-16-
-17-
soeda masoek dalem kamar mandi, hingga ia tjoema pesen pada djongos boeat lantes kasi taoe pada madjikannja, bahoea di loear ada tetamoe jang sedeng menoenggoe.
„Engko Tjeng Giok, papa sekarang ada dalem kamar mandi, saja rasa sepoeloe meniet lagi ia bisa dateng disini,“ kata Nora koetika ia soeda sampe di depan, kamoedian zonder menoenggoe lagi djawabannja itoe tetamoe, ia laloe menjamboeng: „Saja harep engko tida djadi ketjil hati, kaloe sekarang saja tinggalken engko sendirian disini, kerna saja djoega ada kaperloean jang moesti diberesken sekarang.“
Tjeng Giok melaenken manggoetken kepalanja, samentara Nora berlaloe dengen lebih doeloe loekisken satoe senjoeman di bibirnja.
Brapa meniet berselang Keng Sin kaloear dan katemoeken tetamoenja, sama siapa ia mengobrol dengen asik sekali.
Nora itoe waktoe sasoedanja ganti pakeanna, dengen rok jang ia biasa pake sehari-hari di roemah, ia laloe masoek di kamar boekoe, dari mana ia bisa denger teges apa jang dibitjaraken di loear.
Pembitjaraan jang dilakoeken antara Keng Sin dan Tjeng Giok itoe waktoe permoela ada menjangkoet oeroesan voetbal, antara laen-Iaen itoe toean roemah minta dengen sanget soepaja pemoeda kita bisa bela soenggoe hati iapoenja perkoempoelan boekan tjoema terhadep perkoempoelan dalem kota, tetapi djoega terhaQep dari laen kota.
Tetapi blakangan Keng Sin moelai toetoerken bahoea berhoeboeng dengen sakitnja iapoenja boekhouder, maka boekoe sakean lama djadi belon dibereskan, lantaran ini ia minta soepaja Tjeng Giok bisa bantoe beresken itoe di waktoe sore, sepoelangnja kerdja sampe djam sembilan malem, samentara kapan soeda selese pemoeda kita katanja aken dikasi persen jang satimpal.
Ini tawaran oleh Tjeng Giok tida lantes ditrima, hanja njataken hendak pikir doeloe, kerna ia sendiri poenja kerdjahan ada banjak, hingga kadang-kadang kapan perloe ia moesti poelang sampe malem.
„Entjek, boeat itoe kerdjahan extra jang entjek tawarken sabetoelnja ada berarti sato pengasilan loemajan boeat saja, tetapi sebab saja koeatir saja poenja kemampoean belon tjoekoep boeat beresken itoe, dengen tjara jang memoeasken, maka saja belon brani trima, selaennja begitoe poen saja sendiri poenja kerdjahan kadang kali moesti dikerdjaken di waktoe malem,“ Tjeng Giok soeda kasi djawaban boeat tawarannja itoe toean roemah.
„Boeat itoe neef troesa iboekin, kerna kerdja'an ini neef bisa beresken dari djam anem sampe djam delapan atawa sembilan malem. Sedeng boeat oeroesan memoeasken atawu tidanja, itoe neef tida oesah tanjaken lagi, kerna saja taoe kaloe neef ada djadi penggawe dari saja poenja soedara jang paling kepake. Saja minta dengen sanget soepaja neef tida tolak saja poenja perminta'an, kerna saja ada perloe sekali, apa poela ini waktoe moesti toetoep boekoe di boentoetnja taon.“
Lantaran dipaksa achirnja Tjeng Giok sanggoepin, dan berdjandji salekasnja ia nanti lakoeken itoe kerdjahan.
“Tapi dimana saja moesti kerdjaken itoe?” menanja itoe djedjaka.
„Saja rasa baek neef kerdjaken disini sadja, agar tida berabe boeat bawa itoe boekoe-boekoe.“