— 70 —
sana kemari kalangkaboetan, dan ada djoega bebrapa orang Japan jang soeda bisa lari sampe di loear poelo Taij Pak aken mengadoe hal pada Djendral Japan jang ada disitoe.
FATSAL XVIII.
Perang jang ka-toedjoeblas.
Sasoenggoenja kaloe di liat jang Djendral Lauw orangnja ada banjak meliwatin moeda, aken tetapi hatinja sentiasa ada keras sekali serta ber'otak tadjem, kerna segala tipoe jang dia soeda djalanken belon taoe djadi gagal, bole di bilang apa djoega jang nanti djadi di blakang seperti dia soeda ketahoei lebi doeloe, seperti tempo di fatsal VII, perang jang ka-anem, tentoe pembatja masi inget bahoewa Djendral Lauw soeda pake itoe tipoe jang begitoe haloes, djangan kata sebla fihak moesoe bisa dapet taoe, sahingga orang-orang ketjil jang ada disitoe tiada bisa doega apa tipoe jang Djendral Lauw maoe pake, sedeng Djendral Lauw soeda dapet oewang dari moesoe, dan bebrapa panglima dari moesoe soeda kasi Djendral Lauw kena iket, dan bala tentara Japan moesna sama sekali, komedian kita baroe dapet kabar lagi, jang satoe dari itoe panglima Japan ada saorang panglima tjina soeda menaloek pada Japan serta djadi panglima pada orang Japan, ja-itoe saorang she Teng, nama I Teng berpangkat Koen Boen, jang sampe sekarang ini masi ada di dalem pembelokan bendera item.
Komedian kita dapet kabar lagi sentiasa Djendral
