-72-
kira ada 100,000 kepala lebi, seperti semoet banjaknja, dangen terpili orang jang kasar dan gagah perkasa, maka disitoe dengen sigra Djendral Lauw prenta pada balanja sendiri jang mengarti boeat adjar barisan pada itoe orang batak jang perloe misti di pake serta di adjar menembak dan pegang sendjata pedang roepa-roepa ilmoe.
Komedian Djendral Lauw prenta lagi bebrapa banjak orangnja boeat pergi di mana goenoeng-goenoeng jang soelit-soelit tempatnja boeat bikin bebrapa lobang-lobang serta di tanemin obat pasang atau dijnamid dan bebrapa riboe kwali besi di soeroe atoer dimana lobang lobang boeat binasaken pada moesoe. Dan lagi di prenta pada bebrapa ratoes soldadoenja di soeroe pake tjara preman boeat menjaroe djadi orang dagang aken mendjoeal beli pada orang Japan jang ada di loear poelo Taij Pak, soepaja orang Japan djangan doega atau dapet taoe dan bole melaga taloek pada Japan.
Tatkala marika itoe soeda adjar kenal pada orang Japan hingga bebrapa hari lamanja komedian orang Japan soeda djadi pertjaja betoel padanja, lantas memboedjoek jang kaloe-kaloe marika, itoe dapet taoe dari ke-ada-annja di poelo Taij Lam serta berdjandji maoe kasi persent pada marika itoe, jang asal sadja bole kasi oendjoek djalan dan tjara begimana misti poekoel di bilangan Taij Lam,— maka disitoe ada satoe jang menjaoet: „dengen segala soeka hati kita orang bisa
»kasi oendjoek djalan aken menjerang ke Taij Lam
»asal sadja maoe di pertjaja.”
Maka disitoe Djendral orang Japan liat begitoe dja-
