— 77 —
Djendralnja orang Japan jang ada berdiam di loear poelo Taij Pak serta mendapet denger jang bala tentaranja soeda dapet binasa sama sekali di dalem poelo Taij Pak, mendjadi kaget dan bengong seperti orang jang kasima, komedian dia lantas berdami poela pada sekalian mantri jang ada disitoe demikian katanja:
» sekalian toean-toean mantri begimana sekarang
» ini jang soeda bebrapa kali kita orang soeda boeka
» peprangan sentiasa dapet kebinasa-an sadja, hingga bi-
» kin akal begini, atau begitoe djadi serba sala sadja
» tiada djoega bisa menaloekin padanja, mana lebi bae
» sekarang kita orang sendiri hendak pergi mengadep
» pada Djendral Lauw boeat boedjoek padanja, kita
» maoe tjoba adoe kita poenja lida jang kita rasa tentoe
» dia orang soeka denger kita orang poenja bitjara, itoe
» kita rasa lebi bae dari kita pergi bawa bala tentara
» 10,000 serang padanja itoe samoea soeda tiada bisa
» bergoena lagi.”
Satelah Djendral orang Japan abis kata begitoe lantas ambil bebrapa pengikoetnja hendak brangkat, tapi sekalian mantri-mantri jang ada disini samoea lantas tjega tiada kasi pergi, tapi Djendral orang Japan lantas berkata lagi,
» apa angkau masi maoe toeng
» goe orang Taij Wan dateng iket kita poenja tangan ?
» mana lebi bae sekarang kita orang tjoba tjoba adoe
» kita poenja lida, laen dari itoe kita orang rasa tiada
» ada laen akal lagi, dari itoe sekarang baelah angkau
» sekalian djangan tjega lagi orang poenja maksoed.”
Sehabisnja kata begitoe lantas prenta bebrapa pengikoetnja aken bawa bandera poeti teroes berdjalan menoedjoe ka Taij Lam, tatkala sesampenja dimana
