29
Keizer Tjin Tjong meliat poela boekoe nama nona nona jang tertoelis nona nomor 2 bernama Khouw Sin Gie, lantas keizer bersabda: ini nama Sin Gie betoel satoe nama pantes, lantas nama nona itoe di obaken djadi nona nomor satoe dan prenta dajang- dajang bawa itoe 80 nona-nona seraken pada astana permisoeri soepaija di bageiken ke laen kamar-kamar.
Pada besoknja keizer prentah kasi kloewar oewang dari dalem kas 16000 tail aken kirim ke-kota San See soepaija di bagei-bageiken kapada itoe nona -nona poenja orang toewa seperti ganti dia orang poenja .ongkost piara anaknja. Pada itoe hari Tek oleh
Siotjia di sisirin dan di hiasin
dajang- dajang masoek dalem astana Lam Tjeng
Kiong, koetika itoe Pe Ong lebi doeloe djoedjoe ke astana keizer , menjodjaken bri trima kasi keizer poenja boedi, komedian doedoek di tenga-tenga patarana, semantara ada dajang-dajang dan nona moelia kloewar dateng di hadepan patarana berdjoempa pada Pe Ong berdjalan adat
tjara radja dengen mantri, komedian
baroe menjodja langit dan boemi, koetika itoe kiri kanan kedengeran swara tetaboean bersiik di koeping setelah kemanten soeda abis menjodja , maka dajang dajang dandan nona elok balik masoek ke-dalem dan pada hari itoe dalem astana Lum Tjeng Kiong boeka medja festa dan semoea mantri civiel dan militair membrih slamat nikanja Pangeran Pe Ong dan minoemminoem di astana, sampe sore baroe pada boebaran, dan
