-85-
dia lantas semboeni dimana tjela-tjela goenoeng dan kaloe orang Japan tiada liat padanja marika itoe dari blakang dengen diam-diam naarika itoe lantas tembak pada orang Japan sampe djadi lari sana sini kabingoengan, apa lagi marika itoe ada bikin bebrapa banjak tanaeng jang lebar-lebar jang bole di pake boeat 2 orang, ada dateng mengoedak pada orang Japan kloear mererot-rerot dari lobang-lobang goenoeng sampe orang Japan kepaksa misti lari balik ka poelo Taij Pak, dan dari itoe orang paroesoean djoega masing-masingvpoelang katempatnja boeat tjari pangidoepannja.
Orang Japan sasoedanja poelang di loear poelo Taij Pak, ada berdoedoek diam sampe bebrapa hari, tapi pada swatoe hari tatkala balanja orang Japan lagi meronda dimana tapel watas, soeda di goda lagi oleh orang Tjhe Hoan, sahingga bala Japan banjak jang mati terboenoe, maka setelah kepala dari orang Japan dapet kabar djadi terlaloe mara lantas prenta lagi bebrapa ratoes bala tentaranja boeat tjari itoe orang Tjhe Hoan, tapi tiada bisa ketemoe barang sabidji, maka disitoe kepala dari orang Japan mendjadi mara, lantas dia soeroe tangkep-tangkepin anak negri disitoe kira ada 10 orang lebi di boenoe mati, membikin senang hatinja.
——————
FATSAL XXI.
Perang jang ka-doea poeloe.
——————
Tjerita Djendral Lauw jang sentiasa lagi berdami pada sekalian raantri-mantrinja beserta Lauw Taij Kongtjoe
