Bie, demikian djoega pada poetrinja, Nelly, jang semoeanja ada amat manis boedi, kendati terhadep tetamoe jang belon dikenal.”
Satelah dapetken ini djawaban, baroelah djedjaka kita landjoetken poela tindakannja, dan marika laloe menoedjoe ka dalem itoe gedong.
Tetapi baroe sadja sampe di depan rorak roemah, dari serambi depan, keliatan mendatengin satoe nona moeda, dengen pakean japon merah-dadoe, samentara ramboetnja jang dibobbed tersisir dengen rapi, dan boeat tambahken itoe ketjantikan djadi semingkin gilang-goemilang, satoe liontine berliant mata satoe, tergantoeng di lehernja jang djoengdjang; sapasang
