8
berdoedoek mengomong sebentaran dan malemnja lantas bikin pesta ini troesa di tjerita lagi. Tjerita-in dalem kota Taij Goan Hoe ambtenaar-amb-tenar civiel militair besar ketjil ada 50 lebi pengawe tatkala itoe dapet taoe jang Keizer titahken memili nona-nona jang tjakap dan pande aken isihken dalem astana, maka semoe penggawe-penggawe tiada brani teledorin titahan, itoe ambtenaar Ti Hoe (1) sigra prentain pada Tie Koan (2 ) dan Tie Koan lantas soeroe pangil semoea kepala -kepala distrik, semantara kepala kepala distrik pada dateng berkoempoel dalem kantor Tie Koan dan Koan Tjoe (5) lantas bilang pada marika itoe, jang titahan Keizer hendak memili 80 nona nona tiada perdoeli anak perampoean dari orang bangsawan atau particulier jang dari oemoer 13 taon sampe oemoer 19 taon djika roepanja tjakap dan paham pakerdja hannja semoea misti lapor namanja masoeken dalem boekoe, dan di kasi tempo dalem 10 hari misti maoe sedia sampe 80 nona-nona aken toenggoe oetoesan memili, djika ada jang semoeni-in namanja dan moengkir perentahan radja serta sekongkol, nistjaia nanti di hoekoem brat tiada di ampoenin lagi. Semoe kepala-kepala distrik trima prentahan itoe.(1) Tie Hoe, seperti di Betawi pangkat Resident. (2) Tie Koan, " " " " Assistent-Resident. (3) Koan Tjoe, " " " " Toean Assistent-Resident.
