41 ta kita minta brenti sadja poelang ke kampoeng kita jang lama akeņ senangin kita poenja sisa oemoer keidoepan. Tiada taoe Tek Kong begimana ia minta lepas djabatannja di kaboelken atau tiada, tjoba liat fatsal di sebla bawa nanti dapet kenjataannja . Fasal 3. Orang dorna pake tipoe dorna kaniaja orang jang bidjaksana. Naga jang doerhaka bikin doerhaka karamken manoesia anjoet dalem aer. Kata jang ampoenja tjerita .
Tek Kong telah ber-
dami tetep dengen istrinja , lantas pada maleman itoe, dia toelis sepoetjoek soerat rekest minta lepas pangkat,
akan koeboer
iboenja dan besok paginja lantas
dia pegi ka kantor Gouverneur, minta toeloeng persemibaken soeratnja pada Baginda Keizer akan minta lepas dari
djabatannja, maka Gouverneur trima soe-
ratnja , komedian Tek Kong poelang ka roemanja rapi rapi-in barang-barangnja aken sedia brangkat toenggoe poetoesan dari pada Maha Keizer. Tjerita poela Soen Sioe soeda selese membagei-bagei oewang pada orang orang toewa dari nona-nona jang masoek di harem, maka pada hari itoe djoega lantas dia balik poelang ka Kota-Radja dalem mana ada brapa pembesar-pembesar soeda banjak brihken dia boengkoesan, dan dia memang seorang jang terlaloe seraka, maka
