-76-
koep, sedeng anak-anak negrinja di Taij Wan kebanjakan orang jang hartawan, samoea ada dengen soenggoe hati boeat bantoe pada Djendral Lauw, kerna marika itoe ada penasaran sekali atau kepengen tjoba ada bebrapa besar tenaganja orang Japan bisa dateng poekoel di Taij Wan demikianlah adanja.
Orang Japan poenja adat, jang kaloe satoe kali ia dapet kamenangan perang, lantas sadja marika itoe dengen girang hati teroes bikin pesta makan dan minoem, dia tiada maoe pikir di blakang jang kaloe-kaloe nanti dia dapet poekoelan jang keras jang bole lantas bikin linjap djiwanja, dari sebab itoe maka keblakangan tiap-tiap dia pergi menjerang lantas dia dapet karoesakan, sabingga sampe sekarang belon taoe satoe kali dia dapet kamenangan, maoe moendoer, maoe madjoe djadi serba sala, dan soeda bebrapa kali orang Japan soeda tjoba tjoba aken memboedjoek pada Djendral Lauw. seperti jang dia soeda poekoel di laenlaen tempat zonder angkat sendjata lagi dangen 1 djara sadja orang Japan lantas bisa dapet doedoekin dimana jang dia soeka, tapi ini Djendral Lauw ada seperti satoe maljan jang tiada begitoe gampang denger moeloet boedjoekan atau mata doeilan sahingga ini tempo bole di bilang orang Japan soeda ke abisan akal, begitoe poen tiada oeroeng dia orang maoe tjoba-tjoba djoega boeat boedjoek pada Djendral Lauw jang barangkali kiranja Djendral Lauw poenja hati bole berbalik, pada hal Djendral Lauw poenja hati djadi seniingkin taba, sabingga bole di kata Djendral Lauw hat tiada mata sekaH pada orang Japan, seperti jang terseboet di bawa ini:
